德美壽司 (新都城中心1期) (已結業)

德美真的開到四處皆是，而且間間都坐滿人！親戚住在將軍澳，問我有什麼好吃，我就推介了德美給他一如其他分店，門口區域站滿等位的人，等了一會才能就坐。裝潢如一間中級日料一樣，非常乾淨企理，但不算很fancy，坐位之間的距離感很狹窄。食物：朴葉鯔重定食$108鰻魚乍大骨都挑走了，吃下的是剩餘很少量的細骨，比大部分的日式居酒屋專業很多，而且吃下去稔軟鬆化，甜度適中。不像很多居酒屋的鰻魚過度煙韌，照燒醬甜得舌頭發麻，非常滯膩。飯粒也是粒粒分明，口感略帶煙韌。定食的沙律，味噌湯也合乎預期，水準適中。此外還附有一份日式蕨餅，澀度高的抹茶粉，配微甜的彈牙的蕨餅，份量不多，但少吃多滋味。鱈魚西京燒$96風味帶甜但又不會膩，魚脂香甚濃，甚有日本風味。侍應再忙都保持良好態度，值得一讚

又有d肚餓，入左德美食飯，6:30pm已經很多人了。得一個人，所以冇叫丼，因為想試其他小食。三色壽司（$82）+三文魚壽司（$27）三色壽司有幾款選擇，簡左海膽、三文魚子、蔥拖羅茸，樣樣都新鮮，海膽鮮甜，未算好creamy，三文魚子脹卜卜，因為有用醬油醃過，鮮甜唔腥。而蔥拖羅茸勁厚勁大件👍🏻👍🏻👍🏻，另外三文魚壽司肥美，好新鮮。炸雞軟骨（$40）炸到金黃色，上枱時仲好熱辣辣，炸得香脆，真係會密密食，食時要小心啊。蟹肉忌廉薯餅（$54）雖然係細細件，但有成4塊，都係熱辣辣，好多蟹肉好creamy。好飽😆😆😆

朋友住寶林，他推介我去食區內出名的日本菜——德美壽司～ 當晚七點半來到，已經要等位，期間見到師傅即場整壽司🍣，夠晒新鮮。——————————🔸三色丼 $118這個三色丼有三文魚、油甘魚和帶子，中間放上溫泉蛋和蟹子。三文魚厚切肥美，食到有魚油香～油甘魚和帶子色澤亮麗，鮮美十足，不錯👍🏼一碗可以食到三種高質美味的刺身，正☺️🔹活鰻魚朴葉飯定食 $108媽媽不想吃生冷食物，所以叫這個鰻魚飯。鰻魚肉質很嫩滑，一拎起軟林林😍 鰻魚汁甜甜的，不會蓋過鰻魚的鮮味，夾埋雞蛋絲，口感會更豐富。不過鰻魚汁不夠撈飯食，差少少😬🔸芒果奶凍 這個芒果奶凍小小一碗，奶凍好滑好香奶味，淋上芒果汁，為整個晚餐畫上完美句號☺️

連續幾日收夜，今日就決定抱著「明天的事明天做」的心態而早些離開公司。並沒有什麼安排，只想獨個兒早點吃飯，早點回家。有時獨個兒真好，咀巴不用說話，腦袋亦不用動，唯一只是想想獨自吃什麼，畢竟我成日只想食（wanttoeat）。附近的確有不少選擇，但努力工作好幾天，真的不想吃個麵或速食快餐就算，所以還是決定食好啲，去吃喜歡的日本菜。餐廳裝潢沒有改動，保持簡約企理，設有長櫈配二至四人枱、 “L”形的壽司吧枱和數張二至四人枱。最舒適是樓底高，空間十足。枱上放有三份餐牌和一本厚餐簿。餐牌分別有飲品、晚巿定食和二人餐，而餐簿就是單點菜式，有薄切、刺身、壽司、軍艦、火炙、花之戀、三色壽司、大盛、五點盛合、卷物、小卷、手卷、丼物、前菜、沙律、漬物珍味、串燒、燒物、天婦羅、炸物、一品料理、碗物、鍋物、麵類、御飯、飲品和甜品，很多選擇。*************************獨個兒最好點晚巿定食，分有魚生丼和定食，均配湯、沙律和甜品，又豐富又實惠。在十四款晚巿定食中揀了德美海膽魚生丼晚巿定食 Tokumi Sea Urchin Sashimi Rice ($158）。湯和沙律齊上，雜沙律菜清爽，拌

