宮崎肉本舖 (已結業)

一家四口諗住放假試下新嘢，好彩係點左個698嘅半放題，d牛上台嘅時候仲有冰都算喇，入口係牛無牛味，屋企樓下靚D嘅凍肉舖賣嘅都靚過佢,其他任點嘅雞同魚更加唔使講喇，最好食就係個特濃牛乳奶凍，真心唔值呢個價錢，唯一優點裝修新同坐闊落。

面完試之後，特登搵一間環境清幽嘅餐廳好好咁樣獎勵吓自己。呢度近維園嘅大廈，好似有好多唔同嘅餐廳選擇。而上到去呢一間專食黃牛嘅烤肉店，午餐嘅時候亦都有一啲午餐定食。我自己就嗌咗個一之藏和牛拉麵餃子定食，望住成個維園咁食，真係非常chill！佢嘅味噌鮮魚湯唔會好鹹，仲有少少魚味嘅鮮甜味添，可以開始暖下自己個胃而佢嘅茶碗蒸上面有少少蟹肉加三文魚籽，蛋蒸得好滑身好少食到牛肉餡嘅餃子，而呢度嘅餃子煎得好香口，底皮煎得好脆身，配埋佢提供嘅醬汁非常之夾主食和牛拉麵，拉麵麵質非常彈牙，份量好多，而湯底亦都唔會好濃，反而係清清地咁幾好！煮得好淋好入味，肥瘦比例都好好！而定食仲可以揀一杯飲品或者甜品，我就揀咗佢哋嘅抹茶雪糕，呢款雪糕平時好少見到有得買食落去抹茶味好香、好滑身

Weekend中午左右嚟到食lunch放題 第一次嚟就試吓$699個set先啦首先主角就係A5和牛拼盤啦😍 Staff同我哋介紹呢度啲食全部都係日本直送 非常新鮮油脂分布平均 就算亂燒都好好食😂基本上完全唔需要加調味料 個人最鍾意五花腩同牛肋肉🥰廣島蠔隻隻都肥美 有埋牛油香真係勁正除咗以上之外 仲有比較特別係好多平時少見嘅部位或內臟都係 例如雞冠 牛心等等 最推介牛腸同雞冠 好爽好新鮮😜蟹味噌甲羅燒就一定要試啦 同鵪鶉蛋撈埋之後蟹味超濃 個米餅竟然都好香口 好唔節制咁食咗四個...🥸粟米真係好鮮甜 夾住喺燒肉中間食可以解吓膩添😋 另外係蛋黃醬燒帆立貝 味道都唔錯 芝士年糕又係最愛 encore 咗幾round 入面啲芝士好流心 年糕又夠軟 yummy yummy 甜品就不過不失啦 雪糕冇乜特別 反而牛乳奶凍就有驚喜 好濃奶味😇Overall環境都幾好 坐得舒服又有大玻璃可以睇晒成個維園景 但當日嚟食咁啱係橫風橫雨嘅一日 天氣差到乜都睇唔到😅 另外 Staff姐姐都好有心機介紹啲嘢食 同埋見我哋燒到揦手唔成勢又出手幫我哋燒😂 可以再戰😌

一班人食飯食燒肉好有氣氛，最近去咗呢間超推介！餐廳環境闊落，望出去係維園，咁啱撞正中秋節維園掛晒燈籠，更有特色呢！見到個餐廳名就知道呢間嘅燒肉唔普通啦！佢哋主打嘅A5桜花牛，通過獨特飼養手法，令和牛達至理想味道 － A5桜花牛色澤紅潤，肉質細緻綿密，油花特別均勻幼細。餐廳嘅建議係由赤肉開始食起，再到其他，例如和尚頭，肩口肉，五花腩等等。每一種都油香十足，肉味濃郁，點少少櫻花鹽，味道已經提升唔少。當然唔少得重頭戲嘅壽喜燒同埋西冷啦。兩款肉都有專人負責燒，見到壽喜燒有滿滿油脂，燒嘅時候不斷搶火，好似睇緊表演咁。食嘅時候配埋蛋漿，又滑又重油香。仲有原塊和牛西冷，淨係見到都嘩一聲。侍應幫忙剪好一塊塊，非常貼心。除咗和牛拼盤之外，仲有好多唔同嘅野食可以叫，例如鹿兒島黑豚、地雞、海鮮及蔬菜等，超過60款單品。我哋都唔執輸，試咗好多款，有幾樣特別深刻印象。首先係個甲羅燒，佢嘅蟹膏好鮮味，食落去好濃郁，配埋輕輕烘熱嘅米通，層次有提升。佢地仲有好多唔同雞嘅部位，當中雞冠同埋雞心有喜出望外嘅感覺。雞冠食落有啲似雞軟骨，但係外層又有啲雞皮口感，幾煙韌。雞心就好爽口，鍾意食內臟嘅朋友唔可以錯過。當晚食得太滿足

