尖沙咀凱悅酒店咖啡廳

碰巧在網頁看到快閃優惠半價自助晚餐，立即預訂一家幾口試試。起初沒抱期望，但食完就覺得5百不到的價錢能有這樣的質素實是喜出望外。食物質素出乎意料的好。主打的即烚波士頓龍蝦鮮味無比，比起一般酒店的凍龍蝦簡直超幾班。甚至比中式酒樓更好吃。因為酒樓的煮法通常是上湯或芝士，雖好吃，但都掩蓋了龍蝦本身的鮮味。這裏卻能吃出食材本身的味道，肉質爽滑彈牙鮮甜味美。而且是任食！雖然早段時間要排隊，但後期到8點幾9點已經不用排了。真的是源源不絕供應，絕無欺場！燒龍蝦都美味，只是燒的方法令肉質比較乾身，但勝在夠香口惹味。另一亮點是鐵板和牛粒，一大盤煎完又煎，肉質又香又淋。刺身有大隻蝦，帶子，三文，油金，八爪魚，希靈魚，非常新鮮肉厚。蟹腳，蝦，螺，青口正常發揮。熱食不算太多款式，燒味粉面蒸魚燉湯豬腳薑咖啡意粉燒烤燒車，基本的都有，其實夠吃有餘了。甜品選擇豐富，tiramisu, Mose, jelly, 蛋糕cheesecake, 芒果糯米飯，拿破崙，waffle，haggen Daz 6款，豆腐花，面包布甸，芝士，樣樣都好味。工作人員也很有禮貌，招呼周到，加分！總括是一次非常愉快的用餐經歷，值得推介！本人是真

今天食半自助餐係k11凱悅酒店入面佢出面半自助吧，嗰度都有刺身三文魚同埋甜品，不過我就冇影相咁今日胃口就一般佢個牛扒不過唔知佢係未熟，定係半邊又熟得滯我叫五成咁佢就有半邊好有半邊有好熟食到嘅有一半咁味道OK。不過質感就一般最好食就薯條，其他都冇乜點食啲朋友呢就食羊架味道就真係一般了如果下次再嚟，我就唔會叫牛扒，可能是其他比較好甜品佢個焦糖燉蛋都幾好食，仲有雪糕都OK蛋糕就一般如果下次胃口好再食，可能感覺會唔同

今日約幾位好友春茗去了這間酒店，環境非常清靜，真係好少食自助餐咁少人，坐低食就知道原因，自助餐只有兩款凍茶自助，咖啡檸茶只能叫一次，海鮮只有蜆，蝦，小龍蝦，青口，4款，刺身不太新鮮，其他食物種類不多，炸物因人太少，放一陣炸粉都有啲軟淋淋，海鮮餅放一陣差啲變番麵粉🤣甜品還可以，價錢都不便宜，一個自助午餐$439,實在貨不對價，最可取服務態度算好，一間尖沙咀酒店午餐不夠十枱客唔夠，點解香港人唔留港消費，相信商家都要反省下，我就唔會再去。

預訂了Hyatt Regency的中午自助餐，這裏的佈置非常徬徨，坐下來很舒服，服務亦非常之細心。到食品方便，先試到他們的沙律，沙律菜非常新鮮但選擇種類不是太多。另有西班牙火腿配以蜜瓜，好好味。中菜方面，燒味水準不錯，有很少見到的新鮮炸魚皮頗有特色。其他炸物也有天婦羅，韓國榨菜煎餅等等，中菜水準可以。西式方面吃了一個牛胸比較「鞋」，芝士長通粉亦比較乾，水準一般。反而印度菜頗有驚喜，是由印度廚師做的，很有風味，雖然比較辣，但係好好吃！甜品種類很多，雪糕、cheese cake、多款西餅、豆腐花、麵包布甸、芒果糯米飯等等，吃得很滿足。整體來說水準還是不錯的，可以一試！

