我愛慢煮 (普慶坊) (已結業)

去完Pmq 做文青，就黎試下最好輕嘅慢煮🥰餐廳有啲難搵，但食物水平值得黎。黑松露番薯條🍟超驚喜，好好食！有菌菇味，蕃薯炸完變得勁加香甜。又係一個大熱-鹹蛋黃炸蝦🍤又係新鮮熱辣炸出嚟，鹹蛋味好夠，蝦嘅肉質都幾好唔梅。鹹蛋黃炸雞鎚-差唔多味，很juicy比得上韓或炸雞。但都係炸蝦好食啲。慢煮羊T骨🥰🥰🥰🥰咁多野入面最好食嘅，未食過啲咁淋嘅羊肉，好似唔洗用力，就好易切到出黎。肉質超好，生熟程度剛好，又有羊味。正！正！正慢煮肉眼扒要熱食先好食，冇羊肉咁好食。比利時窩夫配意大利雪糕🍦賣相好靚，窩夫係比較脆個種。Pizza -還好，救飽肚可叫。伏

餐廳位於上環一帶，都幾入下，系巷仔入面，要行好多級樓梯先去到。正所謂苦盡甘來，食物既質素都好啲😂🐏羊T骨係食過最好味既菜式！好有羊味，並唔係大陣羊膻味。烹調既手法令到羊保持juicy，鍾意食羊既人都會覺得佢超高質！肉眼系羊既驚豔相比之下，肉眼遜色得多。不過比起其他餐廳，宜間既肉煮得算優質。肉好容易据開，唯一既缺點係牛味唔重，未必係用靚牛煮。黑松露番薯條估計番薯條唔係買返黎炸個啲，係餐廳自己整既，因為有粗有幼。番薯條好甜，配上黑松露醬，又香又甜，好味道！咸蛋黃醬吉列蝦好重咸蛋黃味，蝦炸得好脆，好香口，不過食落有啲油。咸蛋黃醬雞宜個既咸蛋黃味冇蝦嗰個咁重，不過好juicy夠肉汁。芝士四川雞粒pizza冇乜特別，pizza皮幾乾下，如果求飽肚既可以叫。雜莓窩夫配gelato窩夫熱配上雪糕冰火融合咁。

今次係因為餐廳嘅鋪名嘅黎-我愛慢煮！完全俾慢煮嘅兩個字深深吸引，仲要係平民價錢，聽講仲好高質tim，所以拉埋朋友一齊黎試下。一睇餐牌，最貴嘅野食只係$239，pizza全部麵係$38咋，真係平到喊！喪食都唔怕傷銀包！一開始黎左飲品先，揀左mocktail唯一嘅熱飲-芒果蜜桃水果茶，以為應該一般冇咩驚喜，點知原來幾好飲渦！好甜好香又有果肉食，唔錯！柚子菠菜沙律，都幾fresh，不過柚子冇咩味道，如果有少少酸酸地會更好！七味一字雞翼，呢個好好食，好脆又唔會炸到好乾，又有啲辣味，我鍾意！芝士四川薄餅，同普通pizza唔同，脆口啲，似多士，都唔錯，芝士足料，可以拉絲。卡邦尼就算係唯一比較失望，因為一上檯嘅時候，見佢賣相係非常吸引，個蛋好正，撈埋蛋漿以為好香濃好juicy。到最後食落有少少油同乾，如果多啲醬汁就一定好正！！最後就慢煮牛面肉，好似好少地方可以食牛面肉，所以見到就即刻揀左，都幾幾味，冇肥膏，食落有好香嘅酒味，好特別，加少少鹽同胡椒更加惹味！推介大家可以黎試試平民價嘅慢煮食品，唔好錯過！

餐廳係半自助形式😁環境寧靜坐得舒服☺️雖然位置有啲偏辟 但食物質素令我地覺得行遠少少都係值嘅😇加拿大法式豬鞍架 (8安士)🐷 $98推薦大家黎到必叫嘅豬鞍架😍😍好厚肉 望落怕會好韌 點知口感好驚喜😋首先肥瘦均勻 內質好鮮嫩而且有濃郁嘅肉汁🤤食落一啲都唔韌 烹調時間岩岩好👍🏼我地仲左個牛油炒露荀苗🌿新鮮 減輕豬鞍架嘅油膩感😝呢個價錢食到呢質素 絕對係性價比高🤗黑松露蕃薯條🍟🍠 $48蕃薯條不嬲都係我嘅至愛😍今次都無令我失望👍🏼外層炸得乾脆 而入面熱辣辣蕃薯味濃🤤係會食唔停口嘅🤭

