小曼谷海鮮燒烤屋

營業中

休息中

九龍城餐廳選擇多，餐廳要引大家入去幫襯除要有食物質素外，也要講求招數是否突圍而出，此餐廳門口橙色公仔向途人揮手，每當我坐車途經此處也看到此公仔，久而久之加深了印象，食飯選擇餐廳時會容易諗起此間。餐廳內裡不算太大，佈置也是普通的不算好特別，坐得簡單舒服。餐牌的食物選擇屬大路嘢，但要選擇確實頭痛，樣樣都想食。「蜜糖燒菠蘿」菠蘿本身酸酸地，加了甜的蜜糖，平衡各種味道，多汁清甜。「泰脆炸豬手」大大隻夠份量，有薯片同酸菜配搭很豐富，不得不讚皮夠脆，個人推介。「菠蘿雞肉炒飯」正路的炒飯格局，食咗其他嘢唔夠先叫就差不多。「泰式蒜蓉包」香口夠蒜香，小食之餘，如果點埋咖喱汁一流。「豬頸肉者通菜」通菜咸香味加豬頸肉配搭不錯，送飯之選。整體具泰式風味，不錯，可納入再食名單。

餐廳位於九龍城，我對此區最熟悉是潮州菜同泰國菜，或多或少很多人都專登嚟呢區食，我見到很多泰國人都在此生活同開舖，有種落地生根之感，所以就俾人逢食泰國菜就嚟呢區嘅感覺！此餐廳有個好處，係可以選擇戶外位置，好適合秋涼天氣更有特色，我們見內裡坐得七七八八，所以順理成章坐出面。「海鮮孖寶」在A+B各選一款。「泰式燒盲鰽 」確實燒得香噴噴，秘訣原來是內裡放了香茅同其他香料，魚肉不用點醬油也很夠味，且很嫩滑。「牛油蒜蓉燒青口半打」略嫌乾身，點些醬汁會好吃。「沙嗲串燒」叫了豬牛雞，每款也燒得香口，我個人最鍾意豬同雞，牛反而嚡咗啲。「泰式燒原隻鮮魷」燒的表面微焦，魷魚肉夠爽口，送酒一流！「蟹肉雞絲魚肚羮」羹夠多料，每啖放在口中都很實在，尤其魚肚size大，有口感，不錯。露天食泰菜很有特色風，天氣涼涼地最啱坐戶外，食物質素不錯，飲嘢食嘢啱晒吹水。

上次黎已經係半年前，突然好想食，所以又再黎過。今次叫左支白酒，用黎chill chill佢，比想像中質素要好好多，如果鍾意白酒可以試下呢支。係唔好甜，微甜偏澀。鐵板豬頸肉通菜（馬拉盞）：個通菜既味濃得岩岩好，但完全唔覺得咸，所以整體係好香，啲通菜好新鮮，呢道菜很可以。燒安格斯西冷牛扒：西冷牛扒有成兩塊，半成熱，份量好多，而且牛肉好嫩，最重要佢個汁係泰式個種酸酸地，同個牛扒好夾。原隻鮮魷筒釀糯米飯：呢個糯米飯真係好長，其實兩個人食真係幾多，我仲地叫左個粉，但佢個魷魚煮得唔會硬，係嫩嫩地個種，又係有汁配，覺得泰式汁同好多既菜式都好夾，因為我地用佢去點牛扒既汁，都一樣好好食。泰式鮮蝦炒金邊粉：金邊粉既份量好多，對比上面咁多樣，因為金邊粉食親泰國菜都會點，所以失色左少少，但其實都係好好食既，不過兩個人食咁多份量都真係好飽。真係食咁多次都無失望。

