尖沙咀凱悅酒店咖啡廳

冇得輸啦，海膽新鮮肥美任取，有些酒店會比較孤寒，但這裡的職員係會叫你埋去取，有禮貌，又有即烚活龍蝦，每晚現場即劏2條不同品種魚做刺身，當晚我地食左平政魚及油甘魚，超正！仲有大㕑研發的海膽雪糕，好好味，周圍都冇架！必食甜品，拿破崙蛋糕，楊枝甘露，朱古力蛋糕……！冷盆必食區，除我之前講這些外，還有三文魚、長蟹腳、蝦，、翡翠螺，熟食區必食有鵝肝、羊架、牛排、叉燒、天婦羅、海膽蒸蛋蛋、靚湯、印度咖哩。還有很多都好好食，說不盡……！溫馨提示：最初每樣食小小，那麼試不完剛才說的食物！

星期六放假，瞓到差不多中午十二時才醒，一於來個tea buffet, 一次過食早、午餐。見Hyatt Regency Coffee Shop 在 OpenRice 網上訂座有7折，每人連加一約$250，一於試試。Coffee shop 面積算大，枱與枱不算排得密，環境算舒適。先試冷盤，有沙津，煙三文魚，凍蝦，青口等。款式可以，凍蝦彈牙，煆沙津味道清新。再試熱盤，試了xo醬炒腸粉及黃金蝦，味道非常冶味，好食。再食刺身，種類不多，試了三文魚及呑拿魚，師傅來過厚切，食落口感不錯。見有海南雞飯及淥麵，一於試試。雞算滑，但不及飯好食，因飯充滿油香。麵則不過不失。見有燒牛肉及迷你漢堡及雞堡，又試。但三樣都麻麻，燒牛肉靭，漢堡及雞堡沒有什麼味道。又有什菜天婦羅，一於食之。天婦羅炸得非常脆，點了蘿白汁，好食。甜品種類，以 tea buffet 來說，非常多，選了幾款，味道可以。值得一提，coffee shop 嘅scone 非常好食，加 clotted cream 及士多啤梨醬，好正。還有鵝肝醬多士，味道不錯。另外見有即整日式 pancake, 但已經很飽，沒有試。這餐 tea buffet 性價比很

已經係第四次喺Cafe Hyatt食buffet了，其中3次係dinner buffet，1次係lunch buffet 第一次食嘅時候，同行嘅朋友介紹我食牡丹蝦，大大隻一啖可以食口都係漿嘅感覺好正，今年再來光顧水準依舊！今年打電話問酒店有什麼特別推介，佢地有即整熱騰騰龍蝦，鄧湯，鵝肝，和牛，但最令我驚喜的是限定甜品！貓山王撻，熱辣辣！一人限取2個，入面仲有果肉，真係令人回味！冷盤的蟹腳味道也不錯，可惜我整親手指，吃了2隻就放棄了！

入面都幾闊落，唔會話坐多幾枱之後就好逼👌🏻成個環境唔錯😝洒店級水準👍🏼真係有翻咁上下，絕對新鮮，食多2碟已經值回票價😋超正👅比十個Like👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻魚生種類唔多但勝在夠新鮮👍🏼生果甜品蛋糕一定有就梗架啦🍎🍐🍌🍉🍇🍓🍈🍍🍧🍨🍦🥧🍰🍮連紙包雞脾都有就唔多啦！🍗 (太興奮食完先幾得要影相😳想再出去拎已經無哂😭😭不過真心推薦大家試)Overall 十分唔錯，不過就略嫌有小小貴🤑💸儲夠銀兩先好去💰💰

今日 #小秘書 一半為公一半為私，總之就搵個藉口去食餐好㗎啦😝 不過臨近聖誕節，好多酒店餐廳都full哂，好在最後搵到 #Hyatt Regency Hong Kong 仲有位🤩 我比約定時間早咗少少到餐廳，喺 buffet bars 範圍走咗一轉，👀似乎食物選擇唔太多，又或者咁講... 唔係咁多餸菜啱我食囉😝 #小秘書 最鍾意食海鮮，可惜餐廳只有提供凍蝦、超咸長腳蟹、蜆、青口，賣相同口味都唔多吸引🥴 至於魚生，質素一般啦，不過師傅好奇怪，切完啲魚生唔係先放上碟比個客(我)，而係一手揸住成埋魚生🐟仲示意我遞個碟俾佢🤣 我 #天然呆 咗兩秒先識比反應，真係失禮哂👉🏻👈🏻 至於其他嘅熱食，一啲都唔吸引囉🙄 枉我仲企喺度等🍤師傅十分鐘，點知啲天婦羅蝦個脆漿仲厚過我面皮... NOT Good LOL🙅🏻‍♀️ 仲有燒味部隻豉油雞「生歐歐」咁🤦🏻‍♀️ 個廚師有錯、但係切雞嗰位都有問題，見到件雞血淋淋咁都照比個客... 想點？Hmmm... 如果一定要讚吓間餐廳，可能只有碗越南粉比較正常，甜品款式多、賣相都唔錯🍰🍽怪不得酒店餐廳長期有promotion rate，不過今日撞正係聖誕旺季🤨益我唔到

