寶哥火鍋 (已結業)

有少少秋涼，就要開始打返邊爐啦😋兩個人好難散叫，行過見到呢間任食仲要有海鮮就上左去。有張係只限叫一次，只有8款。另一張就係任叫任食既。其實佢仲有個湯底menu同任飲menu，野飲唔嗌真係對唔住自己啦。蟲草花水鴨湯，湯底足料，飲左一碗個人已經熱辣辣。海鮮拼盤 (二人份)，唔駛叫，每枱自動附送。以為送既無好野？蟶子甜，鮑魚鮮，蠔爽👍🏻8款既精華食品，唔少得要手切牛，黑豚肉，同抇八爪魚鬚。份份賣相精緻，正所謂少食多滋味😊即炸響鈴真係新鮮炸出黎既，係成晚既重點🤤其他任食既料，特別係魚腐大王同汕頭牛根丸👍🏻咬落去有汁出黎😍

上次係The Forest個商場見到對面街呢間餐廳個燈箱牌，呢日終於黎到發現餐廳唔算大，閒日七點都已經差唔多全滿，好彩有提早訂位咋☺️▪️ 7款生猛海鮮 + 8款升級配料 + 任食丸類蔬菜（兩小時）💲198湯底 - 皮蛋芫茜豆腐湯（7/10）十多款湯底入面要左個稍微清淡少少既，皮蛋都唔少食極都仲有，芫茜亦都佈滿整個鍋🤣7款生猛海鮮（7.5/10）海鮮比預期中出色，全部都好新鮮同乾淨😍魚既魚皮帶點煙韌，魚肉較有彈性🐠蟶子、鮑魚、花甲同刀貝入口都爽口鮮甜，生蠔雖然唔係好巨型嗰啲但都軟滑，而海蝦肉質彈牙🦐8款升級配料（7.5/10）頂級安格斯牛小排（8.5/10）兩個人一碟會係四片，牛魔王既我地要左兩碟🐮雖然每一碟份量都唔多，但係出到黎幾有驚喜，質素有保證😋油花分佈平均，肉質非常軟腍，牛味亦好香濃手切封門柳牛肉（8/10）呢個都係要左兩碟，軟身之餘又會有點嚼勁，相比起牛小排更為有口感，但絕對唔係韌身嗰種，牛味亦都唔錯特級美國肥牛（7.5/10）同樣地要左兩碟，肥瘦均勻，其實色澤紅潤完全唔差，但有比較就有傷害，肉質相對地無咁嫩同埋牛味無咁重🙈本地新鮮牛舌（7/10）細細片入口都幾好咬即炸響鈴（7.

秋風起，隔幾日就好想食火鍋。聽朋友講話喺旺角d舊樓度，食過一間高質任食，基本價$198有海鮮盤送，今晚就帶個胃去探個究竟。價錢幾實惠，至於質素呢？又幾重本喎，雖然限點款式每人件數唔多，但勝在新鮮多款高價食物！🔆呢度嘅湯底一d都唔hea，有好多特別湯底揀，我就叫左個猴頭菇鯊魚骨湯底。湯底有好香翅味同猴頭菇味，料足無味精！🔆海鮮盤有龍躉肉、紐西蘭活刀貝、蘇格蘭蟶子皇、廣島生蠔、蝦、鮑魚等等嘅時令海鮮。全部新鮮無腥味，最正係龍躉肉、活刀貝、同蟶子，肉厚味又鮮甜，剩係呢個海鮮盤都正過好多任食火鍋啦！🔆有一張紙係限叫嘅，我地叫左d高質肉類 - 牛柳肉好重牛味而且烚起好腍；牛小排都好正，比牛柳肉更鮮脂肪感多少少；黑豚肉夠爽口；鯇魚片同鱔片都好脆口、黑柏葉爽脆。我最愛個手打三寶丸，子左爽口彈牙，牛丸鮮牛味、墨丸墨魚味、鯪魚丸味全部都好鮮肉味！🔆另外任叫嘅食物例如鮮蝦雲吞、招牌韮菜餃、蓮藕片、爆漿芝士丸、魚腐大皇、菜心、唐生菜、皇帝菜、鮮淮山都非常味美新鮮。🔆值得一提係呢度任食嘅即食麵係日本版出前一丁，係咪好少有呢？🔆加$20有多款汽水啤酒任飲，加$38仲可以揀特飲，招積d想單點，紅酒日本酒韓國酒VS

