成都老碼頭火鍋 (已結業)

平時去吃火鍋的湯底不是清湯就是麻辣鍋，非常沒新意。難得跟一大班朋友聚會當然要吃一些特別的喜歡吃火鍋的我們當然不會放過位於大角咀的-老碼頭火鍋我們一進去就有一股濃濃的辣味撲鼻，喜歡吃辣的我口水分泌立馬增加，一進去侍應服務周到。因為我們第一次吃，所以不知吃什麼好，侍應全程為我們介紹店內的特色食物。我們選了椰子雞湯和一個辣鍋，辣味很有趣。分了香港小辣、成都小辣、成都中辣和成都大辣四種。我們怕太辣所以選了香港小辣，看見鍋底滿滿的辣椒立馬食指大動我們點了十幾碟肉和肉丸，全部都超新鮮。比較欣賞這間店食物的名字，取得十分有意思。 我們點多老友鬼鬼，油條上面是墨魚滑和魚子，吃起來爽口彈牙、十分入味。手工黑松露牛丸亦十分好吃，非常彈牙，而且還看到黑松露！飲料方面，我們點了侍應推介的鮮榨椰子汁，冰冰涼涼的十分解辣，而且非常濃濃的椰子味，不像外面的店都加水和糖水，十分推介必點飲料！不得不提他的醬料，我們試了乾碟和油碟，乾碟是用了三種不同的辣椒乾磨成粉直接沾食物吃，提昇了食物的鮮味。喜歡吃辣的朋友要試試，油碟是按照店裡說明書去調配的。用葱、蒜末、蠔油加上店裡的秘製香油，香油是一罐罐的加進去，把辣鍋裡的食物熱滾

正宗成都麻辣火鍋成班朋友都話好耐冇食過麻辣火鍋咁岩上網睇到成都老碼頭火鍋係旺角開左分店 所以決定組隊黎食環境方面舖頭 總共有兩層 以中國風設計為主 座位之間都好闊落 成大班朋友去食都唔會覺得好迫服務方便 所有侍應服務非常周全 不時會幫你斟水 亦都非常積極推介餐廳受歡迎嘅食物 值得一讚食物方面除咗餐牌提供嘅嘢食之外 仲有自助調味區 （$25/位）自助調味區內除咗有大量醬料畀客人之外仲提供生果，圍裙等設備 十分細心調味區裏面最大嘅特色 當然係成都火鍋最出名嘅乾碟同油碟乾碟係由三種以上嘅乾辣椒打碎而成 配上肉類同埋炸物會令到更加香辣而油碟則以生蒜 蔥 蠔油同 自家製 芝麻製調和油組成 可以令食物更爽滑 仲可以降低食物熱度餐廳仲好體貼咁樣貼出指示提醒客人點樣去配出最好味嘅醬料 非常細心湯底方面 由於朋友有啲唔食得辣所以我哋今次揀咗鴛鴦湯底$158（香港小辣同埋統椰子湯底另+38）餐廳亦都提供左 香港小辣 成都原味等等嘅 level 配合返香港人嘅口味麻辣湯底好香配合咗花椒八角等等材料非常惹味純椰子湯底亦非常推介超級甜同埋香而且材料都非常十足響鈴 $48份量十足 炸得好脆 鮮榨椰子汁 （$98）

真  ·  麻辣火鍋  早幾年去過成都，就已經食過呢間，味道難忘。近排有朋友去成都旅行買左d火鍋底料返黎，勾起哂記憶。原來係香港有分店，終於可以過黎試下！（好霸氣，離遠已經見呢個兩層高既火鍋店）湯底係鴛鴦湯底，紅油個邊辣度揀左「成都少辣」點左咩材料打邊爐都唔係重點，見到個湯底既紅油都知有幾誇張。食辣既要有心理準備，但係真係好過癮既辣！！！鋪頭裡面個個都食咁紅既麻辣火鍋，咩都浸到紅色🤭🤭🤭。所以陣麻辣味都幾勁，食完飯返到屋企都仲好大陣味而且個鴛鴦鍋就係有個唔辣區緩衝一下，順帶一提個花膠雞湯底好高質，好飲到飲左兩、三碗，真材實料（睇下d花膠）連個醬料都係用秘製提提大家一定點飲品，因為真係好辣😭  （但係會愛上的好味）推介「杞子龍眼菊花蜜」，連飲品都咁足料而且位置較偏離繁忙區，所以人流唔會太多（或者真係偏辣，相對冇咁岩香港人口味）。但係店裡人手充足，服務好好，又會主動貼心咁比橡筋束頭髮

