富士山55 (拉麵沾麵專門店)

營業中

休息中

富士山55，不經不覺也差不多開了一年多了，從前曾經很想一試，但一直都沒有去實行。今天又加班到九時，實不想走得太遠，就獨個兒走進了富士山55。富士山55，這個名字一看更知是來自日本的朋友，富士山喜歡旅遊的朋友應該不會陌生吧，但至於為甚麼要在後邊加上55找遍全個雅虎也答不到大家。 富士山開業時人流很多，當然在香港地這個地方很多時都出現同樣現象，加上附近的日本食店特別是拉麵店甚少，對於主打沾麵的富士山55的確在這邊殺出一條血路。然而不知是否筆者用膳的時候都不早，店外人龍不見了，店內也有不少空位。 在這邊拉麵或沾麵賣78-88元，在香港算是中價，很喜歡店內的裝潢，特別有日本風格和氣氛，尤而坐到Bar枱前就好像置身於日本路道旁的拉麵店一樣。既然一場來到，就當然吃一些自己從沒吃過的沾麵吧。 本身其實有點怕，因為筆者從沒有吃過任何沾麵，會否不懂得吃法呢？但當看到坐位前的一張提示，噢原來這麼簡單！今回就先來個特濃豚骨沾麵，沾麵其實就是湯料跟麵分開食用，湯比平常的拉麵會來得濃一點，也由於麵不是熱的所有會使湯底很容易變冷。筆者的特濃豚骨沾麵（＄78），湯底有點像豚王的，有一堆味粉球在中間，當然吃用前要將他

最近既一蘭拉麵帶起左一股拉麵風潮，但其實香港本身就有好多水準一流既拉麵店，雖然係五月個陣食，但依然想推介一下呢間Fujiyama55！先黎個煎餃子，非常簡單既小食，但做到脆邊，多肉汁，最緊要係夠熱！非常有heart！呢度既沾麵比較有名，友人叫左個櫻蝦沾麵。見顏色有d似蝦米仔，用麵輕輕一沾，櫻蝦馬上掛上麵條，好有口感。佢有一個小型電磁爐可以加熱，貼心。招牌之一，芝士飯，用你食剩既沾麵湯撈白飯加芝士，其貌不揚，但味道不錯(芝士味略淡，但湯底味夠濃了)。建議兩個人share一份，因為幾飽肚。柚子拉麵，呢個應該係上一季既期間限定，係絕對，絕對，絕對大既驚喜。柚子粒同湯底超絕配！柚子既果香中和左湯既濃味，風味非常出色，我係好少可以食完一餐都唔駛飲野。我成碗係一滴不剩連湯連麵KO晒！

獨自找吃，平時大多不會選擇太貴的，多是茶餐廳或者車仔麵搞掂。不過，是日身處尖咀，卻好想食沾麵，就讓自己放縱一下。店子小小的富士山55，人客蠻多的，好彩早一步入座，否則又要有排等。沒想太多，來一客特濃豚骨沾麵。麵條質地偏硬，吃來爽口又沒有鹼水味，湯底味道夠濃，合我口胃。麵碼方面，叉燒帶丁點肥，質感鬆化，卻不失脂香；半熟蛋做得流心，亦帶點煙燻味，唔錯。配角的筍，我也全部吃清。唔知點解，總想要罐可樂，又再放肆了。

是日做野做到成兩點幾先有機會坐低食晏。入到去裏面先至知道原來就係鼎鼎大名，由名古屋遠度而黎既拉麵店。之前喺雜誌都見過佢有關既報道，知道佢喺沾麵方面做得特別出色，所以就直接order左個特濃豚骨沾麵試一試。大約十分鐘後拉麵就到喇！同其他沾麵好相似，呢個麵都係一碗湯+一碗拉麵俾你「沾湯」去食。唯一唔同既係個湯碗係用不锈鋼物料製造，令你可以放喺電磁爐上面reheat保溫。先講講拉麵，麵質十分有質感，爽滑之餘亦唔會一pat野擺埋一齊，我相信師傅係有用過溫水/冰水「過冷河」，令到D麵唔會黏埋一舊。由於order左regular既關係，麵質唔會有特別過軟或過硬既情況發生。糖心蛋亦做得好出色，入口第一啖有一種好warm，令人好sweet既感覺。雖然都係D大路野但都無馬馬虎虎、求求其其整俾D客食，完全交到功課。至於豚肉方面既肥瘦比例亦剛剛洽到好處，一啖咬落口既時候肥瘦比例啱啱好，唔會太「鞋」或者有「肥lum lum」既感覺。塊肉方面亦食得出佢地用濃湯煮過既鮮味，以至雖然「乾爭爭」放喺碗上面仍然能夠keep住肉表面既水份，唔會有鞋既感覺。湯底方面，第一啖飲落去既時候已經飲到好濃烈既大地魚味。可能係濃湯既

