小曼谷海鮮燒烤屋

營業中

休息中

今日約咗朋友食泰國菜，要食地道嘅泰國菜，梗係去九龍城喇！大家一致贊成去一間有泰式燒烤嘅泰國餐廳試吓，所以就揀咗口碑唔錯嘅小曼谷海鮮燒烤屋。餐廳面積都算大，門外有一個吹氣大公仔向你招手，好得意。既然來到燒烤餐廳，除了一般泰國食物外，梗係要食下佢啲招牌燒烤喇！泰式鮮蝦柚子沙律柚子份量好多，好香甜，加埋爽甜嘅大蝦，上面重撒咗脆脆哋嘅椰糖和花生，非常開胃。泰式炸蝦餅外皮炸得香脆，又唔油膩，最夹係點甜酸醬吃，。燒脆皮白鱔白鱔好肥美，燒得好香脆，連白鱔皮都燒到脆卜卜， 沾附送嘅醬汁食，好好味。泰式燒牛仔骨牛仔骨好好肉，燒到啱啱好，不太熟，而且仲好有牛味。泰式鹹魚炒椰菜苖椰菜苗鮮嫩，配上鹹香的鹹魚，非常惹味。鮮芒海鮮炒飯平常食慣菠蘿炒飯，今次轉口味用芒果嚟炒飯，又幾特別喎。芒果和海鮮味道都好夾，炒飯材料豐富，有帶子、蝦，魚肉、魷魚……等，飯炒得乾身，加上肉鬆，更加好味。泰式青檸梳打食得太飽，來一杯青檸梳打，清新又解膩，好滿足。

今日第一次去呢間小曼谷食晚餐，因為9個人，有小朋友及BB所以想搵間坐得闊落啲，九龍城嘅泰國菜通常好細間，open rice 睇到呢間環境唔錯，就決定嚟呢度去到門口真係好大間，但點知佢叫我地去隔離鋪！9個人迫係6個人嘅枱。。細路仔又坐得唔舒服，仲要冇開冷氣。。，氣氛好差。當日鋪頭唔旺，都仲有其他位或者可以坐戶外。。。唔明點解編我地坐呢度？食物嘅碟又大碟，上菜又好快，根本唔夠位擺。。又明爐魚，又點火。。店員姐姐又唔主動執枱，唔用嘅杯及茶壺都係我哋自己執開佢，個感覺真係幾差。。 頂唔順叫姐姐開冷氣，開左但佢又攞個地拖將個風口頂上去。。好彩食物幾好食，特別青芒絲筍殼魚不過真係迫到個個都冇胃口好熱叫左22串串燒，10個餸，平均每人400

💁🏻‍♀️ 小曼谷海鮮燒烤屋 (九龍城) 🍽-又係泰國🇹🇭野時間～～其實香港🇭🇰真係幾多高質泰菜食，分分鐘好味過泰國啲餐廳，今次來到香港小泰國九龍城，呢間正野啊，快啲bookmark！泰皇咖哩炒膏蟹🦀（$490）多人一齊食嘅話必嗌！係我食過最好好好味嘅咖喱🍛蟹🦀！！！個蟹係勁爆多膏，肉質鮮甜，重點係個汁超！級！惹！味！甜甜地又辣辣地，我同朋友都即刻要叫多個飯送汁先對得住自己🤪😝泰式蟹肉煲仔翅（$98）碗🥣仔翅嘅終極豪華版🌟🌟🌟啖啖新鮮蟹肉食落肚，再加埋厚身嘅翅，個芡調得岩岩好，唔會太重口味，冬天食好暖胃冬蔭公湯（小）（$128）另一必叫啊喂！呢個冬蔭公好岩香港人口味，唔會太辣，酸酸尾尾，有幾分似譚仔個湯底🤣🤣香茅味好重，再加埋大量菇同大蝦🍤，我呢個麻麻地冬蔭公嘅人都飲完一碗又一碗😇泰式鮮蝦炒金邊粉（$88）價錢唔太貴，cp值高，中意呢個金邊粉嘅調味，甜甜地唔會太鹹，粉炒得夠乾身，好味！泰式生蝦刺身（$118）生蝦刺身好新鮮，加埋蒜片同辣椒🌶️同秘製醬汁，一啖食到有好多層次😍📍 小曼谷海鮮燒烤屋 (九龍城)#九龍城 太子道西398號御太子地下1-3號舖#小丸子搵食記 #小丸子九龍城-#hki

