德美壽司 (新都城中心1期) (已結業)

✨#中女獨食難肥日誌 ✨#德美壽司 #sushitokumi #將軍澳美食 #中女食將軍澳德美有多間分店，口碑不錯，早前吃過尖沙咀分店水準也高👍🏼不過身為將軍澳人，德美在將軍澳開了分店卻未試過🙈這天晚上與友人一嚐💕..#壽司盛盒美 $208有吞拿魚、劍魚腩、帆立貝、三文魚🍣、鰻魚、熟蝦、三文魚籽、吞拿魚蓉卷及玉子！新鮮好吃，水準高👍🏼飯細細舊，微暖，有壽司醋香！..#野菜牛肉鍋 $74半生熟牛肉份量足，附上一隻生蛋，有很多配菜，娃娃菜、金菇、冬菇、豆腐、粉絲，加多碗白飯配甜甜湯底一同吃，又飽又滿足😌..#洋風燒三文魚丼 $98此為晚餐定食，定食包括沙律🥗、麵豉湯及甜品🍮，沙律新鮮，甜品是奶凍，$98還有魚生飯幾抵食！三文魚丼炙燒過，香口，加上蛋黃撈飯好味👍🏼總括水準與之前尖沙咀分店吃的相若，而晚市定食都抵食😉..📮地址: 德美壽司 (將軍澳)將軍澳貿業路8號新都城中心1期地下99-100號舖☎️電話: 24587928

今晚係三號風球，緊係唔買餸，落商場食就最方便。呢間德美壽司，上次幫襯完都幾好味，見今晚無咩人，即刻食返轉，平日等位等到天昏地暗。一入到去即刻叫左個活鰻魚朴葉飯定食，個定食都幾抵，包括有沙律、麵豉湯、甜品。先講個鰻魚飯，份量都唔少，有成半條。鰻魚質感軟綿，有些少燒焦味。飯ge份量較多，但鰻魚汁卻唔夠，而且朴葉作用唔大，初以為飯會有葉ge清香味，但整體黎講個飯都幾好食。麵豉湯味道正常，唔會過咸，沙律味道有d似凱撒沙律，都唔錯。甜品係豆粉蕨餅，豆粉味道稍重，但蕨餅口感軟糯，都幾好味。黎得呢到，緊係要幫襯埋d壽司，叫左三文魚腩壽司、炙燒左口魚邊壽司、帆立貝壽司各一客。三文魚腩壽司肥美，無腥味。帆立貝壽司鮮甜。炙燒左口魚邊壽司，入口即溶，口腔充斥油香。可見，壽司質素十分之高質。

星期六黎到新都城食lunch食乜好呢，有lunch set嘅餐廳唔多，而德美就係其中一間佢個lunch set選擇十分多款，有壽司，刺身飯，天婦羅，各款熟食等等，通常都會配沙律，麵豉湯，茶碗蒸，同甜品，價錢好多都一百蚊以來，冇另收加一，喺寶琳黎講算係幾抵食先黎沙律同茶碗蒸，茶碗蒸好足料，十分滑溜，入面有菇，蟹柳，雞肉等材料，沙律有一片仔帶子刺生，都十分出色我叫左個牛肉烏冬配壽司，97蚊，有6件壽司再加玉子，舊玉子真係冇得輸，牛肉烏冬d烏冬好彈牙，d牛肉有dd過熟最尾就有甜品，係牛奶奶凍再加芒果醬，甜度同份量都啱啱好，又夠滑呢度有好多款餐，下次weekend要黎寶琳食lunch會再幫襯

德美壽司嘅日本料理一向有保證而且高質，更位於商場新都城內， 十分方便，而且所有壽司都是師傅現場即整，的確想當之抵！今日我哋晚飯去到，叫咗一個魚生丼套餐，套餐包括麵豉湯、沙律🥗前菜、甜品。前菜沙律相當，有一塊煙三文魚係上面，加上橙色沙津醬，十分開胃！- [ ] 吞拿魚魚腩蓉三色丼 $148吞拿魚茸手打出嚟嘅感覺真係唔同啲，魚肉唔會厚實，非常鬆軟！加上大大塊鮮甜creamy的海膽和大大粒帶子，組成三色丼，還加上三文魚魚子，脆卜卜，yummy! 食完成個飯已經好飽，估唔到有芒果奶凍做甜品

