宮崎肉本舖 (已結業)

當日係慶祝老公生日當然要搵間有質素的餐廳慶祝吓啦由於燒肉套餐.無限追加（只限於晚上時段5:00起）如午市以燒肉定食為主其實四款套餐我都掙扎咗一陣最後選擇$698/位（88折優惠）牛肉份量對我來講已經好足夠肉嘅質素唔洗講睇相片就證明一切服務都超級有禮貌雖然我不是食最貴果兩款套餐但感恩餐廳比咗間和屋房我哋坐因為職員講返我先知，平時要食$898套餐以上，先可以有和屋房坐環境舒服又靚，服務又好好，食物又高水準最可惜我胃口不是好大好多其他無限追加嘅食物我都未試晒就飽咗⋯⋯一定要下次在嚟食過先得

為咗依間餐廳，我第一次寫食評！點解？因為正日生日有個不愉快經歷😐食物質素係好，環境係好，收碗碟係就係快，但係d未食完同會慢慢食嘅餐碟，員工會不停問大佬我碗飯想慢慢燒住d肉配埋一齊慢慢食，員工可以總共問左成5次仲要唔要，最後我都費時再答，比員工收左佢算，我再叫過碗。到飲品又係咁，仲有3分1杯又係咁問。成餐飯食到好古怪，好似每碟一開始食就要倒哂落肚，唔可以再叉第二次咁。最重要係，甜品一早叫左，生日蛋糕由入座起又已經比左。想客人準時交枱，係咪應該準時上甜品同蛋糕呢？我睇番影相時間，9點15分先上到個蛋糕，甜品失哂蹤，9點20分切緊個蛋糕嘅時候，員工走埋黎講「你哋已經夠鐘要離開」，o哂嘴同番佢講係因為你哋遲上先搞到依家先切蛋糕喎，位員工又剩係識重覆同一番說話。咁我哋係咪要就咁托住盤蛋糕走出街呢？一來未到25分，二來你哋咁趕住要枱其實可以8點45分就問需唔需要上埋甜品蛋糕，而唔係客人叫完上得後等等等等到成9點15分先上蛋糕，用5分鐘影完相，再用4分鐘成枱人係用「狼吞虎嚥」黎呑個蛋糕。呑蛋糕嘅同時，d員工係不停放d新碗碟餐具係枱黎騷擾我哋呑蛋糕😃我望下個門口，好多人等咩？又唔係喎，得2對客人。但其

朋友介紹銅鑼灣新開日式燒肉，賣點是所有肉類都是日本直送，而且好多傳媒介紹，就去試下。環境都幾舒適，有啲二人望街嘅廂房，私隱度高啲。Lunch set 有唔同牛部位燒肉，唔食牛都可以揀豬雞set 。肉質係靚，好淋好好味。大塊和牛西冷仲可以叫專人燒，正！

唔知咩勇氣之下，今次帶左2個bb去食燒肉😂其實呢到雖然100cm以下免費，但無bb凳其實唔太baby friendly，不過服務人員態度超好搭救，入去大家態度都好歡迎小朋友阿女不幸食食下打爛玻璃杯，即刻幾個人出黎幫手之餘，重好關心阿女有無整親，另外又攞毛巾出黎比我幫阿女抹翻乾淨☺️我地叫左898果個餐，餐廳另外送2份牛內臟（牛心同牛腸）一開頭唔識燒又有工作人員幫手，雖然帶住2個細路其實唔太知食左咩，但整體印象同以前日本食A5 和牛嘅味差不多，小朋友方面：阿仔偏愛粟米（前前後後食左4舊）同米餅、阿女就超鍾意食雞皮同雞心；食完真係飽到撐起，總算可以解下鄉愁😂

朋友生日食好d, 今日去左銅鑼灣糖街食日本菜。九州A5和牛特上套餐， 包括: 西冷， 肉眼，肩里肌等等， 每一款牛都入口即溶， 油香四溢， 和牛味非常強烈。 就算有d朋友要食熟d, 燒到全熟都係咁嫩滑， 食材選料高質， 價錢合理， 而家暫時無得去日本旅行， 唯有食住呢d， 頂住先啦。

