80
1
2
港鐵佐敦站 B1 出口, 步行約3分鐘 繼續閱讀
所有分店 (2)
電話號碼
23320998
營業時間
今日營業
17:30 - 02:00
星期一至六
17:30 - 02:00
星期日
全日休息
付款方式
Visa Master AE 現金 銀聯
座位數目
180
其他資料
網上訂座
深夜營業
酒精飲品
自帶酒水
VIP房
泊車
電話訂座
賞訂座積分
電視播放
有關獎賞計劃
食評 (94)
等級4 2018-07-07
2443 瀏覽
星期五,Happy Friday,放假前夕當然要食餐飽慰勞一下自己🙊今次由朋友發板,揀左位於佐敦長樂街既寶哥火鍋餐廳樓高三層,地下賣洋酒,二樓三樓就係火鍋!地方夠寬敞,冷氣夠,有電視可以一路睇深宮計一路食🤣🤣我們選的是$238火鍋放題,除基本火鍋配料外,重有刺身、海鮮拼盤、同靚牛肉🤤🤤湯底選擇很多,而且比平常任食邊爐見到既有特色我地揀左海鮮冬蔭公湯,一上枱香味四溢,味道不會太辣、帶微微酸味同香料味,非常惹味海鮮拼盤整個拼盤既海鮮都好新鮮,以蝦同鮑魚我最喜愛兩者都鮮味十足、爽口彈牙!刺身拼盤雖然款色唔算多,但勝在貴精不貴多!夠鮮甜無雪味牛小排嫩滑牛肉味濃手打三寶丸比出面散點食到的更結實彈牙!墨魚丸最有驚喜即炸響鈴任食竟然都食到即炸上枱已聞到新鮮炸起香味,重熱的🤤呢個個名真係叫「必試魚蛋」,好大粒,好彈牙,重有魚腐都一樣好好味整體超越任食既質素,上至拼盤下到丸類腸類都好另外呢道既河鮮類都非常新鮮,深得我朋友歡❤️,佢點名脆肉鯇魚腩必食另外服務都不錯,侍應收碟快、主動加湯調火等 繼續閱讀
(以上食評乃用戶個人意見 , 並不代表OpenRice之觀點。)
等級4 2018-07-01
1567 瀏覽
友人介紹到這裡火鍋,起初覺得冇咩特別 ......這裡有套餐選擇的!經友人推介,我們點了 $238 套餐。有刺身拼盤、七彩海鮮牛肉拼盤,內裡有我意想不到的限量矜貴豬肉眼根!初初不知這是什麼,食後才知原來有豐富的骨膠原 我們首先揀了「雪蓮果椰子湯」湯底,再點了自製茅根竹蔗水。打邊爐最岩飲這個,自製茅根竹蔗水!清甜、清熱氣!首先來是刺身拼盤,有和牛刺身、日本甜蝦、北寄貝、墨魚、帶子及翡翠螺等,樣樣新鮮、鮮甜!雪蓮果椰子湯,清甜、滋潤,我可吃椰子 ^_<這就是豬肉眼根,起初不知是什麼!店員叫我們要放在鍋內45分鐘才食。我們真的計時......45分鐘後就拿起,變成這樣。問店員才得知原來這豬肉眼根很矜貴的 食落才知有很豐富的骨膠原,難怪要煮這麼久可惜每人只得一塊,但已經很難忘 美國特級封門牛柳,色澤紅潤新鮮、肉味濃、肉質嫩滑,好好味 七彩海鮮拼盤,款款新鮮好味!冇諗過仲有鮑魚 仲有三寶丸,爽口彈牙!食完這些已經很飽,但還有張任點任食的食物仍未食!於是我們點了很多菜!還點了這款,甘香本地牛峰,以為都是牛肉......第一次食...... 爽口即溶!見到「必試」,飽都點來試,必試魚蛋,真的必試,爽口彈牙,好味!仲有很多食物都沒有點來吃,每款只食一塊已經很飽!有機會下次再來品嚐其他食物 ^_^ 繼續閱讀
(以上食評乃用戶個人意見 , 並不代表OpenRice之觀點。)
等級4 2018-06-30
1338 瀏覽