最近愛上食燒肉，網上物色到呢間日本燒肉，在OpenRice 訂枱仲有88折，雖然價錢唔算平，但牛肉的質素真係唔錯，店員都好有禮貌，除左和牛，其他小食都不錯，有餃子，炸物，甜品都係高質，試左一碟燒內臟，這個我覺得麻麻地，都有打算下次再來食其他平啲既套餐，因為食和牛都令我好飽，試唔曬其他的小食🤣

生活太難就係0+3我都無得飛啊⋯放工當然要對自己好啲，食個宮崎A5桜花牛極上燒肉放題當去咗日本啦。入座會先上和牛拼盤，每塊都油花好靚，當然由淺入深慢慢品嚐啦！當中係赤身至霜降級別，包括五花腩、牛肋肉、肩口肉、肩里肌、內後腿肉、外後腿肉、肉眼扒、壽喜燒、和尚頭及前腿肉。除咗係唔同部位之外，仲有特別啲製法嘅和牛壽喜燒，由店員代勞燒過嘅肥美和牛再沾上滑溜蛋黃汁，兩個字幸福啊！最後食埋肉眼扒就飽飽啦～大大塊有質又有量，外面輕輕燒完再剪開，依據自己鐘意嘅熟度再燒多陣，油香十足又腍嫩。另有鹿兒島黑豚、地雞、內臟等選擇，我超愛佢地嘅內臟，牛肝、雞心、雞腎超好食，前者濃香後者超爽口。另外雞冠同雞皮都係必食啊！各款肉品之外，其他小食或蔬菜都包羅萬有同埋好高質！每款沙律我都嗌勻晒適合解膩～仲有明太子菇同埋生食超甜白粟米。小食方面可以任食蟹味噌甲羅燒真心正！蟹膏甘香帶絲絲蟹肉，配脆脆米通食真係超夾！吉列蠔都必點！店員推介我地點黑松露和牛餃子，外脆內juicy。飲品都幾多口味選擇，梳打類相對較多。而甜品有3.6牛乳布丁好滑溜又濃奶香。

呢日lunch break又相約好友來到銅鑼灣新開的餐廳正正😍一入門口已經見到餐廳拎左好多獎好期待🤩環境真心靚！梳化位好闊落坐得舒服，落地玻璃居高臨下景觀一流👍🏻.🥩熔岩芝士和牛漢堡定食 $138🥩本舖溫泉玉子和牛蓋飯定食 $138.Lunch set有湯、前菜、茶碗蒸、主菜、甜品相當豐富😍仲要全部都好好好食😋 湯好足料超多紫菜，前菜豆腐係麻辣口味好特別，青瓜上面仲有牛肉粒花生碎好快俾我清空🤣茶碗蒸蛋好細滑仲有三文魚子🤤伴碟來講好有誠意👍🏻.到介紹主菜，要大讚呢到的牛非常出色！和牛蓋飯大大碗勁多牛再加個溫泉蛋，份量多牛有咬口味道濃厚非常高質，啖啖肉大滿足🥰另一款石鍋上係滿滿的芝士，芝士一直熱辣辣🧀影完相食依然熱到滾緊🤣漢堡扒好厚身一樣牛味濃好好食😋.食完主菜甜品係柚子雪芭，口感綿綿細滑味道清新，酸甜口味我大愛🥰.呢個價位性價比太高！靚景又坐得舒服，食物質素真係非常高質！一定會再encore😋

