嵐山日本料理

營業中

休息中

尖沙咀搵食雖然選擇多，但要找間抵食又好食的就要花點時間。今次去了棉登徑的嵐山吃午餐，優閒地享受了一個美味的定食。這裡的午餐定食熟食的大部分都不到$100，刺身壽司的大約$130-150. 以尖沙咀區來，價錢非常大眾化。先來一個多海帶的面豉湯，再上刺身定食($138)，定食內容豐富，有5點刺身，蒸蛋，沙律，魚干小食，珍珠飯。刺身最重要新鮮，再加上厚切，每件足有半節手指厚度，感覺滿足。吞拿魚無渣，油甘魚肥美。蒸蛋嫩滑，內有白果、蟹柳，另自己最喜歡魚干小女子，味道甜甜甘甘，送飯食一流。餐後有雪糕甜品，有芝麻/ 豆腐味選擇。午餐不用加一，$138花費無幾的價錢，可在鬧市中享受一頓寧靜悠閒的一餐，確是生活上的一點小幸福。

從河內道一路走過來棉登徑，像走出鬧市煩囂一樣，來到一處柳暗花明又一村的地方。路上比較偏靜，與店內座無虛席形成極端對比，慶幸有訂座，否則也要排隊等候。先來前菜: (左起)海蜇，三文魚頭骨，醃漬牛蒡。其中三文魚頭骨是本人首次食到，亦想不明白如何取出薄切，但味道酸甜開胃，爽中帶有骨膠感，又長知識了北海道毛蟹，不時不吃，中國有大閘蟹，日本也有毛蟹，都係Hairy crab相對於厚實多肉的鱈場蟹，毛蟹肉質絲滑細緻，加上畫龍點睛的酸醋，蟹肉顯得更甜更清秋刀魚刺身，當造魚造刺身絕對不會失禮街坊秋刀魚一般都給予人腥臭的直覺，主要原因是很難找到新鮮刺身級的貨色，大家往往被雪藏貨影響了。單看相片已知道，刺身鮮色亮澤，刀功一流，每件都大小一致。配以香蔥薑蓉，魚香油香蔥香，薑蓉提鮮，絕燒芝麻雞翼，激讚!肉汁被完全封鎖在皮層以下，當咬開鬆軟的外皮，內裡的肉汁差點誇張到像爆醬肉丸一樣噴出來。味道清得來帶有豐富的雞味，本人推介

今晚來尖沙咀的日本餐廳"嵐山"吃了好滿意的一餐餐廳燈光偏暗，空間感頗大，喜歡這裡令人放鬆的感覺！我和朋友是魚生迷！點了好多魚生！見到呢一大盆刺身！即刻落晒口水了！開動了！！(油甘魚腩 $78+ 金目鯛$96+三文魚 $58+ 左口魚 $88 + 半板加拿大海膽 $168 )油甘魚腩厚切啖啖肉❤好肥美 細細咀嚼，滲出的魚脂在口中感到好滿足！金目鯛：食到絲絲魚肉纖維，頗有咬口沾些蔥花和醬油更能帶出魚鮮味！三文魚是這盆刺身中最油亦最滑嫰的 咬下去每啖都滲出魚香味～好正！到海膽了！好滑~ 滑到可以一啖咕嚕吞進去味蕾感受著海膽在口中濃郁的鮮味!好正!食完之後，海膽既油香味仍在喉嚨洋溢著 令人回味!亦可用奉送的紫菜包住海膽來食～甜蝦蓉香芒卷 $118好喜歡這個香芒卷~賣相好靚！整體都保持凍的，食落去口感豐富～芒果鮮甜，上層甜蝦新鮮，配合魚子和芽菜，好清新！都好飽肚牛油帶子焗雜菇 $68一來到就聞到好香牛油味！用牛油和黑椒焗～帶出菇的香味！雜菇保留到好多汁！食到牛油香味！仲有滲入了菌香的帶子，滑得似蛋白😻好正！串烤黑豚蘆筍 $32好有豬肉味的薄切黑豚肉!! 夠肥美 覺得用黑豚肉比平時用肥牛，更好食！