每次搭車經過見到呢間餐廳都好想試，因為比佢華麗堂皇既裝修吸引住。今日終於約左2個好友黎試一試。不論門面定係入面，佢既裝修充滿住中國風，甚有氣派。餐廳非常大，座位好寬闊，佢有自助醬料吧同水果，而食物方面佢係落紙order，而有d食物可以揀半份，咁就岩哂人小小，每樣都試小小了。食物既種類非常多，因為我得3個人，所以都唔係叫到好多野。湯底方面，我地叫左個鴛鴦湯。一邊係純天然椰子湯，另一邊係香港小辣。不過，其實香港小辣都已經好辣了，所以椰子湯底岩岩好可以中和返d辣味。而且椰子湯非常足料同清甜。食物方面，我地叫左嚮鈴，嚮鈴又大又脆，都係用一秒定律，一圳一食，嚮鈴充滿住湯底既精華，十分讚🤭老油鬼鬼顧名思意係油炸鬼配上蝦滑。蝦滑夠哂彈牙，而且蝦味濃郁，配搭油炸鬼，口感唔錯。黑松露牛丸，我地叫左半份，半份有四粒。雖然黑松露味唔算十分濃郁，但食既時候口腔都有陣陣既黑松露香味同牛味，牛丸亦都爽口彈牙。另外，叫左一份蛋餃，見佢係老碼頭推介。不過真係無介紹錯，平時好少見到呢一類形既餃，但真心好食，外皮係黃色既皮，蛋香好濃，而入面包住豬肉餡，出奇既夾。 最後係澳洲雪花肥牛。牛肉既油脂分部平均，肉質腍嫰，而且好香

  人類就是向高難度挑戰，明知吃不了辣，但當有一股麻辣香味傳來，又會忍不住想吃一口。  早前就與媽媽來" 成都老碼頭火鍋"開餐。餐廳有早鳥時段，只要於730pm前離座，就可享68折優惠，所以，我們於6pm就已經入座。  醬油、水果、圍裙等，全都以自助形式供應，店員更貼心地為我們調製特色老碼頭醬汁。店員獨門秘調- 麻香又帶點點辣, 好香好惹味, 個人覺得好好味!~火鍋湯底分了好幾種，由於店內麻辣的味道實在太濃烈，最後我們放棄了，選擇 花膠雞湯及豬骨湯的鴛鴦湯底。 花膠雞湯的湯頭很鮮甜，雞味不但濃厚，而且湯內還放有雞肉，鮮味十足，花膠爽滑，吃後超級養顏。 澳洲雪花肥牛 肥牛上帶有美美的雪花紋理，肉質嫩滑，牛味濃郁，入口甘香，脂香豐腴。 爽脆牛黃喉 推介，牛黃喉放湯後，脆卜卜，十分爽脆，而它本身味道不重，吃時點上店員調製的秘製醬汁，很美味。 草原鮮毛肚 毛肚其實就是牛柏葉，口感同樣是爽口彈牙，放湯後牛柏葉吸收了滿滿湯汁，入口時多了一份鮮味。 食飽后可以來到這機噴一會兒, 讓沾在衣服的火鍋味掃走~實在太窩心了!成都老碼頭火鍋 旺角塘尾道61號地舖    21486