尖沙咀凱悅酒店─咖啡廳推出平安夜、聖誕及除夕自助餐，咁胃食的我，當然要會一會啦！佢呢度以美味的鵝肝、龍蝦、應節的火雞及鮮甜的阿拉斯加皇帝蟹為主打菜式，更有好多即製美食，諗起都開心！重點是夠新鮮！例如：即製鮮焗比薩和意粉及現煮波士頓龍蝦。夠野味十足！另外提提大家！惠顧除夕夜倒數派對自助晚餐均可獲贈餐酒一杯，當天晚下11:30後後獲贈氣酒一杯於倒數時，可以與朋友舉杯同慶！我點會錯過呢？#自助晚餐#聖誕節

踏入12月, 開始有聖誕氣氛, 梗係揀間靚buffet應下節！😌✨e家K11 buffet食第二次，交通非常方便，喺尖沙咀N2出口，對面已經到酒店! 原來酒店Facebook上網訂buffet有折扣優惠，訂咗平日晚餐有8折！👍🏻🎉推薦以下菜式：新鮮即烚波士頓龍蝦，唔係冰鮮，見到廚師即劏即煮，肉質彈牙鮮甜！有幾款醬汁可以俾你選擇，芒果乳酪、泰式醬汁等等。煎鵝肝，鵝肝味道濃郁香甜，啲邊位廚師煎得脆卜卜，配埋脆口多士仔就啱晒！西式煎牛扒，都係廚師即煎，牛味濃郁。長腳蟹肉味幾先甜，起初唔係幾夾嘅，因為唔算太大隻！但食過先知肉質幾新鮮！淮山瘦肉燉湯，每盅都係擺喺蒸籠入邊燉，熱辣辣，味道都清甜，一晚飲咗兩盅!甜品有雪糕、蛋糕、果凍等等！雪糕應該係哈根達斯！荔枝果凍味道香甜濃郁，特別推薦！試過開心果士多啤梨、伯爵茶朱古力蛋糕，味道普通。有時酒店會響起細細聲嘅鐘聲，代表食物佢有特別食物，好似呢個新鮮滾熱辣嘅榴槤酥，榴槤味道濃郁，外脆內軟！最後點左兩杯飲品，酒店好好，提供左一個大茶壺，叫咗洋甘菊花茶、熱檸茶作今晚結尾！Relax!

一早電話預約，有親戚當天生日，佢仲問咗個生日牌點寫，點知……嗰日佢哋係忘記咗，提佢有件咁事，佢哋都即刻送咗個半磅生日蛋糕，但記冇名，只有 Happy birthday ……，無乜所謂，錦上添花啫，最緊要全程啲員工服務態度好好👍其實這自助餐已經是第三次嚟啦，可以講冇乜特別驚喜，但就有一定質素既，食物款式唔算多，但牛扒，羊架，鵝肝都幾好味現煮龍蝦，係枱面個幾隻仲好生猛，好食過其他冷食既龍蝦，雖然每人每次半隻，但冇限次數燉湯唔錯，黃酒煮雞亦OK，炒飯就失色了，小棠菜一般，牛仔骨OK既，威靈頓三文魚冇乜特別，天婦羅唔夠脆，燒味好平凡，車仔麵例牌唔食，甜品有水準，基本食乜都唔使排隊，除咗刺生，不過都值既，咁多年都叫保持到1水準

好想食的 buffet 終於食到同好有驚喜同好有水準👍 👍👍 必定要先講 即烚龍蝦。。。師傅個種認真及控制時間。令龍蝦的鮮完全迫到出來。太鮮甜我地排完又排😋😋😋 收費就要給客人好的食材才是對客人滿意滿足 Hyatt 重有手切油甘魚 👍 重有貓山皇芝士 tat

食物種類少, 味道一般, 除左龍蝦係好D , 因為係用新鮮龍蝦白灼，同其他酒店既急凍龍蝦唔同, 所以只有龍蝦係出色, 其餘食物好一般. 無生蠔, 只有凍假, 蟹腳, 螺. 刺身得幾種魚類, 無帶子. 之前睇人地既食評有帶子刺身, 鮑魚海蔘, 但我去果晚無. 羊架, 鵝肝, 牛扒都整得麻麻, 味道只係一般. 沙律方面簡直係差. 甜品種類算多, 但唔叫好好味, 但雪糕唔錯, 因為有6種口味. 值得一提既係生日送一個小蛋糕比你, 用黎影相都唔錯. 咁既價錢, 咁既質素, 唔怪得入座率得七成. 即係話, 唯一既好 處係唔洗同人爭食. 

