幸屋

營業中

休息中

香港真係好難搵到好食嘅沾麵，雖然各人口味唔同，但好食嘅沾麵個人認係離唔開幾個準則，1）湯汁唔會太咸令人超口渴，2）麵質彈牙又可掛湯索哂啲汁，3）配料足夠又入味，4）湯汁夠熱。對我嚟講熱辣辣暖笠笠嘅湯底係最吸引，啲麵沾完個湯後，唔會整到個湯都凍埋，呢間拉麵店個麵可以揀凍定熱，湯及麵我都係揀熱，而佢個湯係非常之熱，麵亦係比想像中為熱，真真正正係煮過俾你，所以將成個麵食哂後，啲湯都未灘凍。好似呢幾日都咁凍，食個熱沾麵真係好正。除咗沾麵，我試咗4個小食，每樣都好夠份量，以好抵嘅價錢可以食到飽極滿足。蟹籽沙律，俾足料你呢個好食到痴線嘅芝士年糕餃子，好食牛舌，好食主角係沾麵，啲配料非常充足，有個好大件嘅豬肉，有糖心蛋，仲有兩件帶子及超多櫻花蝦，個底仲有木耳、筍、香蔥、紫菜，落少少檸檬仲解滯，佢個湯唔係好濃，所以好okay。少少難搵，周圍冇得泊車，行一段小路，唔就腳但都會再去。食咁多嘢都係合共HK$436-

灣仔有好多人氣拉麵店而哩間亦係其中一間😗餐廳位於灣仔內街橫行位置唔太顯眼 但都易搵餐牌選擇都好多有小食🥟 有拉麵🍜 有丼飯🍚心大心細😂😂所以直接揀左兩人前套餐 $288▫️黑武士🍜叉燒有三種選擇：燒叉燒 / 御屋 / 豚角煮今次就揀左豚角煮 肥瘦適中食落夠軟淋 唔會好硬配料都有好多 有香蔥，木耳絲，椰菜連埋拉麵一齊食 好爽口😌▫️北海道蟹味噌湯拉麵 +$45哩款係期間限定拉麵黎 所以要額外再加錢💸好豐富！有蟹鉗🦀 又有叉燒不過湯就比較淡 味噌味唔夠重😖▫️和風餃子🥟一上枱 有驚喜🤩個賣相已經贏哂餃子夠熱！咬開充滿肉汁D脆片好香口 配埋沙律醬同木魚片好好味！😋▫️串燒🍢分別有：雞軟骨，冬菇，雞翼，牛舌哩D都係食串燒必叫既野食😋▫️軟殼蟹沙律🦀🥗軟殼蟹都夠大隻 夠脆口食落唔會話好油！不過沙律菜就失色左D 得幾片生菜🥬 同洋蔥🧅 同幾粒蕃茄仔🍅如果唔好洋蔥既就要考慮下啦🫣🔸總結．必試和風餃子🥟 淨係賣相已經夠驚喜 食落又好味😋 拉麵🍜就普普通通 不過不失．店員好好禮貌👍🏻 餐廳坐得都舒服

隱閉拉麵小店 但人流不減店内有好多年青人客人數目一個接一個好彩我早去岩岩好有位🤭每張枱上面都有酸辣大荳芽可以比大家開胃先🤣黑蒜濃厚山藥豚骨拉麵有別於傳統拉麵 湯底有肉碎係入面 ,加埋拉麵一齊食 口感昇華了👍黑蒜油味唔算太濃 如果可以再重好味就好了！🤭麵底可以個人喜好揀軟硬度及粗幼我揀左粗麵 硬麵 口感唔錯🤤豚肉肥瘦適中而且夠稔亦好有兩件 份量合理！👌🏿櫻花蝦味噌拉麵水準合乎預期 而且配料多整碗拉麵份量好足料糖心旦甜甜地 幾好食！😋佢呢度拉麵湯底 飲完都唔會勁口渴 應該唔重味精👍👍和風餃子煎得好靚 要襯熱食埋啲脆脆邊餃子入面係豬肉餡 一啖食落口好juicy!🤤炸廣島蠔肥美又香脆而且唔會有腥味 幾好味😋

