嵐山日本料理

營業中

休息中

做gym前同友人想搵d野食，見到呢間嵐山日本料理外觀靚靚仔仔就入左去試一試。店鋪裝潢暗暗地，感覺都幾浪漫，情侶黎食都幾岩。望一望個menu，lunch set黎講真係算幾多選擇，足足兩頁紙，仲可以叫壽司。我同朋友分別叫左個黑鮪魚二重丼同海之幸丼。飯一黎，望落刺身新鮮又足料。但係最大驚喜係—赤醋飯。赤醋飯比白醋飯係更加能夠提鮮。香港好少普通日本料理店會用！魚生方面，除左拖羅好肥美，鮪魚蓉都好香！正！總結：細節位有驚喜，味道好好，推介！

棉登徑附近雲集左好多餐廳, 繼早排試了街角高水準的嵐橋丼屋, 今次決定試下隔兩間鋪位的嵐山日本料理.. 滿懷期待之下果然無令人失望 小小一碟開胃前菜有醃漬蘿蔔, 八爪魚同荀子 ✨自己對刺身都有基本要求, 最怕食到未解涷或不新鮮的.. 今次點了鯛魚 池水皇同北海道帶子, 以厚切呈上, 肉質爽口新鮮✨再來一客金目鯛同鰤魚壽司, 刺身部份同樣做到細膩甘香✨安格斯牛肉烏冬的牛肉上枱剛熟, 入口自然嫩滑.. 湯底清甜配上配料將成個鍋的感覺大大提升✨最後以日式炸雞做總結, 意外地肉質好嫩第一次食到咁嫩滑嘅炸雞, 外層酥脆口感豐富✨

棉登徑的嵐山日本料理八點時段餐廳都幾乎滿滿客人, 幸好剛好有兩張二人枱 ! 首先點了鯛魚 池魚同帶子刺身, 賣相同入口都新鮮, 口感肥美豐富, 絕非連鎖店那種薄薄一塊! 金目鯛同鰤魚刺身壽司同樣新鮮, 高質滿足🍣燒物方面點左老公心頭好燒羊架, 芝士年糕同串燒黑豚肉! 想講羊架同黑豚肉肉質都上乘, 燒得恰到好處, 而芝士年糕大大粒好chewy, 大愛 ❤最後叫左個飽肚的熱食安格斯牛肉烏冬石鍋..牛肉幾近入口即融, 烏冬煙韌同埋個湯好清甜飲完無口渴! 依餐我同老公都好滿意 ✨

又是和太太食好野的日子，今次揀左呢間日本料理入到來已差不多座無虛席，好彩有訂位先來吃一個刺身盛每款刺身都是厚切而且很新鮮，超正！最喜歡的還是油甘魚和鮮帶子然後叫左一個特式的壽司來試試估唔到係壽司加入了芒果口感原來係咁match，整個壽司更鮮甜，還配上了牛油果，令到口感更豐富，呢個壽司真的很健康先黎3款串燒燒黑豚肉很好吃，食落時還有很多肉汁，肉味很濃，又不會太油膩。銀杏太太說是很健康的食物，我第一次食，很有咬口，味道就是沒有什麼特別。明太子雞翼和平時食到的差不多牛肉裡面還有夾著一些蔥和蒜，很香蒜味雖然只是簿牛肉，但肉味也很濃，配上炸蒜片，好吃！呢個炒飯好好食，每一啖都有鰻魚肉，配上鰻魚汁炒，好惹味，有些甜味，會想食多幾碗飯喔！最種要是飯真的很好，不會太濕，夠乾身。

又黎到棉登徑，真心好喜歡上堂前，黎呢頭搵食。經過嵐山，見到有師傅係度即整壽司，所有野都睇得好清楚，又好想念日本野，結果被吸引左入去。 環境好靜好舒服，令人慢落黎去嘆杯茶，慢慢等好野上。呢度即叫即做，要等一下，但都正正幫到我調整下急促既上班節奏。 叫左d平日出面無機會食既刺身。連子鯛刺身（其實完全唔記得邊樣打邊樣，同店員講好想記住，第時識叫，店員竟然最尾去問個師傅點寫，再去寫係收據度俾我睇，店員真係好好）八角魚刺身，魚味好鮮，好滑，未食過呢種魚，真係完全俾到我去左日本既感覺。另外，喜之次壽司，俾到好深刻感覺我，充滿油分，咬落去魚油爆晒出黎，一試難忘。 帆立貝超新鮮，好耐無食野食到係咁唔出聲，去享受鮮味留係口既感覺。 安格斯串燒，滿有肉汁，好喜歡佢燒肉既醬料甜甜地，加上芝麻。同之後既牛肉生薑燒唔同，生薑燒較濃味，串燒較甜身，食法不一，但同樣令人想要碗飯去送。 最後烏冬都係好驚喜既，湯底清甜，天婦羅炸得好香脆，全部時間都拿掐得好好，唔會乾晒身。呢度好適合慢食，同朋友詳談心事既好地方。

