宮崎肉本舖 (已結業)

為左慶祝朋友生日之前一直都好想試呢一間見到八八折即刻衝上去食！啲員工話所有嘢食都係由日本送過嚟未食都有期待！我哋六個人食咗$998個套餐一上嚟就有兩盆和牛拼盤比你試晒唔同牛嘅部位！個人推介肩口肉同埋牛肋肉所以之後任食再叫但最驚喜一定係個壽喜燒肉個員工Carina 燒得超級好入口即溶我哋食到拍晒手掌🖐️跟住佢仲幫我哋燒賣肉眼扒剪到超級靚咁擺上個碟度講真個心機分已經夠晒啦！之後叫嘅任食牛就比較薄切但就可以試其他嘢食囉其他嘢食推介：超甜日本粟米一定要食蟹蓋加米通都好好食豆腐菠菜沙律又係好味茶漬飯有去咗日本嘅感覺甜品個柚子雪糕都一定要叫最後講埋本身openrice講咗朋友生日佢哋都有喺個甜品碟度寫上朋友個名咁都唔止仲要送咗扎花會唔會太誇張先？🤣

幾個月前已經有朋友介紹過宮崎肉本舖🤩， 他們對餐廳的燒肉放題晚餐評價很高👍🏻， 今日剛好經過銅鑼灣糖街， 就等我先品嚐午餐啦🥢！ 餐廳的地點很方便，位於銅鑼灣糖街25-31號Sugar+6樓， 是一間日本過江龍燒肉店。 店內裝修時尚有格調✨， 有卡位、榻榻米座位和半開放式包廂， 可以一邊欣賞維港靚景，一邊享受美食。 我們點了兩款午市套餐定食🍱 (包括是日前菜、燉蛋、味噌鮮魚湯和甜品) ，熔岩芝士和牛漢堡定食$138、 一之藏和牛拉麵餃子定食$148。 ⭕味噌鮮魚湯🥣 ～ 相比一般的味噌湯鹹度底， 反而帶有魚湯的鮮甜味。 ⭕燉蛋🥚 ～ 蛋味香濃，口感水潤嫩滑，。 ⭕是日前菜🥗 ～ 有青瓜豆腐， 清清地又爽口。 ⭕一之藏和牛拉麵餃子定食🍱🥟 ～ 呢碗和牛拉麵🍜就不得了， 和牛佈滿整個碗👏🏻， 口感軟腍入味， 連湯底都做得好好飲， 配上煙韌掛湯的拉麵條， 非常高質👍🏻！ ⭕餃子🥟是牛肉餡， 絕對可以形容皮薄餡靚， 牛肉餡質感紮實， 配上柚子醬更添惹味🤤。 ⭕熔岩芝士和牛漢堡定食🍱 ～ 香濃美味的熔岩芝士🧀配上肉汁豐富的和牛漢堡🤩，邪惡又美味， 芝士汁用來拌飯每一啖都在享受😚， 芝士控必點。⭕

宮崎肉本舖平時夜晚食燒肉已經幾唔錯，原來lunch都有和牛定食，約左客人傾野，黎呢啲高級少少既地方就岩哂啦！兩個人都有張大枱，坐得好舒服，我地一人叫左一個定食。定食仲有前菜：青瓜豆腐，茶碗蒸同甜品：雲呢拿雪糕，非常豐富既set，茶碗蒸超滑，配埋小小三文魚子，一流啊本舖溫泉玉子和牛蓋飯定食呢個配合基本上一定好食，和牛粒加溫泉蛋撈飯，食得出和牛既油香，啖啖都有肉，幾滿足。A5和牛咖哩蛋包飯定食咖哩入面有紅蘿蔔、薯仔粒，均衡飲食，A5和牛牛腩一啲都唔鞋，軟淋淋，好好味。

