小曼谷海鮮燒烤屋

營業中

休息中

好耐冇黎九龍城 黎到好自然諗起要食泰國野 之前都食過呢間小曼谷 黎到呢頭好想再食多次 冬蔭鮮蝦雲吞湯 冬蔭公湯入面有大大粒雲吞 裡面d料好足 有好多蝦 有驚喜到！ 而且湯底都幾多 好香濃既冬陰公湯 都係食泰國野必點 泰皇咖哩法包軟殼蟹 黃咖哩係甜既咖哩 唔辣既 大人細路都岩食 咖哩滿瀉係個法包上面 法包浸左咖哩軟軟地又入哂味 好好食 加埋隔離有炸到脆卜卜既軟殼蟹 點少少咖哩更加好食 原隻魷魚筒釀糯米飯 呢個菜賣相幾吸引 係原條上既魷魚 魷魚幾彈牙配上糯米飯好特別 但食個陣冇點到醬 所以覺得有d淡味 建議要點下醬食 鐵板豬頸肉啫椰菜苗（馬拉盞） 馬拉盞炒菜真係好香好夠味 鐵板上既炒豬頸肉同樣抵讚 唔會覺得好un好難咬 仲要好入味 椰青 成個椰青飲好爽呀 好清甜 椰肉都好嫩滑好易食蒜蓉包 夠脆夠蒜味 軟熟好食 配埋咖哩或者湯一齊食係添加滋味 呢到九點仲要有音樂表演 幾好feel冇令我失望既小曼谷 價錢公道食物優質 仍然係我黎九龍城會特登食既餐廳

隔左個幾月又同朋友嚟到小曼谷海鮮燒烤屋。門口依舊有客人在等位，不過要食好嘢等下都冇計嘅。先叫一個豬肉碎山菜包開開胃，辣到剛好惹味。今次揀咗泰王咖喱炒蜆，蜆又大又新鮮。再叫埋蒜蓉包同埋薄餅配埋咖哩真係唔停得口。串燒依舊出色，肉類夠入味唔使配沙嗲醬都食得出當中香味。燒粟米喺我至愛~泰式飛天通菜炒出黎唔會太老 ，有鑊氣呀~之後叫咗個蝦餅，一見到就俾佢大大嚿嘅外表嚇親，怕會食唔晒，但食落太彈牙，有淡淡蝦肉簡直唔停得口。泰式炒金邊粉配料都算多，少少甜甜地，加埋青檸汁，食落唔會太乾啱啱好。香芒蟹肉炒飯，芒果大大粒，加上粒粒分明嘅炒飯，鑊氣夠~簡直一絕。豬肉鬆嘅份量都好多!當晚我地仲飲咗芒果沙冰，龍眼冰同椰青。值得一讚呢度嘅沙冰飲得出唔係只落糖水既甜，而係啖啖芒果嘅香。特別為大家推介依家小曼谷仲可以用某外賣APP，唔想出門又想食到正好味嘅泰國菜就記得試下。

如果要數熊貓心中最好味的泰國菜，熊貓第一時間一定諗起小曼谷。小曼谷九龍城和銅鑼灣分店熊貓都試過，有一排沒有嚟過，今次再來到九龍城分店，果然仲有驚喜！熊貓不嬲都好鍾意食翅，每次去到曼谷的China Town，一定會去食魚翅！但係竟然唔使去曼谷，都可以食到正宗嘅泰式煲仔翅。😍😍小曼谷全新推出泰式煲仔翅，熊貓一望到餐牌，諗都唔使諗，即刻點！果然沒有令我失望，配料多，湯底正！除咗有泰式煲仔翅之外，小曼谷仲出咗幾款海鮮孖寶嘅套餐。價錢平左之餘，仲更加好食！我熊貓就特別推介原隻扇貝，大大隻，燒得好好食。另一款推介的海鮮，就係黃咖喱大蜆。蜆肉大粒，非常新鮮，配上秘製的黃咖喱，最好叫返個蒜蓉包襯一下！當然呢度嘅燒烤亦都係不容錯過👍🏽👍🏽這裏不愧為九龍城最佳泰國菜，我們星期一來光顧，離開時已是9pm，但竟然還有其他人等緊位，店內仍然高朋滿座。所以要來的朋友，真係預先訂定位比較好！

