宮崎肉本舖 (已結業)

之前在網上購票，見佢可以食加長咗時間180分鐘，便選個最貴嘅$998任食櫻花和牛餐去試，其實價錢冇變，只係任食120分鐘加長至180分鐘。仲未計加一，加一都要成‘’舊水‘’，超貴。究竟櫻花牛有咩咗特別，超好味？價錢超貴，我都好肉尺。人一世物一世，點都要試一試。中午12：00pm去到入座，上頭盤，食落又唔覺有咩咁特別，又唔係入口即溶。最慘喺個爐好容易燒燶嘢，有時大火，有時細火，燒到燶晒，我唔食唔到。最無耐每次限住你order嘅數目，最多5件。order咗好多嘢，佢又漏單，eg.我叫5件和牛後腿肉，5條豬肉腸，5個甲羅燒。只送嚟2條豬肉腸，1個甲羅燒。order多幾次都喺咁，好似喺限住唔俾我食太多。上菜又慢，特登拖到我夠鐘？喺頭一次order就快上菜，之後就勁慢，每次order咗，都要等差唔多成20分鐘先有嘢到。個量又少，漏單。特別喺和牛。我order幾多，佢都係送嚟好少。如order雞肉，豬肉可能會好快，同俾足你。但我一心嚟到，又揀個最貴嘅餐，唔通唔狂食和牛，食其他嘢食飽？可惜我無論order幾多件和牛，佢都喺嚟得好少件，漏單。上菜速度慢，所以我冇咩和牛食到，又唔想食其他嘢。最後唯有叫佢

日本過江龍「宮崎肉本舖」首間香港海外店喺銅鑼灣全新地標Suger開咗啦！即刻叫埋個食肉獸friend去探店！呢度環境舒適仲有獨立房間睇到維園景色，食得好嘆！🇯🇵餐廳主打九州A5和牛燒肉放題／半放題，店舖從宮崎自家農場引入原隻得獎A5桜花牛，以冰鮮方式空運到港，夠晒新鮮！除咗牛肉，餐廳放題食物亦用上100%日本時令食材，好似飛咗去日本食咁！A5和牛燒肉放題限時120分鐘 ，有4款套餐：「九州A5和牛套餐」（HK$598／位）、「九州A5和牛特上套餐」（HK$698／位）、「宮崎A5桜花牛嚴選燒肉套餐」（HK$898／位）「宮崎A5桜花牛極上燒肉套餐」（HK$998／位）今次我地揀咗 「九州A5和牛特上套餐」（HK$698／位）送上嘅九州A5和牛拼盤好吸引😍有9種部位件件肉質都好靚，脂紋都好平均燒完入口溶化，脂香加上肉香，真係好滿足！另外用QR code可任點60+食物放題，包括內臟、豚肉、山雞燒肉、甲野菜及熟食等等～連甲羅燒都有，仲配埋米餅，職員幫手燒埋真貼心。牛內臟方面，餐廳每日有三款，今次我嗌咗牛腸，口感彈牙又幾好食。 食燒肉慣咗配飯，但呢度有埋茶淇飯！飲品有唔同果味嘅梳打，甜品就有

