成都老碼頭火鍋 (已結業)

🔎旺角塘尾道61號地舖 「古風味火鍋」成都老碼頭火鍋*裝修吸引，上2樓源途有水池樓閣，穿過縷縷輕煙，配上古樂版流行曲背景，古風味十足。.湯底：花膠雞+成都原味(小辣) ($158)首先花膠湯底係直接一人一碗，其中仲有大舊厚厚花膠，彈牙鮮美，湯底亦相當膠口，充滿骨膠元。成都原味，小辣，湯底濃厚，即時伴響玲試一試，麻辣鮮香衝擊，對我黎論辣度剛好。材料：皇帝菜 ($36)爽口新鮮翠綠，此餐廳好老實，質到個碗質到實一實。夠份量抵食。神秘醬汁 ($0)老碼頭秘制，神秘材料，好香好濃，味道獨特，點一點佢，鮮味道提升。炸黃豆 ($0)撈埋神秘醬汁一齊點，不時時咬到會口感香脆，令所有食物生色不少。日本A4和牛牛肩胛 ($368)(全份)滋肪分佈勻云，配上冰冰托盤，騰雲駕霧，焯一焯即成，入口即化，牛味香濃，千期唔好點醬，不得了。澳洲雪花肥牛 ($158)(全份)當然同A4牛有分別，但牛味都夠，點一點個神秘醬汁，滋味。平a4大約一半，抵食。原罐桶蠔 ($188)隻隻又肥又厚，一般會驚淥得快唔熟，太耐會縮水，就算淥左耐左，仍然飽滿多汁。即炸響玲 ($48)炸響鈴好大條，即炸夠新鮮。爆菊花鮮蝦滑 ($88)食

今日同好友慶祝生日，佢揀左去打邊爐～～係旺角同大角咀中間，個招牌係超顯眼，相當易認～我地先揀左個豬骨湯底，因為唔想咁熱氣食咁辣～湯底非常清甜！坐低之後我地出去混醬，呢度醬料同水果$25一位。自助形式自取，仲有生果可以任食，所以打邊爐熱氣之後，就可以食返D 生果！D 醬汁方面，好多選擇，最特別係有一罐罐既麻油，好香啊！我地叫左幾樣野食，有雪花肥牛、花甲、黃喉、芝士墨丸、炸蝦丸等。雪花肥牛油脂分佈平均，食落鮮嫩可口～花甲好鮮甜，又大隻。而黃喉非常爽口好食～芝士墨丸勁正，芝士入面好香，又彈牙爽口。炸蝦丸都好正，佢d 醬酸酸甜甜, 食得好開胃！overall 都唔錯, cp 值高,  不過原來7:30前埋單仲有68折~可以再抵d! 

🔎旺角塘尾道61號地舖*「宮殿式享受風味，正宗成都火鍋」- 成都老碼頭火鍋.花膠雞+成都原味(小辣)($158)成都辣一向好出名，所以當然要試一試。但我同朋友們唔算都食我好辣，所以都只要小辣。另外，試咗佢個花膠雞，對女士養生都好好，自己都飲多碗。店員叫我哋先飲湯之後佢會加返湯比我哋食火鍋，好體貼服務好好。花膠雞內仲有一隻雞脾，相當足料。湯底都非常鮮甜。炸牛餐肉($52)午餐肉都係食火鍋必備，份量好多。最特別之處佢係先炸咗先，感覺會香口好多，雖然炸咗但都唔會好油，肉質幾厚實，我哋之後仲encore要多份。原罐桶蠔($188)每隻都大大隻，雖然份量視覺上唔算多，但係因為好大隻，所以都好夠。加上好鮮甜，非常新鮮。紅糖糍粑($48)呢個係成都特產，之前係其他火鍋店都試過，所以今日見到menu有都想一試。糍粑一定要點多少少紅糖食，其實原意係想解辣用，但都成為好多人食完火鍋甜品之一，有約8條左右，都算幾多。🍽8/10

