寶哥火鍋 (已結業)

這間寶哥火鍋座落於旺角花園街，在我最經常購物行街的地頭，今日就上來寶哥火鍋食海鮮套餐。餐廳主打海鮮套餐半自助任食，$198便可享用原價$298的半仼食火鍋。湯底都有十二款可選擇，有招牌寶寶香辣鍋、秘製豬骨湯、猴頭菇鯊魚骨湯、雪蓮果椰子湯、蟲草花水鴨湯、銀杏胡椒豬肚湯...等。要了個鴛鴦鍋，寶寶香辣鍋拼蟲草花水鴨湯。寶寶香辣鍋湯底不會很辣，味道香且濃。蟲草花水鴨湯底約有1/5隻水鴨，有蟲草及紅棗...等材料，味道香濃鮮甜，我們各人都先飲了大大一碗湯才開始食火鍋。套餐7款時令海鮮，包括深海龍躉肉、生猛海蝦、活花甲、紐西蘭活刀貝、日本廣島清水生蠔、蘇格蘭蟶子及活鮑魚。各款海鮮都很新鮮。深海龍躉肉，魚皮很厚，咬落帶煙軔膠質，肉質較甜。生猛海蝦，每人一隻，因為新鮮，所以口感帶㸃爽。活花甲及紐西蘭活刀貝，雖然不是很大隻，但肉質飽滿，且很鮮甜。日本廣島清水生蠔，白滑的廣島清水生蠔，蠔味較濃，入口軟滑。蘇格蘭蟶子，雖然細細隻，但肉質也是較飽滿，爽口又清甜。活鮑魚，眾多的海鮮中，鮑魚更得我愛，口感帶點爽及帶點煙韌，新鮮清甜不在話下，感覺又夠滋補呢。還有可任揀8款高質升級配料﹑包括本地牛坑腩、本地黑柏葉、

隔好耐先同舊同事一齊去食一次飯梗係要搵間可以坐得耐少少 又多野食既餐廳啦平時去食仼食既火鍋又食得唔算多 感覺上好似點食都食唔夠回票價。但係半仼食既火鍋就唔同啦除左有一啲仼點既火鍋料之外仲有按人頭計一啲比較高質既材料架！成個set 入面最吸引既一定係有海鮮！！！有蠔、鮑魚、蜆等等共7樣既海鮮 十分新鮮！除左海鮮之外 邊爐又點會少得肉類呢安格斯牛有雪花 牛味濃之餘仲可以入口即溶！食完之後仲可以揀八款特別既火鍋料。而飲品方面 加38蚊可以有全部飲品仼飲！ 有特大檸樂 檸梳 檸茶揀架！

今日Happy Friday, 當然要同友人出來聚一聚放鬆下，廣告燈箱見到$198半自助海鮮火鍋，又挑起咗打邊爐條筋。雖然是樓上舖，全店都坐滿人，肯定是有水準先咁多人光顧吧...揀咗蟲草花水鴨湯，店員好貼心介紹可以先飲咗湯底先，嘩...好清甜好好味，仲好飲過自己煲嘅湯，用來打邊爐好正好清甜👍🏻配有好新鮮7款海鮮，好正呀😍可以任選8款貴價d嘅配料，另外仲有一大堆可以任點任食。同朋友兩個人嚟呢度打邊爐真係無揀錯，平時外面逐碟嗌，食唔到好多款，呢間啱哂我地，又多款，每款又可以少少，重點係每樣食材好新鮮，真心好食又抵食，下次想打邊爐可以再Encore😋

