幸屋

營業中

休息中

去開灣仔就不期然想去幸屋吃拉麵，因為好食抵食分量足，而且時不時有期間限定的特色拉麵供應，有新鮮感和驚喜。今日和妹妹去灣仔買聖誕裝飾，又去幸屋幫襯。今日揀左期間限定北海道蟹味噌湯拉麵。個麵賣相無得輸，合味道，好好食。幼麵彈牙，軟硬適中，湯底濃香惹味而不咸，料豐富，兩大塊义燒香滑有肉味，溏心蛋好香又有蛋味，紫菜，木耳絲，椰菜，荀片和葱增加口感。正!日式蒲燒鰻魚丼飯有驚喜，日本米飯有飯味口感佳，蒲燒鰻魚大條厚肉，鮮嫩肥美，醬汁咸中帶甜，襯托出鰻魚風味，加埋一隻溏心蛋，簡單而豐富，推介!小食芝麻手羽外皮香脆雞肉結實。和風餃子好味道，一份六隻最啱兩個人分享，餃子外皮煙韌餡鮮味。前菜荳芽任食，爽脆，酸辣惹味，好味。

天氣轉涼，今晚收工去左幸屋食返碗拉麵。幸屋位於灣仔街市附近，鋪位係街市排擋後面，入口係地下。一如既往，呢度餐牌選擇有幾款拉麵，沾麵，丼飯，小食，沙律，同埋飲料等。拉麵方面，你可以揀拉麵既粗幼同硬度，湯既濃度，香油分量，辣度，連叉燒，葱同椰菜分量都有得揀。北海道蟹味噌湯麵 $128呢個北海道蟹味噌湯麵係秋日之選，見到有新野，即試先。飲啖湯先，個湯唔會過鹹，都幾好飲。麵條係幼身而夠嚼勁，浸湯耐咗都唔會太淋。拉麵面頭鋪上3隻蟹腳，好有蟹味。肉類有叉燒兩片，係圓形切割，都好瘦。糖心蛋一隻一開二，又淋又滑，好入味，好食。蔬菜份量唔少，有椰菜，黑木耳，洋蔥絲，同扁筍，食落口感更佳。仲有紫菜一片，蔥花同白芝麻粒，令碗麵更香。蒲燒鰻魚丼 $93蒲燒鰻魚丼有超大條鰻魚一開2，真係底面都係咁大塊，上面灑上蔥花同白芝麻粒。鰻魚食落彈牙夠汁。配有一隻溫泉蛋，整穿有蛋汁撈飯令個飯又香又滑。仲有少量梛菜。飯量好多，個鰻魚汁送飯一流。另外叫左兩份小食分享。芝麻手羽 $38芝麻手羽一客兩隻，表面滿佈芝麻粒，炸得皮脆肉嫩，好香口，好食。冷豆腐 $32冷豆腐一客4大磚，上面加上青瓜絲，再灑上蔥花，木魚碎同白芝麻粒。豆腐夠

夜晚黎到灣仔呢間拉麵店門外見店內滿座決定試一試入到嚟啲阿姐都幾好笑容仲問我哋飲咩飲茶嘅話佢會畀包煎茶茶包你即時自己沖食物黎到啦 呢款和風餃子最好味佢上面有蛋黃同炒麵醬餃子都煎得好靚成塊大餅咁又薄又脆餃子又多汁好好食鰻魚丼鰻魚丼的珍珠飯粒粒分明鰻魚無骨夠軟腍又夠醬汁撈飯食好好味廣島蠔沾麵廣島蠔吾會有腥味沾麵湯底又濃又稠每條麵條都好掛汁再加埋糖沁蛋好邪惡吉列廣島蠔炸得酥脆成粒都好飽滿炸得岩岩好鮮味又多汁

黎到灣仔想輕輕鬆鬆食餐飯，就黎左幸屋食日本野🇯🇵🇯🇵，餐廳提供日本拉麵、沾麵同各種井飯🍱，包括：黑豚井、赤雞井、牛肉井、鰻魚井等等），仲提供多種日本小食蒲燒鰻魚井🌻：大大舊鰻魚，食落1d都唔腥，仲有隻蛋勁正😍蝦汁帆立貝沾麵🍜：有熱食同凍食選擇，好重蝦味，勁好味，帆立貝又大大粒日本芝士年糕：咬落塊芝士流哂出黎，一碟其實唔夠食😍和風餃子🥟：師傅整左塊薄脆餅，加左大阪燒既味道，搭配餃子食好夾