食泰國野,每次都係第一時間諗起小曼谷!海鮮孖寶$228燒虎蝦+原隻扇貝海鮮非常新鮮, 食落爽口彈牙, 鋪喺表面脆卜卜嘅銀魚仔令口感更豐富!泰式煲仔翅 $98好足料既煲仔翅,有芽菜同芫茜可以俾你自己選擇落唔落! 我就鐘意全部都落, 可以提升個味道~ 黃咖哩大蜆 個咖喱味好香，有少少微辣, 用左好多洋蔥黎炒,記住要點蒜蓉包黎食!大蜆超大隻超多肉!用黎送飯都係一流!黎到燒烤屋,當然要叫串燒~粟米牛肉雞軟骨必嗌之選! 另外青檸梳打和椰青也是必點，椰青清甜冰涼，記住食埋椰肉清熱氣呀~

通常講起食泰國野我相信大家都會諗起九龍城，雖然無地鐵但其實呢到有好多巴士都經所以黎覓食都算幾方便架! 今日晏就同屋企人黎九龍城買香料，之後決定係到食埋晚飯先返去，不過講真九龍城泰國餐廳真係好多都唔知揀邊間好！今次就有個朋友推介咗呢間小曼谷海鮮燒烤屋比我，一於同屋企人試下呢間啦!呢間小曼谷海鮮燒烤屋係太子道西個面，地點都幾易搵，一黎到印象都唔錯。首先，鋪頭坐位都幾闊落，而且仲有得outdoor向內街咁坐，係呢啲天氣坐係到食都真係幾舒服! 另外，一入到去啲職員非常好客，同埋個個都好好笑容，入去感覺都已經好好! Menu入面都有好多唔同嘅菜式揀，樣樣都睇落好吸引咁呀! 我地總共嗌咗6樣菜：泰式生蝦刺身，細嘅炸蝦餅，原隻鮮魷筒釀糯米飯，鐵板豬頸肉椰菜苗，鵝肝多士同埋泰式鮮蝦炒金邊粉。另外，野飲方面嗌咗個泰式奶茶同椰青! 頭盤方面，生蝦刺身係我每次食泰國野都必嗌，呢到嘅生蝦食落好爽口好新鮮，而且睇得出啲蝦都處理得好乾淨，連埋蒜頭同辣椒咁食簡直係perfect match，好開胃! 然後炸蝦餅熱辣辣咁上枱，佢地所有食物都係新鮮即刻整但又唔洗等好耐，呢到嘅蝦餅同平時出面食開扁身嘅形狀有啲唔同，呢到係

🔷泰式生蝦刺身 💰118除左生蝦本身要新鮮乾淨外，卡比認為個泰式醬汁都十分重要，呢到既泰式辣汁好夠辣，配埋生蝦同蒜片一配食，系食到好正宗既味道。🔷泰皇咖喱炒蜆 💰148咖哩係偏甜及澀身口感，意思系個水性不算高完全唔係稀身既。蜆既份量一啲都吾少而且仲系偏大隻既Size，食到好有口感亦食吾出沙，仲有其他爽口既洋蔥、青椒等，系一道配白飯同蒜苗包既perfect match。🔷泰式馬拉盞炒椰菜苗 💰82 椰菜苗炒得依舊爽口，有少許辣度但系會接受到。大碟得黎覺得草青味無乜，自問不好食菜既都可以試下。🔷牛油蒜蓉燒美國生蠔(兩隻) 💰112呢兩隻生蠔都真係無改錯名，完全係XXXL geh 美國size，熱辣辣岩岩燒好所以拎到上台真系要小心吾好比生蠔殼辣親隻手。不過話時話個生蠔燒到好香，面上配埋埋啲蒜、蔥、細細條既脆魚一齊燒，食到好有口感，生蠔十分肥美。🔷泰式蒜蓉包(4塊) 💰30 呢個蒜茸包主要係打算配咖哩食，但係竟然單食呢款都足夠美味。包本身整到好脆口但又吾會用「硬」黎形容，蒜蓉份量好足夠所以個包完全吸到哂牛油同蒜味，仲有一點就系呢個價格十分親民。🔷椰青 💰38

這陣子，心很累。。。唯有食餐好既，慰藉心靈。小曼谷，不陌生，泰國菜，食物款式多，令人花多僚亂。泰式馬拉盞炒通菜，好好鑊氣，一般用馬拉盞炒的菜都會偏咸，要配飯吃，但呢個味道剛剛好，好惹味。泰式炸芝士蝦丸，好大粒！內有滿滿的芝士，做到拉絲的效果！而粒丸口感好彈牙！黃咖喱牛腩，咖哩重椰奶味，不會太辣，配薄餅一流。牛腩雖然五係勁冧，但水準合理！雞軟骨和牛肉串燒。芒果沙冰！正！十榴連沙冰，好大榴連味，友人話好正！

