嵐山日本料理

營業中

休息中

和朋友走到棉登徑一帶，這裡人流比較少，有數家餐廳，都不算滿座。我們最後在這兒吃日本菜作晚飯。我們二人獲安排一張四人桌，地方寬闊。四周環境簇新，裝修具日本簡潔的風格。餐廳以平板電腦作餐牌，感覺新穎特別。我們點了以下菜式：燒活鰻一串有三節，外皮呈銀灰色，入口香脆甘香，亦未至於燒得過燶。魚肉呈雪白，泛起油光，肉紋清晰，口感結實的同時亦有彈性，有陣陣鰻魚的香氣。燒牛舌一串有三片，燒得剛剛熟透，令質地不太堅韌，十分爽口。牛舌充滿牛肉汁，亦帶有鹽燒的感覺。露筍豚肉卷同樣有三節，豚肉半肥瘦，亦燒得剛剛熟，不會有燒焦的部份，火喉技巧處理得很好。豚肉味道濃，很有鹹香味。露筍爽脆，入口無渣。日式炒野菜顏色豐富，賣相吸引，有各種蔬菜，包括椰菜、紅蘿蔔絲、洋蔥和雜菌。每一款菜都鮮甜可口，炒得很柔軟，而不算油膩，是清新健康的選擇。三色刺身飯有白種魚、海膽和三文魚子，份量十足，令人垂涎呢！刺身薄切，條理分明，晶瑩剔透，咀嚼時感到它肉質細嫩，有鮮甜味，真的讚不絕口。海膽呈半液體狀，滑溜而充滿海水味，而且甜美動人，用來撈珍珠米感覺極佳。三文魚子每一顆都很亮麗，一咬下去汁液在口腔內爆發，沾滿了每一個味蕾。珍珠米飯溫暖軟

上完training，同媽媽去食日本嘢，揀咗呢間未試過嘅。媽媽食刺身，我就諗咗陣。雖然對壽司冇乜信心，但由於冇三文魚子/海膽蔥吞拿魚腩丼，結果叫咗壽司定食配牛肉烏冬。加拿大海膽、赤身都幾鮮甜，白身蝦、三文魚、油甘普通，白身嗰嚿有啲腥，另一嚿連皮嘅我麻麻地比咗媽咪，佢話好爽身。壽司飯調味都唔錯，握得有板有眼冇太鬆散或過實，而且啲刺身已經加咗蘿蔔蓉葱碎青檸汁豉油等調味。牛肉烏冬個湯底充滿牛肉味，肯定係件牛夠肥又靚嘅關係。肉就熟得滯有啲嚡，烏冬偏軟滑身幾好。其餘茶碗蒸蛋味okay但太水身，而且隻蝦係完全冇味。前菜辣汁蘿蔔牛舌夠腍入味。漬物蘿蔔牛蒡好有水份。麵豉湯夠香唔會過鹹或淡。媽咪個刺身全部厚切大件又肥，甜蝦都用大size，用赤貝少見，望落幾吸引。整體都okay，午餐冇加一，百幾蚊交足貨。

嵐山日本料理位於棉登徑的橫巷稍不眼行就會錯過此食店筆者於LUNCH HOUR點了個三文魚親子丼$118餐前先來一客味道香濃的麵豉湯開胃小食當然少不免混上香滑芝麻醬的凍豆腐跟餐還有開胃的哈蜜瓜和蜜瓜蒸滑蛋當然留到最後才吃啦三文魚親子丼裝滿的是粒粒三文魚籽還有厚切三文魚片三文魚脂層雖少 但食落同樣滑溜入口軟綿而嫩滑配上壽司飯的確一流

