寶哥火鍋味館 (已結業)

原本打算和朋友過海去銅鑼灣食日本嘢，奈何港鐵荃灣線又在收工時間出事，玩慢駛和間歇性停駛，我哋逼於無奈，唯有臨時轉移陣地，轉去佐敦食飯。起初都唔知食邊間，朋友就提議去長樂街食火鍋，佢話佢和佢啲同事食過OK，可以去 encore。我當然信晒佢，跟佢去長樂街。環境唔錯，地方寬敞，裝修新，周圍都乾淨企理，冷氣又夠，夏天來食火鍋都掂。店主推介兩款任飲任食套餐，分別為 $238和 $188，貴啲嗰個可以食埋高級牛、豬肉眼筋和特選海鮮。諗咗一陣，都係食 $188，因為啲食材款式已經夠晒多，多到我哋揀唔晒，絕對滿足到我哋。店主沖了壺靚茶俾我哋，水滾茶靚，正!朋友叫多瓶竹蔗水，話飲呢個可以去熱氣。飲落又真係好舒服，好爽!火鍋湯底有香茜皮蛋魚骨腩湯、滋潤雪蓮果印度椰子湯、日式鰹魚味噌湯、天麻川芎祛風湯、番茄牛坑腩湯、特色潮州湯，供選擇。我哋揀咗特色潮州湯，材料有芋頭粒、芹菜粒、冬菇粒、和蝦米，味道好鮮美。先食刺身拼盤。裡面有和牛、翡翠螺、鯖魚片、甜蝦、赤身。和牛刺身: 肉和脂肪分明顯示，無需點任何調味，食落超正!日本甜蝦: 非常鮮美。翡翠螺: 肉質爽彈，而且鮮甜。即製手打肉丸三寶: 墨魚、牛丸、豬肉丸，新

今日睇完演唱會，喺迪迪尼出嚟，朋友就話搵嘢食，其實我都好肚餓，果斷搵間打邊爐，開開心心。肥佬教落打邊爐最緊要就係個工具，就係個爐。電爐3000火邊有得輸。 一定快靚正。點了潮州湯底， 其實就係芹菜粒，冬菇粒，蝦米再加啲芋頭粒。 幾樣嘢看似簡單，估唔到出到嚟未到係咁複雜。鋪頭好貼心中有刺身食， 刺身當中 最驚喜嘅就係和牛刺身， 估唔到香港都食到咁高質素，如果平時嘅話一定唔敢試。火鍋配料當然冇得輸嘅就係海鮮，海鮮拼盤夠新鮮，味道好， 至於貝殼類產品性在無沙， 吐得夠乾淨。 美國大生蠔，今晚真係要補一補。至於飲品方面叫咗一支紅酒同一揸竹蔗茅根，竹蔗茅根夠足料，唔係飲糖水，夠曬清熱氣。下次一定要再嚟過，因為性價比夠曬高， 邊個話夏天唔可以打邊爐。

早排嚟寶哥食火鍋，都係散點。近排天氣熱，佢就啱啱推出左「半任食套餐」，睇落都幾化算，比散叫抵好多，一於試吓。開行冷氣食火鍋真係好爽，餐廳亦地方寬敞，座位舒適。飲品揀左竹庶茅根水，清潤清甜，很好喝。湯底揀左潮州湯底，有蝦米粒、芹菜粒、冬菇粒、芋頭粒，滾起後即時飲左兩碗湯，味道清甜得嚟又幾香，唔錯。刺身拼盤：有平時都會食到嘅海鮮刺身，質素可以。最特別係有罕見既牛肉刺身，顏色鮮艷，入口唔會覺得油膩，比熟牛肉更清爽輕盈。海鮮拼盤：有蠔、蚌、扇貝、蝦、龍躉腩，五款海鮮都係大大件好新鮮，最突出係龍躉腩，好大片，肉質特別肥美厚肉，比平時食嘅魚片好食好多。豬翅根樣貌有啲肉酸，係豬後蹄嘅腳筋，每隻豬得兩條，好罕有。店員話最少要煮40 分鐘先食得，所以最好係一開鍋就加入去。外層煙煙韌韌，裏面又帶啲爽口嘅肌肉，滿滿膠質。封門柳又係好罕有，每隻牛只有兩塊，肉味香甜濃郁。手打三寶丸：蝦丸、魚丸、墨魚丸，店員話係即打即造，所以遲啲先上枱。食得出真係即打，超級爽彈。蝦丸係用拍打方式去做，唔係用機攪碎，仲見到蝦嘅形狀。魚丸入面加左髮菜，用料十足。任食配料大約八十款，本地牛坑腩幾腍；貴料招牌白鱔片都有；仲有秘製杏汁白肺