餐廳：宮崎肉本舗地區：銅鑼灣地址：銅鑼灣糖街25-31號6樓日期：20/5/2022時間：19:30人數：2人 等位： 0mins 價錢： ＄1760咁啱係IG新假期介紹尼間和牛燒肉店望啲和牛既質素唔錯，於是預約咗520呢個日子慶祝下❤️佢有四款套餐分別係兩款放題，每位價錢係＄998同＄898，可無限追加六款和牛及其他小食，而另外兩款套餐指定6-10款和牛拼盤燒肉，及無限追加其他小食，每位價錢係＄698同$598。我哋就揀咗＄898可無限追加六款和牛，兩款放題套餐只係相差「和尚頭」，因為唔知係咩部位嘅肉😅所以唔感興趣想試，OpenRice 預訂座位有八八折，折後加一$1760。喺門口揀完套餐之後剛好可以upgrade入座和室，比較私人隱蔽嘅空間，環境冇咁吵鬧，雖然都可以聽到隔離講嘢但尚可接受，首先會單獨上一份肉眼扒😍，會有職員幫忙燒，油花香入口即溶，真係好好食🤤，之後再上和牛拼盤再教我哋和牛先後食嘅次序，服務都唔錯👍食完第一轉之後，再嗌左兩轉五種不同部位既和牛，可惜之後再比和牛嘅質素已經比較參差😢其他小食方面，比較好食嘅只有吉列廣島蠔，芝士年糕，雞皮餃子，櫻花蝦蛋黃醬帆立貝，呢幾款我哋都

上星期日6點食，入座成個過程都好快，好多人訂左位。order 左4位$898 set, 第一round 肉上黎係嘩一聲，因為全部都好靚，解凍得好好，色澤都好靚。食食下小食個陣，有位Asst. manager 話轉頭幫我地燒塊西冷，之後都一路介紹牛肉來源，不同食法，為我地做壽喜燒，服務好好，好值很讚！之後追加其中6款牛肉，已經好明顯見到質素差一段距離（因為第一round 個d 肉未食完）。其他小食，天婦羅等等都唔錯既，牛乳布甸好好好好食！

今次三人食了$598九洲A5和牛套餐(還有無限追加日本食材放題)新張期間還有88折由坐下點食材到完餐 每食一啖都嘩嘩聲真係好好味 無得頂和牛入口即熔嗰種感覺 無法形容其他無限追加日本食材每樣都好好味

二人叫左個698套餐，好好彩可以坐到個別室，埋位無耐牛牛就送到望個樣都好吸引，留意牛牛唔係任食架，不過跟餐份量都夠食，因為仲有其他可以任叫架。之後就叫任食嘅食物，咩都想試，咩都叫啲，每次下單只可以落5樣，不過送餐好快，唔洗好耐就有得食，食物質素唔錯，新鮮，和牛唔洗講，好好食🤣雞類食物都唔錯，叫左幾轉，雞皮同雞皮餃子好正，唔係度度有得食，炸雞粒就稍微過左火，有啲干，牛油🧈燒蠔幾好食，叫左幾轉😄蟹膏多士，蟹膏好多，可以試下，天婦羅不錯，如果炸粉鬆化啲就最好😂但都好食😋茄子🍆好食😋。牛肉麵正，牛肉好林。服務態度良好新開期間仲有discount ，好似8定9折，唔係好記得，埋單13xx，呢個質素，抵食嘅。希望可以一直保持到水準。搵日再去過先😁

見到這餐廳主打系食九州A5 和牛嘅，所以訂左今晚嚟試吓，confirm 訂枱等要選定套餐，我訂左$598/位的套餐，包一碟幾款嘅和牛拼盤，另外其他雞、豬、海鮮就可以無限追加。今日天氣非常惡劣，下午仲系黃雨，估計人客不多，但6點入座時，人頭湧湧，日本和牛嘅吸引力果真厲害。食物方面，嗰碟和牛拼盤，燒一燒，入口即溶。薄切黑豚上肩肉和厚切五花腩，各有千秋。日本魷魚好新鮮，雞心爽脆，雞皮燒到脆卜卜，廣島蠔燒的比吉烈出色，炸雞、牛肉拉麵和辣麵也不錯。雞腎比較硬，白汁和蛋黃醬帆立貝汁醬太多，茶漬飯d飯比較乾身。白桃梳打比巨峰及青蘋果出色，至於柚子及黑芝麻雪糕可以解下食肉嘅肥膩感。埋單$1172/2 位（88折優惠至5月尾），另外新加入做會員，每位會員送牛舌2件。環境和食物都不賴，而且待應也殷勤有禮，整體用餐體驗不錯。