這是我第六次來呢間餐廳吃自助餐，講真，品質真的越來越差，幾年前第一次來，除了活龍蝦之外仲有活帝王蟹，之後冇左帝王蟹只剩下龍蝦，但其他各項都很好，燒烤除了牛肉仲有羊架同火腿，湯有原盅燉湯，燒味有燒鵝，煙三文魚都有3種唔同味，蛋糕有原個切餅，今次去，除了龍蝦保持水準之外，其他的靚嘢冇晒！牛扒好多筋，個廚師俾我果舊都是筋，我旁邊張台媽媽聲。連基本的鴨肝多士都變左限量。做成咁，唔怪得得一半客囉。香港啲餐廳就係咁，越來越差，煮龍蝦個印度廚師面冇表情，啲客多謝佢都冇反應，一間5星酒店啲服務咁樣，真是趕客。好的地方是餐廳的侍應就好服務，換碟超快。龍蝦品質可以保持到。唔知會唔會登出來。但呢啲退步的品質真好難令人再去幫襯。

今日來凱悅cafe食半自助午餐，大概11點50分到達餐廳門口，等進場時職員好有禮貌地請我哋可以先入座，然後12點才開始。沙律吧有煙三文魚，蘑菇湯，即撈凱撒沙律，亦有其他沙律菜和醬汁可以自行調配 。而近來亦新增刺身和壽司等日式食品選擇。刺身新鮮而溫度夠凍，雪櫃中取出即切即serve，好有誠意。另外亦有芝士及麵包corner。主菜選擇了日式三文魚西京燒和咖哩雞。三文魚好嫰滑，份量足夠。印度牛酒雞份量亦很適中，印度薄餅夠熱夠軟熟，很有印度風味。配以水果，質素及新鮮度比Hugo's 更好。食完主菜之後便到甜品時間，有Häagen -Dazs雪糕，幾款蛋糕及奶凍，馳名cream brulee非常美味，甜品款式有很多選擇。半自助餐包一杯咖啡或茶，點了熱檸茶用壺上，侍應很細心地多給一壺熱水可以自行添加。服務方面，服務員嘅服務態度很好，很有禮貌。我們三位很好被安排卡位，坐位舒適，自成一角。用餐期間，檯面碗碟清理很迅速。 以每位$238可以食兩個小時半自助午餐(全自費)，性價比很高物有所值。

依間Hyatt 其實都食過好多次自助餐，起碼咁耐都十次八次了🤣🤣（包括公司聚會或自費等）但啱啱近年先開始寫食評，撞啱今日又有公司飯局，所以可以記下來😁 記得初初去嘅時候，真係感覺到有一點點的高級感同埋食物質素係好嘅，直到十幾年後，菜式種種係少少下滑的…不過如果一大伙朋友，公司飯局果d 都可以食下，至少佢好坐，地區方便。今晚也是失望的，又唔係好差但絕對冇驚喜果隻囉⋯⋯D 同事都話出面冇想食的帶子，羊架，煎鵝肝，生蠔…. 只得主打龍蝦（蒸），所以就個個排隊攞….. 其他熱分不值一提，都係果d 正常野，但都有好多甜野，ice cream （ok 👌) , cake, 豆腐花，榴連副產品…. 正正常常，但d cake 我冇食，但同事們話麻麻，我見佢地件件食一兩啖🤣🤣🤣另外一贊d 員工幾好禮貌，有笑容同好主動，包括埋有d chef…. 另外一坐低會有個煲（ seafood ), 但即係又係將出面攞果d 食物group 埋🤣🤣

