寶哥火鍋味館 (已結業)

正值世界盃，當然同一班朋友聚在，一起欣賞精彩賽事啦! 我哋選擇寶哥火鍋味館打邊爐。我哋選擇咗$238任飲任食套餐, 當中包括有刺身拼盤和牛刺身等， 最吸引我當然係和牛刺身喇! 和牛刺身原汁原味，口感當然同熟食係唔一樣啦， 未食過嘅朋友一定要試一試呀!我哋嘅湯底揀咗猴頭菇鯊魚骨湯， 十分有驚喜呀!小弟都係初嚐鯊魚湯， 湯底鮮甜，加上猴頭菇，感覺上有啲似中藥一樣有甘甜的味道。牛肉之中呢最好味當然係美國特級 天然封門牛柳，入口即溶 ，肥膏同肉分明， 完全沒有肥膩嘅感覺。 另外，未食過甘香本地牛峰嘅朋友就要試一試，雖然有少少肥膩但係人一世物一世點都要試下嘅。 另外呢佢哋嘅手打三色丸呢一定要嚟試， 一句講曬爽口彈牙!!有邊個朋友十分喜歡打邊爐嘅話，小弟十分推薦呢間寶哥火鍋味館! 包你物有所值! 驚喜萬千!!!

有台灣朋友來港旅遊, 一心諗住盡地主之儀帶佢地四圍行下, 但天公不造美, 到達酒店同佢地會合時就落起大雨, 唯有係附近搵間餐廳先食個晚飯吧。正好酒店對面有間火鍋店, 而且是一間任飲任食既火鍋店, 可以盡情邊聊邊吃。上一樓右邊屬少人數既卡位, 另一面就係較多人數既圓檯, 座位都很寬鬆, 坐得幾舒服。入座起計2.5小時任飲任食, 揀好湯底後, 就自行混醬。湯底很快就送上, 我地揀左個冬陰公湯底, 湯底色水睇起黎好似好辣, 一開蓋, 冬陰公味都幾濃, 先飲一啖湯, 味道沒有預期中既激辣, 反而只有酸味味, 就連同行唔太食得辣既朋友都可以handle。侍應先送上一次性既火鍋食材, 包括有海鮮、牛柳、刺身、冷麵同埋三寶丸。以上食材都係依入座人數而定份量刺身款式不多, 算係過下口癮, 其中既生蝦刺身已被去殼, 而且鮮甜爽口, 但吞拿魚就較為遜色。海鮮併盤 - 包括有海蝦、鮑魚、蠔、魚同埋大蜆 蠔表面有薄既冰片, 雖是急凍貨, 還好沒有腥臭味細細隻鮑魚不是肉厚, 肉質都幾爽幾彈美國特級天然封門牛柳 色澤紅潤新鮮, 肉味濃, 肉質幾嫩冷麵 - 麵質很滑偏林, 配有冷麵醬汁, 同樣只限淺嘗三寶丸 - 唔

夏天熱辣辣都想係冷氣地方打邊爐～睇blog 介紹寶哥火鍋有特色、又任食😋訂左位就同屋企人黎試下，任食火鍋送海鮮刺身併盤～遲左黎已經比朋友食左少少，雖然得返吞拿魚、北寄貝、甜蝦、花枝，但樣樣都好新鮮，好味～ 調味料選擇多，可以自己混醬～食左少少頭盤要開始主菜，是日湯底鴛鴦鍋，雪蓮果椰子湯和香茜皮蛋魚片湯，湯底都算清清地，味道唔會好濃。特色配料：野豬肉眼根 - 很特別，出面街好少食到，豬味濃郁，不過比較韌。豬仔蝴蝶腩 - 油脂非常多，有口感，味道不錯！有少少似較肥既豬頸肉，很滑，軟易咬。Q版生根 - 可愛又好味，細細粒較易入口。超級推介：必試魚蛋 - 爽口彈牙，好有魚味，正！鮮蝦雲吞、鳳城水餃 - 強烈推薦！新鮮好味，皮薄函靚，絕非雪藏貨！蝦雖然係細細隻，但勝在有蝦籽味，雲吞皮薄透入口即溶，整體完全滿分💯！蔬菜勁新鮮！平時少食菜既我都要encore~寶哥火鍋果然無介紹錯！抵食特色，值得encore😋