日本料食是港人最愛食品之一, 應該都冇錯. 日本料理跟廣東料理之不同處, 最突出莫過於採用新鮮食物保其鮮味, 用油量少之有少, 亦甚受小妹愛戴. 加上小妹喜歡日本文化, 像北海道牛乳, 薰衣草; 大阪章魚丸等等, 各有特式. 今天想了好久, 才捨得花上不到$100食拉麵. 最近生活過於拮据, 要我花上100大元吃午餐, 實在捨不得!下午1:15pm進入餐廳. 一個人用餐, 被安排坐在出菜位旁, 有一個電熱爐陪伴. 原來拉麵店都可以打邊爐~~~心想.看食評都知款式不多, 總數是三款拉麵同三款沾麵. 味道是特濃豚骨, 豚骨和櫻蝦. 都質就是硬, 適中, 軟. 這種有得揀等於冇得揀的選擇, 對於有選擇困難症的小妹一個大優點. 二話不說, 來個特濃正常牌沾麵.如何品嚐正宗日本沾麵對我來說, 沾麵同拉麵不同的是湯與麵分開上, 而湯味濃. 牆上告示就教你不宜一次過放太多麵落湯浸, 才能保持麵質. 原來擺放的電熱爐是好讓各食客能保持最美味的熱湯下吃麵而設, 真細心!還有還有, 本店在我老家名古屋???何解此味道會在名古屋出現~如客人嫌份量太少, 除了一般小食之外, 可以加$20來個芝士飯配豚骨濃湯.

好耐冇寫食評了~因為太懶惰了~但係每次睇OPENRICE都提醒自己要付出一下!!! 所以我要的起心肝繼續分享!!!!今日因為拉麵隱又起, 所以決定搵拉麵食~本來肥仔提議去大坑D出名店搵食, 但係落雨濕濕唔想去咁遠, 又係時候上OPENRICE SEARCH下, 就決定試下呢間~我好中意好早食晚餐的人(大概晚上6點左右), 因為通常街上的食店會冇咩人排隊~我地6點半左右去到, 不用等, 直接入座!!!沾面，我聽過很多次，但一直未有機會試，所以今次我決定試櫻蝦沾面， 肥仔試，再追加餃子同芝士撈飯！個櫻蝦沾面個賣相已經好吸引！濃湯上係滿滿的櫻花蝦乾仔 先試一啖湯底，噢！是鮮甜濃郁的！！！以前食過好多拉麵，話係濃湯，但就得個鹹字…… 但呢個湯底係我暫時係香港的最愛 每夾一柱一口的拉麵，再沾上湯底時，d櫻花蝦乾仔都掛滿係d拉麵上， 見到都開心肥仔揀的二郎系拉麵都一樣令人津津有味！一樣，先來一啖湯底！濃度適中的豚骨湯入面，隱約飲到有雞的鮮味，一個好特別的湯底！再睇個meal原來有介紹話個湯底係豚骨再加雞同魚介！講真，我個人黎講真係極力推介呢兩款的湯底！！！絕對令人encore的！餃子就不過不失啦…

平日六點鬆d入到去無乜人店入面兩張方桌 其餘都係對廚房既bar枱 岩晒一個人去食同豚王個d拉麵店一樣 都係俾張紙你自己劃怕特濃太鹹 我揀左豚骨沾麵（$78）麵質要較硬十分鐘左右個麵就黎喇d麵唔係我睇雜誌介紹沾麵個種有坑可以做到清湯掛麵既麵只係普通拉麵先挾起d麵放入湯 一食 無味兼凍既原來係我浸得唔夠耐再試 係個湯放耐d 嗯~~~唔錯 終於係熱兼有味好彩無要特濃 味道剛剛好麵質浸耐少少依然夠口感食到一半 將個湯放上電磁爐加熱煮到佢滾 再放麵落去好快挾番上黎都夠熱 早知一早就加熱啦〜一碗麵 兩片豚肉 半隻溏心蛋 幾條荀 食完唔多夠 追加個芝士飯（$20）店員拎一碗飯同芝士出黎加入我食淨既湯 放上電磁爐加熱煮完睇落似粥 賣相唔多討好但一舀起 d芝士有絲拉起 好正食落口感有d似risotto雖然食到第三啖左右就開始飽==但好味唔捨得放棄 埋單$98 價錢ok 未至於話好好好食 但勝在夠新奇 同芝士飯好好味可以一試

