我愛慢煮 (普慶坊) (已結業)

最近朋友都熱愛慢煮既食品，隨手一找就找到這間The Hangout Corner。雖然曾經係西營盤上班，但冇留意呢間位於普慶坊既這間餐廳~這間餐廳面積挺細，但很骨子，而且很有外國餐廳既感覺，令人有種很chill既感覺，雖不是星期五晚，但有tgif既心情~ 今日點了三個主食，一份小食拼盤及兩杯飲品。焗卡邦尼意粉既配料很足!!最愛半生熟既蛋😍 而且意粉可以拉絲架!日式蛋醬粟米煙三文魚薄餅雖然細細份，但好足料 ，而且蛋醬配芝士都好好味! 值得一試!主角黎喇! 美式醬烤豬仔骨既醬汁超好味🤤 4支骨唔算多，但夠食! 雖然豬仔骨有少少靭，但誠意推介!小食拼盤有雞翼，吉列蠔，吉列蝦各兩隻，薯條多，炸魚就一件~雞翼最好味，有少少辣!荔枝接骨木花特飲係荔枝愛好者必點!!!😍 有兩三粒完整既荔枝肉!讚!!澳洲檸檬青檸特飲既青檸比較清新，邊飲邊食小食好配😋

愛食的我今日去了上環搵食，經過5分鐘路程見到門口有左邊老虎🐯標誌，氣勢如虹。右邊係龍好有心意的小店。店內分2層。星期六午餐都已經有7成客。點了慢煮36小時紐西蘭牛面肉。份量大。148蚊價錢合理。哎了一口。肉身好淋。有肉味。汁料內有紅酒🍷香味。跟牛面肉非常配合。值得一試小食拼盤。有薯條。炸魚，吉列蝦。炸蠔。薯條係即炸，香口。蠔就比較細。但味道鮮味。吉列蝦大大隻有水準。牛油露荀。牛油味香。露荀新鮮。很爽。很快就清朱古力布朗雪糕。朱古力味內有杏仁碎。不太甜。配合雪糕一流，我覺得有回味感覺。難忘

我愛慢煮喺上環荷里活道附近，沿普仁街上，行多幾級樓梯就到。門面比較隱蔽，見到青龍白虎圖案嘅話，代表冇去錯地方。新開張的關係，暫時未有得賣酒住。此店不收加一的，價錢真的很相宜。黑松露蕃薯條 $48金黃幼身的蕃薯條，配黑松露醬&沙律醬。蕃薯條味道不錯，甘甜可口，與黑松露及沙律醬也很配。如果蕃薯條可以厚切就好喇，冇咁軟身，點醬更輕易。慢煮36小時紐西蘭牛面肉 $148先把牛面肉慢煮36小時，然後切片加入醬汁再焗製。牛面厚切，啖啖肉，肉味濃郁！澳洲羊T骨 $138牛油炒露筍苗 $38流心溫泉蛋 $15因為上一個Main原盤丟入焗爐後再直接上菜，所以啲Sides去哂碟羊扒度！露筍選最幼嫩的，完全冇渣，用牛油沙仲幾惹味添！溫泉蛋又香又濃郁，只收十五蚊真係冇得輸！羊扒就比想像中生咗啲，而且咁啱係勁多筋嘅部位，勁有𡁻頭，而且羊膻味濃郁，鍾意raw d嘅就啱晒！

終於終於有時間可以跟男友到大館拍拖了! 瘋狂拍了一張又一張照片, 終於覺得有點餓, 要醫醫肚!大館位於中環和上環中間, 考慮到性價比問題, 所以決定沿上環方向走!沿途最吸引我的就是我愛慢煮, 環境不錯, 價錢中等, 不會太貴~但就要勞煩大家動動, 因為是自助點餐的!小食拼盤《$98》※ 推薦指數: 5/5見小食拼盤有雞翼, 吉列蝦, 蠔, 炸魚和薯條, 所以點了一個!但很可惜當日沒有炸魚, 所以多給了點雞翼多款入面最好食是雞翼, 有KFC的味道但比KFC更好味!而吉列系列都不錯但粉厚了點~ 薯條則是粗薯條牛油炒野菌《$48》※ 推薦指數: 4/5份量適中但味道就單調了點! 牛油味香濃, 如果加點香草和乾一點會更好!流心溫泉蛋《$15》※ 推薦指數: 4/5超愛蛋的我都覺得太單調, 自行加點鹽會更好! 但值得一讚是, 熟度處理得不錯~慢煮36小時紐西蘭牛面肉《$148》※ 推薦指數: 5/5超值! 必點和朋友一起share~大大份, 一個人應該難以食光!牛面肉比其他部位更爽口更騷, 其實有點似牛舌, 不過是肉的質感~比利時杏脯水果啤《$38》※ 推薦指數: 5/5偏女生口味, 酸酸的,