放工約了一班舊同學去食飯，人多又多意見，怕未必照顧到大眾感受，最後決定去打邊爐，咁樣就唔使煩，仲意食咩都幾乎有齊。這間寶哥火鍋是住在佐敦的朋友提議，他說這裏地方大而且枱與枱之間不擠迫，坐得舒服，而且又唔會太嘈，大家可以傾到計，最重要是性價比高。我們多數人都不飲酒，所以選了$188任食任飲，所謂任飲是竹䉀茅根及酸梅湯，成班仔都唔飲酸野，所以叫左竹䉀飲，不會太甜。另外還送了一個刺身拼盤，有北寄貝、甜蝦、鯛魚、東風螺及和牛，鯛魚鮮甜，和牛刺身入口溶化，肉味甘香。湯底有多款，有番茄牛腩及芫茜皮蛋等，我們就要了個鰹魚味噌湯底，味道比較濃郁。任食款式甚多，其中最特別是牛坑腩、蝴蝶腩、杏仁白肺及竹笙等，平時很少在外面見到。百花釀炸鬼，墨魚滑爽彈，油炸鬼吸收了湯內精華，味道較十濃。牛坑腩炆得又腍又入味，基本上入口腍滑，完全唔鞋。肥牛是打邊爐必點的材料，肉味當然無和牛刺身好味，不過都算不錯。還有個必食魚旦，見佢寫明要必食當然要試試啦廿，果然魚旦爽彈有魚肉香。還有其他多款配料，琳琅滿目。

本來早幾日仲有三十幾度，突然間又跌到廿度頭，涼浸浸最適宜去打邊爐，所以今晚同老公兩個人去了佐敦長樂街的寶哥，因為係橫街關係，唔太顯眼，下面是紅酒舖，樓上有兩層火鍋店，地方寬敞。我們點了最便宜的$188套餐，有五款刺身拼盤及部份任食火鍋料，款式都幾多，亦都有任飲竹庶茅根及酸梅湯。除此之外，還有$238及$288套餐，其中$288包括任飲紅飲，喜歡飲紅酒的朋友不彷一試，飲一支都夠回本。先來湯底是鏗魚味噌湯，充滿日式風味，裏面還有些娃娃菜、金菇、豆腐等材料。五款刺身拼盤包括了甜蝦、北寄貝、螺、鯛魚及和牛，其中和牛真係貨真價實，入口濃郁，充滿油份甘香。其他任食材料中，最高質包括魚旦，夾落去以經覺得好彈，咬埋落去爽彈，即刻再encore多碟。雲吞成粒乒乓波咁大，裏面有最少兩隻蝦肉，蝦肉新鮮爽口。肥牛油脂比較多，但肉質腍，碌一碌就食得。另外還有平時要加錢先有得食既竹笙，這裏都一應俱全。花款太多，未能盡試，如蝴蝶腩及杏汁白肺，下次同朋友來再試過。總括而言，二百元就可以食到這個質素的火鍋，真係絕對超值，比莊士敦那邊高幾班。

我哋成日都打邊爐架，真係打極都唔厭架。不過，食得多都唔健康，所以要識揀識食，今日就嚟到佐敦嘅寶哥火鍋味館，呢度嘅湯底唔會死鹹，仲有好多有質素嘅配料，都算唔錯架。而地下仲有酒窖，想同朋友邊食火鍋邊飲紅酒，真係夠晒嘆！刺身拼盤一坐低店員就送上刺身拼盤，刺身底下有雪底以保持新鮮。而多款刺身中，最吸引嘅就係和牛刺身，肉味香濃，入口即熔；至於，另一款A姐最愛就係甜蝦刺身，蝦身夠晒彈牙，蝦頭有好多膏，唔錯。滋潤雪蓮果印度椰子湯店內有多種唔同嘅特色湯底，例如有香茜皮旦魚骨腩湯、特色潮卅湯、日式鰹魚味噌湯、番茄牛坑腩湯、天麻川芎祛風大魚頭窩、馳名寶寶雞煲等，由於我哋今日想清淡啲，所以揀咗滋潤雪蓮果印度椰子湯，湯嘅顏色奶白，椰子味香濃，湯底鮮甜清淡。仲有兩大隻豬踭，肉味香濃。湯底係誠意之作，下次好想試另一款湯底。招牌炸響鈴炸響鈴即叫即炸，腐竹味香濃，最重要係唔太油膩。落湯黃金3秒後，依然十分脆口，索晒椰子湯汁之後，好好味呀。招牌三寶丸招牌三寶丸絕對係必叫之選！三寶丸包括墨魚丸、蝦丸同鯪魚球。首推裏面有大量墨魚粒嘅墨魚丸，夠晒彈牙，墨魚味濃郁；鯪魚球入面有蔥花同髮菜，最重要係無腥味；蝦丸用上新鮮蝦肉，口感

