宏 (已搬遷) 新店位置

上星期相約好姊妹吃午飯，特地選了來THE ONE裡的”宏”以前曾經在佐敦的”宏”吃過一次飯，還記得當時吃的是”靜岡鰻魚飯”，味道不及日本的水準卻比很多其他香港店煮得好了～而它搬來了THE ONE後，還是第一次試平日下午差不多12時許來到，沒有太多客人所以不用等位坐下來先詳細地閱讀一下餐牌，發現這裡不單止提供膳食同時售賣烏冬及茶葉等商品最後我決定ORDER得惠的＄99套餐醬油拉麵＋卷物兩件＋沙拉＋卷蛋一件＋特式紅茶一杯份量充足架～！蔬菜沙拉及卷物沒有什麼特別要說吧～估計它的特色是海藻烏冬了吧？吃起來口感比較像是蕎麦麵，但味道清清地我個人都幾喜歡紅茶方面，每天只提供指定的紅茶，而當天的正是草莓紅茶～LUCKY卷蛋我選了抹茶味，味道正常整體而言，在這裡用膳感覺舒服不過要講料理的特色，恕我直言，找不到

Happy Friday!!夜晚約左幾個月無見既好友係the one食飯，食完飯後好想食甜品，就同左朋友黎到宏，因為好友未食過，當時我search過佢地既關門時間係11pm，而我地到達店既時間係10pm。一入到門口，有個侍應已經用非常差既語氣話: 而家得返甜品食咋喎！咁我地係黎食甜品，當然無問題啦！佢帶到我地去位後，又講左句: 我地十點九收舖！個下即係心諗: 咁唔想我地入黎，直頭話已收舖咪得囉！好啦，叫野食，好友叫左件抹茶卷蛋，我就想叫抹茶窩夫，點知佢話窩夫無哂，我個下諗唔到食咩，就話咁要件抹茶雪芳蛋糕，點知原來有最低消費，呢個係我疏忽無留意到，但侍應既嘴臉係好厭惡，好似我無錢黎食咁，又不斷催促我落其他口味既窩夫或抹茶雪糕⋯最後我叫左呢個抹茶拿坡崙 ($98 加一)：價錢係有d貴既，味道黎講，抹茶雪糕好濃，拿破崙餅亦好食！但咁既服務態度⋯我唔會再黎！因為唔係只有你地呢一間抹茶店好食！我食完走個陣只係10:25pm，我只係坐左25mins，請問有幾阻住你地收舖呢？唉，Happy Friday 比你地破壞晒！

晚飯過來這吃個甜品，上一次光顧時仍是在佐敦的舊店，那次吃完念念不忘，今次重臨，滿心期待及歡喜！先吃綠茶旦卷，海綿蛋糕很濕潤鬆軟，可惜cream 已沒當年的輕盈幼滑口感了。一人一杯parfait！上次食過，好好味所以今次再點！最頂既餅乾好脆！雪糕綠茶味不濃，亦不夠滑，不過不失。綠茶mochi不單冇綠茶味，口感好粉！好難食！！custard cream 好鞋，綠茶jelly冇綠茶味，亦不滑，幸好唔難食......白色的疑似溶掉的牛奶味雪糕，味道好人工！然後有一層濕透的海綿蛋糕。最好吃是底層的栗米片。因為太太太難食，所以大家都食剩了⋯⋯⋯估不到搬到這裡後水準倒退這麼多，很失望！！！

月頭約咗好友食晚飯，經過宏有多位唔洗排隊就去食啦。 睇晒成個 menu 覺得 set dinner 最抵食 ($99)，其他動輒都要百幾蚊。 dinner set 包一個拉麵，沙律，兩件壽司，一杯指定熱茶同一件甜品。拉麵份量都唔少，食落好飽肚，甜品個抹茶/ 黑芝麻卷蛋都濃好好味，下次會試埋其他甜品呢。

午餐時間稍過，一個人在The one覓食，見到宏唔算多人，既然想試很久不如入內一試。陽光從玻璃窗透進餐廳，感覺很乾淨光猛。座位寬敞，坐得很舒服。Menu選擇多，除了出名的甜品，還有烏冬、咖喱、意粉等，亦有豐富的午餐Set Menu。跟餐有一碗沙律，紅茶及蛋糕，價錢相當合理。沙律普通，配上微酸的醬汁十分開胃。野菜天婦羅，將不同的蔬菜切成絲，再包裹薄薄的炸粉，炸到好大件。好爽口，唔算油。烏冬是幼條扁身的，加入了海藻粉，煮好後放在碎冰上，冷縮後更加彈牙。沾上烏冬醬汁，十分好吃果味紅茶，用上高級牌子的茶包，果香很重。添幾次水還是很夠味。蛋糕選了綠茶卷，很細綿的蛋糕卷，一點兒也不乾。加上香濃綠茶Cream，綠茶味香而且不會過甜。一個餐足夠飽肚，味道水準幾好。看到Menu上還有很多賣相吸引的甜品如芭菲、蛋糕、Macaron等，有機會想試一下。

