我愛慢煮 (普慶坊) (已結業)

平時一向好少喺上環食飯，因為呢排喺附近實習，所以就決定發掘一下呢度嘅美食，係OpenRice見到呢間餐廳嘅評價都唔錯，所以就決定去試吓！呢間餐廳唔係係啲鬧市入面，平時如果唔係專登上網搵都好難發現到🙈一去到就見到有份menu係檯面，呢到係自己出去落單再等店員送黎既～我地本身仲諗緊點解舉左手咁耐都無人過黎幫我地落order😂😂😂我哋叫咗兩杯嘢飲，一杯係檸檬青檸特飲，令一杯係薄荷青檸特飲，覺得檸檬青檸個杯酸酸甜甜味道幾好， 而薄荷青檸果本就青檸味比較重啲～呢份日式蛋黃醬煙三文魚薄餅，只係30幾蚊就有三件，而且都OK飽肚㗎！三文魚都幾大塊，鋪上塊pizza到都唔會話食兩啖就得返啲包，真係性價比好高！煙肉芝士薯條🍟芝士味好濃郁，面且底下都仲有啲芝士，絕對唔驚得面頭果層有芝士味～呢餐既主角一定係呢份安格斯牛肉眼！佢既肉質好淋，而且脂肪比例都唔算多，一流！最後一個brownie作結，甜度適中，賣相都唔錯！

新年期間，食左好多好野，為左忍口，所以一直都無認真發掘新餐廳。終於….今個星期五解放啦~~!! 搵到上環有間新開既慢煮小店，於是相約朋友去試下。之前打電話黎，職員話一定要BOOK枱，但餐廳位置較靜，而且唔係好起眼，我同朋友6:30黎到成為第一枱客人。不過，到左7:30左右，餐廳已經8成滿，期間更有客人因無BOOK枱而摸門釘，所以想黎既朋友要注意啦。餐廳名為《我愛慢煮》，顧名思意其慢煮食物理應最為出色，當中唔少食客都推薦牛面肉同豬鞍。由於自己會慢煮豬鞍，所以今次無唔特登試佢。慢煮36紐西蘭牛面肉 (10安士) $148由於整作時間頗長，以「天」作單位，所以慢煮食物價格一直都唔平，但完全無諗過呢個份量十足既牛面肉只售$148，份量已經超值!!牛面肉除左表面果層焗到乾身而變硬之外，入面既肉連筋位都煮到好淋，一D都唔痴牙。肉質雖然唔錯，但個汁杰得黎帶點苦，加上牛面肉牛味唔夠濃，師傅又無加調味料提味，食落個醬汁味太濃，食多幾件就好漏。配菜就揀左個坊間少見既芋頭蓉 $15而家係芋頭當造期，意思芋味較濃、芋頭較粉；呢度既芋蓉芋味算香，但餐廳為左增添口感而加入既芋頭粒，質素就唔夠靚、唔夠粉、硬身左D。

係上環接完朋友放工唔知有咩好食？不妨行多兩步去到接近半山既我愛慢煮試試🍴裝潢走西式型格路線 自助設計 落單時俾埋錢就最方便🙈話明我愛慢煮又點可以唔叫慢煮牛🐮 我地叫左西冷 大大塊絕不欺場😳 牛味十足 啖啖肉滿足感我俾100分😚❣️大力推介呢度既卡邦尼意粉 用料份量十足都只係數十元😳 最鐘意佢夠cheese夠creamy 卡邦尼迷必點！😛叫完意粉又點可以唔叫下小食😳 呢個小食拼盤就一次過滿足我幾個願望 有齊炸蠔 炸蝦 炸魚 薯條 同雞翼 新鮮炸起熱辣辣都咪話唔正🤤 三個人share就岩岩好✅

朋友話上環有一間以慢煮為主的西餐廳，主打各類慢煮菜式。餐廳位於上環普慶坊18號地下。裝修很有特色，而且還有閣樓。牛油炒蘆筍苗及牛油炒野菌，蘆筍苗鮮嫩翠綠，加上牛油味香濃。慢煮36小時牛面肉，有口感，肉質軟腍，牛筋膠質豐富，而且有很香的紅酒味。加拿大法式豬鞍架，非常嫩滑多汁。鹹蛋黃醬炸雞槌，有拳頭般大，鋪上一層蛋黃醬，雞件炸得鬆脆入味，肉質嫩滑。日式蛋黃醬粟米煙三文魚薄餅，外皮脆卜卜，三文魚配上蛋黃醬，非常美味。野菌菠菜薄餅，集菌香、芝士香及薄餅香於一身。焗卡邦尼意粉，蛋黃及芝士的味道恰到好處。白酒慢煮焦糖菠蘿配意大利雪糕，菠蘿鮮甜多汁，配上白酒、焦糖，意大利雪糕甜度適中，冷熱交融，十分美味。肉桂紅酒慢煮梨配意大利雪糕，梨子柔軟，喝飽紅酒，啖啖酒香與肉桂香，味道互相輝影。濃縮咖啡，咖啡香濃，荔枝接骨木花特飲，味道清新，芒果蜜桃水果茶，酸酸地非常開胃。