這是我初次在OpenRice 寫食評，可惜卻並不是因為這家餐廳的美味。因為本身沒有寫食評的打算，所以沒有附上任何圖片，請見諒。是咁的，有一天女朋友剛巧看到有寶哥的雞煲火鍋任食團購，而見它的食評亦不錯，所以於上星期四晚與女朋友放工後懷著期待的心情到佐敦寶哥嘗嘗它的雞煲。到達寶哥，地下是酒館，一樓才是吃火鍋的地方，當初以為會是很迫很多人，位置會很狹窄，卻意外地竟然可以坐四人卡位，位置清潔寬闊。而服務員的態度也很好，還有16款的調味料可供用家自行調配醬油，本是非常滿意。我們叫了半邊雞小辣，雞不滑有點老，而且完全不辣，也沒有甚麼味，是有點失望。其他配料味道尚可，上菜速度確是很快。而最令我們失望的是，我們於限時前半小時下了第二次單，點了5道火鍋配料，等了3-4個字配料還沒到，就問問職員看，問了幾個職員，才知道他們並沒有要送上配料的打算，吃這麼久任食，真的沒有遇過這種情況，我們當然與他們理論，其中一個職員只是一直重複著說：1. 我們枱面上還有配料沒吃完2. 我們是團購3. 我可以拿點菜給你們(不是小菜，真的是指蔬菜)4. 你們差不多夠鐘了老實說，我們真的很憤怒。1. 我們只落了一次單，枱面上沒有吃

雖然是團購，但是服務非常好。不會跳單，食物飲品全部出齊。味道新鮮，絕不馬虎。老闆親力親為。等候時間不長，也不苟且。讚！

今晚正愁緊食乜孤獨飯時，前上司話轉咗職嘅舊伙記仔（幾乖仔）搵佢食飯，問我一唔一齊，我當然一口答應，結果⋯⋯無意咁痴咗餐邊邊，多謝曬呀！一行三人唔係叫咗好多嘢食，埋單卻要一千二佰幾，每人四佰一左右，感覺有點貴。。。彈：手切本地肥牛，我嘅至愛，肥瘦一啲都不平均，而黑牛栢頁就韌到似食橡筋，響鈴由不太新鮮，有輕微油益味，而兩杯生啤就唔夠凍同泡泡讚：火鍋九格調味料好新鮮，必食魚旦好彈牙，食完火鍋，侍應姐姐會問你食完味，我哋答食完，姐姐隨即會收捨乾淨枱面，原來有甜品送菠蘿雪糕配涼粉，幾好味

完全唔明d星點黎... 又貴（係勁貴！）又唔好食，湯底完全極普通，中晒伏。餓腸洗得好唔乾淨，有陣味.....最少80字？真係無野好寫... Ok, 大家可以行遠少少，佐敦好多好野。

20160219 朋友們相約新年聚會，叫我安排一下，便在openrice 搜尋，見到這間火鍋店提供tablemap 訂枱服務，加上食評都唔錯，決定book 這間餐廳來聚會，這餐廳安排了我們四個人一張卡位，舒適的環境和座位，加上火鍋配料新鮮，值得推介和下次再來！

一行5人諗住凍冰冰打邊爐，有人推介寶哥所以試下。因為係星期四，所以冇乜人，餐廳環境唔錯，幾舒服寬敞。叫左銀杏豬肚胡椒湯底，一上枱已經聞倒好香，湯料亦都好多。其他打邊爐料亦都唔錯，份量亦算OK,其中魚腐，本地牛同竹笙好正！埋單每人$310仲食得好飽（不過冇叫海鮮），可以下次encore!