今日我哋去到寶琳的德美壽司吃晚餐，佢哋有個精選二人餐性價比非常高，啲嘢食黎得好快，快到一張二人枱都放唔晒所有食物，抵讚！日式前菜 係魚乾仔，脆脆地又甜甜地，作為開胃菜唔錯！三文魚刺身刺身肥美厚切，三文魚味濃厚，仲有四片咁多！鹽燒鯖魚用鹽燒呢個方法烹調鯖魚令到魚皮都非常入味，魚肉嫩滑冇骨，連埋皮食唔錯！支豆支豆仲係熱辣辣，鹹鹹地幾好食野菜牛肉鍋個湯底貌似收起燒，甜醬油湯底，牛肉油脂分布平均，大大塊，仲有蔬菜底，仲可以飲埋個湯同食埋粉絲日式炒飯個日式炒飯係用石鍋上，石鍋便非常熱，容易壓成飯焦和風沙律特別要提的是呢個和風沙律的蕃茄十分甜，幾大碗！雜錦天婦羅天婦羅脆漿非常之薄，蝦十分彈牙，茄子🍆冬茹都好食大蜆味噌湯味噌湯味道剛剛好，唔會過咸！甜品芒果奶凍，奶凍好滑，淋上芒果汁，好清新！

放工後想好好地獎勵一下自己，但又不想再轉車轉來轉去地找尋餐廳，今次就在屋企附近吃晚餐，又近屋企又好味！.星期一至五還有定食套餐選擇，多達十多個套餐，還要是平民價錢喔！每個套餐更有沙律🥗、麵豉湯🥣及甜品🍮！真的很不錯👌🏻！.安格斯牛扒定食 $118細心餐廳🍴已切好一件件，方便客人進食！烹調時間還可以，不會太乾但當然不會入口即溶啦！😅是與這個價錢成正比的牛扒！🤣.左口魚壽司🍣 極極極力推薦，入口即溶！左口魚油脂佈滿了整個口腔，還吃到魚上經過火槍輕輕燒過的焦香味！一流👍🏻！.牛油果🥑軟殼蟹卷物壽司師傅一點都不小氣，製作完壽司還將剩餘的軟殼蟹放都放在碟上。牛油果🥑很新鮮，壽司到口時軟殼蟹還是暖暖的，十分香脆！壽司內有軟殼蟹及青瓜，吃下十分爽脆！外軟內脆！好味！.炸雞軟骨雞軟骨炸至金黃，熱騰騰的送上，非常熱喔大家要小心！ 炸粉不多又香脆！很好👍🏻！但味道偏濃！.日式蕨餅 （套餐甜品）又有驚喜啦！超軟綿綿，外層還佈滿了黃豆粉和芝麻粉，吃下香味濃濃，甜甜軟軟的為這個晚餐畫上完美的句號！

住向寶琳出街食飯又賴得行，就一定會去左新都城搵野食。要食日本野，除左元氣，就一定會林起德美，因為伏既機會低。午餐尤其抵食，通常一個月都食兩三次。今次第一次食晚餐，星期日黎食，都要等一陣先有位，大約15分鐘。卷物都幾特別，叫了帶子鵝肝卷，相當有驚喜。上面有d脆脆配合埋鵝肝既油，以想不到的有層次，呢個真係下次要再食。三文魚腩份量相當多，抵食~真鯛同埋池魚都好新鮮，無乜魚腥味，食白身魚最怕唔阿新鮮會有腥臭味。