同男朋友行完PMQ就係西營盤行左陣，發現左呢間小店。睇落幾吸引，仲有唔少外國人幫襯，我同男朋友就係到食了個午餐。慢煮菜式好吸引！最特別係呢款慢煮36小時牛面肉，聽到個名就即刻忍唔住想試下。我地第一次食牛面肉，開頭唔知道味道如何，但食落就有幾分似牛舌的感覺，肉質厚嫩，咬感好正。最重要係經過慢煮煮法，個肉非常入味，值得推介！我地仲叫左個焗白汁煙三文魚意粉。個意粉賣相特別精美，將三文魚卷住放係中間，好似朵花咁。整體焗嘅啱啱好，食落好夠火喉好香，仲有咁少磨菇添。另外，我地叫左一個咸蛋黃由醬吉列蝦。6串蝦炸得好金黃，蝦肉都好厚身，配上咸蛋黃醬感覺又香又脆，作為小食真係一流！仲有芒果蜜桃水果茶和檸檬薑茶整體好滿意！好少黎西營盤，竟然行行下都俾我搵到間正野下次會再黎。

放工約左朋友在附近，行行下搵到間小店，入到去人唔多，waitress好好人咁比我坐張大台。餐牌上選擇都唔算少，本身以為小店會好少款揀。我地叫左兩杯野，一份小食，一個意粉，一份扒。首先上左飲品，店員好貼心咁叫我地等啲茶泡夠10分鐘先飲，仲比左兩個杯我地，好細心。 芒果蜜桃水果茶好好飲，唔太甜個底仲有新鮮水果。三文魚意粉意粉個樣好靚，上面好多菇，味道還可以。開頭諗住個咸蛋黃雞膇係雞翼個啲size, 黎到原來係雞脾咁既size, 我地都嘩左一聲！上台時熱辣辣個皮又炸得好脆，不過咸蛋味可以再濃味啲。最後上埋個豬鞍扒配蘆筍，個豬扒剛剛熟，好淋，比想像中好味。呢間小店食物好味有驚喜，店員又非常細心，會再來幫襯！

平日極少到香島區覓食，因為又遠，價錢又比市區貴呢日就同個澳洲同學出黎食飯，佢就住係上環上次佢同朋友食過呢間覺得又抵又好食，咁就帶左我黎如果唔係有地膽帶路，都好難搵到呢間餐廳啊呢度裝修都幾特別，就黎情人節，同情人黎撐腳枱腳絕對唔肉赤！餐廳名叫我愛慢煮，顧名思義主打慢煮牛肉！黎到就上openrice睇下其他人有咩推介，就諗住叫個慢煮牛面肉，點知賣哂最後我地叫左個日式蛋黃醬粟米煙三文魚薄餅，咸蛋黃醬炸雞鎚，美國黑安格斯牛肉眼（12oz）配露荀，同加拿大法式豬鞍架（8oz）首先登場既係三文魚pizza，以＄38既價錢黎講既性價比真係勁高，有幾塊大大塊既三文魚，d配料差唔多鋪滿整個pizza熱辣辣芝士仲有拉絲味道非常好，pizza底仲要脆卜卜，冇得輸跟住輪到咸蛋黃炸雞鎚，本來係雞脾下鎚，但店員話雞脾賣哂，只能換6支小雞鎚雞鎚炸得金黃香口，咬落仲有肉汁，不過咸蛋黃味唔重，同埋小雞鎚比大雞鎚（脾）肉質差，有點失望之後就到肉眼扒，由於係慢煮既關係，冇得揀幾成熟牛扒賣相唔錯，睇落大大塊，煎得好靚不過扒身較薄，我個人鐘意厚身既既加＄38既露荀我就唔岩食，因為我唔鐘意陣草青味，但朋友覺得好食最後就到個豬鞍架

