小曼谷海鮮燒烤屋

營業中

休息中

心血來潮想食泰國菜，約埋屋企人一齊到九龍城小曼谷燒烤食泰菜，這間店舖已經不是第一次食的，喜歡這裏食物新鮮，款式多味道不錯👍見到餐牌上有加入了泰式煲仔翅，凡惠顧任何食品加$98，好抵食即刻點了一個試下😋果然材料非常十足，有冬菇，豬肉絲，蟹肉和魚翅，食落淡淡材料非常爽口😋泰式生蝦刺身這個菜式食泰菜必點的，蝦肉非常厚肉新鮮，配埋蒜頭一齊食，食唔停口😋咖喱炒蜆蜆肉份量亦不少，咖喱汁烹調得很出色，甜甜地不會過辣，容易入口，香噴噴非常惹味😋薄餅點了咖喱一定要配埋薄餅一齊食，薄餅外脆內軟，配合咖喱一齊食，食到舔舔脷😋芒果糯米飯都是這裏必食的甜品，芒果非常鮮甜，糯米飯熱辣辣軟綿綿，配合椰汁一齊食，正!最後點了個椰青水，椰青清甜，非常滿足👍

一提議食泰菜，我即刻諗起九龍城既泰國餐廳，上次同朋友食過小曼谷印象好好，所以就決定要黎encore。今次尖沙咀搭巴士，侯王道一落車行前兩步就到，見到招牌人型吹氣公仔，係咁招手就知無去錯。同之前一樣都係好受歡迎，7點幾到都已經爆爆地，仲要係平日。睇menu見到今次有新野，泰式煲仔翅，食開野加98蚊就有一煲，就叫黎試一試當湯飲，無叫冬蔭公。佢份量都相當大，雖然話一人份，但2-3人食都無問題，可以畢到6碗左右。估佢唔到咁足料，真係大大塊魚翅係入邊，仲要唔止一塊，佢仲有好多配料，不過朋友唔鐘意食芫茜同芽菜，我地就無落。加埋紅醋真係好好味，將港式碗仔翅crossover 泰式味道，無叫錯。另外，我地叫左幾串串燒，雞肉串燒唔錯，加埋沙嗲醬夠惹味，都算大串，而翠肉瓜同雞軟骨就正常發揮，無伏味。主食方面就就叫左個炒金邊粉同青咖喱加namm餅。炒金邊粉好好食，好推薦，因為炒得好乾身之餘仲夠鑊氣，唔會成碟粉散曬，所以食碟清曬。最後仲叫左椰青同芒果沙冰，因為點左飛天通菜都偏辣，要飲返凍野降溫。椰青好清甜，芒果沙冰我試左一啖，酸酸甜甜好開胃。食完埋單，人均300食到勁飽，價錢唔算平但都值得食，好地道泰味。

小曼谷食過好幾次，雖然知道有不少燒烤食物，但每次總被明爐魚、咖喱海鮮、冬蔭公湯等吸引著。上次應承了老公如果再到小曼谷，定必要一試燒烤食物，因為看來著實很吸引。今晚到了九龍城覓食，小曼谷是其中一間比較旺場的泰菜館，原來晚上還有駐場歌手，歌聲加上人聲，整間餐廳氣氛很熱鬧。泰式煲仔翅泰式煲仔翅看來是新菜式。說來慚愧，去過多次曼谷旅遊，就是未去過唐人街，亦未嚐過泰式煲仔翅，今次可以趁機一試。百元以下貨式，當然不可要求有一梳梳翅，但入口亦似真翅裙邊，加上蟹肉、芫茜、芽菜、浙醋，一大煲熱辣辣的，二人可以分到每人一碗，暖暖胃亦不錯。牛油蒜蓉燒美國生蠔海鮮孖寶價錢較抵，其中一樣是牛油蒜蓉燒美國生蠔，生蠔上面舖滿魚乾仔，入口多一分鹹鮮味。生蠔件頭不少，一啖入口十分滿足。極上安格斯牛柳粒串安格斯牛柳粒與車厘茄相隔串起，顏色賣相較佳，牛柳粒軟熟牛味濃。雞全翼雞全翼燒得熟透，皮脆肉滑，醃得入味，可以不用點沙爹醬。蜜糖燒菠蘿老公很愛燒菠蘿，不可不叫。菠蘿本身不算很甜及多汁，搽上蜜糖後，可以增添甜度。粟米粟米叫了兩客，原來兩客有兩整條，看來很多，幸好沒有叫其他炒粉麵飯，兩條粟米可以當飯食。粟米本身已清甜美味，入口