早前因爲媽媽生日，聽過呢間嵐山日本料理幾好食，於是一於試下呢間嵐山餐廳提供好多食物選擇，而我哋果時又好肚餓，揀唔到於是我哋就好快決定點左個極上二人餐😆三式前菜左起辣味魷魚、新鮮淮山、辣味薯仔。個人較喜歡辣味魷魚😋平時少食淮山，而呢度淮山爽口，很特別。三文魚他他野菜沙津配辛辣汁沙津蔬菜新鮮，配上辛辣汁令人十分開胃。😋刺身盛六點：大拖羅、金目鯛薄切、鳥池魚、赤座蝦、赤貝、加拿大海膽拖羅因為厚切關係有口感但未有入口即溶既感覺，金目鯛配上特別醬汁，酸酸甜甜味道很好，池魚、蝦和赤貝都很爽口鮮味，唯一海膽略厭有啲腥味。壽司盛八貫：赤鮭、三文魚籽、火炙左口魚邊、蟹膏味噌軍艦最令我有驚喜既係蟹膏味噌軍艦，蟹膏味道特出，亦唔會太咸。赤鮭和左口魚真的有入口即溶既感覺，油脂湧曬出泥。鹽燒帝王蟹腳：蟹肉非常鮮甜！推介😋而且很細心地預先剝左蟹殼，有心思！鹿兒島和牛朴葉燒和牛肉質嫩滑，用火一直烘都唔會令牛肉變難「鞋」😋不過醬汁味道偏甜。和風櫻花蝦炒飯當日忘了影呢個炒飯🙈味道普通正正常常。店鋪將炒飯分開裝落2個碗，而唔係一碟過裝。蘋果雪葩好有蘋果淡淡既清香，清新既雪葩將之前食到飽滯既感覺一掃而空，好好食！得半個太可

尖沙咀搵食，我同朋友都鍾意食日本菜，行到棉登徑選了嵐山日本料理晚餐。我地被安排坐包枱位，可以欣賞壽司師傅的手藝。刺身北海道帶子好厚身，肉質滑而且鮮甜。甘蝦肉質唔會稔池池，同樣鮮味。池魚皇是大厚切，咬下去肉質紥實有彈性，好有魚味，唔腥。油甘魚也是大厚切，雖然不是魚腩，但都唔太瘦，好食。壽司壽司本身有調味，不用沾豉油也可。右起係左口魚壽司，魚味較清淡，唔知係咪灑左少少青檸碎喺面，整個感覺清新。中間係火炙金目鯛壽司，火炙過帶起金目鯛油香，上面有少許明太子和生蔥碎，令整個瘦壽司味道更豐富更香。左邊的是赤身壽司，雖然不是拖囉，但又知亦豐富，很滑身，沒有跟，魚味濃，好正。跟住就食燒物，鮑魚燒得火候剛剛好，底面成金黃啡色，燒得好香，一啲都唔乾，鮑魚肉質有咬口，但不會過熟，不會硬，食到鮑魚鮮味。朋友仲叫咗一串雞軟骨，因為我不太好，所以只試了一小粒，燒得外邊少許焦焦的，軟骨咬落去國國聲。燒油甘魚頭，魚皮燒得金黃香脆，食落一啲都唔聲腥，魚頭都有好多肉，魚肉白雪雪，好甘香，連骨都燒到脆，如果餸酒一流。牛油帶子焗雜菇牛油焗一定冇得輸，一打開錫紙已經好香，焗帶子口感較爽，菇類有本菇、金菇同埋雞髀菇，菇味香又爽口