作為將軍澳人，眼見最近呢2-3年開左好多新嘅餐廳，不過有好多都經唔起時間嘅考驗，汰弱留強，快來快去，唯獨係呢間，經營多年仍可以屹立不倒，所以如果我想響屋企附近食有質素嘅日本嘢，德美一定係我二話不說嘅選擇，點都要支持，所以尋晚同屋企人又再幫襯一次啱啱開學第一日晚上都可以咁多人，full晒要排隊，可想而知佢响將軍澳區嘅受歡迎程度真係唔講得笑。由於我吔2個人都想食魚生飯，結果order左一個三色刺身定食及北海道刺身定食，性價比高，唔係同區最平，不過換嚟有質素嘅食材，絕對抵食

今日入黎將軍澳探朋友, 平時都好少嚟，朋友話呢間係佢樓下數一數二好食嘅日本料理，就去試下。本身諗住食鰻魚定食，但係我見佢地d 師傅即場整d 魚生都好新鮮，所以即刻轉左食魚生類別。我叫左個壽司定食配牛肉烏冬，仲要送埋湯, 沙律同甜品。牛肉烏冬個湯, 係我最鍾意果隻濃湯底, 正呀！之後就緊係主菜——壽司啦有我最愛既吞拿魚, 係香港好難得可以係好食, 正呀! (如果有食過某連鎖壽司店就知佢地d吞拿魚好似刷膠咁OMG)總數有6款壽司，有充滿鮮味三文魚子, 肥美三文魚, 蝦, 帆立貝, 池魚。仲有兩個玉子印住『德美』兩個字, 少少甜，好味！黎個全家福先~~甜品係抹茶和菓子飽哂! 如果係將軍澳黎講, 咁既價錢, 真係抵到爛, 性比價高！

某日經過呢間鋪頭，木系的裝潢增添了幾番日式風味，環境不錯！所以就入去試一試！🎐當日係平日既夜晚，但都坐無虛席，店外亦不斷有食客等位，看來都幾受歡迎！🌟『德美海膽魚生丼』$158魚生丼配上麵豉湯、沙律和甜品魚生丼一流！多款刺身鋪滿飯面，魚肉厚切，有鮮味又夠凍，沒有雪藏味。特別一提是帶子爽口，新鮮！而三文魚籽有用醬油醃漬，味道剛好，唔腥，送飯一流！🌟『北海道魚生丼』$138份量頗多，換上了赤海蝦。赤海蝦很甘甜，三文魚肥美，配上生磨Wasabi, 轉眼就食完整碗飯！最後送上甜品，是抹茶Mochi。質感煙韌，鋪上了濃厚的抹茶粉。小巧精緻，不錯的一頓晚餐！

德美係香港都算老鋪，每次經過紅磡同尖沙咀鋪都是滿座，常常晚餐時間都不一定可以食到，今次估唔到開係將軍澳，方便我依d街坊去食晚餐定食都幾抵食，有跟埋湯、沙律、甜品，最好揀左壽司定食配牛肉烏冬牛肉烏冬雖然細細碗，不過牛肉都唔算馬虎，食落都覺得靚牛肉，而且仲有幾舊其實和單叫壽司拼盤差不多，只是少2，3款壽司，但最好食和最重要都在，而晚餐平幾十蚊，再加烏冬，識叫當然要選擇晚餐晚市包括吞拿魚、油甘魚、三文魚腩、帆立貝、熟花竹蝦、魚子、玉子隔外再加貝柱花之戀最後簡單的芒果牛奶布丁，雖然唔太大特別，不過最完結都不錯

將軍澳住左咁耐😅一直都未試過呢間日本菜，見佢有時平日都要排隊，網上口啤都唔差，所以今晚約左兩個朋友黎聚聚😌平日六點幾到都坐滿左八九成，咁快既😂😂😂定食已包沙津、湯、甜品，我地三人一人叫左一個餐唔洗煩😆👇🏻👇🏻豚肉生羌燒定食生羌燒既汁實無死🤣幾好餸飯！不過豚肉偏瘦，有些少硬同柴😅😅👇🏻👇🏻鰻魚朴葉飯定食打開蓋黎到已經好香😳我無試過，但朋友話幾好食，不過覺得汁唔夠撈飯喎😂😂👇🏻👇🏻銀鱈魚西京燒定食 因為唔想食飯，所以+$15轉左烏冬，魚燒得幾好，略嫌醃得甜左少少😅😅份量黎講，我覺得算係咁架啦😂😂😂而烏冬口感煙韌，幾好味既😌總括黎講，職員服務態度都幾好👍🏻👍🏻環境都坐得舒服，味道我地都覺得幾好，會有下次既😆餐廳不斷有人幫襯，七點幾就開始要排隊，要食既就要早啲啦～～～～

成日見人食德美壽司🍣，我都想食好耐喇，最近我都要左食喇🙃🙃本身想食左口魚裙邊薄切，可惜冇哂了😭😭最後前菜叫左我最鐘意嘅螢光魷魚🦑仲有海膽蒸蛋🥚，螢光魷魚係一如既往嘅好食🤤，蒸蛋上枱熱辣辣，蛋夠滑，面頭有一大pat海膽🥰，入面仲有蝦肉🦐，唔錯😌主菜就叫左活鰻魚朴葉飯🍚，呢個飯幾特別，用個木箱仔裝住，入面仲有塊葉包住d飯🍃，鰻魚新鮮，食到底d飯有少少葉味，幾特別👍🏻👍🏻