爸爸話想食刺身，又想食海鮮火鍋，為左一次過滿足佢2個願望，父親節前席帶佢黎寶哥打邊爐。 其實之前見到BLOGGER介紹，望落價錢平靚正，$238 包刺身, 海鮮, 靚牛, 仲有多款火鍋食物任叫任食，食物新鮮，超值！刺身有6款，和牛、池魚、赤身、響縲、北寄貝同帶子。刺身新鮮，帶子鮮甜，北寄貝爽彈，響縲大大隻，和牛仲入口即溶🤩湯底方面擇左清清地嘅猴頭菇鯊魚骨湯，好清甜又滋保。竹蔗水真材實料，清熱下火。海鮮拼盤內有五款，有鮑魚、蟶子、貴妃蚌、海蝦、龍躉海鮮非常新鮮，鮑魚爽彈，龍躉滑身，貴妃蚌同蟶子大大隻，海蝦鮮甜。正呀🤤再黎當然要試下佢地招牌牛峰肉，肉味好香濃，顏色亮麗，有口感。丸類方面爸爸超鐘意，因為係自家手打，非常爽彈，尤其蝦丸最好食，真材實料，食落味道鮮香味十足。到任叫任食菜單啦牛坑腩同肥牛， 牛牛迷必試。肥牛雖然係任食，但質素無因為禁變質， 比出面既肥牛肉質鮮嫰。牛坑腩整得嫩淋入味。打邊爐唔小得脆炸魚味同即炸響玲， 整體呢度食物好有誠意，今餐爸爸大滿足👍🏻👍🏻

前幾晚同朋友去打邊爐， 見到呢間隱世嘅寶哥火鍋味館， 佢嘅入口係同地面酒鋪嘅一齊嘅， 行入去再上樓成個感覺都同嘈雜嘅酒樓打邊爐好唔同， 好有格調。上到去估唔到環境咁大咁舒適， 每個卡座都好寛敞， 裝飾都好優雅啱曬同朋友慢慢坐傾計。佢有$188, $238嘅兩款任食套餐揀。 分別在於個刺身拼盤會多啲款，同埋再包五款海鮮，美國特級封門牛柳同豬肉眼根。 雖然呢啲係冇得無限添加， 但好彩我哋揀咗貴啲嗰個，因為啲海鮮真係極級新鮮，加得抵！ 任食嘅食物就兩個套餐都係包同一樣嘅，可以起嗰張食物紙上任揀任叫火鍋配料。 我哋揀咗湯底(椰子雞)之後，員工好快捷咁送上醬汁拼盤俾我自己哋調教。 跟餐嘅食物都好快送上枱，佢仲除咗幫我哋放隻雞落個湯底度，仲幫我哋落埋個豬肉眼根落去，因為要煮45分鐘先食得 。個刺身拼盤都好快咁上咗枱，睇落超級吸引。 值得欣賞嘅地方係服務唔單止快佢哋仲好有禮貌，每道餸都會介紹番係乜黎。個和牛刺身淨顏色已知新鮮，食落好嫩，好滑，每啖都感覺到佢的油份散出黎，比煮熟的和牛黎講，少一份肉味，但多一份香軟感；其他嘅刺身亦都係好鮮甜，無筋，好好味。 刺身每款每人一塊，食完真係好想再食， 可惜呢啲

好味嘅食物梗係要配上氣氛一流嘅環境同服務， 寶哥佢除咗係一間火鍋店之外 ，更似一間酒吧火鍋店。 首先入門口並唔係見到啲咩食材，火鍋等。反而見到嘅係有咁上下規模嘅酒窖， 一枝枝酒排列得好整齊咁放係啲酒架上，非常之吸睛😮 我唔係啲咩好酒之人或者好識的飲酒😝但見到好多唔同牌子嘅酒，就知道佢哋唔止提供打邊爐嘅食材同環境，仲會花心思喺客人想relax，傾下計嘅細節到🤗如果唔啱酒嘅，可以試下佢哋啲茶㗎，荔枝桂花茶，淡淡嘅茶味，少少回甘。就算食幾多肉，都可以消滯解膩😗😗之後經過一條短短嘅樓梯上一層，就會嚟到食飯嘅地方♥️首先明亮簡潔嘅店面，杯杯碟碟都排放得井然有序，而且一入到黎唔會有打邊爐嘅味道，環境十分之舒適🎉而且佢哋主打係新鮮嘅食材，真係有新鮮嘅活海鮮嫁！！🐒打邊爐最緊要醬油嘅配料，豉油同芝麻醬係基本必備😁而且唔知大家有冇留意到，佢哋嘅蔥真係好新鮮！！出面街食過咁多次，啲蔥都係霉霉地，黃黃地。但係佢哋呢一個真係翠綠色嫁♥️ 而且呢個醬油盤亦都非常之乾淨，加哂分😎我地呢個係$188既任食打邊爐套餐， 佢哋嘅打邊爐配料非常之多，而且有啲食材仲唔會成日係出面見到😗😗根據返每枱既人數，送個刺身拼盤。睇落好似