呢餐係真真正正滿足晒呢兩年幾無得去日本食燒肉嘅感覺！聽講呢間係日本宮崎肉本舖首間香港海外分店，個餐講都明食到桜花牧場和牛，所以約埋幾個日本朋友一齊嚟試。聽職員講解，和牛油花分布達到10級標準，一試之下，肉味真係好濃，滿滿油香，但一啲都唔滯。而當中最驚喜嘅係，就可以任食三種日本和牛內臟，係香港試過其他高級燒肉餐廳，都只係食到美國或者其他地方。當日試咗日本和牛牛腸，牛舌，同牛肚，第一次係香港食到日本和牛嘅牛舌，厚身，鮮嫩Q彈，配店家獨有醬料，連日本朋友都大讚ichiban！不得不讚店員細心服務，我地坐係房，佢地送嘢食入嚟時，都有介紹度食材同燒法，等我地可以一路傾計，一路都掌握到點樣燒到最正宗嘅燒肉。除咗食和牛，聽職員講佢地嘅食材100%由日本入口，有嚟自青森同鹿兒島嘅黑豚同新潟地雞。我地試咗出面無食過嘅日本豬頸肉同好特別嘅鷄頸肉同雞冠、甲羅燒，海膽泡飯，日本粟米同淮山沙律。真係估唔到標榜食日本和牛嘅燒肉舖，除咗和牛得之外，其他食材都好有誠意制作。作為每年去6-7次日本嘅香港人，係宮崎肉本舖尋回100% 家鄉風味，真係誠意十足，真係將日本燒肉回憶帶晒返嚟！

踏入生日月, 又開始展開一連串飯局, 好姊妹特意book咗呢間位於銅鑼灣新晉大廈Super+「宮崎肉本鋪」為我慶祝生日。餐廳主打半放題式, 價錢由$598起至$998, 相比平時食開嘅放題, 價錢確係偏高, 但當食物上檯, 同好姊妹異口同聲講: 確係物超所值!「宮崎肉本鋪」係日本九州首家海外分店, 獨家原隻購入曾多次得獎嘅九州「桜花牛」, 係呢度可以品嚐到A5和牛燒肉, 同時食到桜花牛嘅稀有部位, 而任食款式亦係100%日本時令食材, 稱得上超高質!今晚我地揀咗「九州A5和牛西冷特上套餐」HK$698/位套餐包含一次性嘅九州A5和牛部位拼盤, 有九款咁多! 至於無限追加有黑豚、雞、日本海產、野菜、小食、沙律、主食、甜品、飲品, 同埋每日限量三款A5和牛內臟等等…超過60款任飲任食。餐廳內近窗邊位置設特大玻璃, 可以望到維園一帶景色, 開揚景緻令胃口都大增。餐廳另一邊為和風設計嘅座位, 打卡一流。而我地就被安排到窗邊兼私隱度較高位置, 可以自成一角, 環境氣氛遠比坊間大多放題嘅餐廳。入座起計限時120分鐘, 自行scan QR code落單, 食物上得快, 而且整晚冇漏單。九州A5和牛部

臨近好友生日，目標要找一間高級嘅燒肉店慶祝一吓😋🌟 咁啱同事介紹喺銅鑼灣糖街新晉食廈 Super+ 「宮崎肉本鋪」首間海外分店，獨家引入多次得獎嘅九州桜花牛。新店同時提供A5和牛燒肉半放題。價錢由每位$598起 到 $998今次揀咗「九州A5和牛特上套餐」$698 A5和牛拼盤屬於一次性，其餘小食，雞，和牛內臟，豬，海鮮、蔬菜，主食和飲品都係無限追加😍 而且全都使用日本食材，萬分期待😍！食店內近窗嘅一邊座位自成一各，私隱度高，外望維園跑馬地一帶，景緻開陽，環境舒服又加分😁👍🏻A5和牛拼盤雖然不是無限追加，但每一款都分量十足，霜降狀油花極細緻，紋理清晰如藝術品，目測每一件都係好高質嘅和牛。幸得店員幫手燒，令我哋可以專心享用美食😍，同時介紹配那款調味鹽或醬汁較適合。順序有不同和牛嘅部位，其中有幾款都係較為稀有部位~🐮🐮🐮🐮🐮外後腿肉：入口軟嫩，有肉汁😋內後腿肉：較滑身，網狀脂肪分布較平均，大塊薄身卷着一口吃下超級滿足！五花腩：雖然有一定嘅厚度，但容易咬開，肉質軟綿鬆化，油脂甘甜！肩里机：口感柔軟，油花密布，最適合蘸櫻花鹽提升鮮味。肩口肉：同樣油脂豐富，燒到有微焦已令脂肪溶化，口感味道特佳。