✿╮❤╭✿ ✿雜感女生   好味日記✿ ˚*•✰。寶哥火鍋．誠意靚料。✰•*˚ ✿✿小資女的Dolce Vita✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤❤ 今晚，我進行了香港人最喜愛的活動——打邊邊 到旺角樓上店：寶哥火鍋一吃朋友推介的火鍋 此店出名抵食，人流很旺，看看湯底選擇就知很適合愛湯的香港人！本小姐為湯怪一名，選了猴頭菇鯊魚骨湯 猴頭菇大大個，藥材味香噴噴 入口骨膠原豐富，味道香濃，令人一飲再飲時令海鮮盤，非常新鮮 鮑魚彈牙，大蝦爽甜、龍躉香滑、帶子鮮美....super滿分8款自選的： 砂爆魚肚、百花釀油條、牛心頂、手切封門柳、本地牛坑腩、日本黑豚肉、花膠仔、豬仔蝴蝶腩款款都是港式味道，牛味濃香， 豬仔蝴蝶腩更是坊間少見的選擇入口香軟，帶有牛的氣息任點的丸類、餃類都有驚喜 味道有水準，水餃更是必食     蔬菜乾淨新鮮，皇帝菜入湯，豐富滋味很適合於大魚大肉之後清一清

今次黎到呢間半任食既打邊爐😋湯底總共有10款，🙌蟲草花水鴨湯❤️我同朋友仔都比蟲草花水鴨湯吸引住，個湯底真係好足料，有半隻水鴨，仲有好多蟲草花。未開始打邊爐前首先試下個湯底先，好甜好好味。海鮮拼盤❤️有蝦有蠔有兩款蜆仲有鮑魚同埋魚都算幾新鮮啦👍🏻佢除左有一般任食野之外，仲會包埋八樣比較貴價嘅食物例如有牛舌 同 安格斯牛小排😋😋牛舌❤️當中牛舌係我覺得最好食的 👍🏻大家都可以試下👏👏整體上算係一間合格有餘的餐廳😊😊👏

百零蚊有咩好食 ,海鮮+火鍋任食又啱唔啱你口味 ??寶哥唔使二百蚊 ,有海鮮拼盤 ,精選火鍋料 ,任食配菜 !呢個海鮮拼盤係兩人份 ,都以多海鮮,生蠔同魚唔錯,青口就一般 !精選火鍋料可以揀8款 ,我哋揀咗 手切封門柳牛肉 (夠哂牛味),新鮮牛舌,頂級安格斯牛小排,手打三寶丸(超彈,蝦丸最好味 ) 脆肉鯇魚片(新鮮)同日本黑豚肉 。果然係精選火鍋配料 , 款款都咁正!!其他仲有丸類 配菜 就任食,一般出面火鍋店有嘅都有。 飲品加38蚊就任飲 ,要試一定要試佢嘅特大系列 ,我哋叫咗特大凍檸蜜,又可以飲韓式燒酒加汽水 !

寶哥火鍋今日第一次食，行過波鞋街就會見到佢嘅廣告燈箱，行過望到發現幾抵食，材料有豐富，於是就想去食下啦！佢哋嘅海鮮火鍋套餐，每人只係$198 ，就有海鮮拼盤、八款海鮮材料任揀、丸類蔬菜任食，唔怪得上到去，見老中青都有人幫襯啦！坐低之後，梗係揀咗湯底先啦，見佢湯底選擇都唔少，有七八樣，有辣有唔辣，任君選擇。我哋選咗蟲草花水鴨湯，湯第一上枱，就見到好大隻水鴨，真係真材實料。我哋第一時間就梗係試吓個湯底好唔好味先啦，結果冇令我失望，真係好鮮甜好香。揀湯底嘅時候我哋都揀咗好多火鍋配料，佢哋嘅選擇都有好多，我哋好容易就揀到我哋想食嘅八款火鍋配料，同埋任食嘅配料。海鮮拼盤材料多，又大又新鮮，無論係蚌、扇貝、鮑魚、蠔、海蝦、蜆、魚肉，樣樣都好味，可以嘅話真係想encore，哈哈！至於八款嘅飲水火鍋材料雖然每碟細細份，但係樣樣味道都係非常好，我特別推介牛、花膠仔、魷魚酥、鴨血、蝦丸，呢幾樣係特別特別好味，有其他蝦丸彈牙到我唔識講。任點任食區食物都好多選擇，以水餃、丸類、蔬菜為主，其中我哋食咗幾款餃子，個樣都好好味，蔬菜都encore左幾次，食飽飽真係好抵。而且呢度加$20就可以任飲汽水，今晚真係飲飽食

打邊爐最重要緊係睇啲牛好唔好食，呢間邊爐舖嘅牛雖然唔係任食，但份量夠多，重點係牛味濃郁不突止，肉質仲好嫩滑，牛小排同手切封門柳我都有嗌，真係好正！上面係封門柳，下面係牛小排鴛鴦湯底～（芫茜皮蛋豆腐+寶寶香辣鍋）中意食辣嘅人一定要點寶寶香辣鍋，麻味唔重但係辣味十足，而且唔係得個辣字，係帶有鹹味嘅辣，同重慶辣味有點相似，個人認為最適合碌黑百葉、豬紅同重慶粉！其他火鍋必點配料～仲有邊爐必點嘅黑百葉，爽口彈牙！