又係一個想放假嘅星期五晚上九龍城出名好多泰國野食但又想食串燒呢類小食就揀左呢間泰式燒物黎試~佢既海鮮A+B算係比較抵 比起散叫正價一款海鮮都唔算平 但選擇都多既另外就有好多我想食嘅燒物串類 價錢算合理店舖環境大 睇落平時應該有live band咁~黎到泰式餐廳 除左串燒就要食泰國野啦所以就叫左個金邊粉料多份量足 炒得又香 黎到第一道菜真係開左胃其次仲叫左生菜包 但個肉陷實在好辣對於唔食辣嘅人黎講真係好難食得哂 但係香口既跟住就係我好期待既海鮮！因為好想食聖子 所以最後叫左A+B餐 聖子好大隻 大話我隻手板其實鮑魚都好大隻好厚肉 食落新鮮加上面頭既蒜同埋白飯魚呢d配料都好多整體黎講好推薦聖子再黎就係我好想食嘅串燒配沙嗲醬因為沙嗲醬係香口但唔辣 岩想食重口味又食唔我辣嘅我肉質唔會好硬 菇都一樣燒得岩岩好食咁多肉都要食返個菜 呢個就無特別 至少唔會太咸咁~仲有寶寶去到邊都會食嘅燒菠蘿佢有個好值得稱讚嘅地方係切好哂因為平時連皮嘅好難食到 切好哂一口岩岩好最後其實我地食得有d多🙈飽到嘔但海鮮真係好食 比起串燒驚喜~

吃泰國菜當然去九龍城啦,今次就同朋友試下小曼谷海鮮燒烤屋.餐廳位置闊落,而且仲有live band,不過今次我地就無緣聽到了,要下次再去了.泰式炸芝士蝦丸(HKD94)外面看落好鬆脆,一切開就流出濃郁的芝士,賣相同味道都非常5錯。不過“心急吃不了熱豆腐”建議大家5好吃得太心急,哈泰式鮮蝦炒金邊粉(HKD88)每次吃泰國菜,必點主食就是金邊粉了,呢間的水準都ok,夠爽口.黃咖喱牛腩(HKD88)牛腩燉得夠入味,配薄餅吃就一流而且有洋蔥,吃起來5會太膩.泰式千層糕(HKD48)飯後來個甜品,千層糕夠煙韌,有口感.總體來講值得一試

食泰國野一定要去九龍城， 今次黎到一間非常當眼而內在又充滿泰國氣色既餐廳。飲品方面叫左兩杯：椰青波波： 係起左肉既椰青，唔係度度有，岩哂鍾意食椰青肉既朋友龍眼冰：我幾喜歡呢度嘅龍眼冰，唔會死甜，清清地，飲完唔洗灌水芝士薄餅： 芝士味好夠，上枱仲外脆內軟，唔點咖喱都好食，所以我建議就咁食，而點咖喱食我會建議用普通薄餅。黃咖哩鴨胸：算係小辣， 椰汁味夠濃，而鴨胸啖啖肉又好夠味，配料有洋蔥、青椒紅椒、薯仔豬頸肉炒椰菜苗：好惹味，睇到落左好多蝦乾，豬頸肉墊底貼住鐵板，會有微濃，但唔會苦，反而格外香口冬陰公海鮮炒公仔麵：注意算係中辣，海鮮有青口、海蝦、魷魚、帶子，爽口得黎又唔會比辣味遮左，但冬陰公既酸再出d會好d。墨魚咀：一碟餸有兩個口味，墨魚咀本身無咩味但口感好煙忍彈牙。伴碟有淮鹽炸蒜，連埋炸脆左既墨魚咀，惹味情度不能言喻。另一種口味係點泰式甜酸汁，酸酸甜甜好開胃原隻鮮魷筒釀糯米飯：魷魚好鮮味👍🏻糯米飯唔會太咸，有𡁻頭，特別一提酸辣汁好似加左柚子汁，比平時點開既香，一定要嗒真下😁

