嵐山日本料理

營業中

休息中

今天到尖沙咀K11行街，行到有點攰了，記得棉登徑有好幾間餐廳，便過去看看，選擇了這間」嵐山日本料理」。店內都已經快座滿了，吧台還有位置，正喜歡座在吧台。座低後，店員送上平板看菜單，簡潔清晰。刺身：鯛魚刺身 $48用串串上，幾有新意，火炙過表面，好厚身，口感好煙韌。二切鰤魚刺身 $98鮮甜嫩滑，配上胡麻醬也不錯。壽司：蟹肉蟹膏魚子帆立貝壽司 $56輕火炙過的帆立貝，上面還配有蟹肉、蟹膏和魚子，配搭新鮮，味道夾。拖羅蓉甘蝦壽司 $64用上赤醋的壽司飯更高級，拖羅蓉配甘蝦，互不搶味，很不錯。牛肉份量多，芽菜鋪滿底還有炸蒜片、配上燒烤醬，有辣有唔辣，蘸上一點很有風味。鮑魚用刀處理過，火喉燒得正好，入口好腍，一點不韌。串燒安格斯牛肉，汁香味濃，牛肉味香，表面更灑上芝麻，不錯。熱辣辣，份量足，菌類蔬菜新鮮，上面撒上木魚碎，調味正好。賣相吸引，石鍋上能保持熱度，上面鋪滿紫菜，還有只窩蛋，拌勻後滿滿蛋香，整體汁潤，味道豐富。

Lunch time食咩好？假期周圍都人山人海，朋友想搵間舒服餐廳食個飯，我地去左「嵐山」，一間主打日式料理的餐廳，滿足一下日本癮。朋友最愛刺身，我比較愛熟食。假日都有lunch menu，價錢唔會好貴，set lunch包沙律，前菜、麵豉湯、日式蒸蛋、甜品，都好豐富啊！朋友叫左刺身定食，我就叫左我最愛既西京燒銀鱈魚定食！銀鱈魚兩件好驚喜，大多數餐廳都只有一件咋！魚肉非常香嫩香滑，加上微甜醬汁燒香，魚肉入味滑溜，魚皮如果脆脆地就更加完美啦！鱈魚無雪藏味，大大推介！飯粒有咬口，米香重，食完好暖！麵豉湯唔會好咸，超愛蒸蛋夠清甜！甜品有我最愛既雪糕！

今日中午約左朋友食飯，大家一致決定去食日本菜，行到K11附近食肆臨立，結果我地入左「嵐山日本料理」。午餐menu選擇好多，熟食/壽司/刺身，款款都好吸引。朋友叫左一個海之幸丼。三文魚、油甘魚、牡丹蝦、海膽、吞拿魚蓉，魚生好新鮮啊！厚切刺身好驚喜，入口肥美，魚肉鮮嫩，油甘魚好肥美架！刺身入口油香重！壽司飯最欣賞，加入赤醋好香，飯粒帶點味道，完全唔單調！午市套餐配麵豉湯、前菜、日式蒸蛋、甜品、沙律。份量好豐富啊！店員非常有禮貌，抵讚！朋友都比like啊！

今晚跟朋友來到了久違的「嵐山」，餐廳有兩個邊，一邊有餐桌兼坐滿食客，另一邊就是壽司吧檯。壽司吧檯剛好有兩個空位，一於就坐在吧檯看著師傅忙碌製作。有二人餐，但我們還是自己點單。刺身 ：《二切鰤魚刺身 $98》配麻醬，鮮甜又醒胃。另外有以串燒形式上檯的《鯛魚刺身 $48》，肉質鮮甜而且肥厚爽口，魚皮更是有焦香及口感煙韌，不錯。壽司《輕火炙過的蟹肉蟹膏魚子帆立貝壽司 $56》火炙帆立貝配上蟹膏、膏肉和三文魚子，鮮味香郁，而壽司飯正是筆者中愛的赤醋飯，更添惹味。《拖羅蓉甘蝦壽司用上赤醋的壽司飯 $64》甜蝦上放上了吞拿魚蓉，增加鮮甜度，而吞拿魚蓉亦加上了芝麻、香蔥和炸魚仔，既香口又有口感。《和風炒雜菜 $58》炒野菜熱度夠，置頂的木魚都在晃動。菜有甘菇、椰菜、芽菜、菇和洋蔥，新鮮清甜不油膩。燒物：《鮑魚2件 $108》 -燒得香層微焦香口，而肉質鮮甜、不韌又彈牙。銀杏串 - 甘香而不苦澀。《串燒安格斯牛肉 $38》 - 肉腍軟又有肉汁，肉味香濃。《蒜片安格斯薄燒 $148》安格斯薄燒牛味香濃，卷著香蔥都不夠，伴碟更另放有香蔥和炸蒜片，跟薄燒一併入口實在更提味又有口感，好吃。《黑豚石頭鍋飯 $1