今日放工同朋友去左寶琳站附近嘅新都城食晚飯，揀左呢間日本餐廳 — 德美壽司。晚餐都有好多人食，等左一陣就有位。呢間餐廳有晚市定食，連埋沙律、味噌湯同埋甜品，有熟食同埋魚生嘅定食揀，唔會太貴。店員都好有禮貌，落左單等一陣就上菜了。吞拿魚腩茸三色丼$148:吞拿魚腩茸配埋海膽、帶子、同埋飛魚籽，十分足料，夠新鮮，好好食。豚肉生羗燒定食$78:豚肉燒得剛剛好，唔會太韌，同啲羗汁好夾，撈汁食飯好開胃😋。甜品係芝麻味麻糬餅，味道ok。總括黎講，今餐係非常滿足嘅一餐！

最近香港不斷引入日本餐廳，雖有其他連鎖式，但良性競爭總是好，食客會有更多的選擇。是次介紹為價錢親民的德美。刺身盛（＄１６９）有多款不同刺身，三文魚、油甘魚、帶頭甜蝦、帶子是基本的元素。還有吞拿魚蓉、玉子及白身刺身魚。（抱歉我只顧吃而遺忘了餐牌）值得一提油甘魚厚度夠而肥美、還有本人本身不太喜歡帶子，卻因為過份鮮甜而開始愛上，哈哈。白身魚味道偏淡，但是卻為罕見。大食量注意，可選白飯／壽司飯／腐皮烏冬，飯可以加添！三拼午市（名字已忘）＄１００有卷物、壽司、小吃、刺身及炸物，可以說是美食家必點的套餐，因為每款食物都包括在內，嘗到壽司店的功架。個人認為很吸引。拖羅壽司更是回本位。炸物方面有炸雞及雜菜餅選擇。每一個SET都有沙律、麵豉湯、茶碗蒸及甜品。很、豐、富。沙律沒有選有胡麻醬，令整個日式套餐略有美中不足，茶碗蒸選用雞肉、令本身蛋的清香沒有散發出來。甜品也算是中規中矩：芒果醬奶凍。午市才有以上的套餐，而且不用加一，性價比很很很很高。而且坐近吧位有一盤寵物（蟹），增加歡樂氣氛，而且師傅很友善，也願意忙碌中跟食客有著互動。

There is a maximum duration of 1 hour for having lunch on weekends only. All waitresses will keep asking you to order right after you sit down. If you have 1 or 2 friends not arriving together, they would keep asking you to order for them, too. Not recommended if you want to enjoy your food on weekends.

平日的晚上六時多，餐廳已經全場爆滿。打開餐牌，壽司、刺身、定食、丼飯、串燒等都有提供，當中也有二人餐。精選二人餐$308 和風沙律 - 有番茄、粟米、羅馬生菜配日式胡麻醬。枝豆 - 送酒一流！日式前菜 - 小魚干，甜甜脆脆，作為開胃菜不錯！三文魚刺身 - 有四片，新鮮肥美厚切。什錦天婦羅 - 有蝦、茄子、南瓜。鯖魚鹽燒 - 表皮香脆，魚肉嫩及入味。野菜牛肉火鍋 - 肥牛充滿香濃牛肉味，肥瘦適中，還附上一隻生蛋，鍋內亦有很多配菜，如金菇、粉絲、豆腐、娃娃菜等。日式炒飯 - 炒飯配有小貝桂、魷魚，返面更有木魚碎。石鍋非常熱，容易形成飯焦，令飯更香口美味。甜品 - 芒果汁配牛乳布甸，甜度適中而且牛奶味突出！

話說平時喺紅磡宿舍嗰邊都成日食呢間但係最近開到嚟將軍澳屋企附近一於試吓之前食過幾次嘅印象都係質素OK價錢又平但係可能一段時間冇食而家嘅菜式好似有啲唔同改變左賣相靚咗款式亦都好似多咗🍱一嚟到我哋叫完嘢食就有沙律同湯🥗德美海膽魚生丼 $158入面有四舊海膽四舊魚生一啲赤背魚子蟹子等等 價錢唔算貴 魚生幾鮮甜 賣相都唔差同之前開喺呢個位嘅日本鋪頭相比 有過之而無不及🍣燒鯖魚飯定食 $75呢個會係一個清淡少少嘅選擇 魚嘅份量都幾大條 有檸檬汁蘿蔔蓉等等伴碟🐟食到最尾仲有呢個奶凍做甜品☺️☺️☺️