坐位舒服, 地方夠大, 尤其如果2人坐卡位, 仲加滿足.環境算靚, 地方清潔.一開始會先上個和牛頭盤, 有D部位係只有頭盤先有, 尤其當中最好食的是左上角的和牛西冷.左上角的西冷和右上角壽喜燒都有專員幫手燒. 當中壽喜燒會配生蛋汁, 如果唔食得生野既野就提早出聲.壽喜燒口感薄配上蛋汁比較香, 再加上櫻花牛本身肉味都濃, 口感上算係刺激.西冷花紋一望就知好靚, 油花味好重, 口感入口即溶, 脂肪比例由於比高, 會相對濟小小,多人一齊食會比較好, 我自己個人中意靚既A5牛配飯或烏冬食. 可以中和小小油份, 無咁濟.如果只食牛及份量又多, 會容易消化不良.其他任食既部位, 由好瘦到比較肥都有, 岩晒中意唔同油脂比例既人. 但一般頭盤都好飽, 所以任食個Part 可以真係唔夠食先叫.以免浪費.豬肉腸味道不錯, 外皮比較脆, 可以叫來試一試.飲品方面通常為乳酸蘇打為主. 個人覺得味道唔錯. 甜品有3.6牛乳奶凍為招牌甜品, 另外仲有一款抹茶 雪糕, 比較少見. 但味道好濃. 比一般既綠茶味更濃. 整體食物全部高質, CP值高, 節日慶祝岩晒.998$ 一位, 宮崎A5櫻花牛極上燒肉套餐.

望住廣闊嘅維園景色，感覺特別舒心！餐廳採用和風同西式裝潢，座位好闊落，坐得舒適。員工態度極友善，抽風亦好好。今日同朋友食【宮崎A5桜花牛極上燒肉放題】，超高質又精緻，先望吓個頭盤，已經係滿分！聽講和牛都係出自自設牧場，A5級數，當然係超正！好多個唔同部位，前排由左數起：五花腩、外後腿肉、肩口肉、和尚頭、肉後腿肉、前腿肉，後排係壽喜燒、肩里肌、西冷，每款都色澤紅潤，滿滿雪花紋，油脂極豐富。最誇張係塊西冷，大過我塊面呀，好震撼。店員仲過嚟幫我地燒，燒到啱啱好，亦剪得美美的。稀有部位和尚頭第一次聽，亦係第一次食，原來係後腿股肉。個人幾鍾意壽喜燒，大大片夠滋味，蘸啲雞蛋食，一流！連咁高質嘅甲羅燒都有得有食，有蟹籽、蟹肉、蟹膏，撈埋鵪鶉蛋去燒，燒好再放上米通上面食，超正！一定要encore！北海道一汐赤魚厚身，肉質厚實又有魚香味。櫻花蝦蛋黃醬帆立貝好特別，好似咸蛋黃味嘅帆立貝，不錯！連香腸都係好高質，日式黑豚芝士腸皮脆肉嫩又有香濃芝士味，必食！香草牛油廣島蠔都可以試吓，味道唔錯，不過蠔就唔夠大隻。自家制3.6特濃牛乳奶凍低甜奶味濃，但最好食係日本嘅抹茶雪糕，濃郁抹茶味，食完口腔仲有啲甘味甜味，必

宮崎肉本舖 (銅鑼灣).女朋友放假，揀左下午食餐好嘅，多啲時間消化唔洗夜晚咁辛苦！. 宮崎A5櫻花牛極上燒肉套餐 $998.呢個價錢真係間中先會食一次，但慶幸食到幾件真係出面聽都未聽過嘅罕有部位！ 一黎到首先會放低你套餐包牛肉，位於下面嘅大部份可以任叫，除左和尚頭，即係牛後腿內側，內側好似人咁本身都係最嫩嘅位，同時又會發力，所以肥瘦比例好正，非常之好吃😋.上面嘅西冷，壽喜燒以及肩口肉都會店員幫你操刀燒製，以免overcook浪費左件牛，燒嘅時間好短，再浸埋生蛋汁。西冷食多兩件會膩，夾wasabi係中間再沾上燒汁，解膩又昇華肉味.配菜方面，呢個價錢食材都會比較高級。蟹味噌甲羅燒呢到都有，滿滿嘅蟹肉碎加蟹膏，燒至起泡泡就食得，仲有米餅比你放上去一齊食.白汁芝士帆立貝都好好食，一客有兩粒，唔會太膩; 香草牛油廣島蠔滿滿一個錫紙盤，非常鮮味。呢到仲有得燒魚，係北海道一汐赤魚，燒一陣捲曲就食得！ 魚肉厚實，本身好似都有啲鹹味.飲品上選擇唔算多，有乳酸飲品以及烏龍茶。主食嘅話胡麻醬冷麵，蕎麥麵都好好食！.宮崎肉本舖 (銅鑼灣)銅鑼灣糖街25-31號Sugar+6樓