說起泰國菜當然會立刻想起九龍城這一個充滿泰國菜館的地方最出名的當然是正宗泰國菜 「小曼谷」這晚便特登約了朋友來大吃一餐牛油蒜蓉燒虎蝦三隻虎蝦大大隻 已經好貼心地開左邊加上牛油蒜蓉和魚仔一起燒 又香又好味極上安格斯牛柳粒串一串四大粒牛肉 肉味香濃質感軟滑 滿滿油脂香 不錯不錯還以四粒番茄仔分隔 解膩又好吃泰式鮮蝦柚子沙律滿滿柚子好吸引混合左花生脆粒 增加口感食落感覺好清新泰皇咖喱法包軟殼蟹香脆軟殼蟹放於麵包旁泰式咖喱沾上法包一齊食 非常滋味椰青原個上 清甜解渴椰肉嫩滑 有得飲又有得食 正最後食埋椰汁糕做甜品非常滿足

喺土瓜灣收工，超級掛住泰國嘢就落咗九龍城，最方便就梗係嚟返呢到😂 我都食過幾次呢間，所以今次都嚟返呢到食！好旺場！我哋都等咗一陣位先入到！嗌咗榴連沙冰同泰奶茶，沙冰真係世界級正呀，每一啖都係榴連味！泰式奶茶都好飲！同喺泰國飲嗰啲都差唔多，夠晒甜，我鐘意！豬肉生菜包，咁大碟我哋兩個人食，覺得個份量真係有啲大😂😂不過真係一貫食開嘅味道，好爽口嘅生菜包住帶有少少辣嘅豬肉碎，正！青咖哩豬配原味烤餅，有啲啲辣，不過夾埋烤餅食都OK！豬肉份量都好多，唔會太鞋口，都幾鬆軟！小曼谷炒飯，呢個真係必嗌！蛋包飯裡面炒飯料又豐富，有蝦有豬頸肉，好香口好好味！！馬拉盞炒椰菜苗又係好多，馬拉盞炒完啲菜零捨有陣鮮味，連我位唔太鐘意食菜嘅朋友都清晒！呢餐真係食到好飽，好滿足！好開心！

去九龍城梗係食泰菜啦，小曼谷已經去過幾次，次次都要等位，今晚亦不例外。當然，好嘢自然多人食，值得等嘅。仲有live表演：【泰式燒盲鰽】入面插咗好多香茅香菜去燒，所以魚肉滲滿晒香味。盲鰽比較少骨，食起嚟啖啖香嘅魚肉，蘸埋泰式酸辣醬提味，一流。【泰式炸芝士蝦丸】叫咗客細嘅，有三粒，不過每粒都成個網球咁大個，兩個人食夠食嘅。外皮炸得香脆，之後就到爽彈蝦肉，最裡面就係半溶芝士。蝦同芝士都係賣飛佛，啱晒我。【青咖哩雞】用個金鑊仔上，下面有個爐仔，但就冇火嘅，哈哈⋯不過都夠熱嘅～青咖哩都幾香濃，佢另外落咗紅辣椒，對我嚟講算中辣。雞件都唔少，同青咖哩好夾。【椰汁雞湯】呢個就有火喺下面煲住，熱辣辣。個湯有好多香茅，香得嚟帶酸加微辣，好惹味。個湯嘅份量都幾多，同青咖喱雞一樣，雞肉亦唔少，而且仲保持嫩滑，好有雞味。【鮮芒蟹肉炒飯】勁大碟飯，除咗蟹肉仲有芒果粒、肉鬆、蛋絲、香蔥，多重味道。