由細到大都係新都城呢到長大，最近新開左好多唔同既餐廳，呢間係我行過咁多次都見到好多人食既一間餐廳，今日諗左好耐，決定去試下佢有咩咁勁，要排隊拎飛，人流動得幾快，唔洗等好耐就可以入一枱，但不停都會有好多人黎。入面環境都算好大，地方又乾淨，只係員工冇咩笑容，不過服務都非常周到。原來佢係好多間分店，今次開黎呢到，岩曬我呢Ｄ揸車人士，新都城泊車優惠非常好，100蚊已經可以有一個免費，最多三個鐘。食物方面都非常優惠，佢有幾個套餐選擇，每個套餐都會包一碗麵豉湯，沙津同甜品，百幾蚊有咁多野，真係算唔錯。我就叫左呢個－北海道魚生丼－，都係138蚊，刺身好新鮮，款式都算多，佢有三文魚，帶子，有頭甜蝦，油甘魚等等。男朋友就叫左呢個－活鰻魚樸葉定食－呢個飯等得比較耐，可能係因為我食魚生飯太快，我食完男朋友呢個先到，好特別既木盒去放呢個飯，鰻魚又厚又大條，肉質仲要唔會太淋有小小咬口，又唔會太多骨，好味。前菜既沙津都好好味，入面有一條墨魚刺身，菜唔太苦，配上日本芝麻醬非常好食，麵豉湯唔會咸，最後甜品係豆腐配上芒果醬，非常夾。

聽聞呢間壽司鮮味十足，故特此一試七點半左右到，要拎飛，等咗半粒鐘左右就有位嚕店內有圍住師傅嘅bar枱，但更有趣嘅係相正中間嘅一個蟹缸，裏面有好多好活潑嘅蟹仔，我唔係坐bar枱，但聽師傅講呢啲蟹比其他更鮮甜，可惜我已有目標，否則下次一定試，勁吸睛叫咗兩個晚飯套餐，先上日式前菜，沙津同埋味噌湯。沙律啲菜幾新鮮，最驚喜係食食下有舊唔同口感嘅嘢，原來係魷魚，食落幾夾三色魚生丼，中間嘅蛋一篤就穿，蛋黃流哂出黎，畫面好治療！飯有少少黏，連埋唔止新鮮而且好食嘅各類魚生（特別欣賞每一舊都係厚切）,加埋醬油，真係超級正！食到唔想停口德美海膽魚生丼，賣相滿分！有德美字樣嘅甜玉子，放得超有美感嘅蝦（仲要去哂殼，只留蝦尾，勁方便食,又有咬口）,不同種類嘅厚切魚生，魚子蟹柳，同埋最驚喜嘅海膽好多地方食海膽都有陣怪味，呢度完全無，仲有少少甘甜真係抵我唔理啲蟹食呢個（但我下次會揀蟹）食哂都幾飽，上埋甜品，畫上完美句號埋單人均百五，真係平靚

德美壽司一直都是大家喜愛的日本餐廳，最出名的是尖沙咀分店，但今天路經將軍澳，發覺這裡也有德美壽司的分店，因此去看看跟尖沙咀有什麼不同。餐廳位於新都城一期，位置非常方便，與港鐵站只是一條馬路的距離。餐廳內部裝修優雅，跟尖沙咀的分店差不多。甜蝦壽司，凡立貝壽司，火炙左口魚壽司，都非常美味，非常新鮮。玉子燒，雞蛋上有德美的文字，非常有趣。雞泡魚干燒得有魚汁，配上沙律醬非常匹配。雜錦天婦羅，配搭豉油兩隻大蝦，加上不同蔬菜組成，配上天婦羅汁，非常美味。野菜牛肉鎬，份量大份，性價比非常高，加上味道不錯，值得一試。加上綠茶冷麵，冷麵大有一點點綠茶味，非常特別。