我有一位同樣愛吃的好友。結伴品嚐美食，就是我們間最美好的活動。這晚，朋友挑選了一間日式餐廳打算跟我一起享用一頓豐富的日式料理！我們品嚐了一些壽司，包括火炙柚子大拖羅壽司及鯖魚壽司。兩款壽司的魚片均頗大片，幾乎可以覆蓋全部赤飯。秋冬的鯖魚份外肥美，而大拖羅壽司則非常肥美可口。熱騰騰的海膽炒飯，鑊氣十足！炒飯都十分香口，它充滿着濃郁的蒜香！雖然海膽份量不多，但整體是很美味的！整體而言，餐廳衞生、舒服，而且食物質量不錯，所以這裡算是用餐很好的選擇。

係香港要食吞拿魚腩，閒閒地cheap cheap地去啲連鎖壽司店食都要成$38一片仔，真係我見猶憐咁單薄...... 今日去嵐山食lunch，$158一個吞拿魚腩丼套餐，有丼飯、前菜沙律、醃漬物、蒸蛋同雪糕！認真抵食！啲吞拿魚腩仲唔欺場，有3片，片片都厚厚地，個底仲墊咗啲呑拿魚腩蓉，吞拿魚腩入口即溶果種感覺，一食就知算中上貨最讚係佢個丼飯，唔係一般醋飯，而係撈咗醬油同芝麻既味飯，唔湊米氣既我都一啖接一啖咁食晒碗飯雪糕可以㨂芝麻、綠茶同紅豆；總括性價比極高！推介

上星期去咗尖沙咀食野，依排好少係尖沙咀食飯，好多餐廳都未見過，見到棉登徑附近都開咗好多新餐廳，當中日本餐廳就最多喇。今次試咗依間嵐山日本料理，我就唔知佢同京都既嵐山有咩關係，但就知道佢啲野食唔錯喇。好彩我地黎既時間都早咗少少，因為晏少少就full哂。一黎緊係食個刺身先啦，有獅魚，深海池魚同北海道帶子。獅魚係野生既油甘魚，食得出比普通既油甘魚味道較濃郁，油份較多，即係肥美啲啦。刺身係用深海池魚，亦都係比普通池魚好味，北海道帶子仲係我食過最鮮味既，好想叫多啲再食過呀。食完刺身試下壽司，叫咗少少試下，炙燒左口魚壽司同柚子池魚壽司，炙魚左既左口魚好香口，柚子池魚就好特別，依個組合都睇到師父有心思既。串燒有薩摩雞翼，日本蕃薯仔，日本黑豚肉包蠔。最好食就係薩摩雞翼，香口到爆，最特別就係用黑豚肉包住蠔黎燒，未試過有咁既口感。因為好鍾意食牛，就叫咗個網燒安格斯牛排，無花考，就咁配上燒汁都已經好食。最後加多過鰻魚炒飯就完滿喇，怕食唔飽既必叫菜式，鰻魚肉夠多，幾乎每啖都可以食到，成個飯都充滿鰻魚汁既味道，鍾意鰻魚既朋友一定食唔停喇。

日本菜一向都係我喜愛嘅食物之一，而近年更加對居酒屋有興趣，貪佢環境唔會好嘈，可以同朋友慢慢傾計談心。位於棉登徑嘅「嵐山日本料理」，由K11行去都只係幾分鐘時間，非常方便，餐廳以居酒屋形式經營，座位有分吧檯同普通座位。由於我地早黎到，所以可以揀坐吧檯，親眼見到師傅切魚生嘅情景。坐低之後，經理逐一為我哋介紹各式各樣嗁菜式，我地好快就揀到我地想食嘅野啦。刺身：刺身方面點了四款，分別係池魚皇腩刺身，鰤魚刺身，赤鯥刺身，同埋伊佐木刺身。刺身以串燒形式上檯，一串有四款刺身，插係一個放左冰粒嘅玻璃杯入面，賣相相當震撼，令到我地忍唔住「相機食先」。刺身新鮮肥美，食落爽口，令我地相當有驚喜。帆立貝壽司+蔥花吞拿魚茸壽司：壽司飯採用珍珠米，由於廚師已經調配好味道，所以唔使點豉油已經好夠味帆立貝厚身新鮮，加埋三文魚子，非常配合，至於蔥花吞拿魚茸壽司嘅紫菜亦都非常脆身。燒芝麻雞翼 ：芝麻雞翼即叫即燒，上檯時熱辣辣，雞皮入口脆卜卜，肉質香口嫩滑，仲有豐富既肉汁，可見火喉控制得剛剛好，唔會燒到好乾。燒茄子：茄子去皮燒過後入口軟綿綿，上面鋪上木魚碎，口感豐富，味道較為清淡，不過配上醬汁後味道剛剛好，值得一讚。串燒豆