呢座Sugar係銅鑼灣另一座將會非常多食肆的大廈，精彩在呢到好多餐廳會有開揚維園景，呢間宮崎肉本舖係首間海外分店，以供應九州A5和牛燒肉放題套餐為主，並獨家原隻買入奪獎無數的日本櫻花牛，讓食客可以享受到A5櫻花牛各種稀有部位。櫻花牛出自宮崎縣都城市內，有名的櫻花牧場，宮崎肉本舖的乙守家族經管，只有約7隻會被評選為A5級和牛，採用霧島山脈的水源，讓牛隻可以係純淨的天然環境下生長，從而確保出產牛肉的質素。牧場每年限量出產100頭櫻花牛，每個月都會有最優質的櫻花牛用冰鮮空運方式來港讓食客感受來自宫崎的鮮味。你食$998放題餐可能會覺得好貴好離地？錯啦，絕有value，平日你自己食咁靚嘅西冷一塊都成千，今日一頭櫻花A5牛由外後腿，內後腿，肩里肌等先入手，無咁油花重你熱身，再到西冷，呢個係大佬，胃口細少少都會飽。之後用牛肩肉做壽喜燒，再有你未見過嘅稀有部位和尚頭，牛後腿一塊靚肉，之後食到五花腩，前腿肉，牛肋肉，肩口肉，重口感嘅朋友，呢個set已經係不得了。放題食物方面，不論是海產，雞肉、豬肉、以至蔬菜和飯拉，皆用上日本產時分食材，帶來最地道的口味。當晚嘅蔬菜都好有優勢，另外仲有日本地雞肉同雞冠唔

又係睇人介紹呢個和牛放題，不過今次一點都唔求其。宮崎肉本舖，主力食最靚嘅和牛，全港獨家日本直送櫻花牛，A5第11等，可以任食，你話正唔正先？兩個人來，有牛豬雞，好興奮咁狂叫之後，員工叫我哋唔好叫咁多，因為好多人食左送上嘅燒肉拼盤都已經投降。有外後腿、內後腿、肩里肌、西冷牛肩肉、和尚頭、五花腩、前腿肉、牛肍肉、肩口肉，淨係見到盤牛都已經想瘋狂燒烤。各有各特色，頭三件佢地話食前段霜降先，無咁勁嘅油份但又食到肉味。西冷當然係主角，呢個係我覺得最正嘅一件，好彩有人幫我哋燒，而當然係燒到好靚，不過講真，你食完會立刻被KO，因為油份高，會令人覺得好飽，不過真係好好食。之後處理牛肩肉就係壽喜燒，仲伴有生蛋，我建議你食完西冷之後就一定要送白飯先好食。後面和尚頭，應該係從未見過嘅位置，隻隻牛好似得幾件，呢個係油份同牛味中間。五花腩同前腿肉，都係牛味比較重而且有咬口，反而係少油份，相對後邊如果係鍾意油份嘅話會好少少。牛肋肉同肩口肉，都係重量級，食到你一定飽，又係送飯好。淨係講燒肉，都已經講咗大半天，但係其實其他燒烤都好食。雞腿肉同雞冠係雞嘅推介，我最鍾意有唔同嘅味道可以食，雞冠脆脆地仲要好辣。仲有一個叫做