吃喝玩樂無一不精, 深明飲食之道在乎嘗試。每一次對一種食物認真,必定花盡最大的努力試盡城中各店!數月前迷上了打邊爐,試了很多家,盡量都試盡餐單上最特色的鍋料。畢竟,每家都有最好最屬於自己的特色食物。是次到訪「寶哥火鍋味館」,數月前朋友一直推介,聽得她說了很多次我決定要來了地點方便係佐敦站B1出口出黎右轉直行第兩條橫街即長樂街就係。餐廳為旗艦店,1樓至2樓為火鍋館,並將地下改成酒窖。一字排開整齊有序的酒,非常引人注目。相信老闆也是個好酒之徒...來打邊爐之餘,又可品酒相信對喜歡飲酒的客人是一個額外的精彩喔!買完拿到上面是免收開瓶費的!我們上到去眼前是一個大大的魚缸,入面相信是每日的海鮮推介吧入面的水質好清澈...一定衛生的概念不錯吧館內佈置不俗套,眼看有有圓檯也有四人坐的卡位而且打邊爐理應環境嘈吵但這裡的氣氛可以讓你談談天。如果一間火鍋館來說這裡挺舒適的。我們選了$238任飲任食,另外加一,2個半鐘,因為見餐廳食物種類繁多,套餐仲會送一份海鮮拼盤,一碟刺身同手打丸一份。很吸引。這裡的火鍋湯底不加味精,包括猴頭菇鯊魚骨湯、人參醉雞湯和四川麻辣鍋等。我們的是猴頭菇鯊魚骨湯,湯底非常是真材實料入面有百合、鯊魚骨、蜜棗、猴頭菇...湯頭顏色淺淺的,先喝一口湯,味道鮮甜,還帶少許蜜棗加鯊魚骨的清甜,十分對辦。湯料份量也令人滿意打邊爐前可以先行喝一碗湯啊。店員好快就送上醬汁配料架俾我地自行調配醬汁。不久後,刺身送來了,二人份量,剌身拼盤比較特別因為當中的和牛刺身好少可在外面有得食,食落係幾滑同有牛味而其他...如日本刺身墨魚、翡翠螺、日本帶子同樣鮮甜可口。而海鮮拼盤真心非常新鮮有蝦、蠔、鮑魚、象拔蚌...鮮味十足全部不用點醬汁都夠哂味...三款手打丸都非常彈牙,牛丸,蝦丸同鯪魚丸。最正係蝦丸,食到啖啖蝦肉說實話三款丸沒有攪打過度,因為食落口感十足勁有彈性應該是師傅們打到最佳狀態時便 停止了...掌控得非常好。 店子的牛肉款式很多,但在任食嘅牛入面最喜歡係牛坑腩,朋友見到有得揀牛坑腩,十分興奮,一試果然唔錯,很濃旭的牛味而且肉質嫩滑唔痴牙,沒有因為煲煮過度而變韌...超級好吃的。其他配料質素都唔錯,食了魚皮餃 、炸魚皮、響鈴、菜、脆鯇片、白鱔等等-魚皮餃好彈牙好鮮味-炸魚皮真係大大份同埋好酥脆-百花釀油條唔係道道地方有得食當中的蝦肉釀係油條入面...食落非常夾-響鈴乃打便爐必嗌食品之一但呢度既響鈴唔似坊間任食火鍋果d平價響鈴唔脆不得止有時仲會 油「益」味 呢道既響鈴勁新鮮爽脆,放入鍋中3秒吸左少少湯底,食落真係勁惹味,入口仲不油膩,小妹超級推介!餐廳冷氣好夠大同涼爽!一路嘆冷氣一路打邊爐真係人生一大樂事!而且仲有多款任飲飲品,有青島,喜力等等!唔飲啤酒都有酸梅湯,竹庶水,汽水等等。實有你歡喜的喜歡這裡的竹庶水因為好清甜,但佢一定要一札咁上,太多好野 又飲唔哂一札可能會有點浪費...如果餐廳有得出杯裝就好啦!一間火鍋店海鮮,肉類 甚至連菜都咁新鮮唔會有菜黑左或者爛左,証明負責人對食材好有堅持,認真對待佢地既出品!而且我地兩個人坐呢個卡位,非常闊落同舒服!真是身心肚子都很滿足同埋唔好以為火鍋店既侍應就係好粗魯,負責我地呢邊果個華仔服務態度真係好好,好有禮貌同好細心,周不時都會檢查我地火鍋既湯底夠唔夠湯一發現唔夠好快就幫手加湯。謝謝你重視我們兩位,受到尊重,整頓飯也會食得特別高興!總括而言,$238 任飲任野火鍋 2.5小時,真係性價比極高!外面百多元的打邊爐同寶哥真係無得比,我下次想打邊爐一定會再返黎搵寶哥! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-06-27
985 瀏覽
