嵐山日本料理

營業中

休息中

餐廳的午市價格更吸引，價性比較高。石造的門面同屏風，確具點和風感。餐牌選擇幾多元化，常覺得有圖有真相，當然是會更吸引食欲的。八爪魚沙律78主角八爪魚都幾鮮味，沙律菜夠爽口，黑醋提味後，加賣三文魚子就更多層次喇。壽司盛松188赤身油甘池魚左口三文帶子甘蝦三文魚子的八件組合，帶子厚身夠滑但欠甜，甘蝦顏色好靚仔食味都ok，其他幾款赤身較美味，而壽司飯的飯粒香軟度也剛剛好。碎三文魚蟹肉卷88好驚喜的賣相，除三文魚加旦黃醬已無得輸外，卷物入面包有丰富沙律菜同蟹肉，三文魚子伴碟更加美呢，感覺好fresh又健康。整體服務亦唔錯，下次來會想試試午餐set，好像化算又好吃喔。

魚生平時食得多,平又有貴又有,但今次真係好唔同原來新鮮真係好唔同,每一件都Feel到好似岩岩捉上黎咁,超鮮味又厚又冇渣海膽真係頂級享受,入口溶化,甘香甜美~燒三文魚,太好味,肥美,油脂滑入口中,重點推介安格斯牛烏冬,湯底香濃,烏冬彈牙,份量超足,抵食之選雞翼反而普通,皮唔夠脆

上次來棉登徑覓食時，周圍留意一下附近的食店，除了西式酒吧、咖啡室、漢堡店外，還留意到這家日本食店，所以今次再造訪棉登徑，就揀選了這家店。坐在壽司/刺身吧枱，其中一個好處是能直接跟師傳了解一下是日精選、推介，或遇有食材疑問時，可即時問問他們。點餐後即送上小食，分別是海蜇、小銀魚及醃蘿蔔。特別喜歡吃小銀魚，因為帶點脆身又有嚼勁，味道咸甜，是不錯的佐酒小食。先來的是刺身，分別是中拖羅、油甘魚、池魚皇腩、牡丹蝦、帆立貝、八爪魚及八爪魚吸盤，質素令人滿意。中拖羅很肥美，肉質腍身，富油脂香。油甘魚同樣腍身，但魚味較濃。池魚皇腩口感則爽口，沒有筋。牡丹蝦肉綿甜美，而帆立貝大粒厚肉，新鮮。八爪魚吸盤非常脆口，吃落「索索」聲。相比之下，八爪魚較腍身，但都算爽口。壽司方面，點了吞拿魚、黑鯥魚、池魚及加拿大海膽。加拿大海膽質感creamy，分量算多，不過味帶些微甘苦，一般。表面略略經火焯的黑鯥魚腍身，味道香郁，頗令人難忘。吞拿魚肉質細嫩，油分較高。池魚帶點爽彈，加上面層撤有少許薑蔥，香味更濃。又怎能錯過我最愛的燒芝士年糕呢。年糕煙煙韌韌，咬落去，中間的芝士半溶而軟滑。清酒煮蜆的蜆肉算肥美飽滿，沒有沙。經烹煮

食物水準不錯，午市定食由$98-168左右(一至日Lunch都免加一！)不算貴，算近地鐵，環境寜靜，我跟朋友星期六中午來(已book位)，有三兩知己的，也有一個人來的，場不爆滿，所以坐得都幾舒服自在！我點了"花魚生飯"定食($138):魚生新鮮，牲丹蝦都大隻鮮甜，連同幾款魚生舖滿飯面啖啖肉~ 仲有碗滑嘟嘟蒸蛋，魚仔前菜，漬物，沙律，面豉湯，雪糕，成個餐份量不少，好滿足！仲點了"壽司定食連迷你牛肉烏冬"($138):抵食~ 魚生新鮮！牛肉烏冬不算太迷你，跟埋其他新鮮美味嘅壽司一齊食，滿足！仲點了"嵐山日替便當"($168):炸蠔咬落雖然有點散，但都好食，若大隻點會更好！蝦都係幾鮮甜。一定會再幫襯的！