喺附近返工，見到間舖頭嘅名幾正，於是就行入去食。Set Lunch唔算貴，屬中等價錢。我叫左個泰式海鮮炒飯同埋龍眼冰，走湯。先黎左個龍眼冰，龍眼冰非常足料，有十幾廿粒龍眼好正。之後黎嘅泰式海鮮炒飯有四隻帶子、兩隻蝦同埋3片鮮魷好足料。

泰國魚翅聞名遠播，同事推介九龍城小曼谷海鮮燒烤屋，最近新推出了魚翅煲。趁假日和媽咪一起去九龍城辦年貨，順道去試試新推出的魚翅煲。門口擺放著一個生動的吹氣公仔,不停和經過的路人輝手。餐廳雖然佈置簡單，但座無虛席。我們點了新出品的泰式煲仔翅。有冬菇絲、肉絲、蟹肉絲和筍絲；還有主角泰國魚翅，煲料豐富，稀稠適中👍。明爐青檸汁蒸鳥頭，配搭多種香料，酸甜的湯汁令嫩滑魚肉吸收了精華，更潻美味😋！泰式燒羊架，肉質嫩腍無羊羶味😋。充滿西米餡料的椰汁西米糕和濃郁斑蘭葉的泰式千層糕，入口煙煙韌韌，甜度適中，雙拼泰式甜品，就是這晚的完美終結！

九龍城的泰菜名牌小曼谷真係信心保證，近排又出咗新菜式，所以又要黎幫襯下！閒日晚市未到７點，已經差唔多坐滿晒，所以早黎有著數！芒果沙冰　＄３６夠香夠甜又夠細滑，次次黎親小曼谷都係必點的！青檸菠蘿沙冰　＄３６又酸又甜又清新，入口勁清爽，正！香葉辣椒炒豬肉碎　＄８８超大碟，香口惹味，夾極都有，勁抵食！泰式飛天炒通菜　＄７９通菜很嫩綠，味道方面，相比起用馬拉盞炒，飛天通菜相對乾身啲同埋冇咁咸！明爐香檸汁蒸烏頭　＄２０８烏頭有黃油，肥美可口，一路ｋｅｅｐ住個熱度去食，冬天隔外顥得好味！泰式煲仔翅　＄９８齊晒港式同埋泰式的配料和調味料，而且都幾大煲，夠２－３個人分。有兩三舊都幾算大舊的群翅，同宣傳照一樣，冇偷工減料，好重海味味，另外仲有啲鮮拆蟹肉增鮮，不錯！

今晚相約一班之前一起去泰國的朋友吃飯，難得reu當然要吃泰國美食！這間在九龍城頗有名聲，門口站立了一個塑膠公仔招人進門，很搞笑。平日夜晚的7點多都很滿座了，幸好我們剛好有位。可在露天的地方進餐，滿有氣氛的，但我們怕冷，選擇室內。點了多款招牌菜。來生蝦刺身（$118），生蝦很鮮甜，沒有一點腥味，點伴碟的醬料更惹味呢！前菜還點了小的冬蔭公湯（$128），豈料份量也不少，還有兩隻飽滿多肉的蝦。主菜當然不少得pad thai($88)! 這是我在香港吃話最美味的pad thai呢！我們很快就把它清光了。另追加了泰式煲仔翅（$98）試試，想不到泰國都有煲仔翅。最後最期待的咖喱炒羔蟹出場了！雖然已經有點飽，但我們都點了白飯，因為吃咖喱當然要配白飯，平時吃很少飯的我都忍不住添飯添了幾次，因為這個海鮮咖喱真是超級美味，最滿意的是羔蟹，很多蟹肉！餐廳貼心地提供手套，我們都吃得津津有味。這晚好像回到了泰國了，我們一邊吃，一邊想起泰國旅行的趣事，很滿意的一餐。

泰國，有佛國之稱，崇尚佛教，國內披著黃色袈裟修行的僧侶比比皆是。香港，泰國菜館同樣甚多，特別是九龍城，泰國菜館眾多，而這一間店外有一個大型吹氣廚師公仔招徠客人的「小曼谷海鮮燒烤屋」，我曾多次光顧，原來也是一間黃店。店內的一幅十分吸睛的繪畫，以黃色為主調，店中的餐具，無論碗還是碟，也是鮮明亮麗的黃色。這夜，兩夫妻又來到這間值得捧場的泰國菜館吃晚餐，先來串小吃，是「極上安格斯牛柳粒串」（$48/4粒），四粒牛柳富有肉汁，伴以四粒同樣汁液豐富的蕃茄仔，蘸以醬汁，為這夜豐富的晚餐揭開序幕。店中推介的「海鮮孖寶」（$228）有多款 A+B 配搭選擇，價錢吸引。「燒脆皮白鱔」兩夫妻都喜歡吃，當然必選。燒得香噴噴，魚皮脆卜卜，肉質柔軟而有彈性，蘸點酸辣汁，份外好吃。「泰式燒盲鰽」燒得剛好，用筷子夾起魚皮，裡面釀有香茅與其他香草的盲鰽魚肉，嫩滑可口，我倆都感滿意。這夜天氣有點涼，凡惠顧任何食品，只需另加 $98便可享用的「泰式煲仔翅」最好不過。這翅雖說是一人份量，其實兩個人吃也相當足夠。熱氣騰騰，材料豐富的煲仔翅，教人吃得甚為窩心。想吃「泰式原味烤酥餅」（$30/2塊），但又不想吃太多肉，以咖喱雞或咖