我真係好鍾意食泰國菜，不過冇理由一想食就飛去泰國㗎嘛，所以都要不斷喺香港搵一啲啱自己口味嘅泰國菜，男朋友就成日陪我搵一啲泰國菜食。泰國菜來講我一向都偏向去九龍城食😝因為貪佢夠正宗同埋比較平😆不過喺九龍城食唯一嘅唔好處係真係好難搵位泊車，要比較有耐性咁去等位。小曼谷海鮮燒烤屋之前已經食過㗎喇，不過我見網上面佢新出咗個翅，所以又想過嚟試吓🤓佢個門面都幾容易認，有好大個公仔喺度吹下吹下😂我好鍾意去食泰國菜嘅時候飲椰青，因為當你食咗小小辣嘅食物嘅時候飲係好解辣嘅☺️鳳爪會有小辣馬拉盞炒通菜基本上係我每次泰國菜都會叫嘅一樣餸炸蝦餅係我第一次喺呢間鋪頭食嘅餸，因為上次見到人哋食好大嚿，覺得好抵食，所以今次我哋都試吓串燒來講就豬牛羊各一串😝金邊粉都係我食泰國菜都會一定叫嘅食物，感覺今次食落去比較正宗同我喺泰國食嘅分別唔大，有啲酸酸嘅感覺。去到今次嚟嘅目的就係試吓呢個翅，佢嚟到嘅時候係有少少滾起，應該係啱啱新鮮整嘅，所以都幾加分。😋而且佢啲料好多，成個底部都係😍所以係幾值得一試😎

今天同朋友經過九龍城買野，朋友話黎九龍城緊係要試下泰國野😍e 間餐廳寫住小曼谷，我地就去試試☺️入到店內都幾多大枱，適合一大班人聚會。裝修都幾有泰國風情😌牆上都有竹裝飾，仲有戶外位😆我地坐餐廳中間位置，餐廳仲有人唱下歌，都幾好氣氛🤩店員好有禮貌介紹我地食特式菜式，同埋餐廳提供暖水，好貼心❤️。睇返餐牌，以海鮮主題為主，會配合泰國地道嘅食材一齊煮😋當然仲有炒飯，泰式檬粉等等😍香噴噴嘅串燒，烤海鮮等等都係主打。今次仲有個蟹肉煲仔翅🦀飲品都有唔少泰國當地嘅飲品。我地點左以下幾樣：泰式生蝦刺身，好大隻，仲好新鮮，入口好彈牙同爽口，要加埋生蝦嘅泰式醬入口更鮮味😋好開胃☺️👍🏻小曼谷泰式煲仔翅，有一堆蟹肉係上面，拌埋同翅一齊食變左蟹肉翅👍🏻😍同埋個煲仔翅好足料，真係唔係用素翅，係潮州翅。食完仲要暖笠笠🤤飛天通菜，食落都好有鑊氣，通菜唔會炒到好老👍🏻仲辣辣地好地道☺️鮮芒蟹肉炒飯，肉鬆同炒飯係分開嘅，令到肉鬆唔會腍左，炒飯入面真係有勁多蟹肉🦀😋岩哂唔鐘意拆蟹嘅朋友🤩要配埋粒粒嘅鮮芒果，口感好特別，因為芒果🥭酸酸甜甜，帶出左蟹嘅味道🤤加埋肉鬆一齊食又係另一個層次😌泰皇咖喱法包軟殼蟹，咖喱汁唔算辣，同埋加左蛋白