30/7$246/2人 ，$123/人原本想去吃一蘭拉麵，但很多人，又很肚餓，走出來看到這間日本料理也不錯，就入去試試。我想它的晚餐應該幾貴，但lunch set不貴。有一頁魚生飯，有一頁熟食menu. 我已經叫了最貴的「北海道丼」set, $148. 朋友叫了「安格斯牛肉鍋」set,$98. (回想起來，一蘭拉麵就只有一碗麵，都是這價錢）前菜有沙律，有兩枝好像人蔘的東西，食落鹹鹹地甘甘地，又真是有蔘味！Interesting!還有一盅日式蒸蛋，內裡材料也很足，有肉有蟹柳。還有一碟鹹魚仔可送飯。朋友的牛肉鍋，她說是真·安格斯牛肉，因為她吃得出和普通牛肉是不同味的。烏冬就是普通烏冬，不是稻庭烏冬，因不太煙韌。我的北海道丼，和其他魚生飯不同之處，是它有海膽和帶子。我本來也不是很「好」海膽的，因有些很「鯹」。但這個沒有鯹味，而且很大塊，而且是日本海膽。因加拿大海膽那些是不同味的。仲有一隻牡丹蝦，好大隻。打算結賬時，原來還有雪糕送！綠茶、芝麻、豆腐味可選。我選了綠茶。雖然不是很重綠茶味，反而重牛奶味，但都是滑和好吃的。總的來說，我覺得這次經驗很好，好抵食，我會多多和朋友推介。（當然，除了set

約咗朋友喺棉登徑飲嘢，晚飯當然喺棉登徑搞掂。係網上見到嵐山嘅評價幾好，所以大家都想試。好在預先book咗位，可即時入座。否則唔知要等到幾時，因為好多人在門口等位。 嵐山以平板電腦作menu, 客人可隨着自己嘅需要放大縮細來選擇食品。仲有本日推介添！我哋先來個開胃前菜，前菜有三款，擺設精美 (有螢光魷魚, 海蜇 及酸瓜)螢光魷魚第一次食, 好爽口, 好特別。然後有刺身。刺身包括甘蝦/油甘魚/赤貝/金目鯛和左口魚。甘蝦鮮甜，殼薄清透、肉質細嫩。赤貝/金目鯛肉質爽脆甜美。材料非常新鮮，同我哋平常食嘅三文魚/甜蝦/帶子有所不同。手打安格斯牛肉石鍋烏冬：手打烏冬配上鮮嫩嘅安格斯牛肉，脂肪分佈均勻，而且好有牛肉味; 湯底鮮甜；配上大大隻嘅冬菇/雞蛋和配菜，材料豐富，簡直無得輸。仲有燒雞和甜薯等....都唔錯(不能盡錄) 甜品係芝麻雪糕：芝麻雪糕有好香嘅芝麻味，而且好幼滑，係我嘅至愛

豆腐白飯魚乾沙津, 用料新鮮, 白飯魚乾都頗脆, 但似乎烤得有點燶, 少許苦味, 而且白飯魚乾跟沙津的味道不是很夾, 如用櫻花蝦感雞泡魚干可能會更好帶子及三文魚刺身, 帶子味道鮮甜可口, 三文魚新鮮肥美, 夠重油份海膽軍艦, 海膽尚算新鮮, 味道帶甜, 不過味始終不及日本油甘魚, 油份夠重, 夠鮮且很甘香!串燒雞翼, 略嫌有D乾身; 燒日本蕃薯仔, 很甜很滋味!

其實已經第三次在嵐山翻桌，三次都選了午餐，更加三次都點選了壽司定食。以前不定時都會去忍者軍大樓進拱，閒閒地一餐午飯二百幾。眼見呢幾年不停加價，食材水準未見進步，性價比越來越低。加上經濟開始變差，份工唔知幾時冇得做，開始要節儉少少，唔買樓都要有些少積蓄，以備不時之需。講返嵐山，翻桌原因好簡單，就是水準穩定的-好。是日星期日，兩點鐘到只有食客幾個，生意確實難做，反而隔離間吃全日早餐嘅，full house! 記得第一次食，驚喜的並非壽司，而係牛肉烏冬！其實烏冬並不特別彈牙，但吸引我嘅係個湯底，加上牛肉半肥瘦，薄片但牛味濃，成碗就咁KO左。不過今次有少少失色，最大原因係牛肉厚咗但唔夠肥膏，過熟左少少。今次最吸睛係海膽壽司，原片海膽，雖然是加拿大產，但味道比起之前兩次小片的更鮮。對於我嚟講，壽司偏向細件，但上面嘅魚身有光澤，甜蝦大大隻，有鮮味，絶無嬉場。綠茶同豆腐雪糕都不錯，味道濃郁。