🔎旺角塘尾道61號地舖 「正宗來自成都的味道」成都老碼頭火鍋*花膠雞+成都原味(小辣) ($158)個花膠雞湯，見到真係有原隻雞脾係入面架。仲有大量花膠添。食法食先飲花膠湯，然後先吃火鍋。成都小辣本人就無試喇....但同行朋友就話相當不錯。日本A4和牛牛肩胛 ($368)(全份)呢個牛肩胛擺盤唔止好靚，食落口感仲好嫩滑，比起一般肥牛果然有啲不同。就算不小心淥得太熟，味道依然非常可以!!澳洲雪花肥牛 ($158)(全份)雖然比起牛肩胛來說，口感無咁嫩滑。但只要淥的時間控制得好。雪花肥牛以$158全份來說，性價比是非常高的。原罐桶蠔 ($188)一睇就知好新鮮，隻隻蠔都非常肥美，肥嘟嘟咁點忍得住口。爆菊花鮮蝦滑 ($88)傳說中有勁辣版本，但可能太辣了...餐廳改左餐牌，變左普通辣版。但普通辣版的蝦滑，一般人依然不能輕視喔!!即炸響玲 ($48)新鮮炸既係唔同啲，薄脆的響玲。加上湯汁真係絕配。炸午餐肉 ($52)炸完既午餐肉加埋湯底同醬汁一起吃，毫無膩感。絕對可以怒吃零罪感!!!皇帝菜 ($36)唔係間間火鍋店都有，所以如果有的話，係我必點既菜之一。紅糖糍粑($48)原來是成都既特產，第一

上次去完台灣食麻辣火鍋一路念念不忘，聽講呢間都唔錯，裝潢又有feel就黎試下心大心細想齋叫紅油，但一黎怕太辣，二黎椰子湯又好吸引最後好彩兩樣都有叫，原來椰子湯勁足料，都解番紅油嘅熱氣感蒙古羊肉同西班牙黑毛豬腩肉好新鮮夠肉味，麻辣火鍋湯底咁主打，食材厚薄一定要掌握得好好，要吸到湯底得黎又唔可以蓋左食材原味，而我覺得呢兩款肉嘅厚薄都控制得好好功夫萵荀片功架十足，好快熟，長身咁食口感幾好，一樣夠新鮮夠硬身蛋餃都幾出色，蛋味好香又夠厚，同肉餡包得好實，落湯都唔會散開曬，又一考功夫食材其他野野食都一樣新鮮足料，唔錯馬蹄竹蔗茅根水好清香，配火鍋一流不得不讚秘制香油真係好重要，多種配料加埋完全提昇到麻辣食材

港式同台式火鍋食得多，主打成都風味既火鍋今日終於可以係香港食到。黎到先知原來7:30pm 前埋單或 9:30pm 後入座都可以全單68折，下次識揀時段黎。鴛鴦紅油湯底拼天然椰子湯底 $196紅油湯底入口無想像中辣，味道香多於辣。至於椰子湯底，我好鐘意，係天然椰子水，一開頭入口味道較淡，但愈煮愈香甜，到最尾可以當湯飲。醬料區夠多配料。店內特別推薦下左二既香油醬料，廚師已調配好所有調味，用黎蘸辣湯底既野食可以降溫。仲有上左二既辣椒乾，由三種以上辣椒所調配而成，香辣有層次。如果想自己整油碟，店內都有獨立一罐既香油，味道有點似芝麻油，我配上醋同蠔油、香菜，果種酸味我覺得幾醒胃。呢到既食物差唔多全部都可以半份咁叫，好適合兩三個朋友嚟食，唔怕每碟都大大份。半份澳洲雪花肥牛 $82唔會太肥，肉味剛好，而且煮完幾嫩。極品鵝腸 $88洗得乾淨，烚十幾秒就食得，好爽脆，同紅油湯底好夾。半份皇帝蟹柳 $58半份鴨血 $36蟹柳好大條，都幾索湯。鴨血煮完後好嫩滑。半份炸午餐肉 $52半份都有甘多，咸香又脆卜卜，打邊爐必食。半份秏兒魚 $46出面好少有既剝皮魚，煮完後肉質紮實，味道鮮甜。笋片皇 $48半份龍蝦肉