九龍城出名多美食，由其是泰國菜。早前我就有寫過泰金國的食評，整體上味道和質素真的不錯（只是我當時等了兩個小時，所以不敢再去吃了）這一次就想換換新口味又不想等太久，所以就決定去嚐一下九龍城的其他泰菜。在網上看到小曼谷海鮮燒烤屋是主打海鮮跟咖哩，我又最喜歡吃海鮮和咖哩，所以就決定去嚐一嚐。椰青 $38清甜又解渴，夏天很適合點的飲品青檸菠蘿沙冰 $36青檸味很重，有點搶走了菠蘿的味道但是我朋友很喜歡這重偏酸帶甜的味道，所以他很喜歡泰式生蝦 $118蝦的SIZE不是很大，但是很夠鮮味辣汁很惹味，因為很辣又有一點酸味這個必點泰式馬拉盞炒椰菜苗 $82很有鑊氣又夠哂惹味偏辣和重口味，很喜歡這個我下一次也會再點點咖哩必點的 泰式原味烤薄餅 $30剛剛弄好，所以熱辣辣又夠哂香口鬆脆泰皇咖哩炒海鮮 $238很黏稠的咖哩，甜而不辣而且有陣陣的蛋香味， 配上原味烤薄餅，很好吃！有很多不同的海鮮，當中虎蝦最好吃肉質札實和爽口，可以吃得出來不是死蝦咖哩只是沾到虎蝦表面，所以沒有覆蓋到蝦肉的鮮味燒安格斯西冷牛扒 $228肉質鮮嫩，牛味很濃的牛扒火候剛剛好，可以看到肉質呈粉紅色總結來說，很喜歡這一家的咖哩！那種蛋香

同朋友相約食泰國菜，當然會揀九龍城啦，而今次就揀左呢間係九龍城既小曼谷海鮮燒烤屋去試試。店鋪門口有一隻很大的吹氣公仔，十分易認。望望餐牌，店鋪菜色選擇甚多，由串燒，海鮮，泰菜等等，應有盡有。首先order 了泰式炸蝦餅 (HK$72)，蝦餅小份有三粒(HK$72) ，大份則有五粒(HK$112)。 蝦餅十分大粒，炸至金黃色，而且蝦膠爽口彈牙。當然要試下呢度既燒烤，就點了兩隻雞全翼 (HK$18/one)。雞全翼燒得剛好，雞肉很嫩很香口，而且配上沙嗲醬，好吃。試下小曼谷推介-明爐香檸汁蒸桂花魚(HK$248)。湯底酸酸辣辣甜甜，令人開胃，而且桂花魚頗大條，但肉質仍很滑很嫩，讚！泰式鮮蝦炒金邊粉(HK$88)，金邊粉有三大隻鮮蝦，而且炒得乾身，味道酸酸甜甜，配上青檸及花生碎，十分滋味。另外點了兩杯飲品，奇異果沙冰(HK$28)及芒果椰汁沙冰(HK$36)，沙冰很滑，而且還有少量生果放在沙冰上。特別一題，當晚八點半至九點半還有live band 聽。

今日同老婆去九龍城行街，去得九龍城當係去揾泰國菜食，九龍城太多泰國菜館，真係花多眼亂，都唔知食邊間，但講到食咁多次都keep到水準，非小曼谷莫熟，不過今次就唔係去佢總店既小曼谷，係去佢另一間叫"小曼谷海鮮燒烤屋"，佢門口個吹氣公仔係每次行過最吸引我既地方依間叫得燒烤店，當然唔少得好多海鮮選擇，又有燒蟶子，燒魚，好多唔同選擇但我都係鍾情d舊菜，首先叫左個咖喱炒蜆，依個係我每次黎小曼谷必點，又大碟，蜆又大隻，而且d咖喱汁夠餸2碗飯。冬蔭公湯麵係必點，2人份量其實都唔細，仲有2隻大蝦係入面，大隻又爽口，好新鮮。小曼谷炒飯，佢地個精心推介，必試，入面係泰式炒飯，面頭係d蛋皮包住，超好食泰式炒金邊粉需然係好普通，但亦係最考功夫，要唔太乾又唔可以太濕，少少甜又少少酸，如果平衡唔到就會唔好食最後緊係唔少得馬拼盞炒通菜，好入味，好大碟。食完俾番個總結，都食左佢地好多年，但都keep到水準，價錢亦好合理 最緊要係碟碟都咁大碟份，真係抵佢爆晒場咁好生意。