宵夜邊爐選擇多，但係好食嘅就無咩邊幾間，個人認為寶哥火鍋係少數價錢平得黎幾好食嘅一間。半自助形式包括按人頭計嘅海鮮拼盤+自選8款配料+任食其他食材，少可咁平嘅價錢啲海鮮係咁大隻咁鮮甜，我第一次食嘅時候已經好驚訝，今次食第三次水準依然，不得不比like。蝦丸淨係睇圖都見到佢啲蝦肉，而唔係打爛曬好似蝦較咁，口感豐富之餘仲蝦味濃。韭菜餃超大隻，依款就無咩特別，畢竟韭菜都是一樣味道哈哈打邊爐點少得竹蔗茅根，解下熱氣～

熱愛打邊爐既我又黎啦, 今晚揀左寶哥火鍋, 貪佢有home feel唔會好嘈好迫食得舒服d。寶哥既兩個鐘任食包左海鮮盤, 8款升級配料(即係貴價d既材料), 其他餃類丸類同蔬菜都係任食。我地揀左寶寶香辣鍋, 純粹因為係佢招牌所以試下, 因為驚太辣好保守咁揀左小辣, 湯底確係幾惹味但係我同朋友都覺得下次會揀番中辣, 應該仲正海鮮盤共有7款海鮮, 樣樣都好靚好新鮮, 其中我最中意係帶子, 勁大隻而且好厚肉! 另外貝類, 蠔同鮑魚海蝦等等都好鮮本地新鮮牛舌, 豬仔蝴蝶腩, 西班牙羊肩肉竟然有蝴蝶腩揀, 哩d限量野梗要揀啦! 軟腍好味, 牛舌又係我至愛之一, 好有咬口頂級安格斯牛小排, 手切封門柳牛肉, 特級美國肥牛手切封門柳牛肉食落滑身d有咬口d, 最推介係安格斯牛小排, 油花靚到呢, 烚完出黎仲見到一格格脂坊, 食落牛香濃郁牛骨髓, 白膳片牛骨髓打邊爐佳品, 白膳片新鮮彈牙, 兩塊唔係好夠喉其餘嗌左既山筋丸類蔬菜等等過下癮, 食左兩round已經飽哂啦, 皇帝菜好新鮮依度除左啤酒汽水之外仲有道地綠茶等等既茶類, 岩哂我唔中意飲咁多汽水既人二人枱唔夠位放食物每枱都會有架餐車, 而店員都會好主

打邊爐一向都係香港人嘅至愛，我哋打極真係都唔厭㗎。所以一啲優質嘅火鍋都不乏捧場客。 旺角區呢一間寶哥火鍋，出名靚料， 而且抵食，所以經常坐無虛席。 火鍋湯底非常多選擇，今次就叫咗個猴頭菇鯊魚骨湯， 勝在出面冇，夠曬特別。 猴頭菇鯊魚骨湯有大大嚿嘅猴頭菇，加埋鯊魚骨同埋其他藥材配料，超補身。 湯底濃郁，甜甜地大有猴頭菇嘅味道，別有一番風味。 呢張紙可以點八款配料，我哋當然識揀，全部都點晒牛肉，因為知道佢呢度料靚絕無欺場。 正如我所講呢度嘅牛肉真係好靚㗎，分量雖然唔多，但勝在夠曬新鮮。花紋最靚嘅係頂級安格斯牛小排，充滿安格斯牛肉味，而且非常嫩滑， 果然係頂級配料。 反而好特別嘅係特級美國肥牛，睇落一啲都唔肥，啖啖肉而且鮮而不韌。 而我最鍾意嘅就係手切封門柳牛肉， 牛肉肉質比以上兩款更加軟熟而鮮。 牛舌當然亦屬頂級， 口感最煙韌就係佢啦，所以記得唔好淥咁耐 味道濃而不騷。 最右手邊嘅係日本黑豚肉，肉質都好軟熟，充滿豬肉味，當然味道不級我哋最鍾意食嘅牛啦。 配料8款我地仲點咗呢個爽鱔片，食落好有鱔嘅鮮味道， 而且入面係冇骨，啖啖肉，啱曬唔鍾意食魚有骨嘅人士。 響鈴亦都好脆口，滲難去咁有特色嘅湯