宮崎和牛本舖嘅lunch set非常抵食。餐廳嘅環境一流，座位闊落，景觀開揚，用餐可以對住綠油油嘅維多利亞公園同埋對面嘅高樓大廈真係別有一番風味。我哋今次嗌咗一之藏和牛拉麵餃子定食同埋本舖溫泉玉子和牛蓋飯定食。定食包括前菜，茶碗蒸，味噌鮮魚湯同埋甜品。前菜青瓜豆腐，配上鮮橙製成嘅醬汁，酸酸甜甜，非常開胃。茶碗蒸一啲都唔馬虎，上面鋪滿蟹肉，上面作點綴嘅三文魚子亦為蒸蛋增加鹹鮮味，質感也非常嫩滑，而味噌湯亦有別於平常嘅質素，魚鮮味突出，入面亦有唔少海帶，非常美味。和牛拉麵嘅麵質煙韌彈牙，和牛嘅份量亦唔吝嗇，鋪滿整碗拉麵，而且肉質嫩滑。最令人驚嘆嘅係佢嘅和牛餃子。皮薄之餘，裡面嘅牛肉餡料充足多汁，而且煎得金黃色，非常出色。而蓋飯配上流心蛋黃紫菜同香嫩嘅牛肉，令人食唔停口。最後，仲有柚子雪葩作結。宮崎和牛本舖不論環境，味道同埋價錢亦非常吸引，大家不妨到訪並在舒適的環境下享受一下美味的和牛定食。

宮崎肉本舖 (銅鑼灣).難得放假就係要食正野慰勞下自己🤭. ▪️宮崎A5櫻花花牛極上燒肉套餐▪️$998/per head.唔係講笑呢個set雖然係最貴煲大部分可以任食，而且可以食到好多靚牛部位！.集合10款宮崎A5牛肉，你睇到佢偏白，雪白油花滿布，特別推介西冷扒，稀有部位和尚頭頭以及壽喜燒😋真係入口半化，好香牛油香，西冷同壽喜燒都係由店員幫我地燒製，前者每秒燒30秒都夠，西冷就食得多，A5嘅西冷真係好少食，而後者壽喜燒就配上生蛋汁，好食到拍爛手掌🥺🥺🤗.呢到重點除左肉，係任食嘅食物都非常高質。日本直送嘅海產，蔬菜，小食，仲有沙律，無酒精飲品，甜品等.特別推介嘅有淮山松葉蟹肉沙律，食落似薯仔但其實係淮山。蟹味噌甲羅燒必叫，我地encore左兩轉！山賊汁九州和牛米餅都幾好食，特別又脆卜卜燒物方面，個人推介必食粟米，超甜，可生食可以連牛油一齊燒，前者清甜後者就香甜！.最後甜品3.6牛乳奶凍必食，香濃奶味勁好食！📌 宮崎肉本舖 (銅鑼灣)銅鑼灣糖街25-31號Sugar+6樓.環境：⭐️⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️.