灣仔區的拉麵店都算有不少，今天就來到一間頗為人氣的拉麵店幸屋。是日為假期的下午茶時間，這條橫街人煙稀少，但到達餐廳門口就見到裡面基本上是座無虛席的，很難得地吧檯有一個位我就不需要等可以直接入座。除了這8款拉麵，這裡還有沾麵供應的，但環顧四週眼見拉麵比較受歡迎。每碗拉麵都可以根據自己的口味來要求調節，有7類選擇是頗多的，彈性都很大。黑武士($83)也就是黑蒜油，上菜時我發現這裡的拉麵是幾豐富的，以中國風的碗來裝著，又加入了一些肉醬，好像沒有見過這樣的拉麵湯底我選了「濃」而濃香油則選了「普通」。湯頭有頗濃郁的豬骨味，可是黑蒜油的味道可以說是淡，只能夠嚐到淺淺的黑蒜味，相信即使是沒有特別喜歡重口味的朋友也會覺得黑蒜油味不足，的確有期望落差；或許在下單時要要求再濃一點了。「硬」的幼拉麵浸在熱湯裡的生熟度剛好，質地爽得來有點咬口，配著木耳絲、香蔥、椰菜等豐富的配料和濃豬骨湯味道幾好，讓人一口接一口的吃呢。叉燒方面我選了「御屋」，也就是叉燒跟豚角煮各一件。叉燒的表現正常，豚角煮雖然比叉燒厚身，但質地軟淋有炙燒過的味道來釋放出油香，襯托著湯底的豬骨味。拉麵還跟配了原隻糖心蛋，調味跟生熟度都做得剛好，

今晚去灣仔食飯～朋友帶咗我食一間超級隱世嘅日本拉麵餐廳！雖然喺巷仔裏面，但係依然都有好多識食嘅食客一早坐到滿晒。我點咗一個黑蒜山藥豚骨拉麵，因為第一次食所以就圈左濃湯，但係建議如果鍾意食開濃味嘅拉麵嘅話，可以再叫超濃湯🍲拉麵啲硬度都可以自己揀，流心蛋超級流心，非常之邪惡！湯底濃郁又唔會太油，推薦！朋友叫咗個醬燒牛肉飯，雖然價錢一百蚊左右，但係啲牛肉一啲都唔hea，食落好有燒肉嘅味道，亦都好軟熟易咬個種～個飯底有甜甜嘅燒肉汁，整體我覺得飯都好正另外小食方面，我哋叫咗凍豆腐同埋唐揚雞～特別推薦食呢個炸雞，因為個燒汁甜甜地同沙律醬夾埋個炸雞真係好正，大家嚟到一定要試吓！

同小學同學黎到一間拉麵店首先，樓底好高，令人坐得好舒服。今日叫了一飯一麵。咁係上菜之前，先叫左兩個小食。凍豆腐凍豆腐只係簡單醬油浸，加入蔥調一調味。作為前菜都吾錯，凍凍地本身亦好開胃。和風餃子餃子好正。連底皮一齊上。加上沙律醬木魚等一齊食。餃子共有5個，即叫即煎，上黎仲係好熱。所以真係幾好食。蝦汁帆立貝沾麵蝦汁真係好正。食得出佢既濃，食沾麵最重要係準汁。好重既蝦香味而且又吾會口乾。材料方面，帆立貝好大粒 同埋佢個麵其實質素幾好，我食野慢，但食到尾麵都冇話發漲。反而仲好彈牙另外，蒲燒鰻魚丼個饅魚係真係有誠意。燒得好香，而且比平日食到既饅魚更加正，有少少焦香，而且個質地好好食。加上佢個汁，仲有溫泉蛋。絆飯一流