灣仔好多拉麵店🍜，各有特色，但我就會為左📍幸屋的和風餃子而encore幾次喇!! 餐廳用返日本風裝修🎎，職員友善親切，坐得舒服👍👍🔸 和風餃子🥟｜$38餃子好特別，少少似大阪王將，而佢面層有好大塊薄脆及燶邊，配上章魚燒甜醬同沙律醬好食。而下面餃子皮薄餡多，正到會回頭encore👍👍🔸 蝦汁帆立貝沾麵🦐🍜｜$128沾麵個湯好濃稠，食落有魚介同蝦味，而且配料都好豐富，有兩大隻好飽滿既帆立貝，一塊半肥瘦豚肉，同埋大量櫻花蝦，令整體味道有層次😍😍而拉麵偏向粗身厚實，條條分明，沾上濃湯食味道一流。沾麵湯上枱時熱辣燙口，加分!🔸 蒲燒鰻魚丼🍚｜$98原條鰻魚上枱，真材實料，肥美厚實但肉質軟腍，可以奢侈地大啖大淡食!! 大量鰻魚汁加上流心玉子，個飯都好好食，滿足了😋😋😋🔸 吉烈廣島蠔🦪｜$42廣島蠔肉🦪大粒肥美，吉烈炸粉又唔會太厚身，炸到外脆內軟，配埋蛋黃醬食，絕佳配搭。📍幸屋灣仔機利臣街5-9A號維昌大廈地舖

因為係灣仔返工，所以成日約係附近返工嘅家姐一齊食嘢，呢間拉麵店係我地一致認為好味值得再食嘅拉麵店😚所以又嚟啦😏熟成味噌廣島蠔 赤雞湯拉麵 $128🦪🐓🍜呢個拉麵係新品，湯底對比另一個拉麵會稍鹹，最驚喜係廣島蠔有四隻🥳仲有嫩滑雞肉，好抵食🤣黑蒜濃厚山藥豚骨拉麵 $88🧄🍖🍜家姐口味較淡，佢話好鍾意呢個拉麵，因為湯底有細粒粒嘅山藥同黑蒜，食落好豐富，幼麵掛汁，叉燒都唔錯🤩蟹子沙律 $48🥗蟹子沙律係驚喜之作，本身諗住清下腸胃，但係食落去清新又酸酸甜甜咁，更加開胃左，同家姐都不停係到食🤭和風餃子 $38🥟呢個係以前食過嘅餃子🥟一直都記得佢好好味，所以再食幸屋都會再嗌，保持水準🤤以後再食都會再嗌😎

掛住日本嘅味道，就即刻搵咗間似足日式家庭式拉麵店食返餐好嘅！餐廳喺巷仔入面，樓底好高，座位似足日本街邊小店，放工OT完食特別有風味～赤武士 辛味拉麵湯頭香辣濃郁，唔會死咸或者死辣，麵條粗細中等口感唔錯，份量都好充足！魚介豚骨沾麵湯汁味道鮮甜，加入魚介粉後更加香濃，唔會過鹹。麵條方面，口感煙韌彈牙，而且幾掛湯，CP值頗高。和風餃子外觀一睇就充滿日式風味，豬肉餡餃子外層包裹住一層薄脆，加埋沙律醬同木魚，味道好豐富。蒜香雞軟骨粒粒酥脆惹味，一拎上枱有陣陣蒜香味，配埋拉麵同沾麵正呀！

今日凍凍地， 忽然間好想出來兜兜風，順便吃些特別點的東西，又想買些漂亮簡潔的鮮花回家放。這是朋友介紹的隱世小店，位於灣仔機利臣街，一條專賣鮮花的小街。 餐廳的入口， 就躲在賣花的排檔的一隅，很是隱蔽。。。 稍一不留神便會錯過了入囗。因為都幾肚餓，所以一於先祭五臟廟 。。。 至於買花呢 ！一於食完麵，才出去「沾花惹草」😜！這家餐廳的樓底高達兩層樓，感覺很開揚 。這裏最出名的名物就是「沾麵」，而「蝦汁帆立貝沾麵」就是傳說中的鎮店之寶，這裏的隱世美食人氣王No. 1。店家的博多拉麵吃起來很厚實， 不會過硬亦不會太淋， 就是我喜歡的口味。。。 點了蝦汁， 味道很香濃惹味， 因為聽說這裏的蝦汁是用了很多鋒蝦殼和蝦頭 加上店家的秘製古方來淆製的，真材實料，所以特別鮮味，易令人「一吃入魂」！另外，它的招牌餃子也十分不錯， 煎香了的餃子皮， 配上木魚和沙律醬一同吃， 分外滋味！ 我最喜歡師傅把餃子煎得沒有很油膩，但卻一點焦燶的感覺也及有， 可以說是煎得 just in time 剛剛好， 值得一讚！好味！！我的朋友則點了櫻花蝦味增拉麵， 都說傳統的東西最考師傅的真功夫， 這個麵雖然看起來沒有很特別，但