今次專程嚟九龍城食泰國菜,呢一間都已經唔係第一次幫襯相信黎過九龍城嘅人都對呢間餐廳會有印象，因為喺門口就有一隻大型充氣公仔不停向你招手叫你入嚟試吓推出左海鮮孖寶套餐，見價錢幾抵就試下啦鹽燒東風螺份量好足，堆得滿滿，都稱得上大大隻螺無沙，肉質結實彈牙，夠新鮮沾埋辣醬就更惹味香蒜原隻扇貝蒜香十足，沒有overcook，一啖一個泰式煲仔翅都係第一次聽，天氣又轉凍返，要個黎暖下身子原來煲仔翅入面有魚翅、蟹肉、冬菇，當中魚翅份量唔少配料都唔少泰式鹹魚炒芥蘭出面用膳都要健康點 ，要食啲蔬菜炒芥蘭有鑊氣加持，帶咸香泰式濕炒牛肉河又係很足料，可見牛肉、秀珍菇、蔬菜鋪滿河上泰式河粉就是較大片，因為炒過所以很有鑊氣，加汁再炒過後，仍能保持原有口感，彈彈的椰青就是泰菜必喝的總結，餐廳性價比很高，價錢相宜，食物份量和素質也不錯而且餐廳更設有live show，支持本地音樂家，support

返娘家探阿媽, 回歸九龍城, 小曼谷向我揮手! 仍記得之前常來吃的! 每次都難決擇, 因為太多款式了! 今晚以魚做主題, 見其A+B 淤鮮組合好吸收, 選配左泰式燒盲鰽和燒脆皮白鱔。前者魚質鬆軟, 清香, 配醬汁好好吃。後者皮超脆, 重膠原且非常juicy, 魚肉質地彈牙, 少少鹽香已帶出鮮甜, 可不用汁配! 點都想叫個咖喱, 首次點青咖喱鴨胸, 咖喱微辣重椰香, 鴨胸鬆香, 連茄子, 豆角等配菜都好新鮮。有咖喱就要有烤餅, 點了芝士烤餅, 淨食已冇得輸, 芝士特濃, 硬脆鬆香, 燙手的熱度再沾上青咖喱, 好味窩心上心頭! 成日都食炒椰菜苗, 今晚試點新既, 食左個鐵板豬頸肉者椰菜苗, 真係者者聲咁上菜, 菜鮮甜, 豬頸肉唔算太肥, 而且都軟身, 但始終係者者款式, 唔怕肥但求好味既就叫啦! 還點了個泰式蟹肉煲仔翅, 味唔差既, 可能係太多年港式碗仔翅經驗, 感覺它較糊狀, 質感稀番d 會更岩口味! 整體依舊好食, 現場依舊熱鬧, 一到7:30pm 就爆人! Live band 亦好聽, 上菜都好快👍 保持好態度好水準😊 十分推介!!

香港地泰國菜好易食到，單是有「小泰國」之稱的九龍城就已經有排食。去完旅行返嚟咁耐都無食過泰國菜，今晚就由我帶路嚟「小曼谷海鮮燒烤屋」開餐。其實呢間我都未幫襯過，只不過見網上評價唔錯，即管試下。餐廳走中高檔路線，店內地方很大，寬敞闊落，應該有過千呎，裝修新潮型格，有別於一般傳統泰國餐廳，每晚 9pm 至凌晨更會有 Live Band 演奏。餐牌選項甚多，除了有主打的海鮮燒烤外，還有不少新派 Fusion 菜供應。既然餐廳以海鮮燒烤做主打，咁就先嚟個海鮮孖寶 ($228)，可以喺 A、B 各選一項。牛油蒜蓉燒大蟶子，蟶子賣相唔錯，味道好鮮，食落爽彈，而且肉質亦夠嫩滑，最特別係蟶子面頭加咗鹹香脆身的炸銀魚，雙重口感，配搭吸引。鹽燒鮑魚：鮑魚燒到啱啱好，肉質柔韌富彈性，但又不失軟腍，食落有鮮味，咬下時內裡嘅肉汁還會馬上爆出來，真心覺得好味。凡惠顧任何食品加 $98 就可以點一客冬日限定的小曼谷泰式煲仔翅，當然唔可以錯過。翅底以老雞熬足十多小時，入味而口感十足，材料有裙翅、蟹肉和冬菇絲等，吃時可加些芫荽、芽菜、浙醋、 胡椒粉，能起畫龍點睛之效。泰式鹹魚炒椰菜苗 ($82)：選用了泰國椰菜苗，色澤