一聽到有靚A5櫻花牛，就已經忘記咗要減肥這回事了，就立即拉埋老友去試！今晚我哋order 咗九州A5和牛特上套餐（$698/person)首先就係主角出場，九州A5和牛燒肉拼盤一份，由外圍的（1）外後腿肉（2）肩口肉（3）肩里肌 （4)內後腿肉(5)和尚頭（6）五花腩到中間油脂最豐富的（7）肉眼（8）西冷、（9）牛肋肉！A5櫻花牛色澤紅潤，油花均勻幼細，油香於齒頰間可以停留很久，簡單沾上櫻花鹽，便已經可以帶出牛味！原則上吃了這個拼盤已經感到好滿足！😋😋聽到會員迎新優惠會送三角腩一片，即刻登記，仲可以儲積分，當然立即行動！其他食物如牛內臟、黑豚肉、甲羅燒、沙律、飲品、甜品等60款日本食材供選擇，真的好豐富！胡麻豆腐菠菜沙律 - 豆腐好滑！粟米 / 秋葵 - 秋葵新鮮但粟米就真的值得一試，不用燒就可以食，非常鮮甜！蟹味噌甲羅燒 - 仲有2塊脆米餅夾住來食，就唔驚太咸！白汁芝士帆立貝 - 帆立貝加埋溶了的芝士，提升香味！雞腿肉 - 很濃的香草味，肉質嫩滑！日式免治雞肉軟骨棒 - 味道不俗！雞冠 - 好爽口！豬頸肉、上肩肉 - 兩者都很惹味！青蘋果乳酸梳打、白桃乳酸梳打 - 試了兩款，相比之下

第一次來食和牛，點了兩個午市定食，一個《招牌A5和牛燒肉五品盛合》，另一個係《咖喱A5和牛蛋包飯》，試下一款生一款熟睇下有無唔同呢度既近窗位比較適合兩至三人坐，因為係L型，唔可以坐得太多，出入有少許唔方便。讚既係近窗位真係好開揚，落地玻璃睇到整個維園景！呢度既通風一般，見到個空氣清新機都有變左色起警號另外一提職員態度一般！我地當日一點半到達，人流不太多。講返食物先，燒肉既定食有五款肉，其中有三款有少許根，唔夠稔，最好食既係腿內肉，肥瘦均勻，有油脂又太膩咖喱蛋包飯好值得一讚既係和牛份量好多定食每份都有湯、前菜（肉碎豆腐青瓜、茶碗蒸）都好食既，仲有可樂或甜品（柚子雪雹）openrice訂座有88折，兩個定食加埋$418，以銅鑼灣來講都唔算太貴，ok的

宮崎肉本舖終於登陸香江，主打頂級A5樱花和牛燒肉放題，食材均由日本直送，質素保證。位置於銅鑼灣新建商廈 sugar+ 內。裝潢潮派，可瞭望維園開揚景緻，一邊享用佳餚，一邊欣賞風景，一樂也！現時訂座預付可享有優惠：只$396可享受買二送一優惠。特選三品燒肉午市定食包括三款肉類，前菜，茶碗蒸，麵豉湯和米飯。九州A5牛肋肉油花均勻分佈，燒起來惹火，入口溶化。鹿兒島黑豚豬頸肉燒得焦香，香口惹味。新潟地雞雞腿肉雞肉軟腍，用了香草醃製，有特色。米飯採用越光米，粒粒分明飽滿，香糯。餐後還有飲品或柚子雪糕可選。我哋三人行，剛好享受優惠，抵食又好食。

今日去食燒肉一直心大心細咁樣究竟食全放題好定係半放題好，最後都係食咗全放題多咗和尚頭一款肉， 第一盤係非常之靚嘅，有唔同嘅肉，每款肉嘅油脂分布都好靚，燒咗放入口嘅時候，嗰種油香味揮之不去，不過呢種燒肉，就要睇吓燒得好唔好食，自己燒的話，有時會覺得浪費咗個食材所以會有一款Sukiyaki，同埋個牛扒係店員幫手燒嘅，我就覺得兩款都好好食，比起自己燒嘅好似燒得啱啱好，食到高水準嘅感覺其實食完第一盤已經飽，如果大家唔係好大食嘅話，我覺得要半放題都足夠，因為個款和尚頭的肉，我又唔覺得太驚為天人🤣反而我覺得佢啲日式蔬菜幾好食，尤其是係白粟米，店員介紹生食，真係一食就愛上

香港越來越多優質日本和牛放題店，今晚我哋去咗過江龍「宮崎肉本舖」，以宮崎頂級A5桜花牛作賣點，每位$998或$898可吃到從前只作內銷的桜花牛肉實屬難得。 不過胃納有限，首次光顧，我們先嚐每位$698的九州A5和牛特上套餐，包括9款九州A5和牛拼盤及60款日本食材放題。 九州A5和牛特上套餐 $698 九州A5和牛燒肉拼盤一份包含︰西冷薄片、肉眼薄片、外後腿肉、內後腿肉、和尚頭、肩里肌、肩口肉、五花腩及牛肋肉。   吃法順時針方向由外後腿肉開始，最後吃中央三款油脂最豐盛的。服務員細心建議四款蘸醬的最佳配搭，粉紅色的獨家桜花鹽及特製燒汁適合所有燒肉，日式芥末配油脂特別豐富的肉有助平衡膩感，而最右方的麵豉醬與內臟匹配， 全部牛肉片皆貌如雲石，脂香豐腴，肉質柔軟細嫩，入口即化，由淡至濃吃法，愈吃愈香，口感幸福滿足。 會員迎新優惠三角腩馬上在 Storellet  App 入會，即送每人一片稀有部位三個腩，並且可以儲積分，入會後即送九折優惠券下次用。  60款日本食材放題包括和牛內臟、黑豚、地雞、甲羅燒、自家製和牛餃子、飯、麵、沙律、飲品、甜品等超過60款食物選擇，全用上日本產時令食材。 淮山