同朋友都幾鍾意周圍去食拉麵，最近發現原來灣仔呢間拉麵小店cp值都幾高，值得bookmark再去😆店內樓底高，而且好日系feel，星期五晚特別多人去食。🦪廣島蠔沾麵- 個人幾鍾意食，蠔都幾肥美，食落去啖啖鮮香，的確不錯。沾麵嘅湯底豬骨味濃，好黏上麵到，啖啖滋味。拉麵上嘅溫泉蛋係半生熟，好吸引。✨日本黑豚丼- 可能係我食過最好味嘅黑豚丼！薄片黑豚燒到好香口，肉質juicy。飯撈上燒汁，但黑豚令成碗飯都好香火炙味😋黑豚肥瘦均勻，火炙到超香口，值得慢慢品嚐。🥟和風餃子- 估唔到咁特別嘅餃子都只係$38，面層嘅薄脆脆配上沙律醬香口，而下面餃子皮薄多肉，幾好食。🎃另外天婦羅南瓜整到好脆香，而且唔油膩。南瓜厚肉，味道甜香。😋真係好慶幸發現高水準小店！

🍜灣仔巷仔隱藏拉麵🍜位於灣仔機利臣街 兩邊街都有大大小小嘅生果攤檔 宜呢間拉麵就成為咗巷仔中嘅隱藏麵店 店入面位置唔多 有單人吧枱同多人枱 因為最近開始轉凍 一入座會有熱茶🍵 不過全晚都係得一個人做哂收銀落單同傳菜 鄧佢有啲辛苦😂-🍜熟成味噌廣島蠔赤雞湯拉麵 $128雞湯湯頭唔係最奶白雞白湯嗰個流派 反而係淡淡雞味嘅嗰種🐣 再有少少蠔嘅鮮甜味加成🦪 蠔都幾飽滿咁有3-4粒 流心蛋有全隻 仲有一塊雞肉 同紫菜等配菜 都幾足料-🥟和風餃子 $38係好花工夫嘅冰花餃子 餅底薄而脆 仲有沙律醬係上面😋 而餃子都好飽滿 皮同肉嘅份量都好balanced 不過因為係煎餃 會比平時落多啲油 不過為好食就唔好咁計較啦😉-📍幸屋 (灣仔)灣仔機利臣街5-9A號維昌大廈地舖

去灣仔行街睇聖誕野，經過見到間叫幸屋既食肆，比個店名吸引左🤪😅就入左去食北海道蟹味噌湯拉面秋日之選，又點可以錯過，湯底濃，拉面完全帶有湯底既味道，拉麵軟硬程度就要視乎返個人喜好啦，店舖好貼心點咁喺點餐紙列出比客人自由選擇👍👏🏻連蟹鉗都入哂味吖😋仲有蟹糕添😆😋黑蒜濃厚山藥豚骨拉麵又黑蒜又山藥，又點可以唔濃厚呢😆😄再配埋豚骨拉麵，咁你話啦，又點會唔吸引，黑蒜既香味好出，完全入哂成個湯，配吖👏🏻和風餃子又脆又香，又能夠鎖住餃子肉汁，咬一啖，好好味吖😋😋😋芝麻手羽又係好香脆既一款小食，雞翼既肉汁仲係keep到無流失，調味又夠哂👍👍👍自家醃製既大荳芽不得不提呢款前菜，酸酸辣辣甜甜，本人就好喜歡既，又夠爽脆，味道又調到剛好😋👍

幸屋 (灣仔)📍灣仔機利臣街5-9A號維昌大廈地舖-心血來潮想食沾麵，見到OpenRice 咁多好評所以都要黎試試！-👩‍🍳櫻花蝦味噌拉麵 $88拉麵湯底夠熱，味噌味道適中，麵條屬幼麵及口感軟身，豚肉有2 大舊，糖心蛋甜甜地，水準合乎預期！-👩‍🍳蝦汁帆立貝沾麵 $128沾麵嘅湯底係分開用石鍋裝住，仲見到佢滾住咁上枱！湯底稠糊，選用嘅麵條屬幼細及軟身。帆立貝size 正常，糖心蛋甜甜地，水準正常發揮！-👩‍🍳和風餃子 $38餃子煎得幾靚，面頭加左木魚碎同沙律醬，有六隻，感覺好似王將餃子👍🏻 係好味嘅！-👩‍🍳芝士年糕 $38熱辣辣外表脆，芝士由裡面湧出來！正👍🏻