今日嚟到位於灣仔機利臣街嘅小巷食晚飯，朋友介紹咗呢間日本餐廳俾我哋食，佢話呢度價錢相宜，食物高質，等我哋嚟試吓先！店面環境不大，很有日式居酒屋既feel芝麻雞翼 $48芝麻雞翼有驚喜，外皮炸到好脆口，帶少少甜味，唔會好油膩，食落口卜卜聲，不過略嫌價錢就貴咗少少😂廣島蠔沾麵 $118佢嗰個廣島蠔呢好新鮮好肥美！完全唔係Hea你！同平時打邊爐嗰個桶蠔差唔多大，但佢嗰個好味係好濃郁，令我諗起之前喺日本廣島食嗰種味道，極力推介大家一定要嚟食！呢個濃湯係帶魚介味，真係幾好食😋不過食到後面就有少少膩😅蒲燒鰻魚好肥美，帶點炭烤味，好濃好好食！份量都幾多，個鰻魚汁都好正仲係多汁！送飯一流

幸屋 - 地道日本料理今日嚟到灣仔區一間日式料理店，相信在灣仔區出沒嘅朋友應該耳熟能詳，因為每當lunch嘅時候都會大排長龍，佢就係幸福喇，提供多款特色拉麵同埋丼飯。蒲燒鰻魚丼 $98熱騰騰嘅丼飯，兩大塊厚身嘅鰻魚，上面佈滿鰻魚汁，鰻魚外層烤得香脆，內裏魚肉嫩嫩的，再加上溫泉蛋，溫泉蛋漿加上鰻魚汁滲到每一粒飯粒之中。和風炸雞 $48有別於一般日式嘅唐揚炸雞，炸粉係薄薄一層，雞肉超級Juicy，配上和風醬汁同埋日式沙律醬，份外惹味。

友人介紹灣仔沾麵，店舖位於巷仔入面都幾隱世。入到去樓底有成兩層高，滿滿日式裝修，而且空間感超大，環境舒服。🌟特濃味噌廣島蠔沾面沾麵有3大隻廣島蠔，兩邊糖心蛋，荀絲/紫菜等配料。廣島蠔超級鮮甜滑嫩且帶有海水味。沾麵汁超濃超黏口，濃濃嘅魚介同味噌味。麵條點汁掛實晒麵條～ 入口滿滿麵汁～ 非常好味，值得推介🌟浦燒鰻魚丼兩條大鰻魚上枱前應該用火槍燒過表面，好得意咁做到小小外脆內軟， 加上完全唔吝嗇嘅大量鰻魚汁，鰻魚做得好出色。丼飯仲有隻半煮蛋，撈埋鰻魚同飯一齊食，非常滿足☺️🌟芝麻手羽比翼雙飛🤣小食雞翼有兩隻，芝麻連同雞翼都炸得非常鬆脆香口，同時雞肉保持到嫩滑，唔錯唔錯～🌟冷豆腐其實冇乜特別，不過個冷豆腐汁夠濃味，都可以一試總括黎講，食物同環境都值得一來

裝修富有日式格調座位唔係太多11點幾唔使等位一入門口，姐姐客氣問要凍水定熱茶最後叫咗🦪沾麵同鰻魚飯加特色餃子🥟🦪沾麵order 咗粗麵，麵質彈性爽口，湯略為普通鰻魚飯鰻魚juicy 冇腥味可能飯魚汁唔係好夠，唔夠味，多返少少會提早返層次🥟反而有驚喜，底煎到金黃色，薄而脆

幸屋灣仔機利臣街5-9A號維昌大廈地舖今日去要去會展做野，係附近搵間餐廳食Lunch，估唔到係灣仔機利臣街搵到一間隱世日式小店，一入到去其實環境唔大，當時已經坐滿左，但一d都唔會嘈，而且餐廳播住一D好輕鬆的音樂，比人一種超級舒服既感覺。餐廳職員十分親切既笑容招呼我地，問我地飲茶定飲水，然後好快就為我地預備好，再遞上餐牌。和風餃子一共有6件，上菜時忍唔住即打卡，因為整得好靚，食落既感覺有D似大板燒，因為面頭有沙律醬、木魚，而個餃子亦都爆晒汁，勁Juicy，個豬肉亦都好香。蒲燒鰻魚井比想像中大份，鰻魚份量多，餐廳一d都唔吝嗇，不過略嫌鰻魚比較多骨，食既時候要小心d，慢慢食喔！重要側邊有個大大粒既溏心蛋，爆晒既蛋汁撈飯一流啊！黑蒜濃厚山藥豚骨拉麵 個名無改錯，個湯底真係好濃厚架！個黑蒜非常撲鼻，而且個餐紙可以比我地選擇湯底既濃度、拉麵既粗幼度，我就揀左要叉燒，食落唔會太油膩。芝士年糕 就算放左一陣，食既時候依然係熱辣辣，咬落非常有口感！另外，好想讚下員工既服務態度一流啊！個個都好熱情款待，值得表揚啊！