地點方便，價錢合理，食材新鮮，會再來的喲👍佢係以半任食形式，$198/2小時，揀好湯底，服務生會先上海鮮拼盤，再落單點野食。湯底有10款，揀左香辣鍋小辣，係辣雞煲隻味🥰不過係無油淋淋的，好正，食食下會覺得辣味稍為加重。海鮮拼盤：餐廳會按時令海鮮為大家安排，有7款，按人頭分配！所有海鮮食材都非常新鮮，特別係蠔，象拔蚌，及蟹仔🦀火鍋紙分兩種：一張我稱之為*高級*食材，只可以點一次，喺40幾款到揀8款，同樣以人數多少安排份量。令一張係大眾火鍋食材，任點任食，同樣接近50款俾你選擇。精選8款：手切封門柳牛肉，頂級安格斯牛小排，日本黑豚肉，手打三寶丸，墨汁墨魚丸，雞毛鴨血，新鮮帶膏鵝腸，白鱔片款款食材都好好味，比較深刻嘅特別係兩款唔同嘅牛肉，三寶丸當中嘅白色墨魚丸同埋真黑色墨汁墨魚丸，好食到會嚴唔夠喉😂野飲：加$38可以任飲🤗唔好以為只係得平時大路既罐裝飲品，佢仲有好多另類少少既選擇！先黎hoegaarden咁大杯既龍鳳檸樂，值得一提係佢勁貼心先篤難左個咸檸，仲要係碎晒咁濟，d咸檸味出晒嚟，正呀😋記住要飲！之後黎多round，韓國黑啤同埋真露西柚味韓國燒酒，依$38真係好值得俾👍👍

放工去到旺角波鞋街，行過見到大大個牌$198 任食火鍋，就上去試下，店裏裝修簡單，環境乾淨度就一般。先你個雪蓮椰子湯底。好多椰子，好香好甜，清潤。可以先飲下湯再黎個海鮮盤，鮑魚，竹蝦，象拔蚌，大蜆，生蚝，多肉無沙！清甜，材料新鲜。仲有花胶仔，睇落顏色好白，但係食落有花膠味。有質感。再黎安格斯牛同埋小牛排，呢兩個有驚喜油脂分佈細密，唔會話一舊舊肥膏，然而厚薄適中，肉質香嫩，咬口油香陣陣。正！不過份量就比較少，同埋牛肉只係餐單上面其中一樣，只可揀8款嘅食物。如果想食多啲牛就要另外叫啦。仲有兩個脆肉腩都係。但係仲有其他菜啊水餃啊都可以任食。整體來講材料係新鮮嘅環境就一般，不過都值得一試。

旺角餐飲攻略 寶哥火鍋 火鍋放題+7款生猛海鮮+8款升級配料+任食丸類蔬菜！手切牛肉 48種食材任食 飲品任飲! 寶哥火鍋 旺角多火鍋專門店今次到呢間寶哥火鍋有單點雞煲或放題火鍋飲品任飲包海鮮盤一客(是日精選海鮮)自選八款配料,再加任食指定食材開飯喇上面有優惠卷買,低至$168起多款湯底任選有辣有唔辣,寶寶香辣鍋,麻辣,微辣至大辣另有雪蓮椰子湯,豬骨湯,咸菜胡椒豬肚虫草花水鴨湯,番茄薯仔湯,皮蛋豆腐湯十款選擇,四位可選雙拼湯底 包一客海鮮盤七款當天新鮮海鮮所以每天都不盡相同花蟹,大蜆,魚片,鮑魚,大蝦等等間中仲有生蠔,足2人份量,幾鮮味 先煮海鮮,食左鮑魚,大蜆先,之後再到肉食另外仲有一張餐紙,比較貴價既食材選八種新鮮牛骨髓,牛心頂,黑柏葉,手打丸,鴨血豬腦等 肉類有十款選擇手切封門柳,頂級安格斯牛小排,肥牛,牛舌,牛坑腩,黑豚肉,羊肉,魚腩,白膳片 手切牛肉肉味特濃,鮮嫩,煮個2分鐘就食得安格斯牛小排油花平均,油花多,好嫩滑多汁! 另外任食48種食材雲吞水餃魚皮餃魚蛋豆腐各式蔬菜粉麵粉絲任你選擇,食足150分鐘超滿足現價198,識買緊係提早買優惠卷 飲品都有廿幾款任飲,好抵架係環境比