九龍城出名食泰國嘢，順路經過呢邊就book咗呢間，又真係唔錯同幾特別😋。門口有吹氣公仔揮手，好可愛。餐廳環境舒適，大約九點就會有人唱歌🎤，輕鬆有氣氛，適合一大班人聚餐。閑日夜晚都幾多人，可用QR code點餐。餐單好多選擇，有不少菜式更難以在其他同類餐廳見到，好有誠意同心機。.頂級牛柳粒沙嗲串燒/牛肉外表乾身，但入面肉質好鮮嫩，完全唔老而且肉味香濃，我想極上燒安格斯西冷牛小排應該幾正，下次有機會想再試。串爆墨魚咀/煙韌爽口，不過本身略嫌不太濃味，要再點特製醬汁。牛油蒜蓉燒大蜆/牛油蒜蓉味好香，加上有脆魚仔鋪面，好有誠意。冬陰鮮蝦雲吞湯/味道剛剛好，不會太酸和辣，而且雲吞大大粒好足料，啖啖蝦肉！泰王咖喱法包軟殼蟹/軟殼蟹在旁邊，細細隻好易入口，而麵包脆身，重點是咖喱！不得了！濃稠香口，有蛋香味，配搭脆卜卜的蒜蓉包或烤薄餅一流！💕這裡的咖哩真係必點！原隻鮮魷筒釀糯米飯/菜式配搭特別，鮮魷烤過好香而且唔硬，糯米飯軟糯，有調過味，而且本身已經切好方便食用，精緻又貼心。鐵板豬頸肉啫椰菜苗/好惹味，火喉夠，豬頸肉好香，肉質彈牙，但個人覺得椰菜苗比較硬身，鍾意食林嘅朋友叫通菜會比較好😉。小曼谷原隻芒

好耐冇黎九龍城 黎到好自然諗起要食泰國野 之前都食過呢間小曼谷 黎到呢頭好想再食多次 冬蔭鮮蝦雲吞湯 冬蔭公湯入面有大大粒雲吞 裡面d料好足 有好多蝦 有驚喜到！ 而且湯底都幾多 好香濃既冬陰公湯 都係食泰國野必點 泰皇咖哩法包軟殼蟹 黃咖哩係甜既咖哩 唔辣既 大人細路都岩食 咖哩滿瀉係個法包上面 法包浸左咖哩軟軟地又入哂味 好好食 加埋隔離有炸到脆卜卜既軟殼蟹 點少少咖哩更加好食 原隻魷魚筒釀糯米飯 呢個菜賣相幾吸引 係原條上既魷魚 魷魚幾彈牙配上糯米飯好特別 但食個陣冇點到醬 所以覺得有d淡味 建議要點下醬食 鐵板豬頸肉啫椰菜苗（馬拉盞） 馬拉盞炒菜真係好香好夠味 鐵板上既炒豬頸肉同樣抵讚 唔會覺得好un好難咬 仲要好入味 椰青 成個椰青飲好爽呀 好清甜 椰肉都好嫩滑好易食蒜蓉包 夠脆夠蒜味 軟熟好食 配埋咖哩或者湯一齊食係添加滋味 呢到九點仲要有音樂表演 幾好feel冇令我失望既小曼谷 價錢公道食物優質 仍然係我黎九龍城會特登食既餐廳

隔左個幾月又同朋友嚟到小曼谷海鮮燒烤屋。門口依舊有客人在等位，不過要食好嘢等下都冇計嘅。先叫一個豬肉碎山菜包開開胃，辣到剛好惹味。今次揀咗泰王咖喱炒蜆，蜆又大又新鮮。再叫埋蒜蓉包同埋薄餅配埋咖哩真係唔停得口。串燒依舊出色，肉類夠入味唔使配沙嗲醬都食得出當中香味。燒粟米喺我至愛~泰式飛天通菜炒出黎唔會太老 ，有鑊氣呀~之後叫咗個蝦餅，一見到就俾佢大大嚿嘅外表嚇親，怕會食唔晒，但食落太彈牙，有淡淡蝦肉簡直唔停得口。泰式炒金邊粉配料都算多，少少甜甜地，加埋青檸汁，食落唔會太乾啱啱好。香芒蟹肉炒飯，芒果大大粒，加上粒粒分明嘅炒飯，鑊氣夠~簡直一絕。豬肉鬆嘅份量都好多!當晚我地仲飲咗芒果沙冰，龍眼冰同椰青。值得一讚呢度嘅沙冰飲得出唔係只落糖水既甜，而係啖啖芒果嘅香。特別為大家推介依家小曼谷仲可以用某外賣APP，唔想出門又想食到正好味嘅泰國菜就記得試下。