天口咁熱食下日本野係唔錯嘅選擇，知道棉登徑有好幾間比較正宗嘅日本菜，所以特登黎試吓！我哋揀咗呢間比較多人嘅嵐山！我哋order咗一啲小食、壽司同埋烏冬，諗住樣樣都試下！雞翼最先上枱，佢脹卜卜嘅外型都好吸引！雞翼嘅外層灑上芝麻，未食已經加左分！不過食落口嘅時候發現雞翼嘅外皮炸得唔夠脆，雖然芝麻味好香，中間嘅肉亦都好嫩滑，亦醃得好入味，但個皮唔夠脆扣左一大截分。食雞翼最緊要食皮嘛！眼見枱枱都有order一碗烏冬，我哋都叫咗安格斯牛肉烏冬試一試，安格斯牛肉果然肉未夠而且好淋，脂肪分布亦好均勻！好食！烏冬上邊有一隻生蛋令到個烏冬入口更加滑同香！而且湯底亦都好清甜，旁邊嘅蔬菜亦都灼得好甜！呢個烏冬真的不錯！但我最值得推介嘅係啲一個香蔥三文魚腩壽司，呢個一定係新鮮做起嘅，因為入口時紫菜仍然好脆，呑拿魚腩勁甜而且剁得好細緻所以入口好滑，同飯嘅比例亦都啱啱好！超讚！

約朋友食飯, 朋友在尖沙咀返工, 佢熟地頭, 最後選左嵐山. 貪佢位置方便但環境較靜, 唔駛係大街迫. 點菜時朋友告誡近日氣溫太高, 盡量避免食剌身等容易因溫度而變壞的食物, 所以點左燒物為主.串燒黑豚肉 $38: 粒粒黑豚肉飽滿, 肉腍有肉汁, 不會太乾太鞋串燒煙肉廣島蠔 $48: 煙肉包住蠔, 廣島蠔幾有鮮味, 但煙肉味也頗濃, 有點把蠔味蓋過了 芝士年糕 $38: 軟軟綿綿煙煙韌韌, 一啖咬落去配合芝士香, 慢慢咀嚼將芝士同年糕溶和一起, 口感及味道都出色串燒雞翼 $28: 由於燒前已將雞翼切開, 雞翼肉汁流失, 肉較乾燒雞腎 $36: 雞腎粒粒結實, 不會太乾太鞋鰻魚炒飯 $98: 飯同鰻魚都多, 飯粒粒飽滿,有飯香, 飯不是全乾身, 有少少濕濕地估計是沾滿鰻魚汁, 香之餘更有味道煎沖繩餃子 $48: 餃子包煎香帶有小小脆, 包得結實唔易散, 點上醬汁再咬一啖, 略嫌缺少肉汁麒麟啤酒$68埋單連加一$517

友人約我到尖沙咀嵐山日本料理食日本野，當然即刻去食。明太子燒雞翼（$68）：熱熱的雞翼，釀入大量明太子，除了食到雞翼金香味外，明太子的濃香味赤吸引味覺。牛油帶子焗什菌（$68）：包含了不同品種的雜菌，加上帶子，在牛油的焗製下，絕對係用來送酒小食，雜菌味道濃郁，爽口彈牙，令人有耳木一新的感覺。金目鯛壽司（$108）：不但魚肉甘香，肉質鮮嫩，入口有即溶之感，絕對係必食之物。左口魚壽司：（$44）：魚質不但爽滑，入口有大量油脂，口感特別，不愧係魚肉刺身必叫之選。

今晚同友人行完K11走左去嵐山日本料理食晚餐。點了以下食物：土佐豆腐（$68）：將豆腐沾滿炸粉，保留豆腐的柔滑，入口香口，有濃厚豆香。加上用了麵屎湯，令到豆腐吸收了麵屎味。手打安格斯牛肉烏東（$108）：用上石鍋煮製的烏東，除了保持烏東的味道，更可令到安格斯肥牛更加入味，牛肉亦非常鮮嫩多汁，肉質新鮮，係不錯的日式鍋物。刺身盛($248):包括三文魚，帶子，吞拿魚，池魚，赤具。三文魚不但甘甜，亦非常爽口，新鮮的味道在口腔保留。帶子除了陣牙鮮甜，亦食到日本帶子的鮮甜味，入口即溶。赤貝爽滑不在話下，份量亦大隻，係必叫之選。總括來說，日式居酒屋眾多，但在尖沙咀叫做好食麵算在這裡，值得一試。