香港近年過江龍的麻辣火鍋越開越多，小龍坎、蜀大俠，渝味曉宇等等，今次就黎試下香港是否同內地的水準一樣。So funny🙈🙈 下次可以考慮搭的士黎，送野食都好抵！呢度的辣度有香港版同成都原味選擇，適合一些喜愛麻辣火鍋的香味但又吃不到太辣的朋友，我們選了成都原味的中辣（$168）先講講湯底，上桌已經聞到強烈的麻辣香味，而係食嘅過程會越來越麻，頂唔順的可以加湯和撈走些花椒辣椒。中意食麻辣火鍋，自然見到鵝腸，黃喉，毛肚的時候雙眼發亮，可以話係必食三寶。偏偏今日無鵝腸，只好要份鴨腸頂上。🔸鴨腸 $68 （半份）質素唔錯，沒有多餘油膏，十分光滑，咬口很爽滑。🔸雪花肥牛 $158 （整份）好厚身，牛味特出，加埋d麻油一絕。食左一段時間見有點油膩，order左香辣魚皮（$38）同麻香海哲（$38）魚皮比海哲更為爽口，而且比海哲幼身，個人就比較喜歡魚皮的質感。🔸魚皮餃 $32 （半份）就沒有什麼特別，肉質算有咬口。🔸菊花鴨胗 $58 （半份）即係鴨腎，切出花開的形狀，偏厚身，但十分咬收到湯底的味道，甚有驚喜。🔸娃娃菜 $36但因為湯底煮得太耐已經好辣，結果食左少少已經放棄。🔸醬油/水果 $25位

耀眼gei 紅色招牌 一行到附近已經見到呢間火鍋店入到去已經完全感受到成都gei 麻辣味道裏面有自助調味料吧 仲有水果幫助解辣另外仲有圍裙提供 唔怕整污糟見衫呢度有好幾種唔同火鍋揀 有養生有麻辣我同朋友仔就揀左花膠鍋同麻辣鍋小辣首先要飲左個花膠湯先 清甜順喉一啲油份都無 花膠軟稔中帶有少少爽口睇得出有完全浸透至於麻辣方面 辣得好過引辣完再慢慢麻出黎 簡直係刺激至於野食方面呢有雪花肥牛 輕輕咁喺麻辣嗰邊煮一煮就好辣得惹味 但牛肉依然出眾 入口嫩滑一口牛呢個就要煮耐啲 好有彈性 食落好有口感鮮竹笙呢㑼係我必食嘅 佢 我建議放養生湯吸晒啲湯汁 好清甜爽口除左呢啲 仲有鴨血 萵筍 響鈴 同黃喉鴨血食落就知新鮮 放落麻辣湯 吸晒啲湯汁一流萵筍爽甜 滾一陣就得得響鈴係新鮮炸起上碟 脆卜卜 放入湯度滾一滾吸晒啲湯汁 好味黃喉好爽脆 食落鮮味 而且洗得好乾淨食咁多野都係800蚊 抵食