10-4-2013 (星期三~ 雨)作為第一篇的食評,選擇了第一次接觸的沾麵。。。近期沾麵風氣旺盛,雖然起步已慢, 但愛吃的我當然仍要從後趕來試吃吧!當晚放工後, 相約男友一同試吃。選址富士山55,原因是它曾位居於Openrice排行榜首十名內。即使當晚下著雨,亦無損跟男友''為食''的心情!鋪進食店, 店員隨即禮貌詢問人數,並即是安排我們二人往吧檯坐下。同時奉上單餐紙及鉛筆~點餐紙與其他拉麵店的,沒有太大分別~但個人認為可以選擇走蔥,實屬非常貼心!點了食物, 隨處拍攝...店內提供自助形式的水,起碼不會有種迫食客叫飲料的不良感覺。男友高抄拍攝廚房內不消一會,食物上桌。男友的濃香櫻蝦沾麵未吃麵, 先嚐一口湯,發現這個湯頭非常鮮甜。再沾上麵來吃,麵質軟硬度適中,同時亦帶出了湯的一點點咸味。再來就是熱辣辣的餃子,外脆內熱, 正正常常的味道。最後上桌是我的特濃豚骨沾麵特濃果然沒有改錯名字,湯頭真的非常濃,但個人覺得不太像豚骨味,反而是一種濃濃的醬料味道。吃完了沾麵, 本來可以利用桌子上的小電磁爐把湯加熱,再混入我們追加了的芝士及飯一起煮,變成好好吃芝士粥飯~可惜店員幫忙拿進廚房煮成,未能親手

愛貓的KsMeow，家里已有豆豆及毛毛兩隻藍貓，但面對夠萌又夠chok的尖東忌廉哥，又點會錯過探萌主的機會呢？到達時萌主正在小休，唯有先晚飯，再碰運氣...我倆看到隔壁的日式拉麵店，有一個日本人面貌的樓面（還是老闆呢？）坐鎮！相信質素應該不賴，選定這店吧！店子細小，坐位有點迫，極像日式小店格局。KsMeow在一系列的沾麵餐牌上，選了特濃豚骨沾麵（78個大洋）麵質選最硬！沾麵吃法是把一口拉麵份量放入湯，沾一沾，然後吃下。這食法令人嚐到Q彈拉麵，亦免除麵質在吃到尾段時被湯弄糊！沾湯時不要太起勁，以避免湯快速變涼！若感湯底不夠熱，每桌均備有電子爐讓食客自行翻熱湯底！豬骨湯頭濃稠，初吃時頓感源源不絕的骨膠原，唯尾段濃湯翻熱再翻熱後，味道較鹹！配料質素中上，溏心蛋微帶流心；筍條不帶渣；叉燒雖不至肥瘦相間，但亦算軟腍！．．．再淺嚐早肥先生的豚骨拉麵（78個大洋）幼身麵條配硬身麵質，不錯吃！配料跟特濃豚骨沾麵差不多，不過不失！湯的味道較豚骨沾麵適中，但跟豚王比較下仍然相距甚遠！若您問我愛不愛沾麵？充滿嚼勁的口感確是吸引！但吃幾口又要把湯再煮沸，卻令人吃得不夠開懷！個人還是偏好傳統拉麵，熱熱的湯底令人