是日去左the one睇enigma, 劇情緊湊，氣氛一流，將櫈震過倪震。其實入場前已掃左一輪街，散場後有d意猶未盡就去棉登徑覓食，雖然醫生勸戒我少食生冷野，不過心癮又豈是醫生之輩能治？先整個刺身拼盤治肚先吧。行行下見到呢家新既日本居酒屋，唔洗諗，即刻入去試下先～今次目標明確，一坐低就點左個刺身拼盤，食住先，好野既話繼續叫落去出到黎，賣相好似同幅相有少少出入，唔係材料既問題，係個冰盤太大，內容同點綴唔夠，留白太多，令本身好靚既食材，整體present得唔夠豐富講返材料本身，舊舊都是厚切，抵讚；溫度剛好；新鮮度不俗，但未到高水平，可能是因為夜深；芥末是磨的，很好總結，小弟食完肚仔未飽滿，但小弟還是決定點到即止便可

同好朋友慶祝生日，3人都鐘意食日本嘢，所以由我拍板食嵐山！一早book左位，所以唔洗等！^_^環境好舒服同寬闊，唔會迫住唔自在，落單上菜都快，禮貌幾好，不過落漏左單就有小小扣分.....食物方面好有水準，朋友們樣樣都好滿意！我最鐘意個螢光魷魚，好惹味，真係推介呀！另外，個炸雞同海鮮鍋烏冬都好正！食到停唔到口，連湯都想飲晒，我地覺得呢度熟食比刺身更吸引！加上地理位置比較靜，適合慢慢食，一邊傾偈。

生日飯前菜：漬物五款很合胃口，開胃下酒一級棒魚生就還好，不過不失茶碗蒸沒用高湯，味道略嫌寡大根燜沖繩豬手，很適合冬天吃最後是海鮮魚湯石鍋烏冬，湯底很贊，海鮮足料又新鮮，值得推薦

新張開業 與女友一試 食材新鮮 非一般日本料理 講求傳統一入店舖 服務員十分有禮 並主動介紹特色食物 即叫即整 本人對店員介紹既石頭鍋飯十分欣賞  新鮮既牛肉加上特制醬汁 味道沒法擋 重有鮮菇帶子 都係一絕 牛油香加新鮮既雜菇同帶子 味道配合得好 另外要推薦既係即叫即做既sushi 飯少料多 又新鮮 最後重送埋雪糕做甜品 大滿足

今日經過見到呢間新舖，見裝修幾靚啲價錢又唔係太貴，即管同3個朋友入去試下，可能因為係新舖所以唔洗等位就入到去。 環境黎講都ok，檯之間唔算迫，又有梳化櫈，都坐得舒服。啲刺身都好新鮮。三文魚嫩滑鮮甜，肉質緊緻，唔會一層層分開唒。最後埋單每人盛惠$180，真係好抵，下次一定約多幾位朋友試其他

前日行經棉登徑(Why Club)對面，見到呢間新開嘅日本料理，見佢裝修幾high 於是入去試下佢先，店內感覺良好，服務員隨即遞上一部10.1吋Tab, 疑惑之際原來餐牌全輸入了Tab 內並附有相片，主意創新！問老細有咩推介，老細話定時會從日本空運時令鮮魚到港，於是點了黑立刺身，刺身拼盤，除刺身外亦點了燒物，燒和牛及羊架。刺身賣相吸引，黑立刺身新鮮味美，各種刺身味道新鮮，而燒物調味及火候適中，再配合埋清酒。。。正！值得推介。

今日夜晚經過見到呢間新舖，見裝修幾靚啲價錢又唔係太貴，即管同3個朋友入去試下，可能因為係新舖所以唔洗等位就入到去。環境黎講都ok，檯之間唔算迫，又有梳化櫈，都坐得舒服。啲刺身都好新鮮。三文魚嫩滑鮮甜，肉質緊緻，唔會一層層分開唒。埋單每人盛惠$160，尖沙咀區嚟講絕對抵食

難得老公接我收工，咁岩經過棉登徑見有間日本料理新開張，門面幾靚就即刻入去試試。一坐低服務員即刻奉上特色前菜三文魚頭軟骨各式漬物店內設有直送活魚專櫃，師傅重悉心介，我地揀左條平鯵，一魚兩食，刺身+魚湯。刺身好新鮮，爽口。魚湯十分清甜。我地再點左燒牛舌，燒明太子，火炙三文魚腩壽司。口感豐富又juicy。正明太子略嫌太熟入口即溶，必食最後奉上柚子雪芭作終結。