如果要數熊貓心中最好味的泰國菜，熊貓第一時間一定諗起小曼谷。小曼谷九龍城和銅鑼灣分店熊貓都試過，有一排沒有嚟過，今次再來到九龍城分店，果然仲有驚喜！熊貓不嬲都好鍾意食翅，每次去到曼谷的China Town，一定會去食魚翅！但係竟然唔使去曼谷，都可以食到正宗嘅泰式煲仔翅。😍😍小曼谷全新推出泰式煲仔翅，熊貓一望到餐牌，諗都唔使諗，即刻點！果然沒有令我失望，配料多，湯底正！除咗有泰式煲仔翅之外，小曼谷仲出咗幾款海鮮孖寶嘅套餐。價錢平左之餘，仲更加好食！我熊貓就特別推介原隻扇貝，大大隻，燒得好好食。另一款推介的海鮮，就係黃咖喱大蜆。蜆肉大粒，非常新鮮，配上秘製的黃咖喱，最好叫返個蒜蓉包襯一下！當然呢度嘅燒烤亦都係不容錯過👍🏽👍🏽這裏不愧為九龍城最佳泰國菜，我們星期一來光顧，離開時已是9pm，但竟然還有其他人等緊位，店內仍然高朋滿座。所以要來的朋友，真係預先訂定位比較好！

食泰國野,每次都係第一時間諗起小曼谷!海鮮孖寶$228燒虎蝦+原隻扇貝海鮮非常新鮮, 食落爽口彈牙, 鋪喺表面脆卜卜嘅銀魚仔令口感更豐富!泰式煲仔翅 $98好足料既煲仔翅,有芽菜同芫茜可以俾你自己選擇落唔落! 我就鐘意全部都落, 可以提升個味道~ 黃咖哩大蜆 個咖喱味好香，有少少微辣, 用左好多洋蔥黎炒,記住要點蒜蓉包黎食!大蜆超大隻超多肉!用黎送飯都係一流!黎到燒烤屋,當然要叫串燒~粟米牛肉雞軟骨必嗌之選! 另外青檸梳打和椰青也是必點，椰青清甜冰涼，記住食埋椰肉清熱氣呀~

通常講起食泰國野我相信大家都會諗起九龍城，雖然無地鐵但其實呢到有好多巴士都經所以黎覓食都算幾方便架! 今日晏就同屋企人黎九龍城買香料，之後決定係到食埋晚飯先返去，不過講真九龍城泰國餐廳真係好多都唔知揀邊間好！今次就有個朋友推介咗呢間小曼谷海鮮燒烤屋比我，一於同屋企人試下呢間啦!呢間小曼谷海鮮燒烤屋係太子道西個面，地點都幾易搵，一黎到印象都唔錯。首先，鋪頭坐位都幾闊落，而且仲有得outdoor向內街咁坐，係呢啲天氣坐係到食都真係幾舒服! 另外，一入到去啲職員非常好客，同埋個個都好好笑容，入去感覺都已經好好! Menu入面都有好多唔同嘅菜式揀，樣樣都睇落好吸引咁呀! 我地總共嗌咗6樣菜：泰式生蝦刺身，細嘅炸蝦餅，原隻鮮魷筒釀糯米飯，鐵板豬頸肉椰菜苗，鵝肝多士同埋泰式鮮蝦炒金邊粉。另外，野飲方面嗌咗個泰式奶茶同椰青! 頭盤方面，生蝦刺身係我每次食泰國野都必嗌，呢到嘅生蝦食落好爽口好新鮮，而且睇得出啲蝦都處理得好乾淨，連埋蒜頭同辣椒咁食簡直係perfect match，好開胃! 然後炸蝦餅熱辣辣咁上枱，佢地所有食物都係新鮮即刻整但又唔洗等好耐，呢到嘅蝦餅同平時出面食開扁身嘅形狀有啲唔同，呢到係