夜晚去幫襯，叫咗最貴嘅宮崎A五、櫻花牛極上燒肉120分鐘放題套餐，每位998。先放了一個牛肉拼盤，各款牛肉也是好味的，每一款牛肉，旁邊放了一個牌，上面刻着是屬於牛的那一個部份，看似很細心，但其實木牌上的刻字太淺，唔係太睇得清楚。其中有兩塊最大的西冷牛，店員會幫你燒，但最吊詭嘅地方，原來是冇得添加。燒肉部份，是沒有問題，質素好其他方面，就有斟酌嘅地方當你踏進餐廳，由店員開始同你安排座位那一刻，已經開始120分鐘倒數，從手機上的QR code，我看到原來當店員解釋完之後，已經過了6分鐘，而且我發現用QR code order食物，唔係咁快捷，每次起碼都要5秒先至可以load撈入去系統,每次只可以點五款食物，其實一來一回，用咗嘅時間唔係少，唔可以講得上係方便快捷。用餐期間，發現其他榻榻米區的客人，不時都會探頭出來，呼叫侍應，通常都是反映食物失蹤。服務員態度良好，有禮貌，但會偶爾忘記你的請求。餐廳油煙比較大，真係估唔到。餐枱闊落，唔會坐得好擠迫。除了燒牛肉外，亦都點了拉麵，泡飯，味道一般，冇叫，不會有可惜。甜品不錯，牛奶動，以及雪糕，都是不俗整體而言，燒牛肉的質素不錯，但自己本人不會推介給其他

常言道「三人行，必有我師」，而朋友則是我的美食良師。我們好一排都沒吃過烤肉，於是朋友搜尋最近有甚麼火熱的烤肉店，結果她發現在日本享負盛名的宮崎肉本舖居然在香港開設海外分店，終於不用飛去日本品嚐。另外朋友說宮崎肉本舖在openrice推出預付優惠，特選三品燒肉午市定食買二送一，原價594元三份定食，現在只需396元，我們二話不說購買起來。特選三品燒肉午市定食包括前菜，味噌鮮魚湯，鹿兒島黑豚頸肉，九州A5牛肋肉，新潟地雞雞腿肉，越光米飯，飲品或甜品。位於銅鑼灣Sugar+的宮崎肉本舖位置方便，鄰近地鐵站與巴士站，而且這裡窗邊座位能一覽無遺維多利亞公園的景色，心曠神怡。宮崎肉本舖用餐區相當寬敞，而且採光一流，桌與桌之間都有一定的間隔，座位餐桌簡約舒適，不會擁擠。前菜淮山松葉蟹肉沙律別出心裁，起初我以為這是普通的薯仔沙律，但一吃進嘴裡，這可不是薯仔，是淮山呢。淮山沙律口感綿密，爽甜的松葉蟹肉與淮山絕妙融合，配上魚子醬沙律更為鮮，淮山松葉蟹沙律好不涮嘴。我很喜歡喝熱湯，尤其是熱騰騰冒煙的湯，味噌鮮魚湯裡頭的油揚和海帶給得不手軟，滿滿的湯料，因為湯頭是味噌口味，原本害怕會太鹹，怎料沒有死鹹，只有很

呢個燒肉店景觀好正❤️可以睇曬成個維園中午去可以有藍天陪伴住用餐🌤佢地中午餐牌有燒肉同飛燒肉定食套餐因為果日食完之後要番office了～～所以只係食左普通既定食每一個定食都有前菜+茶碗蒸+麵豉湯前菜係特製既小青瓜，好好味茶碗蒸有驚喜，打開入面有魚子同埋蟹肉🦀麵豉湯入邊滿滿湯料未食定食已經好豐富了～～✨熔岩芝士和牛漢堡定食 $138呢個芝士和牛漢堡超正🫰🏻🫰🏻🫰🏻石鍋keep住芝士長期係熱辣辣嘅狀態每啖漢堡都可以被滿滿嘅芝士包住和牛漢堡好香又多肉汁再邪惡一d可以撈埋芝士加埋落飯到係超正既肥仔餐～～👻👻✨A5和牛咖喱蛋包飯定食 $138每一舊牛肉都好鬆軟牛肉既份量仲要有好多搞到最後食吾曬d飯咖喱甜甜辣辣好香口又好開胃\(^o^)/如果有時間一定要去食下佢哋既A5和牛燒肉放題(⁎⁍̴̛ᴗ⁍̴̛⁎)餐廳仲有獨立日式房間好岩同家人朋友既聚會🤓