一個星期六的晚上，和朋友一行4人想食泰國菜，食泰國菜就一定去九龍城啦，我一直都想試依間，今日趁有4個人可以叫多d野食，就一於去依間。當然，排隊就一定要啦，排左20分鐘左右就入得。我地4個人叫左好多野食，首先就梗係串燒啦，有雞肉，牛肉，腸同埋栗米，燒得好香好juicy，
個栗米好甜好好食，最正係個沙爹汁，正到我地要佢地再俾多兜我地。
食泰國野點少得生菜包，佢地炒得香得後又唔會太乾，夾埋d香料同埋爽脆生菜。無得輸我地叫左個咖哩炒蜆，蒜蓉包同薄餅，個包同薄餅新鮮焗起，好香口，點咖哩一流，個咖哩好足料，唔似出面果d淨係得d殼無肉，咖哩又好香椰汁味，不過我就覺得可以辣多少少仲好味之後就係香芒蟹肉炒飯，炒得夠乾身唔會好油，份量又夠，芒果又甜，如果可以多d蟹肉就正啦，哈哈！我地再叫左個馬拉盞通菜同泰式炒金邊粉，個菜辣辣地又唔會太咸。個粉一黎果時我地覺得好似唔多好食，點知食落好好味，酸酸甜甜又夠鑊氣，成為我地最快清曬既一道菜。4個都鍾意芒果既我地都叫左杯芒果沙冰，唔會太甜又夠大杯，好飲。last我地仲叫多左個蝦餅，依個又係另一個驚喜，佢地個蝦餅好似冬甩咁一個個圈，又香口又啖啖肉，5件好快就食曬最後埋單

想食泰國嘢一定嚟九龍城每次唔知去邊間嘅時候去小曼谷一定係最穩陣依家天氣開始轉涼 我哋揀咗坐係出面好涼爽好舒服食泰菜必點生蝦刺身($118)擺盤好靚 忍唔住要相機食先生蝦新鮮彈牙 配上蒜片同辣汁 回味無窮泰式燒原隻鮮魷($148)估唔到係咁大隻 燒得啱啱好唔會好靭風味燒豬頸肉($108)又係好大份 配上秘製辣汁 生色不少豬肉碎生菜包($82)係我嘅至愛 呢間嘅生菜包唔會太辣豬肉係用咗梅頭肉 肥瘦均勻唔會乾爭爭泰式拼盤($146)一次過滿足晒所有人嘅口味 每樣有兩件 岩岩好 😆😆😆😆椰青($38)食完咁多燒物 飲番個椰青下下火畫上完美嘅句號🥰🥰

每次搭車經過見到門口個公仔都覺得過癮，今日朋友約飯，終於都嚟到試下。飲品依舊點左椰青，味道清甜可口。朋友喜歡食金邊粉，所以主食都係金邊粉，炒粉不會很油膩，好味鐵板通菜夠鍋氣，味道剛好，不會太鹹。推薦炸蝦球，細份有三粒，炸出嚟金黃色，切開有芝士流出嚟蝦肉夠彈牙可能其他三款菜太好味，所以覺得咖喱牛腩不過不失。甜品想食椰汁糕，但係今晚只有千層糕，感覺略甜。

講到要食泰國菜，識食既你就梗係要嚟香港泰菜集中地既九龍城啦！🤓聽人介紹就聽得多，自己就第一次黎「小曼谷海鮮燒烤屋」，門口有個吹氣公仔不斷同你招手咁👋🏻👋🏻 小曼谷係區內應該都頗有名氣，七點左右已經全店滿座啦👀😮 哩到仲有自助落單服務，scan下個QR code 就可以落單，方便快捷！1️⃣冬蔭公湯（選用原隻虎蝦) - 細 💰128- 如果兩個人黎，小妹覺得嗌細size 就夠哂喉啦，每人都可以有兩碗。冬蔭公湯十分正宗，而且辣得黎容易入口唔會嗆喉，仲有兩隻大虎蝦🦐，爽口彈牙，人人有份唔使爭！🤗2️⃣泰脆豬手 💰208- 一上台就知道隻豬手好有份量啦，打卡一流，十分吸晴。上台時已經幫你切好左一份份，方便可以即刻就食得啦！豬手肥瘦啱啱好，外脆內軟既口感你一啖就食到。個皮烤到香脆可口，食個陣仲聽到卡卡聲😮😮。唔好以為個豬手會好乾好硬，又竟然唔會喎，啖啖肉好滿足。仲有青瓜條紅蘿蔔條俾你解膩👍🏻3️⃣黃咖哩牛腩 💰88- 泰菜必食咖哩，今次揀左唔辣既黃咖哩，椰汁味🥥夠濃，送飯一流，用料絕不欺場，牛腩、青紅椒、薯仔、洋蔥十份足料！💯4️⃣鮮芒🥭蟹肉🦀炒飯 💰88- 大大碟足料香芒蟹肉炒飯，平時食開菠蘿🍍炒飯，今次就試