今晚突然很想吃日本菜，與朋友來到這家非常近尖東地鐵站的嵐山日本料理，十分方便。刺身我們點了深海池魚，油甘魚，北海道帶子及甜蝦,各款刺身都很新鮮，尤其是帶子， 十分鮮甜，又厚身，很正。刺身的擺位亦漂亮，有食用花作陪襯。壽司有左口魚、金目鯛、赤身各一件，每件的壽司飯已調味，不用沾豉油及芥辣，壽司飯軟硬適中，調味剛好，不會掩蓋刺身的鮮甜。左口魚很滑，金目鯛是火炙過的，很香。赤身厚身，很大件，魚味濃。燒油甘魚頭笑得很香，魚皮香脆，魚肉保留魚汁，魚油甘香，很滑，不會太乾，沾上檸檬汁及特製的醬油，特別鮮味。燒鮑魚新鮮，口感很爽口彈牙而有鮮味。燒雞軟骨串很香口，雞皮香脆，軟骨卜卜脆是不錯的小吃。焗牛油雜菌帶子帶子份量很多，雜菌配上牛油，不會出錯的配搭，牛油味很香，但不會感太油膩。海膽炒飯很好吃的炒飯，每囗都是海膽味，很鮮味，海膽迷必愛。除了海膽外，還有很多其他配料，配料切得細細粒，很有口感。朋友與我都吃得非常開心，十分飽，很滿足的一餐。

嗰日同朋友喺K11行完街，決定係附近搵嘢食。經過尖沙咀棉登徑，見到間嵐山日本料理，決定入去試一試。店內設有吧檯同大檯,坐落感覺非常舒適。有二人餐同大量刺身選擇，仲有推介。鰤魚刺身，脂肪分佈平均， 入口滑溜柔軟，肉質腴盈肥美，喜之次，火炙後，充滿魚脂，十分鮮甜，鯛魚刺身，清鮮甜美。金目鯛壽司，肉質細嫩，入口即溶，左口魚壽司，肉質結實，魚油豐富。燒鮑魚，肉厚鮮甜，串燒日本銀杏，輕輕鹽燒，帶出銀杏甜香，串燒日本黑豚肉，肉汁豐厚、肉味濃郁。蒜片安格斯薄燒，薄薄的安格斯牛肉，肉嫩多汁，包住蒜片、蔥入口即溶，很香口，非常好味。雜錦天婦羅，不會太過油膩，外酥內軟，風味十足。手打泡菜黑豚肉石頭鍋烏冬，烏冬口感彈牙，加上泡菜味辣辣地，好野味，用石頭鍋上食起來熱辣辣。

話時話好耐無食魚生啦，咁女朋友又話想食，立即試試佢先。間鋪頭裝修好有日式風味，有啲似日本啲居酒屋，氣氛又好，暗暗地又唔太嘈。睇完menu，二話不說就叫咗個九點刺同埋安格斯牛肉稻庭烏冬。九點刺入面嘅魚生，嗰兩舊海膽真係甜到漏，赤貝同埋個帶子又係必試。另外個安格斯牛肉烏冬清清地幾清新嘅感覺。

剝牙之後有幾日都唔可以食固體野所以就提早左食呢間想食好耐嘅居酒屋首先叫左啲暖野落肚先 叫左個稻庭烏冬比起手打烏冬冇咁粗都易入口啲牛肉片略嫌厚身左啲 不過牛味十足但只有3塊 感覺唔太化算呢個湯唔係壽喜燒口味 所以個烏冬整體好淡味之後就到九點刺入面有海膽 三文魚 赤貝 深海池魚 大拖羅 甜蝦 帶子 油甘魚 仲有一個唔記得左海膽陣味唔知點解咁濃同腥 唔使點豉油已經好鹹 係咪即係代表佢好新鮮呢🤔🤔大拖羅好fresh食完之後 有陣生果味係口入面餘留帶子就好彈牙 會feel到一絲絲肉 好正其他就不過不失 冇特別驚喜

朋友係日本控成日食飯都係約食日本菜我地今日來左呢間環境相當典雅的日式餐廳鰤魚刺身 喜之次刺身 左囗魚加蔥花 刺身好新鮮鰤魚刺身超厚肉喜之次非常香面頭火炙燒過半熟狀態非常美味金目鯛壽司好肥美鯛魚壽司口感幾爽最重要係新鮮串燒我哋叫咗三款：1）鮑魚2）銀杏3）黑豚肉鮑魚鮮味十足好香啊銀杏超靚啊顏色金黃食落帶清香黑豚肉食落好有驚喜超juicy面頭香脆食落爽脆脂肪果part油香味濃好正蒜片安格斯薄燒入面夾住蒜片同蔥花食落口感飽滿香氣撲鼻雜錦天婦羅d粉唔厚食落好脆手打泡菜黑豚肉石頭鍋烏冬烏冬好滑又彈牙湯底唔錯唔會太辣整體感覺好滿意