本人一向喜歡食日本野，因為最喜愛食刺身，刺身嘅野當然越新鮮越好。難得係香港鬧市都搵到一間值得推介的日本餐廳侍應安排我地坐低，好快比咗杯熱茶我地，睇下食咩先，依度餐牌用電子屏，好先進都仲有其他廚師推介及套餐我地決定根據自己喜好單點，挑選咗以下菜式：刺身三款：鰤魚，帶子及池魚（$266）鰤魚（野生油甘魚）第一次試發現覺油份較重，味道好濃。帯子味道鮮甜，入口即溶，深海池魚亦都十分新鮮壽司: 炙燒左口魚，質地好滑，好特別，同想像中的口感不同，值得一試。柚子池魚壽司因為同柚子味crossover，味道感覺新頴串燒：煙肉廣島㠙，日本甜蕃薯，薩摩雞翼最鍾意食串燒，熱辣辣，味道濃縮咗係食物上主菜：安格斯牛排（$188）牛排應該有7成熟，唔太生唔太熟，有牛味鰻魚炒飯（$118）炒飯好好味，亦都有好多鰻魚，十分香口，熱騰騰，味道一流

約左好耐無見嘅朋友今晚尖沙咀食飯，日本料理一定會系首選，依間嵐山日本料理之前經過都心思思想試，於是就bk左8點。店外店內的裝修擺設都很有日本風味。最值得一提的是有提供WiFi 。用iPad落單，非常方便。這次叫了刺身盛set A，每一件刺身都很厚身，食入口感覺很紮實，而且吃得出魚的鮮味，沒有渣。特別是帆立貝和蝦，非常鮮甜。壽司的飯系用醋飯，色澤偏黃，有小小黏，又是另一種口感，而且每一舊刺身師傅也是毫不吝嗇的。手打泡菜黑豚肉烏冬泡菜湯底酸酸辣辣，好開胃。烏冬食得出系彈牙，而且黑豚肉也非常好味，入面仲有金茹。土佐豆腐豆香味濃，食落口感很滑，表皮炸過，很香口，外脆內軟。餃子皮薄餡靚，又多汁，配上特製的醋，也很推介嘅呢。

是次晚上來，沒有預約，純碰運氣，剛好有兩個bar枱位置。點了 網燒安格斯和鰻魚炒飯。今晚是很想吃牛肉所以叫了網燒牛肉（約$180），但質量未如預期。首先，味道是有濃郁的牛肉味。可是這也是唯一可取之處。多根，脂肪十分不均衡，肉質很硬。不好吃，也不值這價錢。相反，鰻魚炒飯比牛肉好吃。鰻魚嘅份量不少，味道不㛭，炒飯也有點香。雖然如此，並沒有覺得水準很高，也就是說是可以的程度。基於這次點的食物不是很滿意，評分還是很低。但估計，這是由於沒有點他們家的招牌東西，所以有點伏。

年尾清假大行動又黎啦，難得平日放假，今日同內子行完K11商場，剛剛午餐時間，就行出棉登徑睇下有咩食，行過見到嵐山日本料理，門口好有日本餐廳感覺，仲不用加一服務費，所以我地就入去試吓，餐廳裝修好日本料理餐廳感覺，而且座位闊落望望餐牌，午餐套餐都有十幾款選擇花多眼亂下，內子就order左個F)花魚生飯$148（有三文魚，帆立貝，油甘魚，牡丹蝦，白身魚，赤身，三文魚籽）有好多款材料非常豐富吸引，每款刺身都好新鮮，推介牡丹蝦非常大隻好鮮味，三文魚籽也非常出色，吾腥，入口脆脆有海水鹹味及魚籽鮮甜，前菜方面有沙律，麵豉湯，不得不提日式蒸蛋，蛋好滑身，材料好豐富，有冬姑片，雞肉及日本魚蛋，雞肉食到淡淡清酒味道，出邊餐廳日式蒸蛋邊有咁多料，睇得出廚師用心製作，海苆條爽口味道適中！我就叫左個嵐山曰替便當$168；份量都相當豐富，刺身有三文魚，油金魚，甜蝦各兩件，非常新鮮及晶凝通透，不用多解釋，卷物系甜蝦吞拿魚腩卷兩件，驚喜位，值得一讚，卷物內系切到幼細青瓜絲配上鮮美既吞拿魚腩，口感一軟一爽，美味，燒三文魚扒，燒得吾乾，掌握得好，食到三文魚嘅魚油味，炸物吉列海鮮，有蠔、大蝦，日本魚蛋，炸粉漿好薄身，炸得好