每次搭車經過這間位於豪華戲院對面嘅成都老碼頭火鍋, 眼見裝修非常特別， 都會不其然想食， 今晚朋友聚會終於有機會啦！親身體驗後， 又覺這裏的裝修好特別， 傳統得體，好像去了中國成都的老店一樣，懷舊得嚟又座位寬敞, 坐得極其舒適。而這裏的點餐也非常先進，有手機微信二維碼掃一掃就可以，簡單易用，睇啱餐牌想食乜就可以點。價錢方面又確實不貴， 我們揀下棟、點呀點、 掃掃吓， 轉眼點到成張枱都係火鍋配料，大擦一餐，滿足到爆。先呢嗰至正鴛鴦湯底， 豬骨湯再加花膠雞， 都係$158, 材料多份量十足， 花膠大大嚿絕不欺場，而雞也有半隻，正！ 侍應提點未食火鍋之前可先品嚐花膠雞湯, 估唔到味道濃郁， 黏口嘅口感， 大大舊又滑身的花膠，每人食到一舊真係滿足。而火鍋配料離不開有豬牛羊，可各點半份， 啱曬眼闊肚窄的我，樣樣都可以點半份。西班牙黑毛豬腩肉，$86元半份，肉味濃郁，滾三十多秒入口至佳。蒙古羊肉$68蚊半份,少少羊騷味可以接受，口感爽。澳洲雪花肥牛又不錯，拾幾秒入口幼嫩，牛肉味香。還叫了海蝦，$82元半份又幾多喎，還好新鮮，所以肉質彈牙又鮮甜，正。店舖推介的台灣鴨舌、 滑溜溜鴨紅和手工韭菜餃， 絕

啲野食就算折左都好貴，2個人折左都要8百幾埋單。野食又唔係特別好食，花膠雞湯好似無味咁，我最期待的麻辣湯底好普通，啲牛肉又薄又無味又少，其他野食都好普通唔值咁貴，啲野份量又少，食過一次都唔會再去。

🔎 旺角塘尾道61號地舖*「正到形容不到的火鍋店」- 成都老碼頭火鍋 .涼拌魚皮($38)呢個凍魚皮係我第一次食，有少少酸味同辣辣地，口感幾得意架。紫薯寬粉 ($38)呢個都係我未見過既食物，煮孰左之後口感好Q彈，但就好飽肚，我唔夠膽食太多。功夫萵筍片($42)呢個擺盤超靚，切到好似一朵花咁架。即炸響鈴（$48)好脆口，新鮮炸的確係唔同D。加埋D湯汁一齊食真係不得了。珊瑚蚌 半份($58)、花甲 半份($62)雖然各自只是叫左半份，但份量都真係幾多下。同埋都幾鮮甜。西班牙黑毛豬腩肉 半份($86)、澳洲雪花肥牛＄158黑毛豬脂肪唔太多，肥瘦剛剛好。而雪花肥牛的牛香味幾濃。老友鬼鬼 (墨魚滑) 半份 ($58)一半是墨魚滑，一半是油炸鬼，食落咸咸地幾得意。極品鵝腸 半份($88)重點推介呢個鵝腸，好爽好好食。同埋佢上菜既方式都幾特別，岩曬相機先食。最愛佢地既調味宮，有好多種選擇。可以不停轉口味都仲得呀！！同埋水果可以任食呢度最開心，有西瓜同波蘿可以揀架。🍽️9/10

每次經過呢條街都會聞到一陣陣好香嘅麻辣味，永遠都話好想食好想食，今次終於有得入去食啦，一入去真係勁大陣麻辣味，因為入得嚟食有邊一個唔會食麻辣丫，佢哋最出色嘅就係成都嘅香辣湯底，一坐低店員已經好好服務，選擇咗鴛鴦湯底，一邊係香辣味，而另一邊係豬骨味，當然去到最尾我哋全部人都係食香辣味果一邊，哈哈，因為實在太香太吸引了，然後我哋就填紙交俾店員需要嘅餸菜，我哋叫咗日本A4和牛嘅牛肉半份，你都見到啲牛肉紋路好靚，肉質好嫩滑，食得香辣鍋嘅當然唔少得鴨血啦，我都有order到，切得比較厚身，但係佢同麻辣鍋一定係絕配，另外叫咗少少海鮮，有桂花蚌，鮮海蝦，花甲，所有海鮮都好新鮮好鮮味，值得推介，仲有叫咗個鮮蝦雲吞同埋金菇菜，鮮蝦雲吞裏面真係有原隻鮮蝦在內，絕對唔係蝦肉粒，最值得推介嘅就係可以自行出去調味料區到另一罐佢哋專有嘅香油，然後可以搭配醋一齊mix埋黎做調味，呢一種味道係成都獨有，所以真係好特別好好味，最後亦都可以自行出去拎是日水果，當日我哋有西瓜，蜜瓜，仲有鮮菠蘿，全部都好甜好新鮮好多水分好好味啊。飲品方面我哋就叫咗一揸自製嘅杞子龍眼菊花蜜，你都唔算太甜，好香菊花味。食完晒之後你覺得自己好大浸

