德美壽司 (新都城中心1期) (已結業)

星期六黎到新都城食lunch食乜好呢，有lunch set嘅餐廳唔多，而德美就係其中一間佢個lunch set選擇十分多款，有壽司，刺身飯，天婦羅，各款熟食等等，通常都會配沙律，麵豉湯，茶碗蒸，同甜品，價錢好多都一百蚊以來，冇另收加一，喺寶琳黎講算係幾抵食先黎沙律同茶碗蒸，茶碗蒸好足料，十分滑溜，入面有菇，蟹柳，雞肉等材料，沙律有一片仔帶子刺生，都十分出色我叫左個牛肉烏冬配壽司，97蚊，有6件壽司再加玉子，舊玉子真係冇得輸，牛肉烏冬d烏冬好彈牙，d牛肉有dd過熟最尾就有甜品，係牛奶奶凍再加芒果醬，甜度同份量都啱啱好，又夠滑呢度有好多款餐，下次weekend要黎寶琳食lunch會再幫襯