朋友生日話想食燒肉，咁上網睇下有咩揀，揀左好耐生日飯又唔想食平時會食果啲，就揀左衣間，openrice book 位 whatsapp confirm, 都幾方便（我個人喜歡上網book 好過要打電話），去之前就要confirm 食咩餐，4個餐：2 個semi buffet 2個放題，我都估到我個朋友揀放題，佢揀左個898放題，我覺得貴嘅。上到去唔full,即時有人帶位你入（到走之前都未full過。），內部裝潢幾靚，坐個位望維園球場，但抽氣麻麻，食完變行走的燒肉。120分鐘競賽開始： 侍應會話你知有set 肉上，可以稍後先點任食和牛，衣碟係個set 咁貴嘅原因，因為放題叫嘅肉真係無咁靚，同埋放題叫嘅肉最好叫啲係切一塊塊，一粒粒咬唔開（不過我只記得後腿肉係一塊塊，其他部位唔記得），基本上我食完碟set已經飽，同埋已經好油（唔想再食，不過人怕蝕抵，朋友食咩我都有食，最後有啲難受🥲）898 set 肉，咁幾靚嘅，望落油脂分布都靚，侍應會建議你由瘦到肥咁燒，最後佢會幫你燒壽喜燒，咁侍應好有禮貌好helpful,不過有少少被監視感覺😅同佢地好chur,可能驚啲客燒得唔好，佢地喺我朋友一放低個夾想

book左9半，當日大約5點幾whatsapp confirm booking，話因為上一輪要9半先交到枱，要21:45先可以入座，時間變成21:45-23:45，咁我大約21:50去到，前台講左幾次要23:30交枱，對於whatsapp嘅訊息好似完全無講過甘，講左幾句之後先話23:45交枱，好啦甘23:45交枱，半小時前應該係23:15截單吧？點知到22:50左右就話廚房差唔多要close，到23:00系統直頭落唔到單，同侍應講返有幫我哋落返雪糕，不過成個體驗就如同我個title一樣⋯最後當然唔洗23:45就交到枱俾佢啦，因為佢晨早就截左單，真心呢個做生意手法好勁，話就話食2個鍾，但俾你落單只有一個鍾😂話明食和牛燒肉嘛，講返啲燒肉先，啲牛都算厚同大塊嘅，但唔知點解得和牛嘅脂肪但無和牛味道，dxxki嗰啲仲好食過佢，有一兩塊無乜脂肪靭到咬唔開⋯好在食$6xx套餐，唔係食和牛任食，唔係真係揼心😅另外個爐唔知點解爐溫唔均勻，一邊會熱啲（易燒燶），另一邊就無甘熱（燒好耐先熟），做咩事主打食燒肉，個爐同肉都有問題甘有趣？😂仲有就係唔夠冷氣，同個爐離張枱勁遠，本身唔算矮都要企起身燒，甘叫裝修好？

優點：肉好味，特別是頭一盤肉，其他放題既食物都好精緻，擺盤漂亮，分量適中，無漏單情況；服務相當好，而且好主動，用餐環境都好舒服，乾淨。但有兩點比較奇怪第一，個爐離座位比較遠；要伸長手去燒。第二，最後半小時不能落單之前沒有特別提醒，落單系統會突然中止點單，如果無提前點甜品和飲品，就會無得食喇！

見新開，所以都一於book位試下9:30pm時段入座有78折，加入會員又有牛舌送👍🏻一行2人嗌咗九州A5和牛套餐放題放題黎講，都幾多食物選擇和牛方面，油脂比較明顯既和牛，食起上黎係正常但油脂唔明顯、深色既和牛，食起上黎係多根之餘，又咬唔開其實冇諗過每人係得7塊和牛之下，可以有一半既和牛都咬唔到🙄 以依個價位，不如我食牛角放題仲好小食方面，蟹味噌甲羅燒，係必食既，蟹膏沾上脆餅中和油膩感😋特濃牛乳奶凍好滑好好食個人認為，放題啲小食、甜品 比起主食既和牛更為出色🙊值得一提，有個店員好有耐性（我諗係經理），有個客人要求多多、又要challenge餐廳既和牛點解同上一次食既份量唔同，但佢都好有禮貌解釋，讚