一班人最啱食的離不開火鍋／放題，大家可以大魚大肉，盡情食，寶哥火鍋味館是個不二的選擇， 油尖旺區交通夠曬方便。 這兒的裝飾很不錯，空間感很大，不用擔心迫夾的問題。我們調配醬料後，便開始點菜，有很多食物是任點的，盡量每一樣都要試下，唔好放過。原來有送包括係刺身拼盤、海鮮拼盤和魚丸等等。刺身拼盤包括有東風螺、熟蝦、八爪魚、和牛和北寄貝，和牛非常高質，口感軟熟之餘亦帶有牛肉香味。還有口感頗爽口的北寄貝。 熟蝦好夠甜，整碟刺身拼盤有很滿意的！好了，差不多上湯底，（值得一讚是上菜很有次序），這就是銀杏胡椒豬肚湯雙拼番茄牛坑腩湯。 初嚐一啖頭湯，湯非常鮮甜好味。送的高質牛～​我們這一類牛肉控鮮點了「特級美國肥牛肉」出去食一碟都要百幾蚊，依家可以任食梗係要擦餐勁，食個爽快。想不到牛肉非常高質，食落一啲都唔鞋口，仲好重牛肉味，絕對係值得瘋狂encore的食物。 但當然除了牛肉外還要試其他款式喇，仲叫咗啲豚肉類同東山羊肉片。 羊比較重羊騷味，個人喜歡豚肉多一點。新鮮豬紅、獅頭鵝腸、脆肉鯇魚腩。。。都幾好食，特別係獅頭鵝腸喺出面好少食到，夠曬爽口。 素菜類都叫咗少少但係唔多，包括有金菇和即炸響鈴。 響鈴是

今日同屋企人試新野，試咗呢一間由朋友強力推薦既任食打邊爐，名字叫做寶哥火鍋味館!雖位置位於佐敦舊區，但舖外及舖內非常光猛舒適。一入門口係一間賣各式靚酒既舖頭（都係同一老闆），上到二樓先係寶哥火鍋，客人可以選購靚酒上去直接享用，非常方便。上面冷氣夠晒凍，炎炎夏日開大冷氣打邊爐最適合不過。而今次我地叫左$238既套餐，餐單上任何食物都係任點叫到飽。海鮮拼盆有大蝦， 貴妃蚌 ，生蠔， 赤貝及 花甲王等，非常新鮮，大大隻。我們點既湯底係湯底係蕃茄牛坑腩湯底，入面既牛坑腩炆得好林，把牛峰肉放入湯底，食落口又甜又鮮又有口感，且牛味濃。之後係店長推薦既豬翅筋，要煮45分鐘以上先食到，雖然煮咗咁耐，但食落口依然爽口彈牙，爽脆嫩滑。新鮮自制打打三寶丸，超彈牙。招牌白鱔魚片加鯇魚卜，勁少地方食到，而且完全唔腥。沙爆魚肚，尺寸超大，同樣爽口!蔬菜翠綠新鮮食餘任點既食物完全唔似係任點既質素，全部都好味有誠意。估唔到300蚊有找可以食到咁正既打邊爐。