今日走咗去上環個邊逛行, 呢度比起以前真係變咗好多, 越黎越多有型小店同cafe, 又到lunch time 行過普慶坊被水泥牆上嘅龍虎壁畫所吸引, 於是望望門外餐牌, 以西式食物為主, 都好一於去試下。餐廳內位置唔算多, 由於普慶坊人流唔太多, 所以我同朋友都唔使等位。一入到去見到有個open kitchen 同一個小閣樓, 樓底高, 幾舒服😊係餐牌揀好食物再去cashier 落單, 之後食物會送到枱上。澳洲檸檬青檸特飲、荔枝接骨木花特飲兩杯味道清清, 配濃味食物可以平衡下冇咁耐滯。卡邦尼意粉 - 配咗隻溫泉蛋, 又好夾喎, like👍🏻鹹蛋王吉列蝦 - 超鬆脆又唔油鹹蛋味可以再重多DD。黑松露蕃薯條 - 特製沙律醬混入黑松露, 用黎點甜甜嘅薯薯條, 好食到停唔到口😋芝士四川雞肉薄餅 - 初時以為會好辣, 但為咗唔會搶走芝士嘅味, 最終辣味較少, 但都好惹味, 唔錯。柚子菠菜沙律 -菠菜柚子同蕃茄仔混合橄欖油, 味道淸新。係度食下傾下, 唔經唔覺食咗差不多兩個鐘, 地方舒服係唔同D😄

fd新介紹上環cafe 慢煮用較上等食材主打慢煮肉 與慢煮工業屬同老闆🤩價錢親民又好吃的慢煮餐廳老闆話餐廳采用外國快餐形式 店內裝潢似文青咖啡店☺️🔹# 36小時牛面脥肉   $150牛面脥肉經36小時 紅酒汁燜煮 後肉質軟腍 牛筋位置多 豐富骨膠原聞下有很香的紅酒味。Pancakes with wild berries-主打慢煮肉食 但都有甜品😛🔹#Sous ide Red Wine Pear and Gelato ————————————————🔹#加拿大法式豬鞍 8oz $98豬鞍慢煮4個小時肉質軟嫩有肉汁🔹#椰子水青檸薄荷特飲 🔹#熱芒果水果茶 ————————————————  💡 The Hangout Corner 我愛慢煮           上環普慶坊18號地下G2號舖  ————————————————  

剛在荷里活公園附近覓食，走到普慶坊被兩幅壁畫吸引咗，原來是一間餐廳的外牆，這就進去食吧！店舖不是很大，被安排坐到小閣樓位置。此店是半自助式的，先選好食物便到cashier落order, 侍應容後會送上！餐具及調味料需到此自取餐廳主打慢煮，當然要試試慢煮菜。頭盤柚子菠菜沙律 ，酸酸甜甜好開胃加點配菜香草薯蓉 $15及流心溫泉蛋 $15🔸慢煮36小時紐西蘭牛面肉（10oz) 香噴噴的肉味撲鼻而來，厚切嘅肉質軟得來有咬口，感覺有點似紅酒燴牛肉。🍗法式油封鴨腿2隻 這是傳統法國菜，油封鴨腿絕不油膩，肉質柔軟而結實還有淡淡的鴨香味。此價錢食到真係超值👍🏻🌼茘枝接骨木花特飲 接骨木🌼是什麼？好奇心驅使下點一杯啦！用上荔枝陪襯，清新帶香甜味，享餐後飲用簡直絶配👍🏻西柚青檸特飲 $38

星期日行經上環，被店舖外的青龍白虎裝修吸引，決定一試這慢煮的小店😋.前後一共點了一個前菜、兩個主食、兩杯特飲和一客雪糕甜品1.美式醬烤豬仔骨🥩2.柚子菠菜沙律🥗3.焗白汁煙三文魚意粉🍝4.鮮奶咖啡☕️&青檸薄荷特飲5.雜莓比利時窩夫配意大利雪糕🍦.顧名思義豬仔骨以慢煮的方式烹調，能把豬仔骨的肉汁鎖住，鮮嫩程度剛剛好值得一試.白汁三文魚意粉有加入蘑菇調味，整體味道不錯，加上三文魚整成的玫瑰花點綴，令賣相更吸引🌹.最後評窩夫甜品，窩夫少甜但配上士多啤梨和藍莓等的新鮮水果， 可以中和偏甜的味道。.整體而言，餐廳價格優惠，環境頗有特色，屬於抵食之選。