攞你命星期四永遠都係一星期當中最難捱過既一日，除左返左四日工身心疲累外，每個星期四既早上我地都要開一個最小三小時既會。而星期四既中午，最好既慰藉當然係食一餐豐富既午餐啦。今日我同同事特登行到去棉登徑，就係為左搵間有質素既日本餐廳，慰藉一下我地被折磨完既身心。慕名而來，老遠已經見到嵐山既招牌，日本味十分。裡面既裝飾都係走日式風格，簡約主義。午餐主要係做set，共有13款，冷熱食物都有。另有日替便當，即係當日既廚師之選甘解。如果唔想食套餐，可以食特選壽司，價錢比晚市平得多。同事點左一盤壽司，而我點左一個鰻魚飯。我地亦不約而同甘再點左一個泡菜鍋share食。兩個人要食甘多野，可見我地早上比人折磨得幾緊要呢。《蒲燒鰻魚定食》呢個套餐十分日本風，有齊漬物、沙律、前菜、蒸蛋同面鼓湯。蒸蛋滑一滑，好香甜，單點都值得一食。鰻魚飯用料足，有好大條鰻魚鋪滿飯面，足足有八段。飯同鰻魚中間有蛋絲隔開，除左伴碟，亦可吸收醬汁。鰻魚軟滑有咬口，鮮香無腥味，醬汁香濃惹味。一口滿滿既鰻魚配一啖粒粒分明既珍珠飯，好滿足。《7點壽司》同事發板點左呢七款壽司，款款都好精緻，非常誘人。佢就讚不絕口喇，等我下次都試下先。《泡菜

weekend條街無乜人，行都行得輕鬆啲。北海道丼，張相同實物都幾似喎 ！入面有帆立貝三件，三文魚三片，牡丹蝦同埋海膽。 啲飯係壽司飯，不過係凍嘅所以食完個人都幾凍 ！~帶子好大粒，海膽好鮮美！好肥好正好新鮮！唔咸！三文魚都好鮮，唔係腩位，食完唔濟！隻蝦都幾好！[配菜就有田園沙律同魚乾仔同埋一碗茶碗蒸。佢喺蒸水蛋入面有啲蘑菇同埋魚餅，係熱嘅 ！蒸蛋好幼滑！

與朋友經過尖沙咀附近，所以決定來這間餐廳吃日本料理我們8點去到，幸好還有位。我們點了甜蝦香芒卷。單看壽司外表賣相不錯，吃下去芒果是甜甜的伴隨著甜蝦是最美味的配搭我們又點了雞翼串燒。雞翼皮燒得很香，但又保留著肉質。吃下去可謂十分滋味我們再點了串燒黑豚露荀，黑豚肉咬下去很像牛肉，黑豚肉不太肥也不太瘦，口感一流加上露荀，感覺不會熱氣我們又點了牛油帶子焗雜菇。一打開就聞到陣陣的牛油味當中有金菇、東菇、帶子。金菇和東菇都很香，充分地吸收了牛油的味道。帶子也有很多粒最後我們叫了一個黑豚石鍋飯。石鍋飯很夠熱，但可能飯中太多醬汁，沒有結成太多飯焦飯中有很多菜，感覺很健康，而且醬汁的味道也很入味

尖沙咀返工 搵野食好難 搵好野食仲難人又多 排又排得耐 棉登徑唔太近各大商業大廈但肯行過去 就有驚喜🙈今日試左呢間嵐山日本野外面都做得好靚 入面都唔錯 好日本風叫左個花魚生飯set 有湯有沙津 有蒸蛋個麵豉湯好香 好香麵豉味 個魚生飯比我想像中多魚生 有三文魚 有拖羅有帶子 三文魚子魚生好新鮮 亦好有鮮味 明顯有揀過同埋處理得好好最有驚喜既係 拖羅 食個陣有少少油脂慢慢浸出黎 好香 好滿足個飯底亦做得好好 小小醋既香味 少少暖 配菜除左有醃蘿白 居然仲有牛蒡 好好食👍🏼蒸蛋 好滑 水同蛋調既份量好好 味道亦唔錯不可不提 甜品 芝麻雪糕好香芝麻味 好滑 不過略甜左小小 不過好有驚喜😬食埋個雪糕 好滿足咁返公司做野😬