五一黃金周開始㗎😊旺角街上人來人往，很多遊客。放假行街比竟然比我發現到旺角道有一間特色火鍋店，而且裝修氣派十足非常吸引我入去試一試。我點了成都麻辣湯底我點小辣🌶都好🌶🌶🌶辣死我啦🌶不過真係都幾香，外面有自設醬料區，他有個自家醬汁味道不錯👍🏻👍🏻👍🏻其他都幾好食，我比較喜歡食珊瑚蚌超級鮮甜、耗兒魚肉鮮嫩，黑松露牛丸食落好香的黑松露味，手打牛筋丸、手切牛肉、可惜冇我想試的招牌鵝腸，因為已經賣光了。

呢日約咗好朋友嚟到位於旺角塘尾道嘅《成都老碼頭火鍋》打邊爐。餐廳面積頗大，以中國風格為裝修主調，感覺古色古香。番茄湯底 ($88) - 番茄味香濃，味道鮮甜。蒙古羊肉 ($68/半份) - 色澤鮮紅，羊味濃郁又不會過羶。珊瑚蚌 ($58/半份) - 份量頗多，夠晒新鮮，爽脆彈牙。手工西洋菜餃 ($38) - 以西洋菜及豬肉做餡料嘅餃子味道鮮甜，餃皮口感煙韌，味美好食。即炸響鈴 ($48) - 炸得十分香口，口感香脆鬆化。粟米 ($28) - 十分新鮮，味道超甜。淮山 ($32) - 分量頗多，夠曬健康。皇帝菜 ($36) - 香味獨特，口感爽嫩。幼竹笋尖 ($38) - 唔係好多餐廳提供呢樣火鍋配料，竹笋尖夠晒新鮮，口感爽脆。青島 ($35) - 打邊爐嘅最佳拍檔。茶芥每位 ($25) - 包括自助醬料及水果吧，醬料有多款選擇。自助區嘅水果，質量亦相當唔錯。呢餐食材新鮮、座位舒適、服務親切，我同朋友都食得好盡興！

放工後同朋友聚一聚，經過塘尾道見到有間裝修好有特色嘅火鍋店，未行到門口已經聞到好香嘅麻辣味，已經被佢嘅香味吸引住，於是大家決定入去試吓。門口已經好有中國feel,入面裝修都好靚，好似去咗皇宮咁。首先睇吓餐牌，好多特別嘅款式，出面好少會食到，佢地有半份叫，好啱想食多d款又細食嘅我。佢地仲要好貼心寫埋喺菜單果度煮幾耐，唔使估估吓熟唔熟。佢地有個調味counter，有多款醬料可以自由配搭，一定要加佢嘅秘制香油，加落火鍋豉油好正，仲有生果可以任食。我地叫咗鴛鴦鍋，一邊要豬骨湯，另一邊要香港小辣，豬骨湯底入面都有好多料，而辣味果邊d麻辣味好香，雖然叫小辣，但真係幾辣。極品prime手切肥牛-我地叫咗半份，不過份量都唔少，牛肉嘅脂肪分佈好均勻，肥瘦適中，食落牛味好重，好新鮮，入口即溶，牛魔皇嘅我，梗係要食多2舊啦。舌尖上的牛舌-呢款好特別，出面係冇食過咁大片咁新鮮嘅牛舌，煮15秒已經食得，好爽口，一d都唔鞋，牛味好濃郁，食完仲想再食。極品鵝腸-上枱果時好吸睛，掛喺個架果度，非常特別，鵝腸係新鮮貨，唔係普通嘅雪藏貨，佢地已經清晒入面嘅肥膏，所以一d都唔肥，食落好爽口。台灣鴨舌-出面好少食到原隻新鮮鴨