放工走到跟西營盤呢邊搵食，開咗一間食慢煮野。叫咗兩杯特飲一杯係荔枝梳打特飲我就叫一杯係接骨木特飲，味道都幾清香，唔會太甜要食大量嘅熱氣野同埋肉，所以食咗一個沙律打打底！沙律一啲都唔馬虎而且味道仲幾好都唔使$50幾抵食仲有埋個小食拼盤入邊有炸芝士條燒粟米單骨雞翼渣甜薯等等裝到盤滿鉢滿睇落去好吸引金黃色食落口香脆內院所有嘢都新鮮製作值得一讚個人比較鍾意呢個慢煮油鴨髀百幾蚊就兩大件有鴨髀，相當抵食！而且肉質嫩滑，非常之惹味咸到適中。如果有個白飯嘅話一定送多兩碗仲有呢一個慢煮豬安扒口到十足食落口肉質依然彈牙細滑如果表皮在香脆啲嘅話一定更加好吃

今天約了朋友食午餐，餐廳在內街，但不算太難找。設計簡潔，坐得都幾舒服。餐具要自取，而且要先去收銀點餐。餐廳有慢煮主食系列、沙律配菜、焗意粉、pizza、小食及甜品，而飲品種類頗多。法式油封鴨腿有兩隻，皮薄肉嫩，加配了芋頭蓉。焗肉醬意粉鋪滿厚厚的芝士，是芝士控最愛，不愛芝士的人士要留意。$38可享用野菌菠菜pizza ，都幾抵食。賣相及味道都令人垂涎欲滴。點了一壼熱茶配精美甜品，令我們渡過慢活的下午。

"普慶坊"這地方平常是不會去的吧，但是為了吃平民價的慢煮西餐，下班後我帶媽媽一起走斜路上去再多走幾級樓梯，就看到門口好新潮的目的地了！The hangout corner = 我愛慢煮。突然有個中式牌匾掛在上面，好型！除了我們坐的高桌，比較多人的話就可以坐下面的桌子。最貴的慢煮牛肋骨也只是238元，其他絕對是平民價！飲品那邊我很期待craft beer，看來有藉口再來呢野菌菠菜薄餅38元，小小一份可作一道小食，畢竟肉才是主食吧！批薄餅脆，除了野菌還有芝士，所以頗香口的。肉類我們點了牛、豬各一款。先來的是慢煮36小時紐西蘭牛面肉，148元的份量算多！深啡色的醬汁好濃稠，有如紅酒汁，有甘香的味道。每件肉都切得厚厚的，有牛肉香又有肉汁，煮得好軟身，非常容易咬開，加上醬汁吃味道更豐富呢！跟臉一樣大的加拿大豬鞍架，100元都不用啊，超抵食加了香料，上菜很香呢。肉是剛剛熟而已，還是呈粉紅色的。近有脂肪的部位會比較爽口，其他肉就嫩身。平常吃豬扒都是結實的肉，現在終於吃到嫩豬了！加了15元要了份香草薯蓉，把瓶子擠滿滿。他們的薯蓉就如直接壓出來，沒加好多忌廉之類的材料，口感實在，吃到粒粒薯肉。用的香草下

今日同另一半去搵下有咩好野食，佢唔知點解突然間想試下慢煮既味道，咁就比我搵到呢間特色慢煮食堂一入到間餐廳見到d枱椅都充滿住文青風格，係打卡之選打完卡之後就要叫野食, 佢地係要出去counter叫野食的, 所以最好諗好晒一次過落就慳到D時間啦冷熱水果荼, 不論冷熱水果味都突出七味一字雞翼, 炸得好香脆之餘又有肉汁, 辣味岩岩好日式蛋黃醬粟米煙三文魚薄餅重頭戲黎喇~~慢煮36小時紐西蘭牛面肉果然慢煮係唔同D既, 食落去同平時食開既牛肉好唔同, 有意外驚喜最後一個玉桂紅酒慢煮梨配雪糕平時紅酒煮梨食得多, 今次呢個慢煮梨又係另一番滋味果斷清晒下次一定要番黎試埋未試既慢煮系列!