尖沙咀棉登徑有為數不少的日本餐廳，許多喜愛日本菜的人都會在這裡覓食，情況就好像吃韓國菜要到金巴利道一樣。日式餐廳普遍愛用木材打造門面，氣氛古老之餘又有氣派。在iPad上看餐牌，食物連飲料也有大約20頁，看得人花多眼亂，很難下決定。5點刺身 $248三文魚、吞拿魚、油甘魚、帶子及赤貝，總共10切，看得出每片都是厚切，顏色亮麗。當中最驚喜的是油甘及赤貝，油甘油份重，吃著油脂會從口中攻陷你的味蕾；而赤貝則爽口鮮甜。蟹籽沙律 $68簡單一碟蟹籽沙律，做法也絕不馬虎。青瓜幼絲新鮮爽脆，食落有汁，配合沙律醬一起吃口味清新，作為一道開胃菜表現不錯。加拿大海膽壽司(兩件) $136絕對落足料的海膽軍艦，每件壽司上都有兩層海膽，建議可以先吃上面一層，然後下面一層可跟壽司一同吃，試齊兩種食法。海膽比我在香港何處吃到的都要新鮮，新鮮程度絕對不遜於日本。拖羅丼 $220一碗醋米飯面頭鋪滿油脂爆燈的粉紅色拖羅，拖羅蓉細滑無筋，食入口軟綿綿似的；而原片拖羅面層已看到有豐盈油脂，可輕易將一整片滑入口，油脂在口中溢出的感覺絕非筆墨可以形容。串燒安格斯牛肉 $38看外表不覺得是牛肉，入口亦不覺牛味很突出，可能是外層醬汁

尖沙咀中間道停車場関閉後, 去尖沙咀中部最方便是乘地鐵了.  今天因公事揸了車, 行經漆咸道, 記起棉登徑也有停車場, 於是先泊好車, 才找地方吃晚飯, 步出停車場一分鐘, 便看見 嵐山日本料理.  餐廳外觀不錯, 門外推介也好, 決定在此晚餐了.入門已見人客很多, 氣氛不錯.   店內裝修妥善, 有方枱也有寿司吧枱.喜愛觀看師傅手藝的我, 自然揀選坐吧檯.店員送來 餐牌.  有彩色單張, 更有活動 i-pad 介紹.  清楚實際.    有好多食品:   日式沙律, 壽司, 刺身, 串燒, 定食, 小食, 甜品等.   有套餐也可散叫. 重要是價錢合理, 吃得放心.店員開茶後, 先來開胃前菜, 一碟有三款, 酸瓜, 海蜇, 螢光魷魚, 口感不同, 入口不錯.赤貝刺身, 肉質新鮮爽口, 很甜美.秋刀魚:   好特別的一款刺身,  粉紅色魚肉, 嫩滑, 肉色帶光澤, 擺設漂亮, 軟滑有彈性, 加點薑蓉蔥花, 檸檬汁更鮮.  師傅刀工值讚.薄切左口魚,   刺身切得透薄, 晶瑩通透, 肉質軟腍, 鮮甜, 沾點醬油帶出其鮮味, 味道搭配很好.  師傅刀工優質, 頂瓜瓜.南瓜蕃薯天婦羅:  

見openrice咁多好評，所以滿心期待，點知真係好失望，蠔算係唯一鮮甜。但竟然用熱既碟盛刺身，搞到刺身傳哂d熱力變到暖哂！叫刺身又變左壽司。服務差！最後連熟食都放棄直接結帳第一次忍唔住要寫食評批評呢間餐廳

開心星期五～ 揀左間靚d既日本餐廳賀一賀佢lunch set都幾多選擇，有熟食有魚生，隨您喜好 位與位之間唔算太逼前菜有沙律、蒸蛋同小魚，蒸蛋入面有雞肉，蒸得好滑仲有麵豉湯，如果加埋豆腐會再好味d嵐山日替便當（$168）我份人咁貪心，就梗係揀個乜都有既便當啦 每種食品都配番適當既醬汁刺身 - 有三文魚、油甘魚、甘蝦各2件，全部都厚切，新鮮肥美蔥花吞拿魚腩小卷三件 - 呑拿魚腩無筋，但可惜紫菜淋了吉列炸蠔2隻 - 炸粉唔算厚，蠔以午市便當來說唔算細隻，食落亦無臭味鹽燒鯖魚 - 魚皮煎得香脆，我鐘意佢俾埋蘿蔔蓉加入醬汁度豆腐雪糕雪糕味道有綠茶有豆腐，正常的我一定會揀綠茶，但見豆腐幾特別就試下佢啦，雪糕奶味好濃，豆腐味都好重，做得幾好午餐便當有平有貴，質素不錯，下次會黎試下食晚餐