今日約左個朋友食lunch，佢話公司附近新開左嘅大廈有間好正嘅餐廳😂所以今次就跟住佢去試下啦。。。哇。呢個地方真係新開咖喎，好高級。類似旺角果啲成幢大廈都係餐廳咁，叫Sugar+今次食呢間係6樓，食和牛😍😍😍入到餐廳環境好大，座位又舒服，景觀開揚，基本上全部都係卡位，又有幾間包廂，私隱度好高。。枱上面已經放好哂口罩套，燒肉圍裙同濕巾午餐係有唔同嘅定食一之藏和牛拉麵餃子定食定食入面包括左茶碗蒸，一打開好靚，上面有幾粒魚子，個底有冬菇。個茶碗蒸超滑，滑到用匙羹筆都sir番落碗😂麵豉湯，超濃味，入面好多海帶又有啲豆皮，好正蟹肉薯仔沙律，上面有件蟹肉，加上薯仔蓉入面仲有粒粒薯仔咖！和牛拉麵🍜拉麵有好多件和牛，和牛入口軟淋，唔會癡牙。和牛有好濃郁嘅牛味。拉麵湯底係清湯，拉麵要學日本人咁(雪)入口，代表好好食😋餃子🥟呢個真係好正，餃子外皮煎到香脆，入面滿滿嘅牛肉餡，一咬咇牛肉汁咖。加上個味道岩岩好，濃厚嘅牛肉味，大讚！如果可以單點餃子就爽啦。。咖哩和牛蛋包飯一上枱發現好大份😂餐廳係用甜咖哩，再加上薯仔甘荀。和牛份量真係好多，和牛都係煮到軟淋淋，牛味濃。雞蛋入面仲有蛋漿咖，唔會煎到又老又柴，香滑！啲

平時放題食得多，燒肉放題喺香港數量唔多，而且質素都較參差。最近竟然比我搵到間高質素燒肉放題！ 而且仲要係全部食材都用日本野，真係極少地方做到！今次食呢間餐廳最豐富嘅「$998位宮崎A5楼花牛極上燒肉放題」，要食就要食最好！呢個頭盤，有成10款不同部位！一上枱已經相當震撼，個個爭住影相！當中6款可以任食，包括：五花腩、牛肋肉、肩口肉、肩里肌、內後腿肉、外後腿肉。另外果4款係一次性部位嘅，包括：肉眼扒、壽喜燒、和尚頭、前腿肉。件件都真材實料，當中牛肋肉燒係起上黎，入口即溶，又唔會太膩。西冷肉眼扒就係今晚既MVP, 牛肉本身油脂分怖平均，又有牛味之餘夠腍，滿口和牛肉和油脂既香味，真係訓覺諗起都肚餓！仲有雞內臟及和牛內臟我地都有試，特別係牛心，牛腸，同埋牛肺都好正！燒和牛牛腸都係第一次，口感煙韌，牛味幾濃，推介！除此之外，仲有超過60款日本食材放題單品，當中都不乏一啲平時燒肉放題比較稀有既食物，例如甲羅燒，呢個真係必點！每個甲羅燒會配埋米通同埋鵪鶉蛋一齊上，溝埋一齊食，味道較重既蟹膏，因為加埋蛋既關係，唔會乾晒，反而可以keep住滑溜既口感，蟹膏勁多絕不吝嗇，可以厚厚咁鋪上米通上，有蟹膏既鹹香

