好燒式串燒專門店 (大南街)

營業中

休息中

串燒食過好幾間, 呢間既串燒都算係特別既一間, 原因係佢地串燒既整法非常之地道。佢地既燒茄子就係一個好例子, 一般既燒茄子係一分為二再加調味料, 但呢間係將茄子打橫切開左一舊舊先再羅去燒, 食落juicy好多而且唔會太乾身。除左茄子, 串燒豆腐都係必食, 佢既豆腐係炸左兩次, 個皮炸到岩岩好, 用既燒汁好惹味, 夾落炸豆腐度效果超正, 甜既燒汁超夾脆既豆腐。牛油金菇包超足料, 食得出係用左忌廉汁去溝牛油, 非常之滑, 同金菇超夾,好滑口又唔怕太軔, 正。燒菠蘿唔會燒得太乾身, 幾開胃。肉類方面, 安格斯牛肋串又係推介, 冇太多既筋, 入口即溶而油脂又好充足, 真係好食。燒雞胸軟骨都好特別, 未食過連埋軟骨燒既串燒而且咁正, 軟骨既雞味好濃, 好食。豬仔脾勁大隻, 燒得岩岩好肉汁超足。海鮮既代表有汁燒魷魚筒, 魷魚燒得超正, 彈牙而又好夠鮮味, 佢原隻魷魚上勁大條又好咬口, 真係好好食。除左串燒, 呢間竟然仲有埋簿餅同小食。我地食左個墨西哥簿餅芝士雞肉, 有少少辣, 個雞肉好正, 味道勁出, 簿餅唔會太厚身, 加埋青紅椒同埋水牛芝士,  配搭出奇地好, 唔會好膩, 高質。下次一定再來試埋