終於等到有晚市的時候，無論如何都要約三五知己出來吃餐飯。今日廣告常常見到宮本日式燒肉，有四款價錢的套餐，我選了最便宜的。九州A5和牛套餐 $598有六款不同口味和牛，我們每人每款只可以吃到一片，十分珍貴。由於其餘60款食物，所以一定夠飽。如你選擇$898$998的套餐和牛會是任食，而且是可以選擇窗景。這個等我下次再來的時候才選擇， 除了和牛什麼都不吃。餐廳需要用二維碼點餐，待應的服務非常之好，他們會主動介紹那款好吃，這一款食物又要燒烤多少時候，發現漏單也可以通知他們幫忙。

朋友介紹這間在銅鑼灣Sugar +新開的日式餐廳，專食和牛，原來除左放題，午餐仲有定食，日本食材，味道唔錯，咁嘅質素，咁合理嘅價錢，食得過。我地点咗九州A5和牛西冷牛舌盛合、限定A5和牛稀有部位盛合 、本舖A5和牛三寶盛合及本舖燒肉盛合午餐定食，餐湯好飲，與其他日本餐廳有別，伙記說是用魚淆制，主菜和牛極好味，環境唔錯，面對維園，享受美食，又鍾意食牛，必能滿足，伙記服務唔錯，坐低先介紹幾款午餐定食，服務態度幾好，日本食材，真係幾好味的，後來我地加單，日本雞和豬，一樣好好味，鍾意燒肉必要試。

4月尾行過銅鑼湾皇室堡附近Sugar+。聞到好香的燒肉味。又見到一遍花海。吸引了我和朋友上去了6樓 ＂宮崎肉本舖＂。嘩！原來是我最鍾意食的宮崎牛。之前去日本試過.牛的味道又回來了。即刻入去坐低👀餐牌。選了$998 A5樱花牛極上燒肉套餐放題。牛的雪花分佈比例同條紋非常靚。入口即溶。有牛味。還有其它小食蟹味噌甲羅燒好特別。和牛黑松露餃子好香。120分鐘放題。食得好飽。重有其它小食未试。下次有機會再嘗試。侍應介绍原來餐廳大有來頭。由日本櫻花牧場直接出口一頭牛到舖頭！可以食到稀有部份。。可能新開張2日。侍應比較忙。没有詳细介绍每種牛的部位。唯有自己看图对字，認識位置😅。原来新張期內。5月份有88折。

老友記半個月前話想去試新野， search 完最終選擇了宮崎。 我地去到揀左$998 套餐， 原來是限時兩個鐘， 其實食下傾下都幾趕。唔好講咁多， 開餐先黎一份高質西冷， 好好味啊，入口即溶， 之後再來一個和牛拼盤。 店員推介無得追加既和尚頭， 都好好味呀！ 之後我地再叫左好多唔同既美食， 講左兩個鐘唔係幾夠， 又要影相， 又要享受美食。 所以我地約定會再encore , 等我呀！

據聞這家是宮崎櫻花牛獨家代理店，我們點的是998套餐，食慣A5牛的都知道，肉色鮮嫩，油花平均，入囗即溶是常識，這裏多的是一股好“牛”味, 難得！首推先嚐西冷/肉眼，大大塊，燒起上來易掌握，大家開心share先感受感受，另外仲有大把小食供應，蟹味噌甲羅燒、和牛黑松露餃子…記得食埋個牛乳奶凍，你就知乜嘢叫幸福大滿足；至於環境方面，無敵維園景主打，自己上佢哋fb睇下LA，感受得到他們做食物的誠意，好有職人精神，最後comment是"會返單" 。ps如果冇信心處理（燒），可叫店員代勞，佢哋超nice, 反而佢哋仲緊張d牛會被糟蹋了。