平時食自助餐，啲海鮮冷盤大多數都係已經煮好放喺冰盤上，比較普通。但凱悅咖啡廳最大嘅賣點就係標榜新鮮即烚嘅海鮮，而且仲符合可持續發展標準。趁住前排做緊優惠，我就同朋友特登去試試，睇下有咩唔同！海鮮冷盤區：即烚海鮮體驗一坐低就直奔海鮮冷盤區，新鮮即烚嘅龍蝦果然唔同凡響，熱辣辣上枱，蝦肉肉質非常彈牙，咬落鮮甜多汁，仲保留住龍蝦特有嘅鮮味，唔似平時喺其他自助餐食到嘅冷凍龍蝦，完全係另一種享受。除此之外，仲有多款高質海鮮供選擇，包括：阿拉斯加雪蟹腳：肉質鮮甜，啖啖肉，毫無腥味。新西蘭野生捕撈青口：鮮嫩多汁，帶有海洋香氣。加拿大野生捕獲帶子：爽滑細膩，入口即溶。挪威養殖大西洋三文魚：肥美油潤，鮮味十足。雖然呢啲款式唔算罕見，但每樣都保持高水準，絕對係值得試嘅選擇。熟食區：值得一讚嘅烤肉熟食方面，最令人驚喜嘅係烤美國西冷扒，烤得恰到好處，外層微焦，內裡嫩滑多汁，牛肉香氣撲鼻，完全冇乾柴嘅感覺。至於香草烤羊架亦係亮點，羊肉鮮甜，肉質柔嫩，配合淡淡嘅香草氣息，味道層次豐富，令人回味無窮。整體嚟講，凱悅咖啡廳嘅自助餐突破咗傳統冷盤海鮮嘅框框，即烚海鮮嘅熱辣鮮味絕對係一大加分位。配上穩定發揮嘅熟食區，特別係

而家食自助餐真係好小心，因為價錢質素要值得食，真係唔多，不過當知道尖沙咀Hyatt嘅咖啡廳有個新promotion，就一定要去，因為而家適逢酒店15周年慶典做緊過咖啡廳四人自助晚餐優惠。15周年，所以價錢都回歸2009年超值價格，由即日起至2024年10月30日訂坐（逢星期一至四、公眾假期及前夕除外） ，立即訂座享48%優惠，四位淨價港幣$1,707.2，每位都係$430到， 餐廳原價係要每位港幣$748，平到咁，唔食真係對唔住自己。價錢平，唔等於食物都會縮水，依然有即蒸新鮮龍蝦，多種唔同嘅凍海鮮如蟹腳，大蝦，翡翠螺等等，燒牛扒羊架，即煎和牛粒，海南雞飯，爵士湯等等，唔同日子仲有唔同嘅theme，講真剩係食龍蝦都已經夠癲，出去食嘅價錢，食一隻都已經回本，最緊要係大部分食物都好有質素，唔係求其為咗濫竿充數。唯一唔好嘅係，你一定要搵四個朋友或者八個朋友先可以成行，不過要食應該無難度。

最近我在尖沙咀凱悅酒店享用了一頓令人驚喜的自助晚餐，特別想與大家分享這次的美食體驗。酒店正在慶祝15周年，推出了一個非常吸引的優惠：四人自助晚餐只需港幣$1,707.2，這相當於每位僅需$426.8，真的非常划算！這個價格幾乎是原價的48折，讓我迫不及待帶著家人去嘗試。晚餐的食物選擇非常豐富，以下是一些我特別喜歡的菜式：- **波士頓活龍蝦**：這是自助餐的招牌菜，肉質新鮮，味道極佳，讓人一試成主顧。- **時令海鮮**：小龍蝦、蟹腳和翡翠螺等各式海鮮，應有盡有，讓海鮮愛好者大快朵頤。- **刺身**：新鮮的刺身中，赤蝦特別突出，鮮甜可口，非常適合喜歡生魚片的客人。- **即叫即做的鐵板燒牛肉**和**天婦羅**：這些熱菜讓人垂涎，現場製作的過程也增加了用餐的樂趣。- **多樣化的甜品**：特別推薦榴蓮奶油麵包，濃郁的榴蓮味道讓人回味無窮。Hyatt的食物的質素和選擇都超出我的預期。如果你也想享受這個超值的自助晚餐，記得在2024年10月31日之前預訂哦！這樣的美食盛宴，不容錯過！