今日老公要去佐敦裕華買野,叫我出去陪佢,順道帶我去食火鍋,佢話同事介紹佐敦長樂街的寶哥火鍋味館,一個價錢任飲任食,食物質素不錯,今晚老公話要去試試,我當然要奉陪到底!火鍋地方都很大,有2層,上層有4間房供客人私人聚會用,下層是散座,有大圓枱和卡位。環境雅潔,侍應招呼週到。入座後,我們選擇$238任食任飲的套餐,老公吾食牛,所以請侍應為我們改一下食物。侍應送上熱茶和混醬架。新鮮刺身拼盤,有北寄貝、吞拿魚、翡翠螺、墨魚等,還有麻醬冷麵。多款湯底中,我們選了鴛鴦湯底(清湯拼沙嗲)。海鮮拼盤,有貴妃蚌、大蝦、鮑魚、蠔、龍躉片。海鮮新鮮,貴妃蚌好大隻,龍躉片、蝦和鮑魚彈牙。手打丸類,有鲮魚肉、蝦和豬肉,味道鮮美又彈牙。以上所有食材是一次性的。之後侍應會給我們一張任食火鍋配料的紙,有多款選擇,我們選了鵝腸、豬潤、黑豚肉、百花釀油條、貢丸、皇帝菜、鮮蝦雲吞、鳳城水餃、招牌白鱔片、脆肉鲩魚片、鮮鲩魚卜、芝士腸、必試魚旦、鮮腐竹、火腿午餐肉、馬尾粉絲。特別一提是雲吞和水餃,是即叫即包,不是急凍的,皮薄餡飽滿,內有完隻鮮蝦,還有必試魚旦,爽口彈牙,名符其實必試!火鍋配料種類繁多,適合客人不同口味,我們已飽了,一次根本試不完那麼多,留待下次再來吧!任飲有啤酒、汽水和自製飲品,我喜歡自製的茅根竹蔗水,食火鍋最佳飲品,冰凍少甜,清熱氣又解喝。健康飲品! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-06-24
862 瀏覽
有台灣朋友來港旅遊, 一心諗住盡地主之儀帶佢地四圍行下, 但天公不造美, 到達酒店同佢地會合時就落起大雨, 唯有係附近搵間餐廳先食個晚飯吧。正好酒店對面有間火鍋店, 而且是一間任飲任食既火鍋店, 可以盡情邊聊邊吃。上一樓右邊屬少人數既卡位, 另一面就係較多人數既圓檯, 座位都很寬鬆, 坐得幾舒服。入座起計2.5小時任飲任食, 揀好湯底後, 就自行混醬。湯底很快就送上, 我地揀左個冬陰公湯底, 湯底色水睇起黎好似好辣, 一開蓋, 冬陰公味都幾濃, 先飲一啖湯, 味道沒有預期中既激辣, 反而只有酸味味, 就連同行唔太食得辣既朋友都可以handle。侍應先送上一次性既火鍋食材, 包括有海鮮、牛柳、刺身、冷麵同埋三寶丸。以上食材都係依入座人數而定份量刺身款式不多, 算係過下口癮, 其中既生蝦刺身已被去殼, 而且鮮甜爽口, 但吞拿魚就較為遜色。海鮮併盤 - 包括有海蝦、鮑魚、蠔、魚同埋大蜆 蠔表面有薄既冰片, 雖是急凍貨, 還好沒有腥臭味細細隻鮑魚不是肉厚, 肉質都幾爽幾彈美國特級天然封門牛柳 色澤紅潤新鮮, 肉味濃, 肉質幾嫩冷麵 - 麵質很滑偏林, 配有冷麵醬汁, 同樣只限淺嘗三寶丸 - 唔夠實淨彈牙野飲方面, 竹庶水、支裝汽水同埋支裝啤酒都係任飲呢張order紙上全部都係任食, 款式都幾多!反而覺得任點款式既質素比預期的好!美國肥牛肉 - 肥瘦平均, 每件都有一定既厚度, 雖然牛味比起剛才一次性既牛柳冇咁濃, 但質素還是不錯~本地黑百葉 - 平時比較難食到未漂過既牛柏菜, 口感超爽口, encorn左好幾次! 推介!魚蛋 - 鮮甜帶少少彈牙, 值得一試魷魚鬚 - 很爽口白鱔片- 質感偏林, 而且多骨脆魚鯇魚腩 - 最最最驚喜, 而且亦係其中一款我地不斷encorn既款式!!! 鯇魚腩切成長條狀, 肉質較實而且爽, 必食啊!!!魚皮 - 可以就咁即食, 脆卜卜, 一咬之下脆得有聲, 不過上檯後要快食, 擺太耐會林 皇帝菜、粟米 - 皇帝菜色澤嫩綠清甜獅頭鵝腸 - 雖然有肥油連帶, 但自己去除相連既肥膏, 口感很爽的! 不錯~響鈴 - 未知是否即炸, 放入湯底兩秒即起, 中心位還帶微脆雲吞 - 算幾有誠意, 不是死實實的雪藏貨, 雲吞皮外表沒有水氣, 入面既豬肉都幾鮮甜, 雖然入面隻蝦唔係大大隻, 但絕對係原隻, 而且爽口的!餐廳上菜效率幾快, 沒有漏單, 雖然當晚所點既其中一款缺貨, 但侍應都有如實告知, 沒有草草扮看不到, 而且招呼都很周到, 不時為我地主動加湯、換碟, 2.5小時任飲任食, 絕對足夠時間食到棒住個肚走~ 繼續閱讀
(以上食評乃用戶個人意見 , 並不代表OpenRice之觀點。)