又有新開嘅燒肉店，近排燒肉店真係越開越多，今次去哩間係響銅鑼灣SUGAR+入邊，個場都係新嘅，成橦好似暫時都係得幾層有公司。不過餐廳都要早一、兩日訂坐先有位，可能新開好多宣傳，香港人(包括我)，係鍾恴試新嘢。今次兩個人去食，揀咗$898櫻花牛放題。環境都幾寬敞，有個落地玻璃窗位，應該仲有兩三間VIP塔塔米房。先來咗一個極上燒肉拼盤，而西冷/肉眼, 壽喜燒都只會來一次，放題嘅部位係得6個。後腿肉同肩里肉係偏瘦，肉味重啲。而五花腩同牛肋肉就油份高啲，所以我都唔食太多。 食完拼盤後，追加咗三四次肉，主要都係瘦肉(後腿肉及里脊肉為主)，同埋牛肋肉及豚肉雞肉等，質素唔錯，屬中上。另外亦叫咗啲前菜例如冷豆腐，亦有叫其他燒肉類例如雞腎、雞肝、海鮮等，質素中等，意料之內。最後叫咗雞肉泡飯、蟹肉魚湯泡飯同和牛拉麵，說真話，有啲失色，雞湯無咩味，牛拉麵中下。最想讚係個漬物三品，係packing嘢我知，不過真係好好食; 同啲器皿都有心思，唔係一式一樣。服務方面，佢地有人來幫手燒頭一塊西冷，可能仲算係新開，有啲生疏，有感已盡力，情有可原。不過有位同事係咁過來收細我哋個火.....(其實我燒肉技術都唔差，火太細

我哋一行4 個女仔去試吓哩間高級燒肉，我哋book 左房，好開心猛傾猛燒🤣食物質素非常好👍🏻啲A5 和牛實在太正太正⋯仲有個日本雞頸肉真係令人驚喜，我哋揀嘅辛口味，相當出色⋯咁多野食底下，我哋都叫左5 碟🤣個日本魷魚🦑估唔到燒出嚟咁好食個北海道3.6奶凍，好味到⋯我哋4 個女仔每人都食咗兩個個柚子雪糕，好多雪巴咁嘅⋯食咁多肉，真係可以refresh 下個味蕾不枉咁大雨都堅持出去食嘢，幾個女仔出去食飯除咗野食要好，地方乾淨舒服有招呼都好緊要😎下次一定會再黎

跟住地圖搵到餐廳楝大廈，成棟樓只有兩間餐廳😅試左998一位的和牛任食套餐，一上嚟已經畀塊A5肉眼扒震懾咗，加上其餘和牛部位，睇樣已經勁靚，味道自然也沒有令人失望，油香豐富入口即溶👍👍👍更值得一讚是店員的殷勤服務，任何一位店員經過見到鐵網變黑都會主動更換，Joyce 經理更加在旁幫忙燒烤，尤其肉眼扒燒烤非常專業🎉亦親切介紹各部位食法和推薦小食及飲品😋今時今日咁嘅服務態度不容易找到，食得非常滿意嘅一餐👍👍👍

昨晚18:00 堂食，我同朋友點餐吾係最貴果款，但都要$8XX，自稱宮崎A5櫻花牛嚴選燒肉😖，牛肉上枱個樣都幾靚，介紹由邊件開始食燒，亦有Waitress 熱情招呼及代為燒烤，燒好牛肉入口時，居然⋯⋯齒吾開，第二件亦是一樣😡，waitress Vivi 話要求廚師再切同一款，但係薄切，及送左一客牛（如order要$3XX但口感同之前嘅牛都係一樣），燒烤完係好好多（因薄切），但牛嘅味道就食吾到，攪到冇晒心情😖，原本係任食，都冇再 re-order牛肉，只係食甜品，及叫左杯飲品，其他食物都吾係不可不吃（坐低嗰陣都有點其他食物），自稱亞洲首間海外分店⋯⋯😫重介紹話好似係日本食和牛一樣，埋單$1760好似冇食過野，千祈吾好信啲廣告😡當時隔離房應該係老闆，聽到佢同朋友講雄心壯志攪呢盆生意，我都係消費者，可能我真係吾識野，未係日本食過真正嘅日本和牛，都係呢兩年冇去過😏