媽咪食過朋友比佢既涼果表示好正, 所以襯我放假就捉埋我依個衰女去上環買!目標完成就冇野好做, 同未食野都有D餓, 所以諗住係附近拉下野食啦, 點知比想像中荒蕪, 冇野野岩食!唯有上網搵下, 見到有間野叫我愛慢煮, 媽咪話不如試下依間~跟住google map大神終於搵到間野, 比想像中靚呢服務方面唔講, 因為係自助的, 所以比中間既3分, 而食物就真係幾唔錯, 有5分!1. 柚子菠菜沙律 ($48): 大大份, 味道唔錯, 好清, 菜又唔苦2. 澳洲羊T骨 ($138): 羊騷味好濃, 鍾意騷味既我覺得勁正! 肉都夠腍, 但未算最腍, 唔錯! 但有D難進食~因為有D肉唔太離骨!3. 加拿大法式豬鞍架 ($98): 8OZ超大塊, 但我真心覺得佢同羊T骨都有同一個問題: 冇配菜! 其實加幾粒粟米同西蘭花, 感覺都冇咁單調! 但味道就同羊T骨一樣咁正~4. 青檸薑啤特飲 ($38): 青檸加薑啤原來好夾嫁!!!要返屋企整黎飲下~

雖然慢煮菜早已並非新鮮事，但畢竟所花時間甚長，尤其在講求效率的香港始終難以普及起來，若非自己下廚，要外出品嚐慢煮菜的選擇實在不多，而價格亦大都比較昂貴；這間名為「我愛慢煮」的餐廳毋庸置疑是主打慢煮菜，事前在網上參考過餐牌價格卻竟出奇地相宜。其實慢煮菜式並不算太多，特別在於部分甜品如白酒菠蘿亦有用上慢煮方式烹調，另外亦有供應薄餅、意粉及炸物等。客人需要自行到收銀處點餐，然後待店員送上餐點，而餐具及調味料亦需自取。柚子菠菜沙律 ($48)菠菜及沙律菜加上了橄欖油和柚子肉。鹹蛋黃醬吉列蝦 ($48)吉列蝦炸得香脆之餘外皮亦不會厚粉累累，裹上鹹蛋黃醬更添鹹香。慢煮36小時紐西蘭牛面肉 ($148)10安士牛面肉肉質有如牛腱一樣厚實，韌性較高與想像中慢煮肉軟腍的形象有所出入，細嚼之下肉味更顯濃厚，可惜對朋友而言質感太韌也只好交由我清光了。加拿大法式豬鞍架 ($98)肉類當中豬肉一直是我的次選，因為其乾韌的印象總是難以磨滅，但這份豬鞍架肥瘦均稱帶適量脂肪，肉質結實細緻又不失彈性，鮮嫩之餘肉汁豐沛，絕對會令人對豬肉另眼相看。芋頭蓉 ($15) 德國酸椰菜 ($15)配菜可以自由選擇加配，除了常見的薯

💁🏻‍♀️我愛慢煮 (上環)🍴-好耐冇見大學同學，於是特登約左系大學附近懷緬吓🤤🤤今次呢間cafe系樓梯街附近，門口已經有好有特色嘅street art，睇落幾chill🤗.黑松露蕃薯🍠條（$48）唔估到系上環來講，呢間餐廳🍴小食嘅價錢都算抵，$50唔洗，有大大兜蕃薯🍠條，炸到好金黃但又唔太油膩，仲要包大大罐黑松露蛋黃醬，食完成兜已經好飽🤣.美國黑安格斯牛肉眼（$188）呢間餐廳🍴即叫即煎，上碟大大塊肉，岩曬食肉獸🤪煎得幾香，同埋調味唔重手，食到牛嘅鮮味，底下仲有啲露荀添，可以中和吓牛肉嘅膩朱古力布朗尼蛋糕🍰配意大利雪糕🍦（$42）食到香濃嘅朱古力味，好滿足，已經擺碟好靚，攞來影照騙一流😆仲有雪糕都好香濃啊，係雲呢拿味紅莓🍓茶（$24）好濃烈嘅莓味，非常清新，飲落好舒服😌-📍我愛慢煮 (上環)#上環 普慶坊18號地下G2號舖