搭車成日都經過呢間火鍋店，裝修好有中國風，星期一放工一於就同朋友嚟試吓。兩個人都被安排左坐一個樓上嘅卡位，環境幾舒適，醬料係喺外面自己攞嘅，仲有生果添。好似去咗大陸食海底撈咁呀。平時打邊爐呢兩個人就好難叫野，呢間鋪頭好嘅就係有得叫半份！咁就可以試多幾樣野啦。叫咗半份日本A4牛肩胛半份澳洲一口牛柳粒半分老碼頭手打牛筋丸老友鬼鬼（墨魚滑）半份手工韭菜餃半份糖心芝士魚蛋蘿蔔、唐生菜、粟米台灣水蓮菜稻庭烏冬湯底呢度出名就係食辣嘅，不過今次我哋就揀咗豬骨湯同蕃茄湯。湯底來講，呢度嘅番茄湯好有海底撈的感覺。豬骨湯就材料充足，加入了不少配料。我就習慣咗打邊爐之前會飲返幾啖湯，可以話呢兩款湯底都是真材實料，不過下次嚟我哋都係會試辣湯，話晒都係招牌菜呀嘛。我最鍾意食就係a4牛肩胛，真係入口即溶，脂肪均勻，必食之選。其次就係老友鬼鬼，係油炸鬼包住墨魚滑，脆卜卜的油炸鬼吸收了湯的精華，墨魚滑非常彈牙。嚟呢度食野，近期有八八折的優惠，我們兩人豪食，每人都只是花費了三百多元，性價比十分高。

食四川火鍋一定要食番內地黎嘅過江龍啦~老碼頭開左大約半年，keep住都喺勁多人慕名而黎食，我地都喺~餐廳喺旺角喺大角咀果邊，旺角站行過黎大約10-15分鐘，但有提供接駁巴士! 算有誠意~招牌好大個夠晒氣勢!餐廳非常闊落，座位大，坐得幾舒服。啲Staff服務都幾有禮貌唔錯。餐牌好多選擇! 我地今日唔食麻辣，試下豬骨湯湯底。湯底一上枱香噴噴，仲有鮮菇，大蔥，紀子等配料~ 我哋叫咗出名嘅鵝腸半份，筷子牛肉， 紫薯寬粉, 無骨鮮鴨掌， 老友鬼鬼 同羊肉片~鵝腸淨係個賣相已經非常吸引呀，份量亦算多，呢度嘛喺半份~鵝腸夠厚身，煮耐少少都唔會話好韌，仲好爽口。筷子牛肉喺經過麻辣調味，辣度剛好，帶點芝麻喺面，由於牛肉較厚身，所以建議煮耐少少會更好味。鮮鴨掌就第1次食，去左骨嘅鴨掌食落好方便! 我地中意鴨掌煮耐啲會林啲仲正~老油鬼鬼上面嘅蝦滑夠彈牙，蝦味濃，配搭油炸鬼，口感唔錯。最後當然要黎個寛粉埋尾! 呢個寛粉麵條好粗，要煮好耐先食得，但口感煙韌又滑，值得一試~

今日朋友帶左我黎呢間老碼頭火鍋, 平時都好少過黎呢邊食野, 估唔到開左間咁大既火鍋店, 離遠已經望到咁大個招牌啦~呢間火鍋店有兩層, 因為地下個層full左, 所以我地就上左樓上個層, 因為冇咩人所以都好靜~餐廳既裝修都係以古時既建築設計為主, 而且每張檯既間隔都好闊落, 又坐得舒服~出面仲有個自助調味區, 隔離仲有任食生果, 打完邊爐可以食幾舊生果清熱氣我地叫左個麻辣拼豬骨湯鍋~麻辣個邊一上檯已經聞到好香既味, 本身以為豬骨湯都係d普通野, 但原來個湯底有埋火腿同冬菇, 個湯仲要好甜好好飲, 同一般既豬骨湯底好唔同餐廳都係用微信點單, 而且圖文並茂, 非常方便我地叫左碼頭必點既鵝腸, 鴨血, 牛黃喉~呢個只係半份既份量, 感覺上都有好多~而且仲會教埋你淥幾耐就食得~除左食內臟野, 當然要食番d蔬菜中和下啦~所以我地叫左個功夫土豆片同功夫萵荀片, 真係要讚下個土豆片, 比我之前食過既土豆片仲要薄而份量超多好抵食呀~因為最近迷上左炸午餐肉, 所以點都要叫黎食浸到豬骨湯底就岩岩好, 最好就即刻食, 咁就唔使浸番熱食就冇咁好味~呢度既店員態度都好好, 下次真係要再帶多d朋友食, 咁就可以試更