輕輕鬆鬆星期一，行完K11商場，系附近搵嘢食先，喺棉登徑有好多餐廳選擇，見到嵐山日本料理門口好有日本餐廳feel，就入去試吓先，入到去餐廳裝修好似日本料理感覺，座位闊落，set lunch都 有16個選擇，我地想食魚生，因為魚生可以試到間餐廳食物質素及新鮮度，F花魚生飯$148（三文魚，帆立貝，油甘魚，牡丹蝦，白身魚，赤身，三文魚籽）有成咁多款材料非常豐富又吸引，樣樣刺身都好新鮮，尤其是牡丹蝦好大隻好鮮味，前菜方面仲有沙律，沙律感覺好田野清新，麵豉湯，而蒸蛋方面，蛋好骨身，而且料好豐富有冬姑片，雞肉及日本魚蛋，除咗滑身之外仲食到淡淡清酒清香，出邊邊有咁多料，用心製作，海苆條爽口味道適中，另外一款，嵐山曰替便當🍱$168；份量都相當豐富，刺身有三文魚，油金魚，甜蝦各兩件，非常新鮮丶睇相也睇到晶凝通透，不用解釋，卷物系甜🦐吞拿魚腩卷兩件，值得一讚，卷物內系切到幼細既青瓜c配上鮮美既吞拿魚腩，口感一軟一爽，好正，燒三文魚扒，size 算大件，而且燒得吾乾，掌握得好，食到三文魚嘅计，炸物吉列海鮮，有蠔、大蝦，日本魚蛋，炸粉漿好薄身，炸得好脆身，而且夠晒鮮味，甜品係雪糕，有三款口味提供：綠茶、芝

前2日同好朋友吹開水，原來大家都心思思想去旅行，於是我地今晚就出黎「認真」傾下去邊玩好。係openrice見到3百幾個like，好評如潮，氣氛又幾好，岩哂姐妹淘傾密計。北海道帶子刺身 $70/隻金目鯛刺身 $106 2切油甘魚刺身 $68鯛魚刺身 $48由淡味吃到濃味，先食北海道帶子，再到油甘魚、鯛魚、金目鯛。帶子肉質爽口，味道鮮甜；油甘魚、鯛魚、金目鯛口感鮮嫩而結實，極少脂肪，呈微粉紅色，味道豐富。池魚皇壽司 $48池魚皇作為刺身尚品，適合厚切，之所以稱之為「王」，是因為其油脂非常厚，但卻不膩口，魚肉爽脆清甜，富有層次感，所以也只有厚切，才能將這種豐富的層次感體現出來。火炙柚子大拖羅壽司 $92炙燒吞拿魚以大火炙燒其中一面，另一面則維持刺身的狀態，形成了2層不同熟度。而大拖羅的油脂慢慢溶化，從上而下，滲入了醋飯，加上較清新的柚子汁，及份量較多的山葵，回味無窮。這一道要儘快吃，因為拖羅的油份多，沾到醋飯，會令醋飯變得鬆散。什錦天婦羅烏冬 $118一客有2隻蝦，什錦包括蕃薯、茄子、菇、南瓜各一！天婦羅炸漿唔厚，薄薄唔會一口粉，天婦羅蝦外脆內彈牙爽口，唔錯！烏冬口感順滑彈牙，湯底清清地，中

今日去完朋友畢業禮，大家瘋狂影相，本來打算一齊tea，就變左晚餐。我們黎到尖沙咀的棉登徑。今天是特別的日子，大家都想試試特色餐廳，行下行下，目光就被「嵐山日本料理」吸引了，好有日本居酒屋既feel，但食物就包羅萬有，有刺身、串燒、壽司、一品料理，亦有各式各樣既酒類提供。刺身北海道帶子刺身 $70/隻金目鯛刺身 $106油甘魚刺身 $68/2鯛魚刺身 $48/2我地先從北海道帶子刺身開始，肉質爽口，溫度適中，非常新鮮。再到油甘魚刺身、鯛魚及金目鯛刺身，肉質結實，油感十足。刺身配合得天衣無縫，細味品嚐到師傅的用心舖排。池魚皇壽司 ($96/2)口感非常爽脆，脂肪比例適中，一點腥味都沒有，魚片透明色澤潤，一口咬入，首先是清甜的感覺，繼而魚油在口中爆發，慢慢滑入喉嚨，餘韻在口腔中起碼停留幾秒，並回甘。火炙柚子大拖羅壽司 ($184/2)吞拿魚人氣最高的當然是拖羅，亦即是吞拿魚下腹，大致分為靠近頭部的大拖羅和中後段的中拖羅。師傅選擇了油脂最豐富，筋亦較少的大拖羅。經炙燒後，油脂慢慢溶化，與醋飯合而為一，配上較清新的柚子汁，及較多一點的山葵，齒頰留香。什錦天婦羅烏冬 ($118)什錦天婦羅好足料，