最近朋友極力推介呢間燒肉放題，話係全部質素No.1嘅放題，非常高質！今次特登約埋三五知己一齊去食，睇下係咪真係咁正！估唔到食物真係超高質，餐廳所有食材都係由日本直送過嚟香港宮崎肉本鋪，主打係頂級宮崎A5櫻花牛燒肉放題。餓左成日就係為左今餐，今次我地叫左「宮崎A5桜花牛極上燒肉放題」$998/位，首先會上最大最靚既一盤牛拼盤。侍應哥哥好耐心咁介紹呢個自家農場養殖宮崎A5桜花牛－6款部位任點：五花腩、牛肋肉、肩口肉、肩里肌、內後腿肉、外後腿肉，仲有4款贈送部位：西冷／肉眼扒、壽喜燒（附雞蛋一隻）、稀有部位和尚頭、前腿肉。仲話食到最後肉眼扒壽喜燒嘅部份時，佢地會幫我地燒，咁就唔怕我哋燒得唔好嘥咗塊扒，哈哈！牛肉件件都真材實料，當中五花腩燒起上黎，唔講仲以為自己食緊大Toro，入口即溶，油香滿滿。食和牛梗係唔怕肥啦，你睇下呢塊西冷，燒得好靚，呢啲咪幸福既感覺！油花靚得誇張，食落真係超正唔係講笑！仲有三款和牛內臟，我就試左有和牛心，牛腸，同埋牛肺。牛肺平時牛雜就食得多，燒和牛牛肺都係第一次，味道好特別，其他地方真係唔多有。我地encore 咗好多次！仲有超過60款日本食材放題單品，當中都不乏一啲

今日到銅鑼灣搵食，見有棟新既商廈sugar+開左，就隨意試下呢間燒肉店。午餐有燒肉及非燒肉定食。因為趕時間就先叫左非燒肉定食。每份定食有味噌湯，小冷盤，蒸蛋，仲包杯可樂或雪糕。湯底有魚湯味，蒸蛋都有驚喜，有魚子同蟹肉。我同朋友分別叫了和牛餃子拉麵同和牛粒炒飯。餃子餡料都係和牛，好有牛味。炒飯落料算多和牛粒，唔算太肥，仲有櫻花蝦，賣相同口感都唔錯。裝修幾日式，主要為木系，仲有得落簾，景就望住維園食，仲有側海，下次再訪一定要食燒肉同飲酒，相信一定感覺置身於日本咁。

喺香港食燒肉好多時都會夾雜其他國家肉類，但呢到所有食材主打全日本直送，當中宮崎A5桜花牛仲係自家農場養殖餐廳環境舒適，好鍾意木系裝潢，仲有一個個獨立小房間，望出窗外係環境開揚維園景觀今次就點了$998位宮崎A5桜花牛極上燒肉放題 ，先嚟前菜開胃小食呢個放題超豐富，除咗A5桜花牛外，仲有鹿兒島黑豚、地雞、海鮮及蔬菜等，多款單品超過60款，未上主角燒肉前，先點了熟食吉列廣島蠔，炸到外層香脆可口，入面隻蠔身肥美飽滿蠔味十足到主角出場了，有成10款不同部，由赤身至霜降啲油花真係好靚，當中6款可以任食㗎（五花腩、牛肋肉、肩口肉、肩里肌、內後腿肉、外後腿肉），另外仲會有4款一次性部位（肉眼扒、壽喜燒、和尚頭、前腿肉）一開始先由赤肉食起，五花腩燒到出血水再反轉燒幾下就食得，已經食到肉香嫩滑，再到內後及外後腿肉，到油脂開始重嘅牛肋肉，之後壽喜燒及和尚頭部位去到一大片嘅西冷肉眼扒真係不得了，望落去霜降超粉嫩油脂豐富，食落肉質綿密入口即溶，當中肉眼及壽喜燒會由店員代勞燒好，佢哋經驗豐富燒到剛好蟹味噌甲羅燒都要叫，蟹膏鹹香鮮味配香脆米通食一流呢到連和牛內臟都有，我本人就好鍾意食內臟，牛肝牛肺太邪惡了，燒完後

牛控小妹經常四處探索牛肉，得知銅鑼灣 sugar + 有開業不久的《宮崎肉本舖》就被吸引去了！ 門外富有日式傳統風格，地方闊落而且提供有獨立位，私人度高！ $698 係食九州A5和牛1）9種 部位拼盤2）每日三款牛內臟，60+ 食物放題我兩揀選了九洲A5 特上和牛😍 內有西簿片、肩口肉、五花腩、牛肋肉等等。上菜時，可見牛花滿滿！ 我兩急不及待煮食，所釋出油脂，久久留在口腔內，可見食物質索之高！ 職員還細心地介紹各醬料。 其他餸菜可用QR code 落單，而餐牌內款式有多種不味道製法的如甲羅燒、蠔、魚、肉、蔬菜、飯 等等。 職員服務態度專業，不時都遠觀留意客人須要。這家餐廳適合慶祝、聚舊、宴客的好地方