今日想食日本野，不過前排元氣板長成日做8折，搞到都食到有D厭依兩間，朋友講新都城呢度有間都好出名刺身既叫漁之味既店, 所以就黎左呢到，但點知去到發現已經執左⋯⋯不知不覺間已經變左—德美望下個價錢，似係走高檔優質路線，考慮左陣，無理由一場黎到又唔食既，所以就照同朋友入左去啦。好彩時間未到旺場，唔洗等位即刻入得，坐低就睇下餐牌先啦原來佢除左單點之外，都仲有D SET可以食D SET價值大約都係100$上下，以日本野黎講唔算貴，而且包野飲、湯同甜品，算係幾抵食！點餐之後，好快就送上一碗味噌湯，配料有海苔同豆腐。沙律都好fresh飲湯同食左前菜之後，我點既德美海膽魚生飯岩岩好時間到😆。賣相擺盤睇落又豐富又吸引, 第一眼望落D三文魚子好新鮮！第二眼比個「德、美」玉子吸引左注意。食落去方面，我特別想讚下油甘魚，比普通壽司店更有口感，而且食得出係新鮮貨！「德、美」玉子甘甜（但兩隻字有啲唔夠喉🤣），而海膽食落有D海水鮮味，但唔會腥👍🏻三文魚又夠肥美整碗既刺身配料非常有誠意，每片刺生都係厚厚的，食落口感豐富滿足♥️，而且仲有各種唔同款的刺身，岩哂選擇困難症既人！咩都有得食！🤤而且質素都係有「千X」級數！但

好少嚟到寶琳，覺得寶琳呢度嘅嘢食比較少，人又好似幾少所以揀咗呢間日本餐廳都有D驚， 不過估唔到食物質素唔錯，今餐都幾滿意。一嚟到首先叫咗個生蠔先，$59，不個超大粒好似我成個手掌咁大粒，生蠔非常之鮮甜，都算幾creamy 。另外叫咗個辛味櫻花天婦羅卷，呢個天婦羅卷辣辣地，不過呢上邊有好大好大粒魚生，口感咁豐富之餘辣辣地都幾刺激。另外我哋都叫咗個牛油果沙律，牛油果沙律入邊有大大粒牛油果切碎咗，配埋啲生菜非常之健康又開胃。

今日嚟到將軍澳嘅德美壽司，叫左幾款嘢食，首先叫咗個沙律先，和風三文魚沙律$83，估唔到呢個沙律嘅三文魚俾咗好多我哋，唔整到成多花咁添，三文魚新鮮啖啖肉，愛和風醬汁令到成個沙律好開胃。由於我同朋友都好鍾意食壽司所以我哋就叫咗個壽司盛盒，美，$208，入邊有吞拿魚，油金魚三文魚池魚帆立貝三文魚子鰻魚同埋拖羅卷。 $208都算幾抵食大概有10件壽司到，其中拖羅同帆立貝一定要試吓，拖羅雖然唔係一大塊嘅拖囉但係拖羅茸都幾新鮮，係鮮粉紅色嘅，最怕出邊啲餐廳嘅拖羅茸唔新鮮係之前切定嘅，帆立貝都好新鮮大大粒，1口放晒成哥勁滿足。一個人買單大概150, 性價比唔錯下次再會嚟食。

問左第二次未黎沙律湯，就黑面回應，咁既態度，唔好做啦，尤其係某一位侍應其態度真係唔想做咁，食物質素再好，都難以嚥下，價錢上亦唔算好抵，只係食物上份量較大較多，感覺上唔會再黎食！

已經成為我如果系屋企附近食日本野經常去嘅餐廳。魚生非常新鮮，銀雪魚西京燒好食！整體來講覺得佢系平靚正之選！今次6:30pm就黎到，所以唔洗等位。基本上一到七點就已經要排隊😬我地2個人分別叫左二個set（銀雪魚西京燒同埋特選海鮮丼）再加多左一個牛肉鍋。個set本身有湯，沙律同埋甜品跟埋，非常滿足。星期一至星期五dinner set menu 。跟set嘅湯同埋沙律 - ok 銀雪魚西京燒 - 我最愛 ，yummy😋特選海鮮丼 - 新鮮，正😋牛肉鍋 - 👌🏻奶凍 - 😋