朋友特別偏愛慢煮既食物，話慢煮最能保持肉質嫩滑。最近知道上環有一間新開既餐廳 <我愛慢煮>，所以約佢黎試下。餐廳唔算大，裝修簡約。員工唔多，所以落單要自己出去收銀處，而餐具同調味料都係自己出去拎。墨西哥辣栗米薄餅 $38 - 一份可分到3小件，味道一流。食落味蕾會感受到有輕微麻辣既感覺，再加上栗米既香甜及遇熱溶晒既芝士，非常惹味。慢煮36小時紐西蘭牛面肉 $148 - 第一次食厚身既牛面肉，肉味夠但根部位置比較多，肉質有韌度，鍾意有咬口既朋友可以一試。咸蛋黃醬炸雞鎚 $48 - 推介之一，咸蛋黃醬味道適中，不太咸但仍然會食到咸蛋黃醬既香味。 雞鎚肉質鮮嫩，咬落去好多肉汁，眼見每一枱客人都有order，就知好野啦。法式油封鴨腿 $98 - 一份有兩隻大小一樣既鴨腿，表面睇落油份唔多，但原來驚喜喺裡面。法式油封煮法非常適合，用叉輕輕一拉鴨肉已經離骨，非常鮮嫩既肉質，味道帶咸味，不用加醬汁就已經令我讚不絕口。(本來想試法式豬鞍架，但已無晒。搶手推介，而鴨腿當晚我order時已經係最後一份，非常珍貴。)肉桂紅酒慢煮梨配意大利雪糕 $48 - 一上枱就聽到周邊好多食客問咩黎架，因

坐落在這個安靜時尚的角落，未想過這個小小的neighbourhood餐廳會有這麼好的食物。這個地區無疑已成為上環的潮人蒲點。我一直是慢煮的忠實粉絲，這個地方沒有讓我失望。經過一整天的工作後，我order了一份沙朗牛排，沙律和一杯啤酒簡直係一個一流的選擇。沙拉菜非常新鮮的，size也很慷慨。沙律的汁帶有一點水果味和酸味，非常搭配，好味開胃！牛排，完美的sous vide，整個是粉紅色的，但不用擔心，已經是煮熟的了。經過精心調製的那種辛辣味道以一種非常微妙的方式傳來。廚師在上菜前還使用迷迭香和牛油去添加了另一層的味道。涼爽的地方，有很多豐盛的食物，肯定會回來嘗試菜單上的其他食物！

前排托朋友整咗啲野，事後要請食飯，於是相約咗食呢間「我愛慢煮」，由於位置係上環同西營盤中間，個人建議係西營盤過去會容易更多。剛到門口係大大幅牆身畫，相當有性格同品味，岩哂鐘意自拍嘅朋友留個倩影。入內隨即搵個位就座，決定好柯打嘅食物後，需走到廚房前收銀處即時付款落單。我地少少地叫咗幾款小食同飲品，最先到嘅係柚子菠菜沙律同飲品，分別有熱情水果特飲同荔枝接骨木花特飲。每次預咗大飲大食，都會揀啲比較酸甜、清清地嘅飲品，個人覺得又解渴解溜，非常合適。接住到嘅係小食拼盤同咸蛋黃醬吉列蝦。小食拼盤內裡有幾款小食：雞翼、芝士條、炸魚、粟米、蕃薯薯條。選擇拼盤對第一次光臨嘅人泥講，其實係唔錯嘅選擇，一次過試勻幾款就知道邊種好食。整體我覺得七味一字雞翼味道唔錯，好食在於夠熱且肉嫩之餘，調味有啲似曾相識，少少辣，食好多隻都唔會厭。其次粟米本身夠甜多汁，另外加咗少少千島醬汁，食落別有一番風味。而其餘炸魚、薯條等等都係正常水準，即叫即整夠熱好食。至於吉列蝦一碟有六隻，吉列嘅技術穩定，炸蝦唔會老；外皮十分酥脆，味道帶少許咸蛋黃醬味，吉列蝦同咸蛋黃醬相當夾，不錯。之後到嘅係慢煮36小時紐西蘭牛面肉，齋賣相已經令人垂

早幾日，到西營盤一帶搵地方食晚餐，見到有間餐廳設計好特別，剛剛放工後又肚餓我同朋友行到去餐廳前面，知道有不同的慢煮肉食，就直接入去！餐廳夠晒清靜，是間非常適合情侶光顧的餐廳，亦都好岩我地三五知己聚埋一齊邊傾邊食。搵到位坐低，侍應即刻行過黎，以招牌既笑容，親切地招呼我們。同時亦介紹店內的幾款慢煮肉食，當然必試慢煮安格斯牛。上菜時，忍唔住手機食先，見到塊牛好靚， 一睇就知juicy，果然，味道好濃，肉汁豐富，一個字，贊！我地亦都order 左款小食拼盤，有炸魚，炸雞同炸蕃薯條🍟，份量唔小，而且炸蕃薯味道鮮甜，配上特製嘅醬汁，食到唔停手。好想再叫😋仲order左兩款飽肚食物 卡邦尼意粉同pizza兩款都好足料 pizza 香脆可口個甜品🍮都好味 有滑滑雪糕配可可粉一齊食仲每人叫左杯特飲邊飲邊傾計。有荔枝梳打，薑味梳打等等。所有食物不論賣相同味道都超班，食物水準很高，整體而言餐廳食物有水準，亦係西營盤一帶難得一間價錢相宜環境悠閒嘅西餐廳。