勁耐無食泰國野，首選當然係九龍城既小曼谷啦！今日同朋友叫左好多好野食！個椰青椰汁好甜，椰肉好滑，見到餐廳入面有電視介紹取椰肉既片，話呢度既椰青係有別於一般其他泰國餐廳，質素好高！咖喱都好好食，薄餅係勁脆！我一拎上手，仲差點辣親，好好食！之前食過幾次都無碗仔翅，今次一於試下，好大碗好足料！生蝦同冬蔭功都係好新鮮，蝦肉係彈牙，好鮮味！我地食唔晒，仲打包左湯返屋企！炒菜都好入味，我地都對呢餐好滿意，食得好滿足。

泰菜總令人聯想起九龍城，門面濶大加上搶眼汽球人的《小曼谷》更是吸引，是我們飯局聚頭的老地方，尤其泰菜癮起🤣🤣。環境舒適，有少量戶外座位，交通亦算方便。有現場 live band 表演，可惜環境略嘈，未能好好欣賞。泰式生蝦刺身 $118，頭盆來說，認真高檔 😊😊。冰鎮保持新鮮，值得一讚。生蝦夠大隻，夠新鮮，肉質鮮甜彈牙，入口涼浸浸，加上特制泰式酸汁，好好味，是一件接一件。鵝肝多士 $90，蒜蓉包香脆，蒜蓉夠多，好好味。鵝肝夠大件，炸漿略厚，可按自己喜好，撒點鹽花，味道更佳。泰式煲仔翅 $98，湯底味道不錯，夠熱加分。味道軟預期理想。排翅軟諗，冬菇絲、蟹肉先味道配合得宜，二人一窩亦相當滿足 👍💖豬、牛、雞、沙嗲串燒 $48，沙嗲醬惹味不辣，經烤燒過的肉，份外香口。小妹最愛豬肉串，口感最理想。鹹魚炒芥蘭 $72，家常小菜，泰菜味道一向偏濃，點鹹魚炒菜就最好不過，不會比下去。泰式鮮蝦炒金邊粉 $88，材料豐富，鮮蝦大大隻，芽菜加強了爽口度，飽肚實際。熱龍眼水 $28，味道比預期優勝，溫補滋潤。到《小曼谷》用餐，印象由始至㚵都是那麽美好 🤗🤗

今年既聖誕飯局食西餐食到厭，所以去九龍城食下泰國野，即刻諗起小曼谷門口隻吹氣公仔😂泰國野梗係唔少得食串燒，除咗雞牛呢d肉類，白鱔都唔錯，燒到外皮少少脆，魚肉爽脆👍🏿青芒絲荀殼魚，其實唔知咩魚，不過脆脆地辣辣地，幾開胃，多人食可以share!另外豬手飯都係我既favourite！豬手好淋，膠質超強，唔會太膩，豬皮真係好正！蟹肉煲仔翅有d似酒樓既翅，都幾多料！馬拉盞炒菜超香，個人覺得椰菜苗比通菜好食啊😋

泰式蟹肉煲仔翅一大煲熱辣辣的，煲仔翅有蟹肉，夠哂出位，肉絲及香菇好香，魚翅爽口，有紅醋，芽菜及芫茜配搭，味道會更香。泰式生蝦 
冰鎮保持肉質爽口，鮮味足夠，連生蒜同辣椒一齊食，夠惹味。泰式馬拉盞炒通菜
馬拉盞鑊氣又夠哂惹味。泰皇咖喱炒蜆
蜆肉厚實且新鮮，咖哩味漂出陣陣椰香味，唔會好辣。食咖哩點少得簿餅呢位最佳拍檔-原味烤薄餅，沾上咖喱非常好食另外叫左兩串串燒-翠肉瓜&雞腎，翠肉瓜燒完都好juicy, 雞腎好香口。再黎一杯芒果沙冰，夠哂地道！叫左咁多野食都係$600，真係超低食！