寶哥火鍋 (已結業)

打邊爐一向都係香港人嘅至愛，我哋打極真係都唔厭㗎。所以一啲優質嘅火鍋都不乏捧場客。 旺角區呢一間寶哥火鍋，出名靚料， 而且抵食，所以經常坐無虛席。 火鍋湯底非常多選擇，今次就叫咗個猴頭菇鯊魚骨湯， 勝在出面冇，夠曬特別。 猴頭菇鯊魚骨湯有大大嚿嘅猴頭菇，加埋鯊魚骨同埋其他藥材配料，超補身。 湯底濃郁，甜甜地大有猴頭菇嘅味道，別有一番風味。 呢張紙可以點八款配料，我哋當然識揀，全部都點晒牛肉，因為知道佢呢度料靚絕無欺場。 正如我所講呢度嘅牛肉真係好靚㗎，分量雖然唔多，但勝在夠曬新鮮。花紋最靚嘅係頂級安格斯牛小排，充滿安格斯牛肉味，而且非常嫩滑， 果然係頂級配料。 反而好特別嘅係特級美國肥牛，睇落一啲都唔肥，啖啖肉而且鮮而不韌。 而我最鍾意嘅就係手切封門柳牛肉， 牛肉肉質比以上兩款更加軟熟而鮮。 牛舌當然亦屬頂級， 口感最煙韌就係佢啦，所以記得唔好淥咁耐 味道濃而不騷。 最右手邊嘅係日本黑豚肉，肉質都好軟熟，充滿豬肉味，當然味道不級我哋最鍾意食嘅牛啦。 配料8款我地仲點咗呢個爽鱔片，食落好有鱔嘅鮮味道， 而且入面係冇骨，啖啖肉，啱曬唔鍾意食魚有骨嘅人士。 響鈴亦都好脆口，滲難去咁有特色嘅湯