做完嘢經過見到間隱世拉麵店「幸屋」咁啱又肚餓就衝咗入去😋原來入面好多客‼️好彩仲有一個位🤭✨櫻花蝦味噌拉麵鹹香味豐富嘅湯底，配料份量好多👍🏻叉燒可選擇BBQ、御屋Mix或豚角煮我就揀咗御屋Mix，可試晒唔同嘅肉😍肉質軟糯好入味👏🏻👏🏻麵條、軟硬度、香油同湯底可按自己口味揀㗎‼✨芝麻手羽酥脆嘅炸雞翼，外脆內juicy一咬就聽到颯颯聲🤩雞肉肉質嫩滑食落有好香嘅芝麻味😋幸屋除咗拉麵，仲有沾麵同丼飯🍚多款小食都好吸引🫶🏼見到好多食客點自家製餃子🥟我下次都要試下🤤

上次係灣仔食過一間價錢幾貴但味道一般既拉麵，感覺唔係好滿足，所以今日再經過又想試下有冇啲性價比高既拉麵店。估唔到今日食既呢間位於小巷既拉麵店幸屋咁有質素😍 地點距離灣仔站亦都唔遠，只係行5分鐘就搵到。店內有得揀坐吧枱同卡位，鐘意一個人靜靜地食碗拉麵，或者同朋友一齊邊傾邊食都無問題。一坐低侍應姐姐就會遞上一杯熱水同一個日式茶包，服務態度好好，成餐飯都食得好舒服。🎈 櫻花蝦味增拉麵 $88呢到主打沾麵同拉麵，今次就叫咗一碗櫻花蝦味增拉麵。呢間店既拉麵係可以揀麵既粗幼、軟硬度、湯底濃度、唔同既叉燒等等，口味非常個人化。一上黎就已經聞到好香既櫻花蝦味，個味增湯底既味道亦好濃郁，令人忍唔住一啖接一啖，而且飲完唔會覺得好口渴。拉麵既質地煮得岩岩好，唔會太淋而且有咬口，值得一讚。肉方面今次揀左豚角煮 (五花腩肉)，不過拉麵會分別附上一塊豚角煮同一塊日式叉燒。個人比較鐘意豚角煮，因為食落有油脂既香，但又唔會有肥膩既感覺。總括而言係一碗各方面都好有質素、值得一試既拉麵！🎈 南瓜天婦羅 $35除左拉面之外，仲叫左一份南瓜天婦羅，有成6，7件南瓜，份量一啲都唔少。脆漿雖然包得唔厚，但外皮仍然炸得好香脆，

拉麵本身都唔係我中意食嘅嘢，但呢間拉麵嘅水準，令到我對香港拉麵卻步了。坐低嘅時候，侍應好熱心問我地係唔係飲茶，我地話：係啊，唔該！點知佢係比杯熱水、茶包我地，我第一次食拉麵係配熱茶，請問係我大鄉里嗎？然後個侍應仍然好熱情，問我哋要唔要揀串燒餐，望落都吸引嘅，但係真係冇呢個胃口食咁多野。最後，我地揀左一人一碗麵。前菜揀咗蟹子沙律，冇伏！$48份量都唔算少，青瓜絲好薄，口感爽脆，最重要係佢啲青瓜唔會出晒水！我揀左黑蒜粗麵，仲要係濃湯、多香油，本身以為會好濃味，點知都係好稀。抵讚嘅係配料都算多，有辣肉碎！啲叉燒有4塊，唔鞋口～整體來講，唔會再食第2次🥶