一直在尋找有質素兼價格合理的午餐, 尖沙咀區上班的人士真有福, 逢星期一至五, 尖沙咀凱悅酒店咖啡廳都有半自助午餐，好適合team lunch、與同事慶祝生日, 又或者自己與朋友去吃. 話明是半自助午餐, 即只需選好主菜便可.  而沙律、湯及甜品就在自助餐區取.   番茄湯、煙三文魚、麵包, 自己配搭.  凱撒沙律即製, 然後自選配料, 也有一系列芝士及cold cut . 主菜八選一, 選擇也頗多! 我就選了燒美國牛扒配薯條~  伴菜有燒蒜、露荀及車厘茄, 還有生果, 單看這份主菜, 已經覺值回票價! 五成熟的肉眼最合我心意, 外層夠香, 粉嫩肉色, 肉味香濃而肉質軟硬適中. 十分值得讚薯條, 香脆不油膩, 份量也不少, 樂意與朋友分享~ 朋友的則是廚師是日精選, 燒雞配小黃米, 同樣出色!件裝蛋糕及甜品大概有10款, 例如黑森林蛋糕、紅絲絨蛋糕、栗子忌廉蛋糕、紅莓奶凍等.  必食焦蛋燉蛋creme brulee, 甜度滑度十分讚, 也可來一個雪糕窩夫. 最後, 喝一杯舒心的熱伯爵茶, 好豐富的午餐. 咖啡廳平日半自助午餐價錢為每位HK$218+10%，星期一至五中午12時至下午2時

今天到咖啡廳體驗了官網推薦的平日半自助午餐，但整體體驗不如人意，相信有其他更好的選擇。根據酒店官網的信息，午餐在12點開始。我於11點50分到達，接待處的工作人員告知尚未入座，需要在大堂等候。大約11點55分，接待員開始安排客人入座，我由另一位服務員帶到指定的座位。由於親友尚未到齊，我在座位上等候了約5至10分鐘。待親友到齊後，他們先去取餐，而當我隨後去取食物時，發現自助餐的菜式與官網及OpenRice上描述的有所不同。為此，我詢問了一位服務員，才得知餐廳當天突然將官網所述的平日半自助午餐改為全自助午餐。在等待和入座的過程中，與2至3位員工接觸，期間沒有任何工作人員告訢我當天酒店安排上的變動，直等到客人對自助餐菜式產生疑問並主動詢問後，才被告知酒店有“三天的特別安排”。此外，我們也未被提前告知全自助午餐的價格，直到用餐結束結帳時才知道收費。如今科技發達，無論是在官網上提前列明特殊安排，還是在入座時由工作人員直接告訢客人，這樣輕而易舉的事情，為何一間酒店的餐廳也可處理得如此不妥當，實在感到不解。  其實，只要簡單在入座時告訴客人，酒店當天的臨時改動，相信自己不會給予劣評。希望酒店能夠改善

今日難得放假約左朋友仔去嘆番個酒店semi lunch, 揀左之前已經食左好幾次嘅Hyatt Regency酒店裡面嘅Cafe! 首先係Menu揀一款主食之後就可以係出面任拎沙律、餐湯、水果同甜品!!! 每份主菜更包含一個前菜、配菜同水果盤, 人均$218就食到咁多野, 價格親民而且份量多, 難怪吸引到唔少商務客同埋公司食team lunch, 所以平日lunch都係滿座的!!! ✨️金銀蒜清蒸原隻波士頓龍蝦（+$100）原隻波士頓龍蝦一上枱真係太震撼了吧, 用左蒜蓉粉絲清蒸, 食落啖啖肉, 爽彈又鮮甜, 滿滿嘅蒜蓉同吸收哂龍蝦精華嘅粉絲配埋香軟嘅白飯真係好正!!✨️燒美國牛扒配薯條牛扒用左特選部位製作, 我地點左五成熟, 煎得好香而且剛剛好, 食落軟嫩juicy, 肉味濃郁! 配菜仲有蘆筍、燒蒜頭同薯條, 薯條炸得好香脆, 熱辣辣好好味呢! ✨️挪威三文魚扒配檸檬牛油汁三文魚扒幾大件, 煮得剛剛好, 外皮香脆, 魚肉鮮嫩, 配檸檬牛油汁, 清新可口, 配菜方面有薯蓉同蔬菜, 薯蓉做得好軟滑超高質!!甜品方面除左有多款中式同西式糕點, 仲有必食嘅Haagen Dazs雪糕、即製窩夫同由法國主