同老公9點後68折入去食！完全被香味欺騙左，以為會好好食！叫左鴛鴦鍋，椰子湯同成都麻辣！湯底非常之普通，很低級的感覺叫左最貴A4牛頸脊，超薄切，口感超差，似緊紗布咁無味食左一塊我已經唔想食！問個經理點解切咁薄！口感真係好差，他的回答很搞笑，說這種牛係一定要薄切！哈哈哈哈哈哈！我想沒人想要食紗布般的無味牛肉囖！所以不信經理的解釋！仲有牛胸爽，我同老公都很鐘意食牛胸爽！食過咁多牛胸爽未食過臭牛腥味的，又食左一塊無再食！因為經理話e隻牛係比較重牛味！但我鐘意牛味！係唔鐘意腥臭囖！完全都唔係牛味嘅問題！仲有叫左黑鬆露牛丸，淡淡黑鬆露味之外完全無其他味，更加無牛肉味跟住就叫左幾個蔬菜！我成晚就食左d菜同d水果好失望！咁基本都做五好！仲要價錢好貴！唔知係咪抽風好差！麻辣味好嚴重！係咁聽到人地大黑癡！我同老公都係咁打黑癡！埋單68折後💰812！食左好似無食咁！總之不會回頭

最近發現左呢間係大陸出哂名既火鍋店黎左香港開分店！唔洗再番大陸，都可以食到喇！成間餐廳由門面至到舖入面既裝潢都好特別，好有古代feel. 😍餐廳新開張全單有88折，如果係優惠時段仲有68折就，真係超級抵食呀😍😍餐廳提供好多既調味醬料，仲有生果仼食。我好欣賞餐廳既秘製香油醬汁，好香既麻香味，又辣辣地，好惹味！另外仲有圍裙同除臭機提供，咁就唔洗擔心食到成身都係味喇。幾貼心👍由於朋友唔食得辣，所以揀左豬骨湯底🥘個湯底都幾濃豬骨味，仲有啲雜菇同火腿配菜。黎呢度食，要叫佢個招牌鵝腸👍好新鮮，放到好靚。滾幾滾就食得，食落好彈牙爽口。極品 prime 手切肥牛🐂肥美手切肥牛，肉質好嫩滑，牛味濃重。都唔錯！爽滑豬潤🐖真係好爽滑，黃沙豬潤黎，正。食落唔會話有陣腥味，夠新鮮。功夫萵筍片 未食過一片片既萵筍，咁既切法都得第一次見，放到好靚好精緻。一片片的萵筍就唔洗要滾好耐，就可以食喇！索哂左湯汁，好鮮甜。珊瑚蚌👍份量都幾多，而且都好新鮮。食落非常爽口。好有嚼勁😋紫薯薯粉🍜第一次見，好特別呀！紫色好靚。又係索哂個湯食，真係好正。而且呢款薯條口感係比較煙韌啲👍除此之外，呢度仲有生啤飲添！正😆

樓高2層，招牌非常吸晴，而愛吃麻辣的吃貨唔係唔黎食呀一入到去已經散播着濃濃嘅麻辣香味🌶 職員帶咗我地上樓上的那一層，那一層都有自助醬油區正宗內地火鍋的麻油罐都有！雖然我喜歡食麻辣，但係辣度都係只可以食到小辣，我見佢有2種小辣，分咗香港同成都小辣。我揀咗香港小辣，即係BB辣啦，得1隻辣椒🌶️ 點知....都係奶野😂😂 大家可以睇下個鍋多辣椒成咁🤣🤣紅當當😂 不過好彩可以點麻油中和一下辣度☺️ 無有怕，繼續點其他配菜食！推薦功夫土豆片，係辣油中輕輕焯幾秒就食得，再加上秘製麻油不得了！湯底方面老碼頭真係落足料，香濃牛油，花椒，上等辣椒，原粒孜然。值得一讚係餐廳設置除味機，打完邊爐都唔洗怕身上有太大味啦