<龍蝦>朋友請去尖沙咀食自助餐， 佢揀呢間嘅原因，係因為覺得佢哋最出名嘅龍蝦好好食，今日一食就食咗六隻， 熱辣辣龍蝦，一啲都唔會腥味 ，而且仲係生生猛猛。 而且有好多款嘅醬料畀你配搭。加上聖誕前夕仲未加價，雖然今次朋友請食野，但佢話我已經值回入場晚餐費用。<帶子，魷魚>我叫第二最愛係我條脷咁厚嘅帶子， 一次幾多取兩隻帶子以及三條魷魚刺身， 排咗三次 ，食得好夠本， 食到反轉個肚子，非常滿足<甜品>最後仲食埋佢哋嘅芝士蛋糕，正， 平時酒店自助餐嘅芝士都唔係好好味，呢到正

因為係尖沙咀返工所以成日都會係尖沙咀睇吓有咩好嘢食今晚係同事生日所以我哋決定去咗食自助餐一行八人 一定要預早book位如果想walk in.就一定冇可能有位酒店入邊嘅坐位都算 舒適 唔會迫今晚我哋預先係OpenRice print左個coupon出嚟 入去食之前一定要俾咗個職員先其實食物大致上都OK 都係一般自助餐有嘅嘢海鮮來講都算新鮮 自己嘅鍾意都係食長蟹腳最尾埋單每人都係280蚊

上次與朋友到這兒慶祝生日，環境舒適，食物美味，因此今天又到了這兒用餐。預早一星期訂位，用開飯啦預約有八五折。告訴職員是有人生日，酒店還送一個半磅蛋糕，可寫生日牌。今次煎鵝肝的安排比上次來的時候好，不用先預訂，每次師傅會煎一批，很容易便可以取到。還可以同時取西冷牛扒和羊架，非常方便。龍蝦一如既往極受歡迎，小貼士是先吃其他，之後再取便不用排隊。魚生剌身都是厚切，今天的推介是油甘魚。甜品區的熱搶是貓山王蛋糕🧁，香聞十里。

第一次來吃，滿意度⭐️⭐️⭐️⭐️，酒店送了生日朱古力牌加字，好有心的服務，可比我地一班女仔打卡(記得落柯打是提提酒店預備）。食物方面都滿意，如優惠多D仲好🤪。一次會再來及推薦比朋友

10月份自助晚餐逢六日有熱騰騰阿拉斯加蟹供應，是日滿心期待，6:30入座即有人連座位也不坐定就去排隊等候，香港有乜野都要排隊本來都慣了，一開就等20分鐘，排得每人一隻蟹腳，若要一齊有得食就要一齊扶老携幼排。一晚有幾多個二十分鐘？好啦，清高啲，不排隊去食第二樣啦，咁就糟了，以往在刺生檔有帶子，大大隻牡丹蝦等，現在全冇了，只得三幾款基本刺生，三文魚，吞拿魚及墨魚鬚。連壽司也只得一兩款，失望到不得了。凍海鮮也沒有了長腳蟹，蝦也不是靚的，睇見也不知想食甚麼好。堂煎羊鞍及鵝肝也是要排隊，格調都低晒！本來有一位置是有魚即煎的，以前選擇咗行䦕幾分鐘就可返來取，但而家檔口前排了很多排蟹腳的人，你一請他們借借，他們就好驚你插隊⋯，完全不是味兒。以前咖哩檔有燒雞等，而家不知仲有冇，因為太多人集於該處等侯熱蟹，所以全程最好是去線尾，食碗越南河粉，斬件燒味飲兩碗湯，幾款煮到黑麻麻的熱餸，之後甜品，咁嘅自助餐，700元就💸了。期待食好啲，全程站著在外排隊，連聚餐傾計的時間都冇，除非你唔食或只食閒嘢，咁去酒家圍坐叫一隻阿拉斯加巨蟹仲好過。有綽頭叫人去食係好，又真的很好鮮美，排隊也無辦法，但為何6:30開始，他不在