作為沾麵控當然要周圍搜尋美味嘅沾麵，今晚來到灣仔小巷嘅「幸屋」，試吓佢哋嘅沾麵啦。餐廳面積不大，但勝在樓底夠高，所以空間感十足不覺局促。坐低後職員會奉上綠茶包和熱水，讓你自己沖泡。菜單主打係拉麵同沾麵，亦有丼飯提供，仲有不少小食供應，種類選擇都幾多。我哋就叫左一個沾麵一個拉麵，額外再叫咗兩個小食。份量都唔少，食到飽飽！和風餃子 $38賣相非常好看，而味道亦都一流。非常相似出名嘅「餃子的王將」，平時超市特價最平都要廿幾蚊，依家$38 仲要煎到靚靚，非常抵食。芝士年糕 $38芝士年糕係我嘅最愛，啲個芝士年糕炸得夠香脆，外脆內軟，裡邊嘅芝士香濃，非常好味嘅小食。櫻花蝦味噌拉麵 $88和其他拉麵店一樣，按個人喜好可以選擇拉麵硬度、湯濃度，甚至香油、青葱、椰菜份量都可以選擇。味噌湯底不錯，加上櫻花蝦增添風味👍🏻蝦汁帆立貝沾麵 $128沾麵的湯底在上菜時仲見到滾熱辣值得一讚。最特別之處係湯底有加上麵撈，質感偏稠糊，好處係可以做到「掛麵」嘅效果！作為沾麵，做出「掛麵」效果絕對係不少得，先可以讓麵沾上香濃嘅醬汁👍🏻

幸福 🥰 + 居酒屋 🏠 - 幸屋 Yuki House Ramen 🍜 唔知佢哋個意思係咪咁樣 🤭 我自己就係咁諗 因為你到呢一間餐廳食嘢覺得好幸福 因為有好多款美味食物俾我揀 頂級拉麵 丼飯 和風餃子 炸物 等等。餐廳裝修都好有特色 好似去咗一轉日本 🇯🇵間舖頭喺一條小巷入邊，唔算好難搵。有好多時 lunch經過都有好多人排隊。今日遲咗食晏，可以自己入去試吓 蒲燒鰻魚丼 $98成條燒鰻魚加溫泉蛋，好食到停唔到口 啲鰻魚汁我覺得濃味咗少少，但係加少少辣芽菜，撈埋啲飯就啱啱好 😋 蟹籽沙律 $48真係好足料 淨係食沙律都有啲飽 🤭突然之間好似好細食添下次要叫多啲朋友一齊過去食。嘗試下佢哋啲拉麵 好似好吸引😍

🍜金武士豚骨拉麵 $78 (6.5/10)份量都幾多，曲麵都彈牙冇鹼水味，湯底豚骨味道比較淡，唔係好食得出有咩味，叉燒燒過都幾香，唔會鞋口，木耳好爽口，流心蛋有一隻幾濃蛋味。整體嚟講價錢唔貴，但個湯底就一般，唔會想飲晒個湯，配料都ok，勝在夠大碗！推薦指數:6.5/10正正常常，勝在夠飽肚！

兩個字：失望：-湯底完全唔夠濃（我係第一次食揀咗正常，應該要揀特濃先得，但無下次了）-叉燒肥膏多過肉-溏心蛋係我食過有史以來最淡嘅😂真係夠哂驚喜……一路咬一路點解可以整到咁……服務方面都認真麻麻：一去到叫我坐吧枱，都明嘅一個人坐吧枱都唔緊要。點知食咗冇耐，佢就安排咗五個人入嚟坐我隔籬，而中間一塊板都冇。仲要好迫係一唔小心手踭就會撞手踭嘅闊度。感覺似係去咗茶餐廳（次等嗰種，唔係好食嗰種），但係收緊日本餐廳嘅價錢🤷🏻‍♀️最後臨走嘅時候其實我都拎緊口罩準備起身啦，但個阿姐都等唔到嗰2秒，係都要過嚟執走我個碗，明白想翻枱嘅但洗唔洗咁誇總結：食完完全無滿足感，當醫肚係OK嘅