First thing first: * 推介：蟲草花水鴨湯底、手切封門柳牛肉、滋補花膠仔蟲草花水鴨湯底，製作需時，但d 湯可以直接飲，有好多鴨肉，包括兩大隻鴨脾，仲有大白蘿蔔、杞子、蟲草花、龍眼肉等，個湯己經好飲，正！海鮮拼盤有蝦、鮑魚、蟶子、龍躉、仲有3款蜆類。海鮮都好新鮮+ 好味，只係蝦麻麻地，肉質有少少鬆散。我地好鍾意佢每份餸既份量都岩岩好。自選8款配料，肉類大概4片左右。平時食野，鍾意食款唔係食量，呢度每份既份量都岩岩好，方便我就試更加多款！推薦手切封門柳牛肉，好重牛味！滋補花膠仔件件都厚身+ 大塊！一定要試！黃沙豬仔潤就麻麻，本身好期待既朋友都無食哂！飲品方面，有燒酒、啤酒、黑啤、汽水、茶，大部分$10 罐，但叫呢個海鮮火鍋餐，加$20 就可以任飲！如果想飲靚d，可以散叫紅白酒、日本清酒、連威士忌、白蘭地都有😂😂👍🏻

之前去過佐敦「寶哥火鍋味館」， 可以任食刺身、海鮮同打邊爐， 仲要有紅、白酒任飲，覺得好抵食！😎 原來而家係旺角開左新分店， 梗係要黎捧下場啦！😏 而家仲做緊優惠， 可以$198歎原價$298兩小時半任食火鍋， 仲可以自選7款時令海鮮、8款升級配料，如滋補花膠仔、手切封門柳牛肉、頂級安格斯牛小排、日本🇯🇵黑豚肉等， 仲有超過40款火鍋配料任食。 湯底方面，都有好多選擇。 有古法麻辣鍋、秘製豬骨湯、皮蛋芫茜豆腐湯等傳統款式， 仲有其他特色火鍋湯底如寶寶香辣鍋、咸菜胡椒豬肚湯、猴頭菇鯊魚骨湯、蟲草花水鴨湯。 蟲草花水鴨湯 有半隻水鴨係裏面，好足料呀！ 蟲草花、水鴨滋陰潤肺，補肝腎，補而不燥， 飲落去清甜味美， 用黎打邊爐就夠晒健康， 連湯底都飲得。😋 7款時令海鮮 有海蝦、深海龍躉肉、蘇格蘭蟶子皇、活鮑魚、貴妃蚌、活刀貝、大蜆等， 蘇格蘭蟶子皇雖然細隻， 但勝在肥美厚肉，鮮甜多汁， 貴妃蚌、活刀貝、大蜆都好新鮮， 全部都鮮甜爽口。 8款升級配料其實好多款都好吸引～ 🌟推薦❗️ 手切封門柳牛肉 識食一定係食封門柳啦！😏

寶哥火鍋不嬲都出名抵食的！只需要HK$198/位就可以食到七款生猛海鮮加八款升級配料及任食丸類同蔬菜！另可以加HK$20蚊任飲汽水tim! 呢個時勢算是良心食店...我地揀左蟲草花水鴨湯底！有成半隻水鴨係入面都算幾足料！頭啖湯的確非常之濃！正呀！預設的海鮮拼盤有海蝦 、鮑魚 、貴妃蚌、大蜆、蟶子、蠔同龍躉片！每樣都算幾新鮮的！較為出色嘅係鮑魚，夠大隻又夠鮮味八款升級配料我地揀左牛舌、新鮮魚卜、頂級安格斯牛小排、鱔片 、豬天梯、花膠仔、魚肚同鴨血！一定要點牛舌，真的非常之薄切又夠爽口，仲有比較罕見的豬天梯，同樣非常之爽口，還有比較特別的火鍋料魚卜，真的不是間間火鍋店可以食到的！任食嘅火鍋料選擇都唔少的！食足兩小時包你食到捧住個肚走呀！哈哈！