今日去開the one行街 緊係順勢係宏high番個靚tea人人都知呢度嘅蛋卷係皇牌甜品所以我就緊係叫左件黎食***呢個人氣蛋卷抹茶味太淡唔係話好突岀但忌廉尚算輕薄幼滑蛋糕亦鬆軟濕潤但比起其他蛋卷黎講略欠茶香 較為遜色***呢個芭菲上層有抹茶味雪糕同蕨餅 中層就配上啫喱同鮮忌廉 雖然賣相好吸引 層層都好足料 但個人認為有d甜同滯😕好彩底層有粟米片同海綿蛋糕中和番 蕨餅亦好痴牙 味道一般 整體黎講吾值呢個價錢🙅

星期六下午三時多，睇完戲就去吃late lunch. 記得綠茶蛋捲不錯，所以就入內。餐廳不算滿座，不用等位。叫了兩個烏冬餐，一個飯烏冬餐，跟綠茶蛋捲。食物味道正常，海鮮炒意粉叫少油都做到。吉列豬扒暖暖，脆的，但汁太咸又加哂落飯。醬油烏冬正常。綠茶蛋捲很moist 很新鮮。最差的是服務，叫加水叫左幾次都無件事，叫人都扮聽唔到。終於有人肯加水，但加得半杯，叫佢加滿佢話唔夠水，咁我叫佢轉頭再加。點知無件事，仲要直行直過。最後又要叫另外一個人加水。咁既服務，完全0分。

今天女兒放假，和她到尖沙咀行街也一試她一直想吃的日式餐廳「宏」看到門口的蛋糕已吸引到哇哇大叫點餐很方便，有自動按掣飲品：我要了一杯日式咖啡：熱咖啡以日式手法調製的熱咖啡，小小一杯，味道香濃店員細心，給嗜好牛奶香氣的媽媽帶多了一小杯奶女兒的最愛：宇治抹茶沙冰抹茶軟雪糕抹茶軟雪糕香軟滑溜，吃到茶香及奶香沙冰清新可喜點了一份炸豬扒飯+海藻麵她則要了一set 鱈魚飯+海藻麵送來的時間就發現份量很大更包括一客小沙律原來這裡不只是甜品出色，主食的口感和味道也不賴！鱈魚帶有芝麻香，燒汁也很入味炸豬扒飯炸得香脆而有肉汁飯是新潟米，米飯的口味質感人人各有所好我特別鍾情新潟米粒粒圓潤飽滿，吃起來黏性重，是好飯！海藻味道很香濃，香氣直入麵條之中海藻麵吃起來QQ的，有彈性又順口，絕不軟爛甜品時間，女兒很興奮的點了咖啡蛋卷蛋卷軟熟，味道香濃香滑的忌廉與咖啡味相輔相成蒙布朗芭菲口感豐富除了香濃厚滑的栗子醬，更有一層又一層的忌廉、奶凍、士多啤梨醬更有甜絲絲​​入口鬆脆的法式蛋白脆脆 加上底層脆卜卜的粟米片，真的令人愈食愈開心

這間食日本料理餐廳都聽過不少朋友介紹推介, 當中他們特別強調了抹茶卷蛋蛋糕很出色。今日相約朋友於尖沙咀小逛聚舊，於是就提議去這間於The One的餐廳。是晚約7點左右，星期二。幸好算是較早，不需等位就可以入座。之後餐廳都已經很快滿座。有要等候的可能。餐廳的座位都寬敞，環境不錯。從窗外看出去是尖沙咀鬧市的景色。很有日本特色的室內設計👍🏻食物方面，朋友點了咖哩炸雞飯。日式咖哩味甜加上日本新瀉米飯，非常不錯。炸雞保持到肉汁嫩滑，很香就是。沙律菜可平衡咖哩味。另外，我點了雜錦天婦羅飯定食。我胃口向來很好，特別點了這個豐富的套餐（連餐還有抹茶卷）先吃沙律菜，新鮮的蔬菜鮮甜可口。天婦羅要做到好吃一點都不簡單。這裡的是蔬菜蝦天婦羅，有人氣的秋葵，好健康的紫薯，手掌般長的蝦。每款都做得好吃，外面的炸漿剛好不多不少，保持每樣食物自己的味道。吃下去一點罪惡感都沒有冷蕎麥麵都很不錯，很爽口配上甜甜的冷面汁，可口！來到跟餐甜品，可選我最愛的抹茶卷蛋。市場上都有很多甜品點有做，也試過不少。但這一間做的我一定會再光顧。抹茶忌廉香濃，吃後還留有很香的茶味在口腔中。蛋糕部分都做得很鬆軟綿綿👍🏻👍🏻雖然主食套餐已很豐富