今日火鍋癮起，有同事介紹去旺角的"寶哥火鍋"，反正沒試過，有人介紹一試無妨。來到餐廳，正好房內有坐位可獨佔。看看介紹，現在主打每位$198的任食火鍋，十款湯底中我們選擇了"猴頭菇鯊魚骨湯"。鍋底十分足料，先喝一小碗湯，味道不錯，两大個猴頭菇加上數大條鯊魚骨，比較特別的配搭。蒜蓉、蔥花、芫茜碎每碟六蚊$6指天椒粒 每碟$15超勁辣椒油 每碟 $25紅白酒杯費每位 $8飲品有包括$20/$38任飲，另還有各式酒類和啤酒等。海鮮拼盤：都幾有睇頭，當中有蝦、鮑魚、蟶子、大蜆、小蜆和厚切龍躉片，十分吸引，急不及待全部下鍋。可選8款自選配料：這裡大部份都係我愛食的，十分對胃口，有新鮮牛骨髓、頂級安格斯牛小排、本地新鮮牛舌、日本黑豚肉、脆肉鯇魚腩、爽脆白鱔片、滋補花膠仔、杏汁豬肺，每款質素都不錯。另還有任食區：任食區主要係丸類、餃類、蔬菜和麵食等，我點了招牌韭菜餃、忘不了魚皮餃、汕頭牛筋丸、薑汁豬筋丸、鮮豬紅、鮮淮山、白蘿蔔、冬瓜片、芋絲、健康黑木耳、蕃茄角、蕃薯苗。

極高質的半放題火鍋!@寶哥 老公好鐘意打邊爐，我倆通常都會去食火鍋放題，一方面可以食多些款式，而且價錢也有預算嗎!旺角火鍋放題店百多元都有好多選擇，不過在食材上我們也想食好少少，也想坐好少少 朋友介紹下，早幾日我們到了旺角的寶哥火鍋打邊爐! 寶哥火鍋近來在做優惠，198便可享用原價$298的半仼食火鍋，連加一和什項落樓價是$240一位左右，單是湯底都有十二款可選擇， 要讚的是這裡好有空間感，雖然裝修簡單，但冷氣夠凍，又乾淨企理，坐得都幾舒服 半仼食火鍋中有些生料是限量的，綠色紙中可點上八項  黃色那張就是任點的，款式頗多的 加$20可以UPGRADE飲料放題，啤酒汽水類都是任飲的 我們點了蟲草花水鴨湯底，湯底入面有半只水鴨，而且加入了枸杞和虫草花，看起來很足料!店員推介我們先嘗一下湯底，再加熱來打邊爐。湯底味道有如老火湯一樣，不知不覺間一碗接一碗地飲下去 限定的是日精選海鮮拚盤，份量豐富又新鮮 大大只的鮑魚和蟶子 龍躉片新鮮又厚肉 鮑魚一點都不韌，食起來鮮味十足 大蜆稍為涮一下開口就可以食了，味道鮮甜而且咬下去還會爆汁的

本身非常喜歡打邊爐，經過旺角發現左一家唔係咁起眼嘅火鍋店，一於試試佢。本來以為旺角啲樓上火鍋店會好唔整潔，但依度就好乾淨企理，加分！牆邊排左好多唔同牌子唔同國家嘅酒，唔知係咪因為老闆好鍾意酒呢哈哈一黎見佢有沙薑雞腳就叫一份試下，易咬，筋都唔韌，而且好適合送啤酒，所以即刻嗌左半打啤牌佢！唔洗$200嘅火鍋本來我地都預左質素一般，但真心令人驚訝，海鮮盤足料之餘，大件夾抵食，而且又鮮甜無沙，同行朋友都讚不絕口，鮑魚更加係大大隻，拾完都唔鞋唔韌，正！不過依個火鍋只係半任食，有啲食材只上一次，而且可選8款，不過其實8款已經夠食，個人覺得最出色係個牛小排，肉質嫩，而任食嘅種類都唔算少，大家都食到捧住個肚走。太抵食嘅緣故，第日已經推薦左朋友來試～

今日去咗呢度打邊爐 應該係我食過最抵嘅放題佢只係$198就可以任食啦佢嘅質素一啲都唔差其實 先有個海鮮拼盤 裏面有鮑魚 蝦 帶子 聖子 同埋魚 另外8款係只可以叫一次嘅啫0但係佢啲質素係好高㗎 尤其是係美國牛小排0真係入口即溶我仲叫咗黃喉出邊好少地方有得食架 佢真係做到好爽脆嘅口感 另外仲叫份雞 佢嘅份量差唔多有三份一隻 兩個人食就一定夠之後就叫左啲菜 娃娃菜 皇帝菜 佢哋都係好新鮮呢啲就係可以任叫嘅 萵筍 豬紅 蘿蔔 薯仔片 蓮藕片 等等 呢啲都可以任食 所以我覺得其實真係好抵食總括而言我覺得真係好大抵$198 同埋佢仲有好多個湯底俾你揀 我就揀咗椰子湯底 好有椰子嘅甜味 佢仲有芫荽皮蛋 蕃茄薯仔 麻辣等等 我覺得佢比一般出邊嘅放題火鍋係多好多選擇 所以我一定會再嚟