剛行過旺角波鞋街見到寶哥火鍋，$198/位 任食火鍋 🍲 價錢吸引，也試試看！..可食2小時，分2個時段入座：第1個時段 5:45-7:45；第2個時段 8-10pm$198 包括一個有7款海鮮的拼盤，8款自選食物，仲有一張清單可以任食 （主要是丸類、蔬菜及麵食）。飲品另外收費，有單點、任飲+$20/+$38..湯底都有好多款，多過4個人可選鴛鴦鍋～我地就選了「猴頭菇鯊魚骨湯」，湯底都幾清甜～..海鮮盤的海鮮是老闆按當天海鮮來貨安排，選最新鮮的出品，上枱時好吸引😍 也豐富！有蝦、鮑魚、蟶子、花甲、扇貝、生蠔、龍𧄌，按人頭可享各一至兩件。睇落生鮮，食落鮮甜爽口，特別推介鮑魚、生蠔和花甲！.另外可自選8款食物（綠色紙），清單上的食物樣樣都好吸引，我地就都好難揀，先精選揀左8款😂.特別推介：頂級安格斯牛小排。入口即溶.手切封門柳牛肉。比較煙韌、但入口仍幼嫩.手打蝦丸。超彈牙.鮮蝦雲吞。新鮮、足料，勁大隻蝦！.手打三寶丸都正！.任食清單包括有48款蔬菜及丸類。食材都好新鮮，也多對門路的選擇👍🏻 食完好多肉、海鮮，可以叫多D蔬菜🥬食！地點方便、價錢OK、食物生鮮，CP值高呀！

之前有朋友推介過寶哥火鍋味館，今晚在旺角逛完街，時間剛好於是決定去試下。跟其他火鍋一樣，分二個時段，第一個時段 5:45-7:45 之後 8-10pm 。其實第二時段更好，我們食到 10:15 也沒有追我們要結帳。套餐 $198 包括一個海鮮盤，加八款自選食物，仲有一張清單可以在二小時內無限追加。飲品另外加錢，有單點、$20 任飲、高級組 $38 任飮。..湯底有十款，都幾特別，有辣有唔辣，有清有濃味，也有滋補湯任君選擇。..海鮮盤是老闆按當天最新鮮的來貨安排，當日來蝦、龍𧄌、鮑魚、聖子、花甲、扇貝、蠔。每樣按人頭各一至兩件。每樣海鮮都交足貨，鮮甜爽口，鮑魚同龍躉和聖子要加分，正呀！..另外自選食物，可以在 47 款內揀 8 款，其實樣樣都好吸引，如果可以再揀多幾款就好啦。我們幾個都係喜愛牛之人，八款內揀了兩款牛，手切封門柳牛肉、頂級安格斯牛小排。✅極度推介安格斯牛小排，入口即溶。..✅炸魚皮，都係熱點食品，枱枱都有叫一碗。..✅日本黑豚肉，爽口..✅手打蝦丸，十足蝦肉，超彈牙！..✅花膠仔，好味。任食清單包括多款蔬菜、豆腐、蓮藕、白蘿蔔、薯仔、木耳、瓜類、餃子、烏冬、韓國薯麵等等共