朋友於上環工作，想找一間大家都近既餐廳食晚飯，同事介紹這間餐廳唔貴又可以慢慢享受。由地鐵站A1出口，行大概8分鐘就走上斜上去有少少氣喘，不過餐廳門外環境清幽，別樹一格，俾人一種好舒服既感覺。餐廳是用自助形式的，落單、拿餐具都是自行領取。我跟朋友都是食肉獸，嗌左三樣肉，一個小食及一客甜品。上餐速度都快，十分鐘陸陸續續都上菜了，慢煮36小時紐西蘭牛面肉（$148）襯熱食唔錯，邊位有筋肉，有牛味，感覺似牛展般彈牙，放涼左後食感覺似牛脷，有d乾，襯熱食好食d。美式醬烤豬仔骨（$98），外層個醬好野味，是bbq醬，肉質有咬感且不痴牙，而且很入味。咸蛋黃醬炸雞鎚（$48），有三大隻！好抵食！咸蛋黃令個雞皮相當好味！望到都流哂口水，雖然知膽固醇爆炸，但都忍唔住想食埋佢，仲yum埋佢d汁，雞肉好嫩滑，好juicy!用刀切個下，會標埋d雞汁出黎。黑松露蕃薯條（$48），香脆內軟，蕃薯條比一般薯條煙韌，感覺都冇咁熱氣，配上黑松露醬更香口滋味。朱古力布朗尼蛋糕配意大利雪糕（$42），布朗尼內有果仁，配上淡淡既雪糕，既沒有搶去雪糕既味道，又有陣陣既朱古力味，恰到好處。食飽行落黎地鐵站，好像比上斜快，悠悠閒閒地

近年慢煮方式流行，因可保持肉質嫩滑，低溫慢煮好處是防止維他命如B雜及C等流失。朋友在上環一帶上班，留意到新開一間慢煮餐廳，由於一個人能食到的款式有限，所以我地約埋一齊品嘗美食餐廳位置尚算方便，地鐵站十多分鐘度，不過位於樓梯級中間,對於帶BB出門的我有一定難度。餐廳裝潢幾特別,一龍一虎圖案守門口,入面呢似酒吧形式,大部分餐桌都係配高椅,而我地就選擇了唯一的8人餐檯叫了幾款不同的慢煮肉食，加上數款小食，最後以甜品埋尾！咁多人緊係叫個小食拼盤 $98 SHARE LA ,有七味一字雞翼，流心拉芝士條，英式炸魚手指，墨西哥粟米花，黑松露蕃薯條蕃薯條比薯條低卡又健康，點埋黑松露蛋黃醬，香甜得來幾CREAMY~一字雞翼簡直無得輸，專為女士而設又5駛自己拆骨，好香口流心拉芝士條 -我最愛，同朋友SHARE發現可以拉到成張檯咁長,真材實料主菜有法式油封鴨腿DUCK CONFIT( 2PCS) $98 配香草薯蓉 POTATO MASH $38油封是法國最古老的食物保存方法之一，肉類先經過鹽醃，然後再封存在油內，就可以保存上好幾個月。經過封存的肉，不但可以保存較長的時間，而且肉質酥軟味道濃香，所以也成為

上環普慶坊位置相對偏遠，但勝在環境優靜，幾適合唔鍾意同人逼既朋友黎放鬆一下，餐廳都算大，裝潢都幾有格調，坐得都算舒服。同朋友睇完餐牌之後，發覺價錢合理，種類都多，毫不猶豫就叫到成枱都係野食。 打頭陣既係「小食拼盤」，份量都ok，尤其佢個黑松露醬認真好食，配合又脆又甜既番薯條，可以話係襯到絕。 「食肉獸薄餅」「焗卡邦尼意粉」前者絕對係性價比之選，三十八蚊既價錢有呢個份量同質素，好抵食。 而焗卡邦尼意粉就不過不失，意粉同醬都唔錯。 既然餐廳主打慢煮，當然牛肉先係主菜啦，「十二安士既安格斯牛肉眼」好厚身，慢煮既方式令到肉汁完全鎖住，每啖都食到好鮮嫩既肉味。但講到呢餐最令我難忘既，一定係「安格斯牛肋骨」，肥膏同肉既比例幾乎一比一，肉質軟淋，入口即溶，香料好入味令牛肉味香濃，推介。

收工後黎到位於上環普慶坊的「我愛慢煮」，顧名思義，餐廳主打慢煮食物，有多款慢煮肉類可供選擇，小食、沙律配菜、薄餅等等都有好多款，而且價錢又不貴，絕對值得黎試試餐廳設有酒類飲品，仲有高腳櫈，放工後同朋友來chill一下就最好不過流心拉芝士條芝士條炸得金黃香脆，厚薄適中嘅炸粉內裏包住軟心拉絲芝士，好味道呢！用黎送酒就啱晒，芝士迷都不容錯過哦日式蛋黃醬粟米煙三文魚薄餅Pizza有三大塊，批底唔會太厚而且好香脆。面上佈滿煙三文魚、芝士同粟米，好足料，加埋日式蛋黃醬，非常滋味！$48一客絕對抵食加拿大法式豬鞍架8安士的豬鞍架好厚身，肉質香軟，豬肉味濃郁，香草碎爲豬鞍架增添左香氣慢煮36小時紐西蘭牛面肉牛面頰肉切件呈上，使到每件肉都充分地被醬汁包圍。慢煮左36小時，所以肉質特別軟腍，帶有少許膠質口感，好入味，牛肉味香濃，非常出色哦！芋頭蓉平時嘅side dishes通常有薯蓉、薯條或炒雜菌等等選擇，但呢度竟然好創新地有芋頭蓉，我呢個芋頭迷梗係必點啦！芋頭壓成蓉後去焗香，面層微脆的，底下係粉粉的芋頭蓉，帶有少許芋頭顆粒，好天然嘅芋頭香甜，正啊