雜莓比利時窩夫配意大利雪糕 $42賣相加分很多，但味道沒有太突出，雪糕吃得出是雀巢牌子的雪糕，窩夫是即弄的，尚算脆，整餐最好吃是這個。慢煮烤豬仔骨4支 $98沒有任何伴菜，真的只有4支烤豬仔骨，肉質算嫩滑軟腍，骨肉分離，燒烤汁味道不夠。焗白汁煙三文魚意粉 $88味道略淡，白汁味道不夠，三文魚份量也不多，意粉表面焗得有點乾，整個意粉沒有什麼味道。柚子菠菜沙律 $48難食，沒有味道，沒有什何醬汁及沙律醬作調味。

兩人去食晚餐叫左一份豬鞍架，一份小食拼盤，一客薯蓉小食拼盤最先到，七味雞翼最好食！個辣味好惹味令人好想瘋狂食！其他炸物就一般，薯條唔算咸，炸蠔+炸魚略嫌好似唔夠熟，炸蝦一般之後豬鞍架+薯蓉一齊到香草薯蓉，我嫌香草味太濃導致偏酸，我個人唔太喜歡，如果香草控可能會鐘意豬鞍架就好食！慢煮的效果果然唔錯，肉質好林，幾好，而且佢個調味唔會好濃味，係偏淡的一種，我個人係唔中意濃味食物，呢個豬鞍架我好鍾意而且豬鞍架本身有少少肥，所以入口更香，個豬鞍架實在幾好食係會吸引我再反黎食，而且唔貴，$98一份。夜晚唔算排長龍，但都坐滿，周圍都好好環境唔會好迫總結：豬鞍架+雞翼係好食會想再食！其他就一般

專誠來到上環近太平山一帶搵食，順手借 OPENRICE APP 來覓食，這區有質素的餐廳也不小, 從中挑選了非 CAFÉ 類型。 [［我愛慢煮]  是一間典至西餐廳地方不大, 一邊是廚房加收銀， 一半是高枱, 另有小量長枱。 但我看到餐廳有一樓， 無行上去睇， 大約有五、六張枱。 老實講高枱坐得唔太舒服，都幾迫。 請留意這裡有點奇怪， 食物是自行出去點先付款的，之後由服務員奉上食物，餐具也是自取的 。坐二差不多25 分鐘， 只上了一杯飲品，看到隔離幾張枱遲過我們點菜 ，食物已經上了一大半 ，之後忍不住出去問， 佢無正面答我， 我估係 漏單 。。。。。。 真心嬲!  再等多十分鐘食身物開始送上 ,  食物種類充滿異國風味，先有 $48皮脆， 似韓式炸雞， 夠香辣、惹味。  $88下了很多濃芝士， 近乎可以拉絲， 配上蘑菌， 口感好RICH 。  很期待的菜式終於上枱 $148份量的確不小， 以濃汁燴牛面肉，牛面肉無疑是相當軟淋，但不入味， 感覺是肉還肉， 汁還汁一樣， 醬汁很香但質感過稠，整體不夠熱，很失望，希望餐廳加以改進。 而全晚最令人驚喜是 $38其實只是燒栗米, 但加了酸忌

呢間位於上環，主打慢煮嘅餐廳命名簡單直接，就叫我愛慢煮，價格夠親民之餘，仲要免加一添！但唔好以為免加一就等於店員無服務呀，雖然呢度同快餐店一樣要自己買飛，但買完飛之後，店員就會送上餐具同為你送上食物。不過，因為慢煮，所以趕時間嘅朋友就要留意，今日我哋就等咗40分鐘先食到喇。小食拼盤小食拼盤炸到金黃色，有炸魚、吉列蠔、炸雞搥、炸蝦同薯條，份量豐富，好好味！焗肉醬意粉肉醬意粉當然唔少得芝士同肉醬啦，份量啱啱夠撈成個意粉，面層的意粉較乾身，但整體味道唔錯。12安士安格斯牛肉眼份量唔小，仲要好厚肉！牛扒即叫即煮，而因為用慢煮方法，雖然無得揀牛扒嘅生熟程度，但牛肉仍保持鮮嫩，夠軟腍。而且喺慢煮過程，牛肉完全入晒味。不過，牛扒有一層肥膏，同無伴菜，如果可以改善吓就更好。凍檸茶凍檸茶嘅茶味較淡喇。