《Cafe, Hyatt Regency Tsim Sha Tsui - 尖沙咀》如果唔係要去lunch meeting，都唔知原來而家酒店既lunch都幾抵食咼😉我講緊係位於尖沙咀既Hyatt Regency 呀😎不過今次就唔係食自助餐啦，係半。自助餐😏可以喺主菜menu 揀一款主食，然後再出去拎沙律、餐湯、火腿芝士、水果等既前菜，連甜品、雪糕都係任食架😎其實價錢都係人均$218起，十分抵食😉當日都見到不少團體喺呢度搞公司聚餐，所以就算閑日既午市都近乎坐滿曬人當日我就要左個燒美國牛扒配薯條🍟入面仲有蘆筍、燒蒜頭同埋生果盤，個牛扒係廚師用左特選既部位製作，五成熟既肉質軟嫩有肉汁，我喜歡佢靠近筋位既位置，肉味更濃郁有咬感另外朋友就叫左扒挪威三文魚配檸檬牛油汁同金銀蒜清蒸原隻波士頓龍蝦，雖然龍蝦要另外加$100，但同樣算係抵食😎三文魚扒煮得剛剛好，個皮煎到好脆但三文魚肉又唔會過乾，配薯蓉同蔬菜相對健康；而龍蝦就用左香港人好鍾意既做法去蒸，蒜蓉粉絲清蒸配上白飯就最啱不過😉係menu上面比較中式既主菜之一食完主菜就當然要食甜品啦，我個人大推佢個house cream brûlée 同埋即製窩夫

咁啱買到優惠訂購平台優惠，同屋企人去左尖沙咀凱悅酒店食新鮮烚龍蝦自助餐。疫情前去過食，念念不忘佢嘅烚龍蝦！作為龍蝦愛好者，一定唔可以錯過！優惠訂購平台買一送一優惠，賣單$2100 左右4個大人，夜晚六點食到10點。星期五有凍皇帝蟹供應，仲有幾款特色蟹肉料理，只限星期五供應。另外特色新鮮烚龍蝦絕對唔可以錯過。龍蝦好大隻，而且有膏，肉質彈牙，熱辣廚師即場開邊，好新鮮。而海鮮仲有一道牛油燒虎蝦，隻隻都手掌咁大，食落好肉質紮實。刺身提供原隻帶子，鮮甜味美。天婦羅區更加有炸軟殼蟹提供，新鮮製作，又脆又好食。熟食區都好多選擇，特別推薦花膠燉湯，滋補養顏。環境同埋服務方面，座位都好寬闊，有足夠嘅空間。服務員收碟嘅速度都好快，屋企人都食得好開心。鍾意食龍蝦嘅千祈唔可以錯過！平時自助餐通常係長腳蟹，今次有帝王蟹腳真係另一番享受。蟹肉爽甜，唔會太鹹，融雪做得幾好。大大隻，啖啖肉！ 而且唔使自己慢慢拆，餐廳開半處理，方便食用。新鮮熱辣，自製窩夫，配料全部都可以任放。最正係加球雪糕上去，冰火既效果照正👍🏻