近日天氣漸寒，最好當然是三五老友，齊齊圍埋吹返杯打邊爐，而想不到位於長樂街的一間小小店舖，都可以令火鍋地位升級。店舖二樓是火鍋店，地方整潔明亮，又設有廂房，私隠度高；而地面一層更不得了，原來是個酒窖，提供大量紅白酒，客人大可挑選好，又或是吃至一半酒癮起時不用四處找，店主本身酷愛喝兩杯，到各式酒類認知甚深，單是看看檯面上，有用作品嚐波爾多紅酒的酒杯，每隻都是店主每天逐一洗抹，便知了不起。今次一口氣配了四枝酒，加起來都不過是千三蚊左右，相當抵飲，如果不知道如何配搭？不用怕，駐場的侍酒師一定會幫到手。餐前先來點小食，麻辣珍珠黑木耳加入了蒿苣絲，令色澤不會太單調，除了木耳爽口彈牙外，麻辣味勁度足，真的不錯。香炸墨魚餅炸得金黃色，外層鬆化而內裡煙韌。 至於黃金豆腐就真的意想不到，比起名店「六福」絲毫不落下風，表面炸成其金色，廚師在拿捏時間上準確，而內裡軟綿幼滑，不單是廚師問題，就連來貨都不俗，只略嫌椒鹽未夠。 刺身併盤是帶子及牡丹蝦，兩者同樣地在解凍程序上處理得相當出色，新鮮而不帶雪味，蝦頭位充滿蝦膏，甘香甜美。 但桂花炒素翅就略為失色，蛋炒得過火，而且未能把素翅包裹，有點貌合神離感覺。 很久沒

看到這照片, 會以為我去了吃高級西餐廳嗎? 錯了, 這是一家火鍋店位於佐敦的寶哥火鍋味館, 除了主打的火鍋, 還有很多很好的紅酒白酒, 邊吃火鍋邊喝紅白酒還有一些質素上好的菜式呢, 一坐下就有這邊的配酒師給我們選了紅白酒了先來一盤非常好吃的刺身, 有牡丹蝦跟帶子, 牡丹蝦每隻都很大隻呢, 蝦肉黏甜, 蝦頭更是鮮甜帶子也是每隻都很大隻喔, 又鮮又嫩, 下次來也要先點他們的刺身來吃呢小菜部分, 這是桂花炒素翅, 自己蠻愛吃素翅的, 這道菜要做得好一點也不容易蛋不能炒過老, 芽菜也要保持他的脆度, 這裡的就做得很不錯之後來的是炒豬肚尖, 這道菜很矜貴的, 因為一隻豬就只有一隻豬肚質感爽脆, 蠻好吃的, 我也很愛吃蒜芯跟蔥, 很香, 跟豬肚一起吃都是爽脆的食材鮑汁扣鵝掌這裡的師傅在阿一工作過, 所以我對這道菜很有信心鵝掌非常軟綿好吃, 鮑汁非常夠味, 冬菇亦是很入味, 配紅酒超讚的呢之後就上雞煲了, 為了大家都可以吃, 所以辣度很輕微裡面有蠻豐富的香料味道, 不過我就喜歡可以再麻一點, 也蠻驚喜這邊的雞煲蠻好吃的呢"魚立"魚湯頭不是很淡的那種火鍋湯頭, 魚湯蠻鮮的, 一點腥味都沒有, 配任何的

天氣涼涼地，一班朋友聚在一起食食火鍋、雞煲，真是件樂事。這夜來到佐敦新開的寶哥火鍋味館，在此要再次謝過朋友及店方的邀請。來到長樂街（女拔附近，近彌敦道口），一推門走進去先看到地面鋪是賣酒的，酒的款式看來頗多，再上一層，樓上就是寶哥火鍋味館。如果食客想飲紅、白餐酒，這裡有侍酒師能為客人按食物及大家口味在樓下選酒，而且酒杯配套也很專業。以一般坊間食店來說，有侍酒師又有靚酒杯，實屬難得。當然，如想自己選酒亦可以。這裡酒價豐儉由人，如果普通紅、白餐酒，2、3百元都有一瓶味道不錯很易飲的。我們這夜試了的數瓶，性價比來說頗高。的確值得推介給愛邊吃飯邊歎杯酒的朋友。寶哥火鍋味館除了有雞煲和火鍋外，亦有供應海鮮刺身和熟食。這晚大家就先來數道前菜，麻辣珍珠黑木耳($55)，香炸墨魚餅($65)和黃金豆腐($58)。珍珠黑木耳細細粒，食落爽口，那麻辣香我很喜歡。相對涼菜，我更愛香口彈牙的香炸墨魚餅，至於那黃金豆腐亦很好吃，外皮香脆而豆腐嫩滑。接著就是帶子及牡丹蝦刺身拼盤，2者都十分新鮮甜美。 在大家食雞煲和火鍋之前，我們再來幾道菜式。桂花炒素翅（$188），鮑汁扣鵝掌（$28一隻）和炒豬肚尖。當中我較喜