同朋友諗住去睇演唱會之前食好啲，醫好個肚睇足成晚，所以就諗住去食啲飽肚既，又唔想去返平時放題燒肉嗰啲咁普通，所以就揀咗呢間非一般嘅火鍋嚟試一試，結果好驚喜。一入去就係一個酒窩，好有外國風味，再上一層就係以木做裝飾，好有日本風。店舖嘅職員都好好，一坐低就即刻問我地想飲啲咩，我哋就嗌咗甘蔗水，超級清甜，入面仲見到有甘蔗同埋蘿蔔。然後我哋就叫咗一個$238嘅套餐，有刺身，海鮮，同埋各種新奇嘅火鍋配料。湯底我哋就揀咗一個椰子湯底，好滋潤好清甜，啱晒女仔。上菜啲時間都好快，啲刺身好快就到左，用料新鮮，種類多，有和牛刺身、日本甜蝦、赤身、墨魚、翡翠螺、日本帶子。食完呢一轉已經有少少飽，跟住就到主菜火鍋，啲火鍋材料好特別，特別嘅係連內臟都有，例如、甘香本地牛峰、黑豚肉、蒙古羊肉片、海蝦 、脆鯇腩、白鱔片、九肚魚、杏汁白肺、甘香肥鵝腸。係一般出邊火鍋唔會食到嘅嘢！全部都好新鮮，食過返尋味！

平時食任飲任食放題或火鍋，難免會有些質素參斉的，先生上網搜尋一下，見寶哥火鍋味館不錯，於是預早訂了位，試嚇寶哥的任飲任食套餐。寶哥的地下一層是買酒類的，真是一整個的酒窖一樣。一樓及二樓才是寶哥火鍋味館，座位是整斉舒服的卡位。座位非常闊落。整個餐廳顯待整潔舒適。有3個任食套餐。我們要了任飲任食套餐$238。我們要了雪蓮果椰子湯底。湯底材料充足，令湯底非常清甜。跟套餐的有: 6款和牛刺身拼盤，日本甜蝦，赤身，日本刺身墨魚，翡翠螺，日本帶子，各款材料都非常新鮮，其中我最喜歡日本甜蝦及翡翠螺。限量矜貴豬肉眼根。豬肉眼根又名豬翅根，侍㒣告訴我們，豬肉眼根最好煲45分鐘，於是我們第一時間放了進去鍋內。豬肉眼根入口帯淋.滑，肉味濃郁，㸃上自調辣醬汁，真是非常美味。真是十分推薦。招牌三寶丸牛肉丸，豬肉丸，鯪魚球，爽口彈牙，其中我最喜歡牛肉丸。五款特選海鮮有寶哥龍躉腩，海蝦，生蠔，鮑魚，白鱔片。嘩，真是每樣都是我十分喜歡食的菜式，如果平時任飲任食的火鍋，就鮮有如此上等的菜式。龍躉非常大件厚肉，略帯晶瑩的肉質一看就知道是新鮮的大龍躉，鮑魚新鮮爽口，味道十分清甜每次食火鍋我都喜歡食蠔，兩隻蠔雖然不是很大隻，

朋友昨晚相約我去佐敦寶哥火鍋味館吃火鍋，除了見見面吃火鍋之餘，也順道交收早前我替她代買的精品。這裡不難找，下車後只走了一小段路就到達。挑好湯底後，店員馬上送上刺身拼盤一盤，刺身包括甜蝦，八爪魚，赤身，北寄貝及翡翠螺。刺身不會過於冰冷，個人比較喜歡翡翠螺，口感爽彈。湯底方面我們選擇了鮮人蔘醉雞湯，想滋補一番嘛，不過醉雞味道不選濃郁入味，可能浸泡的時間較短，故嚐起來比預期中清淡，幸好雞肉鮮嫩搭救。吃火鍋最好先吃一堆蔬菜，這樣吃會健康得多。這裡蔬菜種類繁多，接近三十款，相信總有一款自己喜愛的。我們甚麼都點了些，冬瓜，蘿蔔，蕃茄用來熬湯最好不過，至於金菇，油麥菜，秋葵輕輕涮一會便可。豆類製品我們也吃不少，當中招牌炸響鈴和香滑京都豆腐深得我們歡心。招牌炸響鈴不論單吃或是涮湯吃都別有風味，香滑京都豆腐細滑極致，豆味香濃，回味無窮。另外魚類及其製品都是火鍋熱門必吃的，酥炸魚皮可口香脆，魚腐吸飽湯汁最為滋味，愛魚鮮的我也不忘點上脆肉鯇魚腩及脆肉鯇魚片。最後當然要吃牛肉吧，特級美國肥牛肉肥瘦相間，亳不肥膩，微微肉香，不過說到驚喜這裡居然有甘香本地牛峰供應，雪白的甘香本地牛峰脆彈甘甜，蠻不錯的。