九龍城呢間小曼谷次次搭車經過都會見到好多人排隊，同埋比佢外面個吹氣公仔吸引😆 今日終於有機會試下啦！望到個menu真係好厚，基本上所有泰國菜都有就有😍 見到有咁多串燒揀，得兩個人唯有叫4款試試🤤 叫左 豬肉、牛肉、墨魚穌同珍寶腸。 墨魚穌穌真係要燒到有小小窿先好味泰式炸蝦餅$72 一上到黎熱辣辣 蝦好足料 膽膽肉Papaya salad $72 木瓜沙律又係必食之一🤤 愈食愈開胃泰式鮮蝦炒金邊粉 $88 份量好多 食落唔會好油膩我同友人叫左茫果沙冰同椰青， 椰青好清甜仲有新鮮椰青肉可以食 😋

咁大個女都估唔到會有一日係冇地鐵搭嘅，但香港人一向生活好有彈性，咁岩又想食泰國菜，唔使諗一於搭巴士去九龍城。小曼谷一向係我最愛，因為地方坐得闊落，而且食得輕鬆又有 live 音樂真人唱歌，心情輕鬆食慾大增。《泰式鮮蝦柚子沙律》$98最鍾意食柚子沙律夠開胃，柚子粒粒飽滿鮮甜又多汁，泰式鮮蝦 酸辣有勁，加埋新鮮蔬菜健康又好味。《泰式拼盤》$176本小姐有選擇困難症，泰式拼盤係我每次必叫的菜色，一個 combo 已經有齊所有喜歡食嘅炸物，蝦餅絕對是彈牙之選。《鐵板豬頸肉啫芥蘭》$89老人家話要食多啲蔬菜，芥蘭係我最愛，鐵板上熱辣辣香噴噴，豬頸肉肥美爽甜，啫芥蘭脆口又惹味。《小曼谷五星燒雞》$148因為今晚叫咗好多唔同款式嘅餸菜，所以就叫返人氣燒雞半隻，平時我哋一家人要食一隻先夠喉㗎！小曼谷招牌菜，稱得上為五星當然有番咁上下質素，秘製燒雞醬汁味道食過返尋味，肉質柔嫩幼滑，加上美味焦香的雞皮，真係食到停唔到口。《泰式鮮蝦炒金邊粉 》$88食泰菜我比較鍾意食炒金邊粉，味道始終較為地道同埋特別，泰式鮮蝦爽滑彈牙，撈埋花生配菜一起吃更加滋味。《雞全翼》$18雞全翼自己冇可能燒得咁均勻美味，所以必定要o

平時搭巴士都會見到呢到門口有個大吹氣公仔同大家揮手，裝修舒服企理，仲有户外地方坐。呢到既廚師👩‍🍳都係泰國人。泰皇咖哩法包軟殼蟹咖喱好惹味好食，咖哩會放落法包做成既碗到，切開法包脆卜卜好鬼正。點咖哩食一流。仲有軟殼蟹都啖啖肉無腥味都正。9/10串燒叫左3串雞肉,1串豬肉,1串墨魚丸，好後悔，因為豬肉實在太好味，燒得好香好嫩，叫得一串太少了。沙嗲醬汁又好味😋 仲叫左雞肉，墨魚丸，但系一定一定要叫豬肉，因為真係好好味 🤪🤪🤪🤩🤩🤩9/10炸蝦餅炸得熱辣辣，仲好香好脆，巨型級蝦餅，細份有三舊，不過係好大舊，少人的話，已經好夠食，蝦肉彈牙好食。9/10炸魚餅辣辣地配一個有青瓜既甜酸醬好夾。我中意。9/10辣椒雞肉乾炒河炒得好有鍋氣，味道OK，雞肉嫩滑，辣椒味可以再出Ｄ。 7/10