近來有雜誌做拉麵feature介紹富士山55小店子採用拉麵吧形式為主, 可坐20多人原來此店源於關西, 全日本有超過30店, 尖東係香港franchise既第一間店雖則話有日籍師傅駐店, 不過眼見好似都係香港人菜單選擇不多, 只有三款沾麵和三款拉麵沾麵包括有特濃豚骨、豚骨和櫻蝦貼心既order紙俾你走蔥、走芽菜、走椰菜、走蒜頭, 連麵既硬度都有硬中軟揀除了餃子, 亦可追加溫泉蛋同竹筍等配料先來餃子($28), 邊位香脆, 菜肉餡料仍然有汁值得一讚係上桌時仲熱, 配上酸酸餃子汁, 正!!!特濃豚骨沾麵($78), 以鰹魚、豬骨混入雞湯, 上桌時再加上特製調味粉配料仲有椰菜同洋蔥等, 調味粉令沾汁變鹹同稠, 麵條一放就好易沾上麵汁但個人來講覺得略重口味反而濃香櫻蝦沾麵($88)帶來驚喜, 湯底一樣, 表面則加上帶蝦油既櫻蝦乾蝦味特出, 而且帶點酸香, 中和豚骨湯既膩感麵條放湯後會掛起一隻隻櫻蝦, 豐富層次感叉燒係令人失望既一環, 整體偏瘦乾身而且叉燒同湯分開, 無吸收湯汁, 食落有D鞋口溏心蛋水準不錯, 有流心效果, 但有點淡, 沾上濃湯食就更好竹筍略鹹亦唔夠爽脆沾麵旁有小片青檸, 可以消

已經不是第一次吃沾麵，這一次選擇"富士山55"全因被它那個芝士飯的介紹吸引了~走進店內，坐位不多，大概只有20多個。坐下來店員立刻遞上點餐紙，藉得一提的是點餐紙非常專業，除了選擇麵食外，還可以選擇麵的軟硬度，和不要蔥的選項。更有其他添加的選項，有我最喜歡的竹荀，還有來這裡的目的 - 日式芝士粥飯。我點了濃香櫻蝦沾麵，同行的朋友點了特濃豚骨沾麵。濃香櫻蝦沾麵是淺棕色的沾汁，湯面是滿滿的櫻蝦，麵條放湯中，夾起時已經沾了很多櫻蝦在麵條中~麵條跟櫻蝦一起的口感特別，軟中帶一點脆口的感覺，藉得一試而特濃豚骨沾麵是比較深棕色的沾汁，味道亦比較濃郁，一向"重口味"的我也覺得有點咸但不用擔心，店主非常貼心準備了鏗魚清湯以作調味用而且，每2張桌子中間就放有一個IH電子爐，用作加熱湯底做芝士粥飯每碗麵有半邊溏心蛋，流心蛋黃紅通通的，是整碗麵的點綴至於叉燒方面，略為瘦了一點，味道也很入味吃完麵之後就是重頭戲，這次我們用了特濃豚骨湯做粥飯，店員拿了一碗白飯跟一小碗芝士過來，先把剩下的湯底放在IH電子爐上加熱，放下整碗白飯煮熟煮了大概5分鐘左右，再放芝士攪拌，2分鐘已經煮好粥飯味道濃香而不膩，稠稠的，吃了一口以

因為見到Openrice呢一間食店人氣急升，係頭十位排行之內, 就去試下當日晚上7點都未到就到左舖頭，已經有一條小人龍在排隊，雖然人龍唔長，不過因為舖唔大，都等了我超過45分鐘....入到去叫左個特濃豚骨沾麵 同 濃香櫻蝦沾麵 來食, 個特濃豚骨沾麵好咸.......濃香櫻蝦沾麵既咸度都ok不過本人唔like呢個麵質，加上個麵其實好快凍...可能我唔識食啦，我真係唔明點解要出現沾麵此食法...因為怕麵浸在湯內會好快漲嗎? 但而家D麵又唔係大份量，咁樣分開想好快就整凍個湯，而且個麵又唔入味....開頭果兩啖我係有沾來食的，但唔覺有咩特別所以都把全部麵放進湯去了.......食完麵之後，因為見人地食評加芝士+飯在湯內吃....好似好好味咁, 所以我都叫左，餐廳內差不多每2個人的住位之間都會有個電子爐，是用來把湯 / 湯飯煮熱的侍應姐姐在旁幫我將個湯、芝士+飯煮好同埋教我地點食，雖然佢地忙但都好好服務，又會問下我們D野食得唔得咁，呢個係值得一讚。個飯特別之處係: 食果陣D芝士係會一條條咁係個匙同咀之間拉出來, 好好玩咁...但果碗食完麵既湯加飯，好有食緊隔夜湯飯既感覺...結論: 如果未食過