黎到九龍城當然要食泰國菜，見到呢間幾吸引價錢又唔貴就一於試下！餐廳座位闊落，坐到幾舒服唔會太迫。店員熱情招待，一坐低就送上水，又會推介店鋪既招牌菜👍🏻我地就揀左泰皇咖哩法包軟殼蟹，大大個麵包入面裝住濃濃既咖哩，咖喱香濃杰身，配埋軟殼蟹一齊食，食到lamlam利，一定要趁熱食！另外就叫左個泰式鮮蝦金邊粉，味道酸酸甜甜，大大隻蝦，金邊粉份量都幾多，岩岩一齊share！泰國菜當然唔少得串燒，叫左雞肉同牛肉，即叫即製，熱辣辣，配埋沙爹醬非常惹味！

太耐冇去過泰國， 唯有落九龍城食泰國菜嚟懷念一下泰國嘅味道。 小曼谷喺九龍城嚟講都薄有名氣， 成日都會見到個隻吹氣公仔喺門口fing吓fing吓， 但從來都未試過幫襯。 今晚同朋被友兩個人胃大開， 叫咗、無骨鳳爪、馬拉盞炒椰苗、 泰式炒金邊粉、泰式魚翅、 燒雞翼同埋燒牛肉。 - 無骨鳳爪辣度可以調高， 辣多小小會更好。 - 馬拉盞炒椰菜苗， 椰菜苗好新鮮，馬拉盞亦都10分香口。 - 泰式炒金邊粉好有泰式街頭風味， 正！- 泰式魚翅唔錯， 足料、又唔會太杰身。- 燒雞翼、燒牛肉， 不過不失、但配上沙爹醬就好味、香口。整體感覺唔錯， 對比九龍城部份泰國菜館價錢可能會貴少少，但係環境、味道、服務都一流。係一個同朋友去敘舊晚飯唔錯嘅選擇！

今日去九龍城拍拖，諗住行下睇下有乜好野食。見到小曼谷就衝入去，因為之前食過銅鑼灣果間好正。沙律款式多。老公仔唔好菜，不過我係一定要食好多菜or生果，就叫左個青木瓜沙律。注意佢較為辣，食得辣既朋友應該同我一樣覺得好過癮！我一個人食哂成碟😂。老公仔見到最愛既鵝肝就心心眼。本身見價錢覺得都少少貴，不過佢都幾大塊，一人一半已經夠膽固醇衝上天際，所以兩個人share一份就多喇。超正！佢連個包都好多牛油同好香脆。菜就叫黎扮下健康。不過都少少油，其實好肥仔架。小曼谷既咖哩一直都有水準。今次試蜆同鴨胸。個咖哩好正，加左個油飯食，會停唔到口。蜆多同大隻，推介！老公要個啤。我要左個甜品。佢既糯米飯係暖既，好好食，推介！星期六晚八九成滿，坐到街外路邊都有枱。不過位置闊落，拍拖唔錯！無令我失望！

九龍城最多泰國菜館，夠集中，所以想食泰國野多數都會去九龍城。其中呢間算幾多人幫襯，又不時有優惠，所以都唔止來過一次，雖然佢地有幾個鋪位，但客人都好多，最好訂枱，否則多數6點半開始就要等位。呢度最搶眼，令我第一次認識到呢間餐廳就係咁signature嘅吹氣公仔，我覺得好有喜感。呢度唔算好多位，不過枱面都夠闊，唔會話擺幾樣野就full左。menu好多款式，基本上我地次次來都會食到D未食過嘅野，有時叫沙律，有時叫小食，有時點明爐魚，有時又食咖喱。價錢就唔算話好平好平，但如果3-4人食除番開，又ok嘅。我仲見佢地最近有團購，有心食可以留意下推介項目泰式燒原隻魷魚好有睇頭，原隻魷魚燒起，邊位微焦，十分香口，魷魚肉富彈性，保留鮮味，加埋附上嘅泰式酸辣汁，更惹味，記得趁熱食泰式燒牛仔骨係第一次喺度食，估唔到幾有驚喜，牛肉燒起完全唔老，反而好有彈性，肉質軟腍有肉香，點少少燒汁，好正蟹肉雞絲魚肚羹就係第二次食嘅，見天氣涼涼地，叫個羹暖暖胃。蟹肉份量不少，真材實料，除左蟹肉絲，仲有雞肉，好滑架。但最誇張係魚肚，好多舊，食極都仲有，哈泰式酸辣鳳爪呢個開胃菜又係唔少得，墊底有唔少沙律菜，鳳爪幾爽，酸度唔高，微