更多
2019-03-10
1717 瀏覽
「慢煮」一向做菜方式嘅寧丹妙藥,以往,亦曾食過好幾家主打慢煮菜式嘅餐廳,絕大多數都喺做得有水準。最近,晌上環工作嘅老友就介紹我試試呢一家新開無耐嘅「我愛慢煮」,定價相宜,值得一試。餐廳位處普慶坊,若非谷歌地圖帶路都有啲盲摸摸,但嚟到門面好易認,左青龍,右白虎,以為江湖味十足呢?入到去又唔喺咁,一室暖紅色磚牆,又配上唔少高腳枱櫈,反而有點英式酒吧嘅格局添。點餐要到收銀處直接點菜,講低枱號,就由店員將食物送上,但呢道唔收加一服務費,故有啲嘢亦喺半自助嘅,如餐紙、醬汁……就自己郁手拎嘞。食物方面,一大張A3紙底面兩頁睇晒,包括多種肉類、沙律及配菜、焗意粉、薄餅、輕食、全日早餐、甜品、咖啡、茶品、啤酒及特飲,需留意並非所有肉類都喺慢煮嘅。熱情水果特飲 $35呢度無清水提供,點飲品喺指定動作,而水吧亦喺餐廳好搵錢嘅來源。呢杯其實只喺熱情果糖漿加梳打,味道都幾清新,配肉喺幾好選擇,裡面仲有一串菠蘿添,不過,只喺罐頭貨而已。澳洲羊T骨 $138 配油炒露筍苗 $38T骨食得多,但羊嘅T骨就真喺第一次遇到,就連嗰時去澳洲旅行都唔覺有。由於羊嘅T骨唔會好似牛嘅T骨咁巨型,所以,一客有3件T骨,煎得非常靚
呢度無清水提供,點飲品喺指定動作,而水吧亦喺餐廳好搵錢嘅來源。呢杯其實只喺熱情果糖漿加梳打,味道都幾清新,配肉喺幾好選擇,裡面仲有一串菠蘿添,不過,只喺罐頭貨而已。 澳洲羊T骨 $138 配油炒露筍苗 $38
T骨食得多,但羊嘅T骨就真喺第一次遇到,就連嗰時去澳洲旅行都唔覺有。由於羊嘅T骨唔會好似牛嘅T骨咁巨型,所以,一客有3件T骨,煎得非常靚仔,另配上露筍苗。 質素不俗,入口好軟腍,又有肉香,而且,甚富肉汁,羊羶味唔太重,但個人覺得就無話咁明顯一邊喺肉眼,一邊喺西冷嘅感覺,感覺骨嘅左右兩邊都差唔多咁,但仍值得一試。至於啲露筍苗好爽脆,富牛油香,喺奇怪食落都仍有少少渣。 野菌菠菜薄餅 $38
唔夠飽,追加多一件薄餅,最估唔到三十零蚊都做到咁大份,非常抵食。面頭勁多雜菌同芝士,所以,味道超香濃,而芝士底下有啲菠菜,可惜份量唔多,未太突顯菠菜嘅元素,至於薄餅嘅口感,有啲似食緊脆多士啫。
$38
33 瀏覽
0 讚好
0 留言
張貼