尖沙咀是購物及飲食的好地方, 優点是購物中心, 商鋪林立, 各類食肆集中, 飲食選擇也多.  看看 Open Rice 不難找到適合地方.  今日和朋友談及日本京都之旅, 想起嵐山風光, 決定去 嵐山日本料理 吃日本餐. 今日是星期二, 以為 Walk-in 便可,  怎料去到要等位, 看見店外有大电視及黑板推介, 真不錯,  門面裝飾也吸引, 大家同意等位. 等了十分鐘, 店員問如喜歡吧座, 可以有位了.   想到吧檯可以看到新鮮食材, 師傅刀工.  同意 !坐下後, 侍應就奉上熱茶, 餐牌是用平版電腦, 新科技  介紹食品, 彩色悅目. 除了 i-pad 餐牌, 也另有餐張, 有套餐二人前, 刺身, 熟食, 鍋物, 爐端燒.........目不暇給.点了餐, 很快侍應便 送來開胃前菜, 有三款, 包括青瓜, 海蜇, 冰头漬, 魚干, 先帶來開胃口感 !接着是赤貝刺身, 新鮮爽口, 肉質鮮甜.薄切左口魚   是季節限定食材, 好精美的擺設, 師傅刀工優異, 把刺身切得薄而通透, 魚質爽滑, 口感特別, 入口魚味鮮甜, 加点蔥花, 及店內的自制酸汁, 味道搭配很好. 秋刀魚,  繼續可

早幾日同朋友黎左嵐山食晚餐。之前曾經係到食過lunch set，當時已經覺得好高質素，今次再次光顧就黎試下晚市。平日7點幾黎到店內已經坐滿9成，可見生意非常好。晚市食物款式不少，我地睇menu已經睇左一段時間。首先黎個前菜：洋風八爪魚沙律（$78）先呢個沙律份量不少，而且沙律菜新鮮爽脆，沙律醋既味道同樣突出開胃。入面更有多片八爪魚同埋三文魚籽，增添口感同埋鮮味。之後我地點左一個壽司盛（$188）一共有8件壽司，每一件壽司都非常好味，壽司上既魚生都幾新鮮肥美。當中最喜歡既少不免入口即溶既拖羅壽司同埋非常鮮甜既甜蝦壽司。點左三串串燒：分別係黑豚肉（$38），鵪春蛋（$22）同埋雞翼（$28）。黑豚肉肉質鮮嫩，唔會好「鞋」，而且肉味突出。鵪春蛋雖然膽固醇比較高，但因為太耐無食所以忍唔住點黎試試。外皮較硬，甚有口感，入面既蛋香味十足。燒雞翼係已經起左骨既，食落方便。而且雞肉保持嫩滑肉汁，可惜調味有點過鹹。另外亦點左一克沖繩餃子（$48）雖然係較為普通既食物，但係都幾高質素。餃子皮好薄，而且煎得香脆，入面既餡料juicy，肉味濃厚，調味適中。最後當然少不了飽肚之選：安格斯牛肉石鍋烏冬（$108）

今日約佐朋友過尖沙咀食飯，和朋友傾開想食日本餐，所以就上openrice睇下最近有邊間餐廳比較出名，按下按下，就發現這間位於棉登徑的嵐山了！餐廳裝潢很新，感覺很整潔，我們大約2時到達餐廳，很好彩地立刻便有位，不用等。打開餐牌，選擇有很多，刺身，壽司，日本丼，牛肉鍋也有，而最後我選擇了拖羅丼。首先來到的是麵豉湯，味道不夠濃，如果可以加1-2塊紫菜會更好。拖羅丼 ($148) 8/10拖羅丼包有中拖羅3件，加萬花拖羅蓉，另外配有一些小食。中拖羅刺身非常大片，油脂比例剛好，很新鮮，唯一可惜的是wasabi不是即磨的，所以辣度我覺得不夠，而拖羅蓉也非常多，佈滿整碗飯，大滿足！吃完飯丼後，店員向我們詢問甜品-雪糕口味的選擇，有綠茶，豆腐，和紅豆，作為綠茶控的我當然選擇了綠茶！綠茶味很香濃，而且雪糕很滑，感覺是混合了牛奶，所以很好味。埋單，我就$148，不用加一，非常抵食的選擇！

嵐山日本料理棉登徑真係有好多唔錯既餐廳，今晚就食日本野！呢度係用電子餐牌，亦有紙質餐牌，感覺既科技化又方便客人，而且好環保。我哋呢晚冇叫好多嘢食，只係叫咗海膽炒飯、幾客壽司同埋多春魚串燒。海膽炒飯好大碟，而且真係有海膽嘅鮮味，炒飯炒到金黃色，好夠味，材料豐富，朋友一次過食左三大碗！！！火炙右口魚壽司睇住師傅岩岩燒起就有得食啦！火炙右口魚超多魚油，勁香勁吸引，醋飯味道岩岩好，正！火炙三文魚壽司海膽壽司超鮮甜的海膽！多到就瀉出黎！燒多春魚多春魚又係啱啱燒起，咬落皮脆肉嫩，鹽燒真係好正！再落少少檸檬汁，刺激味蕾，味道更豐富，好好味。所有野都好新鮮好正，好有驚喜！