今日過咗嚟上環開會，放工約阿San順手食埋飯先返屋企，其實中上環小區都有唔小臥虎藏龍的小餐廳，所以得閒過嚟捐窿捐罅搵吓食都唔錯。而今晚就俾呢個門口吸引住，左青龍右白虎的壁畫，配個金底但英文名字的招牌，幾特別！入到去仲有signage 同牌匾寫住＂我愛慢煮，睇嚟呢度應該主打Sous Vide菜色紅磚牆、木枱配金屬椅子，加上有升半層嘅間隔，空間唔錯，今晚人少少，文青工業風裝潢令人好relax 入到去，staff介紹呢度係半自助式，姐係自己去counter order之後staff 會送飲品野食埋嚟。我同阿San 各點咗杯椰子水薄荷特飲同西柚薑啤特飲，兩杯野都幾精緻，飲落亦都好清爽。小食方面，今晚我哋點咗咸蛋黃醬天婦羅蝦，佢當然無出面咁有個蛋黃醬＂濕＂包住D蝦，但個咸蛋味都好出，而且成隻蝦炸得好乾身好脆，我哋連蝦尾都食埋之後就到左今日嘅重點！呢度出名食慢煮，所以我哋就叫咗個慢煮36小時嘅牛肋骨。佢初頭上枱時候我哋都睇唔出佢係牛肋骨，因為平時食開嘅都係肉連住一舊骨，但佢呢度可能已經將牛肋骨煮得好琳，所以D肉已經軟到同骨分開，可以一件件上(有骨伴返係旁邊）。而且佢個gravy 都好好味，蘸埋肉食

「慢煮」一向做菜方式嘅寧丹妙藥，以往，亦曾食過好幾家主打慢煮菜式嘅餐廳，絕大多數都喺做得有水準。最近，晌上環工作嘅老友就介紹我試試呢一家新開無耐嘅「我愛慢煮」，定價相宜，值得一試。餐廳位處普慶坊，若非谷歌地圖帶路都有啲盲摸摸，但嚟到門面好易認，左青龍，右白虎，以為江湖味十足呢？入到去又唔喺咁，一室暖紅色磚牆，又配上唔少高腳枱櫈，反而有點英式酒吧嘅格局添。點餐要到收銀處直接點菜，講低枱號，就由店員將食物送上，但呢道唔收加一服務費，故有啲嘢亦喺半自助嘅，如餐紙、醬汁……就自己郁手拎嘞。食物方面，一大張A3紙底面兩頁睇晒，包括多種肉類、沙律及配菜、焗意粉、薄餅、輕食、全日早餐、甜品、咖啡、茶品、啤酒及特飲，需留意並非所有肉類都喺慢煮嘅。熱情水果特飲 $35呢度無清水提供，點飲品喺指定動作，而水吧亦喺餐廳好搵錢嘅來源。呢杯其實只喺熱情果糖漿加梳打，味道都幾清新，配肉喺幾好選擇，裡面仲有一串菠蘿添，不過，只喺罐頭貨而已。澳洲羊T骨 $138 配油炒露筍苗 $38T骨食得多，但羊嘅T骨就真喺第一次遇到，就連嗰時去澳洲旅行都唔覺有。由於羊嘅T骨唔會好似牛嘅T骨咁巨型，所以，一客有3件T骨，煎得非常靚

上環有好多有特色既地方,好遆合拍拖或影相呢D活動今次同老公係付近漫遊拍拖閒遊,行到好多地方開始要醫肚平時少食慢煮,今次餐廳以慢煮為主打見到餐牌居然$200以下,即刻拉住老公去坐低點餐除左慢煮主菜,小食真係平到無敵先每人一杯飲品Fish and chip 半隻手臂咁長,真係無眼花,以為小食SIZE好細分點知大大條,岩岩炸起,好鬆脆,仲有大量薯條做size dish 咸蛋黃雞鎚,大隻到你唔信,呢度D小食一D都唔小,一人一人已經飽左一半一份ａｌｌ　ｄａｙ　ｂｒｅａｋｆａｓｔ　賣相好色彩鮮艷，全部即整好香好好味主角慢煮牛臉肉，好滑好滑醬汁好香濃好惹味牛肉好軟好香，肉質ＫＥＥＰ到多汁呢個價錢完全超值！！