星期日4,5點參觀畢科學館, 肚仔有少少餓, 打算食個下午茶，女伴推薦佢之前食過既「宏」而我未食過，有新野，當然舉手讚成可能時間較晏，竟然不用等位，前入店內打開菜單，選擇眾多，有set有散叫，有甜品有主食不過日式咖哩於餐牌賣相一般，而且日式咖哩製法大同小異，並無甚特別所以今次決定order L2味噌海藻烏冬set ($99)+R5 燒鱈魚飯set ($140)味噌海藻烏冬set跟一杯茶，沙律及小蛋卷味噌味道略淡，只比燒鱈魚set跟餐的普通海藻烏冬濃少許烏冬口感類似蕎麥麵，幼滑軟身配料算多，幾塊日式叉燒，荀等等，份量足夠燒鱈魚飯set跟海藻烏冬，一杯茶，沙律及小蛋卷燒鱈魚飯的醬汁調較得不錯，濃淡適中，好岩送飯食而鱈魚煎得香，口感實在，灑上的芝麻帶出整體香味, 屬不俗之作跟餐的海藻烏冬屬清湯湯底主角--草莓小蛋卷與抹茶小蛋卷蛋卷口感幼滑，甜度適中，當中的抹茶小蛋卷抹茶味香濃曾試過位於IFC的日本品牌抹茶專門店，我覺得不相伯仲鐘意抹茶既朋友不妨試試，應該都不會失望可能時值下午茶及晚飯中間的時間，食客只有三數檯我倆坐窗邊較後座位，談天說地，實屬幸福的下午茶

After the OT in office, i and my colleague would like to pick up a relax restaurant. We walked around TST and decided to have meal in Hiroshi.  It was about 8pm and the manager helped us arrange the seat quickly. I was so hungry at that moment so i instantly ordered the all day set - grilled pork with Ginger. The meal set are rich in content, not only does it contained Udon, but also cake and Sri Lanka tea (the type depends on the day) the grilled pork was nice, i especially enjoyed the taste an

同朋友係the one行街，行行下想坐低飲少少野，就揀左呢間綠茶專門店「宏」。下午茶時間，一入去就有位坐。朋友揀左杯宇治抹茶，我揀左錫蘭紅茶。一黎到我同朋友的第一個反應：咁細杯既！？佢杯抹茶要$40，我果杯都$39，一啲都唔平，但真係細杯到兩啖就飲得晒果隻。我果杯紅茶其實好普通，只係我係menu真係揀唔落手先揀佢，另外杯抹茶，係有抹茶味，不過就過甜，最大問題係真係好細杯另外我地仲嗌左個抹茶雪糕配窩夫，講真除左個抹茶雪糕之外，其餘的我都食唔到抹茶味，好普通的一個甜品，盛惠$6x。最後都係唔明點解呢間野會有咁多好評

今日放工同朋友相聚，宏係the one位置真係十分優越上一到去餐廳環境十分寬敞推薦大家早少少reserve定近窗位置，風境好好好推薦大家食佢個all day meal，價錢$99係the one黎講真係唔算貴，我叫左一個和風海鮮海藻麵意粉餐，麵既質感同平時食既意粉好唔同問一問經理先知原來佢地係用日本出產既小麥粉入面有好rich既食物纖維，褐藻糖膠，海藻唔怪得咁彈牙海鮮亦有青口大蝦，加埋黑椒調味，好推動大家去食！ set餐總體感覺係比較健康，所以帶父母黎都應逃係幾好既選擇而且仲有壽司，沙律，甜品同斯里蘭卡紅茶性價比高！餵食既我地仲叫左抹茶甜品set A ($160)一上碟真係誠意滿滿，total有五種雪糕拿破倫既抹茶清香creamy而抹茶蛋卷就真係大愛，平時食既蛋卷都會食到好濟，但依個就入口fresh得黎又好soft加埋牛奶布甸做ending真係好perfect 依個質素絕對值依個價錢總體黎講，好滿意，服務既態度亦一流會再黎食過

45蚊凍抹茶奶同益力多一樣份量 真係一啖飲哂抹茶味多過奶海藻凍烏冬難食 好似食緊草咁牛肉咖哩飯得5塊牛 汁同即食袋裝咖哩冇乜分別日本珍珠米都可以整到淋哂成個餐得個蛋卷叫做okCream夠濃牛奶味 夠鬆軟講完食物 講服務態度店員態度唔好攞杯熱水就要三吹四請叫佢攞隻匙羹都西面叫佢落單都要黑面 請問係咩態度過到黎係可以唔洗正面面對客人 埃住張枱側身講野 態度連茶餐廳都不如入黎食野完全係比錢買難受啲好評應該都係買返黎一句講哂 尼間甜品專門店啲甜品都係比聖安娜好少少

同朋友喺度食左個早既晚飯，㨂呢間餐廳因為見評語幾好，去到無乜人，好靜。 食物非常一般，無驚喜。烏冬係較硬身，麵意粉係一樣質地但幼身啲。甜品蛋卷有抹茶味但係較濕身。值得一提既係server既態度超級差，唔止晦氣，問咩都唔知。問佢個餐既問題一路行走一路答，黑面仲無眼神接觸。有大概4個待應，無野做既時候會哩係枱後面玩手機。食左成餐飯無聽過一次唔該，多謝，無覆過單，無見到佢地笑過。所以食物上枱既時候都係放係近佢既一邊，塊面長期黑過訓導。餐廳價錢唔係貴，一般食物質素，但係加上仲差過茶記（係差超級多）既服務態度。唔會再去受氣。