一向都不大喜歡吃日式沾麵的，可能是先入為主之關係吧，小弟總覺得它的吃法與我們廣東的撈麵很相似，不同之處乃在於吃至最後店方會加湯到原有吃剩的麵湯內。自己不知何解總認為這是有點怪怪的，也覺得我們的廣府撈麵的大地魚湯底是更勝一籌....因而故此就算是要選食日式拉麵，小弟仍是較愛傳統的放湯連麵一塊兒吃的多一些....不過得悉這間日本沾麵過江龍是甚得身邊食友的大力推介，對此甚好奇的我也就聽他們說，姑且試一趟吧....之前做了功課，一坐下來連餐牌也不用看，便order了櫻花蝦湯底的沾麵。麵選了普通的硬度，但吃起來對自己而言卻是偏硬的，不過這樣反而正合我意；麵質本身的確也很有咬勁，就算是浸至湯底內良久仍是不失其韌性，再加上本身又食不出鹼味帶來的苦澀，故出來的效果是令人滿意的....湯底可能是由於有大量的櫻蝦以及洋蔥粒的關係，所以甜度是很足夠，而且相比起算是沾麵潮流始作俑者的"隱家"來講，這裡的湯喝出來的鹹度是更合自己的口味....至於麵碼又如何 ? 叉燒是半肥瘦的，肥與瘦的部位層層相間，脂香充足之餘就連瘦肉也是入口即溶的，很有水準....半熟蛋的蛋白有微微煙燻味且略帶鹹，蛋黃則是冇花冇假的半熟流心，

自從「豚王」、「達磨」等高水準的日本拉麵店開業，令香港興起一股日本拉麵熱潮。最近，在尖沙咀南洋中心開了一間新拉麵店名為「富士山55」，更登上Openrice之餐廳排行榜第三位。因此，星期日晚上跟B仔離開了西九文化區「自由野」活動後，便向著南洋中心出發，嘗嘗新拉麵店。到達拉麵店門外已看到不少食客排隊等候入座，等候期間店員會向各食客派發點餐紙。我們在點餐紙上選了「特濃豚骨沾麵」及「濃香櫻蝦沾麵」，另加一客煎餃子；接著等了一會兒便能夠入座。我們被安排坐在酒吧臺，能夠看到廚房的運作（廚師全都是本地人，怪怪的）。餃子($28/5隻)首先上菜，外貌沒有太大問題。可惜，咬第一口時已經感到是冷冰冰的，令人大感失感。我差點兒想開著坐位附近電磁爐，把餃子煮熱。還是喜愛即叫即炸/煮的]餃子♥沾麵也很快送上，我選擇了「特濃豚骨沾麵 ($78)」。吃第一口時，我怏要哭出來，很想大叫一聲「為什麼這個冷冰冰的沽麵湯底可以這麼咸」。不過，B仔選擇的「濃香櫻蝦沾麵 ($88)」沒有那麼咸，當中更帶了一點鮮味。若果我沒有對海鮮敏感，一定會把他的沾麵搶過來。總而言之，我不會再來嘗試「富士山55」，我認為這裡的食物質素不值得

畢竟我大愛沾麵，見到最近好多好評就來試試。星期日下午兩點多沒有減少人潮，幸好剛剛有人走，一個人坐了bar抬。店面偏小，除了bar抬位，其餘只有兩張6人抬的位置。Menu很簡單，3款沾麵，3款拉麵。最後我選了豚骨沾麵，較硬的麵，另加竹筍。本來仲想加溏心蛋，但本身已經跟半隻，加多隻應該會太多。聽說這裡的麵偏軟，所以選偏硬的沾麵剛好適合我。麵條屬於略粗，加上硬度，口感剛剛好。溏心蛋剛好，蛋白部分有點過鹹但仍可接受，唯一不滿意，也是大部分店的弊病，完全是凍的。叉燒肥瘦分明，成輪狀，看起來已經很好看；一咬下去果然，非常好吃，幾乎可以說是我在香港食過的那麼多拉麵館最好的。另加的竹筍又是一大亮點，份量多，味道鮮甜，這＄10花得很值得。沾麵的湯是分開上，一般都不會太熱，所以富士山55準備了電子爐比客人加熱，當日我無玩。說回湯底，我刻意看過其他食評再寫，因為當天我什麼都沒吃，第一口就先喝湯：為什麼會是微酸的？其他食評都是說有魚味，好清甜，完全沒有提到酸味，是我味蕾有問題還是不懂欣賞？不是難喝（我還喝光呢），只是味道有點奇妙。更奇妙的是這個微酸的味道令整碗湯少了很多油膩感，但。。。我到最後還是有點介意這個