去到尖沙咀搵嘢食，朋友專登揀咗呢一間日式餐廳，七點半嚟到嘅時候，已經座無虛席呢。。餐廳的右邊是壽司和omakase 吧檯，幾位師傅在吧枱忙忙碌碌地為食客準備食物。餐廳的裝修都帶有日本風格，深棕色嘅桌椅與淺灰色的牆身形成了對比。刺身伊佐目、帶子刺身、𩶘魚三款刺身都係厚切，帶子超厚，而且肉質結實，好鮮甜，特別鍾意佢放喺青檸上面，帶子當中有一點青檸的味道，十分清新。壽司池魚壽司，深海池魚壽司深海池魚清甜爽，最緊要係鮮而不腥，肉質軟中帶韌。其實池魚刺身太大條或太細條的池魚都不適合做刺身，太細的幼骨太多，只有大約六至七吋長的池魚才適合薄切成刺身。加上魚身細小，魚骨又脆又幼，所以下刀要非常準確。下刀太淺，肉感不夠豐厚﹔而下刀太深的話，就會破壞魚骨的組織，無法徹底去除魚肉的幼骨。 蕃薯仔自家製雞肉棒豚肉串燒 三串串燒當中，個人最喜歡自家製雞肉棒，因為奚肉混合了雞軟骨，非常爽口，當雞肉棒與雞蛋拌勻後，令肉質變得更嫩滑呢。$28一串附上蛋黃，這個價錢也相當實惠呢。雜錦天婦羅蝦、冬菇、南瓜、茄子、青椒、金菇、秋葵天婦羅的賣相滿分，而且天婦羅蝦肉質比一般彈牙，而且粉漿不算厚，其他幾個天婦羅也炸得香脆，而且款

同朋友即興約係尖沙咀食飯，選擇真係有好多，不過又唔太想去d連鎖式餐廳，咁就黎左嵐山呢度啦，依家就推介部分值得一試既菜式：三式刺身帶子刺身味道鮮甜，口感偏爽身；伊左目魚刺身香味濃，又鮮甜，口感軟身；鱲魚刺身外表為淡紅、白身魚肉，肉質爽口、鮮美，食落煙韌有咬口，散發著淡淡甘甜。細池魚和深海池魚壽司池魚肉質爽口帶點油脂香。池魚片表面有多刀切割，營造豐富的口感，顯出師父細膩刀工。池魚壽司以薑蔥配搭的傳統形式奉上，令到味道更富層次感。壽司全使用來自日本的白米，以及加入了黑醋，令飯的味道很獨特，不需額外再沾醬油。串燒日本蕃薯仔味道香甜，亦有入口即溶的感覺；雞肉棒串燒，坊間部分餐廳的雞肉棒是買貨來的，而這裏的雞肉棒串燒是師傅自家製的，吃得到雞軟骨脆脆的口感，又有雞肉的甜嫩味道；豚肉串燒用上了五花腩部位，滿佈油花，但其實入口完全不覺膩，肉質肥美爽口，還有陣陣甘香肉味。肉類串燒可沾上生雞蛋同吃，蛋漿令肉類更滑又減油膩感。鰻魚炒飯首先鰻魚份量很多，幾乎每啖都食到有鰻魚。鰻魚魚肉細緻，油脂豐富，肉身夠厚，亦不會「嚡」口，魚皮有點焦香，似是即叫即燒，帶點膠質且魚骨去得乾淨。而炒飯火候控制得宜，米飯粒粒分明，珍

看到這間餐廳食評很高，就去試一試味道不錯的餐廳，食材新鮮，味道適合重口味的客人本人試了黑豚肉石頭鍋飯，感覺是最好食的，雖然製作時間超級半小時多（是不是等候的時間是正常，不過只是香港速食文化吧）然後還試了三文魚刺身和串燒，沖繩餃子等熱門小食，因為等太久了，所以沒拍照就直接食掉，感覺比較重口味，要不停飲水地方比較細，是一間小店，所以比較難預約可惜超級少看到這間餐廳食評很高，就去試一試味道不錯的餐廳，食材新鮮，味道適合重口味的客人地方比較細，是一間小店，所以比較難預約可惜超級少員工態度都是愛理不理多次要求加茶都沒反應價錢不算是合理可一不可再吧