專登走上嚟呢度食lunch，門口對青龍白虎好有氣勢，唔講真係唔知呢度係餐廳！入面文化磚再加個 '義薄雲天' 嘅霓虹燈，中西合璧，正！8Oz澳洲安格斯牛西冷 ($138)切落唔會好韌，不過有咬口感，牛味都幾濃郁，$138嘅質素已經好好啦！流心溫泉蛋 ($15)唔記得影相，但好有流心效果，蛋黃味香濃野菌菠菜薄餅 ($38)薄餅係長方形，上面鋪滿芝士及雜菌，芝士份量係極度慷慨，仲要有超級拉絲效果！薄餅鬆脆，$38超級抵食！鮮雜莓比利時窩夫配意大利雪糕 ($42)有份量嘅窩夫，3個疊高後再加雪糕喺頂，非常有氣勢！窩夫外脆內軟，不過有一塊就燶咗少少，否則就完美嘞！店員好有禮貌，大廚仲喺我食完之後走出嚟傾吓計。有heart環境又特別嘅地方，值得一試！

放假既brunch黎左呢度食慢煮既肉類。我地揀左美國黑安格斯牛肉眼(12安士)$188同加拿大法式豬鞍架(8安士)$98。先講牛扒先，肉質軟諗，好juicy ！！好味呀😋.豬鞍都唔錯，肉質幾爽口。兩塊肉既味道都較淡，同埋配少少薯菜/薯條會更滿足🤣.柚子菠菜沙律 $48好fresh，味道輕盈，係健康之選👍🏻.芋頭蓉 $15係好堅既芋頭蓉，一啖啖咁食感覺好正！芋頭控唔好錯過了。.Latte $35咖啡就一般般。

有次去朋友屋企見到佢部慢煮機, 整出黎嘅肉係好味好多, 心思思想再食呢, 咁啱睇到新假期有po, 趁個fd送左佢仔返學就過黎上環試下li間先, 好斜呀條路, 但地點夠穩世我鐘意👍🏻.•慢煮36小時紐西蘭牛面肉 (HKD148)特地來吃sous vide, 平時比較少接觸牛面肉不如一試, 件件厚切嘅牛面肉俾濃厚gravy輕輕蓋住, 咬落有點似腍啲嘅牛𦟌, 以慢煮嘅方法將豐富嘅牛肉味完全保留, 而且食得出唔係雪藏嘅貨色呢! 女仔食li款牛最好不過, 因為佢肉與肉之間勁多Collagen, 來自紐西蘭嘅牛肉望落雖然唔係超juicy, 但食落口感卻出奇地嫩, 10安士for兩個人差d食唔唒呢!•牛油炒露筍苗 (HKD38)長而幼身嘅露筍苗勁鮮嫩, 牛油味香❤️, 食到停唔到口!•日式蛋黃醬粟米煙三文魚薄餅 (HKD38)Li個pizza原來係俾巨多配料淹沒嘅多士, 拉絲芝士, 大量粟米粒, 仲舖滿厚厚煙三文魚, Very GOOD 2至3人開心share.•朱古力布朗尼蛋糕配意大利🇮🇹雪糕🍦 (HKD42)Brownie香濃朱古力加上細密嘅口感, 單獨食有點heavy, 加埋雪糕🍦一齊食就per

上環這條文青商店集中的普慶坊充滿著驚喜，除了小品咖啡館還有很多西餐廳，本以為價錢都會偏貴，竟然讓我發現了這間我愛慢煮又平又正！芝士四川雞肉薄餅的芝士很多很濃郁，不過原來不是麻辣味道的，反而不像想像中的四川感覺，餅底很脆。小食拼盤是包含了各種炸物，雖然很熱氣，但不得不讚炸魚和吉烈蠔，中間還保留濕潤的感覺，而外皮香脆金黃色。焗白汁煙三文魚意粉很足料！這個白汁很香濃開胃，奶油十足，配合香菇和洋蔥碎一流，而且價錢真是算很抵吃。加拿大法式豬鞍架肉汁極多，肉質鮮美，口感細膩，就是慢煮取勝的地方，香料味不重，完全呈現原汁原味！食物真是很出色，沒有加一，罕有慢煮豬扒$100以下！