可能近來吃得太多, 所以想吃點清淡的食物, 日本菜當然是首選. 此店面積小, 枱與枱之間頗近.這裡的刺身都算頗新鮮, 上次在淺水灣首嘗喜知次的燒魚, 一試難忘, 今次就試試 (右上) 喜知次刺身 ($140/2片), 肉質有咬勁, 魚帶油甘味, 不錯! (下) 甜蝦 ($39/4隻) 保持水準, 另外(左上) 沙津醬三文魚刺身 ($76/2片)夠FRESH, 魚肉脂肪夠, 份外甘香! 鰻魚炒飯 ($98), 鰻魚夠足料, 夠大塊, 但飯炒得不夠乾身串燒豆腐 ($28), 外皮燒得夠香脆, 再塗上面豉醬, 口感有點像臭豆腐, 當然味道完全不同, 小妹喜愛這個~價錢和質素OK, 但不能坐太久, 因為店小, 繁忙時候會感受到要交枱的壓力, 奈何此店又想做到上高格調的定位, 這似乎有點矛盾...

朋友請的預祝生日飯局, 由於最近工作較忙及私事繁重, 挑選了尖沙咀的一家日本料理. 事前有做網上調查價格不會太貴, 正符合朋友的預算.  天氣非常熱加上這裡的冷氣有點不足, 2人各點了一杯啤酒(麒麟啤酒$68/杯), 好久沒飲普通啤酒, 雖然味道普通但確是解暑涼品.  芝士年糕內裡芝士軟淋淋, 芝士香而不膩口, 配啤酒相當不錯.  蠔內有砂, 吃了一個後, 第二個只吃了外圍的煙肉便算. 煙肉太乾身.  炒飯OK, 雖然飯質略腍身, 但用珍珠米炒出來則可以接受. 份量上頗足.  雞翼將肉切開, 以較乾身的方法來燒, 不錯.  黑豚肉燒得頗為JUICY, 調味也足夠.  雞腎不過不失, OK.  非常差的餃子, 餃子油膩膩, 皮又不脆, 裡頭的餡料做得什麼味道也嚐不出了, 整口都是油的感覺. 埋單大約$500左右. 最讚的只有環境, 因為周邊高價食肆林立及位處尖沙咀地鐵站附近, 姑且給4星. 勉強給個笑臉. 餐廳的餐牌主要用IPAD顯示, 頁數較多, 只附上其中的"本日推介", "二人前" 及"酒類清單". 

從日本朋友口中得知，原來棉登徑日本餐廳林立，聽聞仲好地道，新鮮程度直逼身處日本，忍唔住黎同朋友體驗一下！經過間日本餐廳，見嵐山係最滿坐嘅，所以就挑選呢度作今晚落腳點。雖然只係平日，但全場座無虛席，好不熱鬧。Menu有set又有散叫，款式眾多，刺身熟食爐端燒一應俱全。響iPad 滿滿的好幾版。除咗固定嘅menu之外，當日新鮮運到嘅會響牆壁掛上。食日本野要睇新唔新鮮，梗係食刺身先啦！刺身包括池魚、生八爪魚、大八爪魚吸盤，金目鯛及中拖羅。八爪魚和大八爪魚吸盤同需時食開嘅好唔同，佢薄切好多，每塊晶凝剔透，質地好滑，少少咬口又無平時咁韌，好好食！吸盤比八爪魚爽身，點過特製八爪魚醬汁帶出鮮味！中拖羅顏色粉嫩，入口滑滑沒有筋。拼盤一邊嘅醬油池魚好特別，池魚比其他刺身本身質地彈牙，今次切碎撈上日本小葱及薑，保留原有鮮甜亦分外惹味。最驚喜係金目鯛，經過小小火炙，外皮帶微微燻香，肉質堅韌，有𡁻口，但又不失原來鮮味。食過刺身後，緊接住有幾件我最喜愛嘅壽司！加拿大海膽鮮甜味味，仲有少少海水味，好creamy!，分量亦毫不吝嗇！中間嘅係薑蔥吞拿魚腩，魚腩打得好滑身，混合薑葱吃比例剛好！響旁邊毫不起係令我最驚喜嘅