佐敦任食火鍋推薦今晚去左佐敦嘅寶哥火鍋味館，要左個＄188 任飲任食套餐。真心覺得平靚正！出面呢個價錢一定食唔到呢個質素最重要任務係食材新鮮，仲有好多款出面任食火鍋無嘅靚料今次揀左猴頭菇鯊魚骨湯底，好鍾意呢個湯底，味道清甜又帶藥材香，本身一開始已經好香，之後仲愈滾愈出味，真係好正！飲左湯都完全無口渴感覺，證明無落味精，真材實料啊！調味料都好多選擇，仲放得井井有條，令人感覺好衛生。個人特別推薦佢地個白鱔片、黑豚肉眼根、丸類佢哋所有丸類都係自家手打！食落味道鮮濃十足，無乜粉嘅感覺，非常彈牙！有啲似蝦滑嗰種感覺。白鱔片又係勁新鮮，食落鱔香味出曬黎，完全滿足到我黑豚肉眼根黎到白雪雪，本身都唔知乜黎，食落原來係豬根，超有膠質，完全似食緊膠原蛋白，又無肥膩感～另外不得不提，內臟類食物洗得好乾淨，又夠新鮮白蘿蔔都係揀過先上枱，完全無渣，又甜美多汁。$188套餐會有個刺身拼盤包括日本甜蝦、北寄貝、日本刺身墨魚、翡翠螺、日本醋鯖魚。估唔到火鍋店連刺身都做得咁好！鮮甜又好食！另外竹庶茅根、酸梅汁、啤酒任飲呢！下次一定再黎食

今晚落雨濕濕，好似有啲涼，約埋friend一齊去打邊爐暖下肚先。來到寶哥火鍋味館，冇諗過打邊爐嘅場地都可以咁窗明几淨，又唔覺得好大油煙味， 座位都好闊落，四個人坐一張卡位，空間仲好寬鬆。揀左$238 任飲任食套餐， 揀咗椰子雞湯底，套餐包咗海鮮、牛柳、刺身、三寶丸等，下面再詳細介紹。 食完跟餐嘅食物，仲可以任食餐牌上的火鍋配料。 跟餐食物在餐牌上是冇得散叫的，所以特別矜貴。好快，職員送上火鍋醬汁配料架，擺放得好整潔，感覺新鮮。先叫飲品，啤酒竟然有青島，好開心！唔飲啤酒，都可以飲酸梅湯、竹蔗茅根水等。冷盤先上，跟餐的刺身拼盤，裡面有和牛刺身、吞拿魚、北寄貝、八爪鱼、醋鯖魚等。 全部色澤光亮，好新鮮！ 吞拿魚刺身厚切，肉質滑； 北寄貝爽口；八爪魚煙韌；和牛刺身唔新鮮的話應該冇人敢食， 我今次都係第一次食，食落又幾滑，帶點油脂香味，味道淡口的，幾得意。 刺身拼盤質素不錯。還有冷麵呢！ 冷麵醬汁倒下去拌勻就可以食，在等待火鍋水滾的期間吃，可以解決飢腸轆轆的問題， 很貼心的安排！不過味道還是淡了一點，醬油鹹味不夠。椰子雞湯到，職員第一時間幫我哋把豬肉眼筋下鍋，因為最少要煮45分鐘先食得。這是豬腳

今日同閨蜜晚餐，又係打邊爐，可以慢慢食慢慢傾😆今次去咗佐敦寶哥，因為朋友食過話抵食，$238任食任飲👍🏻食店位於二樓，地下係酒莊，有好多款酒揀一坐低太口乾所以叫飲品先，汽水係樽裝架，正👍🏻仲有自家制竹庶矛根，清甜可口烚吓烚下之前，先食咗個刺身拼盤先😋今晚清清地食個豬骨煲湯底一到，職員即刻送上一碟豬翅根，係豬的小腿肌肉位置，佢話要煲45分鐘先食得，所以叫我地即刻放落個湯度又真係幾好食喎，爽口又唔痴牙，有口感👍🏻再黎海鮮拼盤，隻隻生猛，鮑魚仲郁架，全部都好新鮮封門牛柳，第一次食，估唔到好有牛肉味仲好淋任食方面，有鱔片揀架，好質素食材真係好飽好滿足，抵呀