🔷泰式生蝦刺身 💰118除左生蝦本身要新鮮乾淨外，卡比認為個泰式醬汁都十分重要，呢到既泰式辣汁好夠辣，配埋生蝦同蒜片一配食，系食到好正宗既味道。🔷泰皇咖喱炒蜆 💰148咖哩係偏甜及澀身口感，意思系個水性不算高完全唔係稀身既。蜆既份量一啲都吾少而且仲系偏大隻既Size，食到好有口感亦食吾出沙，仲有其他爽口既洋蔥、青椒等，系一道配白飯同蒜苗包既perfect match。🔷泰式馬拉盞炒椰菜苗 💰82 椰菜苗炒得依舊爽口，有少許辣度但系會接受到。大碟得黎覺得草青味無乜，自問不好食菜既都可以試下。🔷牛油蒜蓉燒美國生蠔(兩隻) 💰112呢兩隻生蠔都真係無改錯名，完全係XXXL geh 美國size，熱辣辣岩岩燒好所以拎到上台真系要小心吾好比生蠔殼辣親隻手。不過話時話個生蠔燒到好香，面上配埋埋啲蒜、蔥、細細條既脆魚一齊燒，食到好有口感，生蠔十分肥美。🔷泰式蒜蓉包(4塊) 💰30 呢個蒜茸包主要係打算配咖哩食，但係竟然單食呢款都足夠美味。包本身整到好脆口但又吾會用「硬」黎形容，蒜蓉份量好足夠所以個包完全吸到哂牛油同蒜味，仲有一點就系呢個價格十分親民。🔷椰青 💰38

這陣子，心很累。。。唯有食餐好既，慰藉心靈。小曼谷，不陌生，泰國菜，食物款式多，令人花多僚亂。泰式馬拉盞炒通菜，好好鑊氣，一般用馬拉盞炒的菜都會偏咸，要配飯吃，但呢個味道剛剛好，好惹味。泰式炸芝士蝦丸，好大粒！內有滿滿的芝士，做到拉絲的效果！而粒丸口感好彈牙！黃咖喱牛腩，咖哩重椰奶味，不會太辣，配薄餅一流。牛腩雖然五係勁冧，但水準合理！雞軟骨和牛肉串燒。芒果沙冰！正！十榴連沙冰，好大榴連味，友人話好正！

一個星期六的晚上，和朋友一行4人想食泰國菜，食泰國菜就一定去九龍城啦，我一直都想試依間，今日趁有4個人可以叫多d野食，就一於去依間。當然，排隊就一定要啦，排左20分鐘左右就入得。我地4個人叫左好多野食，首先就梗係串燒啦，有雞肉，牛肉，腸同埋栗米，燒得好香好juicy，
個栗米好甜好好食，最正係個沙爹汁，正到我地要佢地再俾多兜我地。
食泰國野點少得生菜包，佢地炒得香得後又唔會太乾，夾埋d香料同埋爽脆生菜。無得輸我地叫左個咖哩炒蜆，蒜蓉包同薄餅，個包同薄餅新鮮焗起，好香口，點咖哩一流，個咖哩好足料，唔似出面果d淨係得d殼無肉，咖哩又好香椰汁味，不過我就覺得可以辣多少少仲好味之後就係香芒蟹肉炒飯，炒得夠乾身唔會好油，份量又夠，芒果又甜，如果可以多d蟹肉就正啦，哈哈！我地再叫左個馬拉盞通菜同泰式炒金邊粉，個菜辣辣地又唔會太咸。個粉一黎果時我地覺得好似唔多好食，點知食落好好味，酸酸甜甜又夠鑊氣，成為我地最快清曬既一道菜。4個都鍾意芒果既我地都叫左杯芒果沙冰，唔會太甜又夠大杯，好飲。last我地仲叫多左個蝦餅，依個又係另一個驚喜，佢地個蝦餅好似冬甩咁一個個圈，又香口又啖啖肉，5件好快就食曬最後埋單

想食泰國嘢一定嚟九龍城每次唔知去邊間嘅時候去小曼谷一定係最穩陣依家天氣開始轉涼 我哋揀咗坐係出面好涼爽好舒服食泰菜必點生蝦刺身($118)擺盤好靚 忍唔住要相機食先生蝦新鮮彈牙 配上蒜片同辣汁 回味無窮泰式燒原隻鮮魷($148)估唔到係咁大隻 燒得啱啱好唔會好靭風味燒豬頸肉($108)又係好大份 配上秘製辣汁 生色不少豬肉碎生菜包($82)係我嘅至愛 呢間嘅生菜包唔會太辣豬肉係用咗梅頭肉 肥瘦均勻唔會乾爭爭泰式拼盤($146)一次過滿足晒所有人嘅口味 每樣有兩件 岩岩好 😆😆😆😆椰青($38)食完咁多燒物 飲番個椰青下下火畫上完美嘅句號🥰🥰