香港人應該無幾多人唔鐘意打邊爐㗎啦，今晚要係旺角搵飯食，所以揀左寶哥火鍋，貪佢198有海鮮火鍋，加20蚊仲可以任飲，任飲啤酒汽水未夠特別，最特別係佢居然任飲韓國燒酒，仲要有果味燒酒添，我係韓國餐廳食韓燒要支燒酒通常收98蚊㗎，呢度任飲。火鍋湯底揀左海底椰椰子鍋，濃濃嘅椰子香味，奶白色嘅湯底一直keep到加湯都係加返呢隻湯底先嚟一盤7款海鮮，有鮑魚，大蜆，沙白，蟶子，海蝦，生蠔及班片，全部都大隻加上新鮮美味，以198價錢嚟講係超值，另外再自選8款，如牛肉，手打丸，即炸響鈴，花膠片，沙爆魚肚等等，用料都好靚，尤其手打墨魚丸，夠彈牙又足料，好新鮮。就算唔係任食都夠哂飽。最後一張紙係任食選項，都係蔬菜，菇類，雲吞，粉麵等等。總括而言，寶哥火鍋埋單240好抵食。

見到團購做緊寶哥任食火煱，見佢講得好吸引，7款海鮮，8款升級靚牛(但唔係任食的) 。而且位置都幾方便，在旺角波鞋街，所以一試心態。可能因為價錢問題，材料唔算差，但海鮮數款，每位每款送1件，另外只得8款靓野可以揀(綠色嗰張)份量唔多。實在不夠喉。而任食款式算小，丸，菜，普通野......有待改善。野饮加$20,但選擇都唔算小。算值得讚。因為我們2人唔係食得好多，每次上菜都是2件2件上，所以我們都覺得ok的，但大食的人要注意law，因為人手問題，唔可以每樣野都上得好快。請体諒老闆同員工巳經好落力為我們服務架。

見食評不錯，便相約朋友試試。食店在一十分舊的樓內，環境十分不理想。入到食店，店員帶我們入一間小房間。感覺房間有點焗，冷氣時冷時熱。坐下後，覺得桌面和電磁爐都不清潔，感覺"痴立立"，心知不妙。食物到來，質素一般。食材比較特別。食到中段，身後出現大蟑螂，房內其他食客都驚叫，我成個人彈起身，店員把蟑螂拍死，我回坐位後心感不安，快快食完快快走，不想留下。這樣食店要永遠black list 。仍不明為何有這麼多好評，應該是打手吧。

今日約了朋友行波鞋街，行咗成個鐘頭都冇收穫，見到寶哥火鍋味館的燈箱招牌，$198打邊爐任食好似幾抵，見肚餓係時候醫下肚仔啦。$198加一兩小時任食，包一個湯底（四人以上可選鴛鴦鍋），七款生掹海鮮，八款自選升級配料，同任食火鍋配料。湯底有好多選擇，我們四位可以揀鴛鴦湯，點了猴頭菇鯊魚骨和雪蓮椰子湯，兩邊湯底平分秋色，鯊魚骨湯料非常豐富，加入紅棗 杞子和猴頭菇，湯味更突出和濃郁。而另一邊椰子味芬芳撲鼻，未食都覺得清新香甜。正當剔緊食乜火鍋配料時，侍應好快就奉上一盤海鮮拼盤，包括海蝦 活刀貝 生蠔 蟶子 青口 龍躉肉。全部都好新鮮，洗得乾淨，最先食海蝦，大大隻夠生猛， 爽口彈牙，蟶子肉厚鮮甜，生𧐢超級肥美，好吸引呀。打邊爐冇肉食點得呢， 分別點了特級美國肥牛，頂級安格斯牛小排和日本黑豚肉三款， 睇個樣質素都唔錯 ，美國肥牛好大碟，無雪味，色澤紅潤，肉味濃郁。牛小排油花分佈均勻，肉質相當軟嫩。黑豚肉色澤偏粉，油脂比例較高，口感滑溜質素上乘。手打丸子，最正係蝦丸，新鮮打造，爽口彈牙有蝦味。叫咗鮮蝦雲吞同鳳城水餃， 皮薄餡靚，都ok嘅。有花膠仔食，份量好多，出街甚少食到， 口感結實同爽口。仲有好多