呢間位於旺角熱區既老碼頭火鍋，其最主打菜系就係四川麻辣火鍋，而湯底既選擇繁多，分別麻辣、豬骨湯、花膠雞、番茄湯。小編因為當日喉嚨唔係話太舒服，所以無食到最鍾意既麻辣湯底。反而揀左豬骨湯底，湯底顏色呈乳奶色，將紅棗、冬菇、老姜、冬菇乾等等精華濃縮成一煲超級正既湯底。小編飲左一啖湯底真係覺得好濃郁，唔洗沾任何調味料都已經好鬼惹味。/醬料&茶位需要卑25蚊，但小編覺得依個價錢真係卑得超級值得。因為食得麻辣邊爐一定會有香油，出面閒閒地都一罐$10蚊。但只需要25蚊就可以任用，而且水果係任食超級正。值得一讚係佢地既西瓜十分清淡，果然係解暑既佳品。但哈密瓜就唔夠甜。佢地都幾注重衛生，水果都用個密室盒裝住佢，咁樣大家都就唔洗擔心食完痾啦/食物方面：秋葵： 小編意想不到因為份量超級多，對身體超級健康。炸芋頭：良心建議大家一開始已經可以煮芋頭，佢地會慢慢變paste質地。皇帝菜：清洗十分乾淨，份量足以三人份。蓮藕片：清甜又脆口，減肥人士一定要order。台灣麵筋：呢個同香港麵筋差超級遠，好味好多。友人甚至話口感似花膠。冰豆腐：冰豆腐筆嬲係火鍋老友，因為同可以吸收曬湯底精華。鮮蝦雲吞：大大粒鮮蝦係雲吞皮裡

「成都老碼頭火鍋」其實已經開了好一段時間，還記得剛開張時，場面墟撼，恭賀花牌佈滿大街，當中更不乏城中名人支持。我對麻辣雖然不熱衷，但也心思思想一試。說起「成都老碼頭火鍋」，來頭也不少，它是成都最強的麻辣鍋！ 在成都火鍋十強前三名、成都票選的最受歡迎十大火鍋之一，在內地擁有多間分店。由於餐廳推出早食/晚食優惠，19:30前離座或21:30後入座，全單可獲68折優惠，當然酒水及飲品除外，所以，我們決定早點開餐。醬油及水果以自助形式供應，每位HK$25。鮮榨椰汁 先來飲品，椰汁是以原個椰子鮮榨，味道香甜，喝時還可以吃椰子蓉 ，這個比一般罐裝的椰子水，顯得更有誠意火鍋湯底有辣有唔辣，我點了鴛鴦湯底，分別是豬骨湯及花膠雞。 花膠雞湯真材實料，大大隻的雞脾在湯內餚製浸泡，味道鮮甜，雞香味濃醇，配上養顏花膠以及彈牙素翅，喝後咀裏仍然保留黏黏的膠原感。碼頭肥腸頭 肥腸頭同樣是非常新鮮，口感油潤，油腴豐富，脂香味濃。滑溜溜鴨血 鴨血本身沒有任何味道，不過，放湯後變得非常惹味，滑溜溜的，很好吃。極品鵝腸 賣相不錯，鵝腸一條條的掛在木架上，細薄剔透，口感爽脆，非常新鮮。烏冬 烏冬口感非常彈牙，即

今日去旺角行街，之後自然想去旺角後花園大角咀搵食，大角咀都出名多野食，要突出去吸引d客，一d都唔容易，除左食物要好，服務都一定要好。先講下湯底先，火鍋最重要係湯底，唔好味的湯底，同將食物放落水煮一樣，淡而無味，雖然今次唔係食麻辣湯底，但味道依然好足，唔會太清淡。之後講食物，d花甲真係大大隻，好新鮮，食落啖啖肉，真係想叫多轉； 手打牛筋丸，同出面的唔同，真係好彈牙，牛肉味好足，真係比出面的好好多，唔會有雪味。講服務，應該少有，佢會有私家車車返我同朋友出旺角，真係想象唔到甘好服務。

未講今晚食咩之前，好想分享呢一度最特別嘅地方係，有專車接送！話說約咗朋友嚟依一度試一試佢個麻辣火鍋，如果由旺角去嘅話，其實都幾遠！但依一間餐廳非常之細心，原來可以有專車接送！只要你去之前，打個電話同佢地book，食完飯又有車可以接返你出旺角，真係非常之細心❤️❤️❤️麻辣火鍋湯底比較辣，感覺同我地一般食開嘅唔同。豬骨湯底都唔錯，清清地👍🏼我想讚一讚佢個紫薯粉，好吃❤️❤️仲有個蛋餃，都好好吃😋