好燒式串燒專門店 (大南街)

營業中

休息中

疫情第三波爆發，政府再次收緊限聚令，一於在限聚令實施前食返餐好，之後乖乖留家抗疫。餐廳位置比較遠離大街，沒有太多人來來往往，感覺比較安心一點。燒豆腐外皮金黃香脆，入口脆卜卜，外脆內軟，豆味香濃，燒得非常好。黑松露什菇墨西哥薄餅墨西哥薄餅皮薄香脆，什菇新鲜多汁，黑松露味道特出可口，超正。黑毛豬肋串（右）豬肋肉鮮嫩多汁，肉味香濃，配上少許調味已經非常出色。豬頸肉串（左）肉質爽口鮮甜，口感爽彈，加上少少辣，味道非常正。燒油甘魚鮫魚肉鮮嫩多汁，鮮嫩可口，而且魚皮燒到卜卜脆非常香口。燒雞胸軟骨軟骨非常有咬口，雞肉鮮甜，配上啤酒特別滋味。燒露荀BB 露荀特別鮮嫩，入口新鮮翠嫩，健康又美味。

吹水地方必選就係串燒店，可以慢慢食飲下野吹下水的地方。同朋友去完太子聯合廣場睇野，睇完之後去搵串燒店，之後我介紹佢去這間串燒店，因為坐位坐得頗舒服，又光猛。【辣酒煮花甲】第一食辣酒煮花甲，花甲份量都算多，入口又沒有沙，而且辣味同酒味好平均，令到花甲鮮甜入味，口感彈牙。【燒鱔(右)】白鱔分量充足，外皮燒至微脆，肉質嫩滑厚身，口感十足，燒製時間控制恰好，入口仍保留肉汁，配上甜味醬汁，鮮甜味美。【豬頸肉串(左)】豬頸肉不算好厚身，但勝在燒得的口感十分爽脆，再配埋秘製醬汁，真係好惹味。【雞胸軟骨、露筍】雞胸軟骨：軟骨夾住少少的雞肉，燒得勁香，軟骨超爽口。露筍：調味得相當好，又燒得時間岩岩好唔會太老，又夠爽口。【粟米】熱辣辣的粟米，超甜又多汁，勁快食哂，超滿足。

甘熱天氣，不會走去 BBQ, 我又超喜歡吃香口嘢😆，心動不如行動，吹雞叫閨蜜去唞唞氣，啤一啤🍻🍻🍺啦 (開心👍😄）貪呢間近地鐵，又容易找 💃 去到見閨密未到，咪企在外面等下，女職員真機警又有禮貌, 殷切地邀我先入內坐，皆因出面熱得發慌，甘有誠意，抵贊👍😙 入座前例牌量體温和消毒雙手，而且枱與枱留有法定距離，坐得舒服 💯😉真係超滿足，叫了10幾種不同款式的串燒 🍢🍢🍢呢度除了串燒, 仲有西式意粉的🍛，下次也想試試呢😁炭燒牛舌串👅 和 牛肋串🍢🍢燒得剛剛好，多謝班厨司大哥👨‍🍳👨‍🍳! 牛舌很香🐮, 肉質又軟又綿，追加再咬咬咬😍牛肋串🥩🍖入口美味極了, 這肉帶點嚼勁..越嚼~越是香...😘🥰雞中翼🐥🐤充著這以來的，齋看外表便令你怦然心動 💞💓 外皮燒得香脆，肉嫩嫩又有雞香，好友話飽飽地，甘啱哂，俾我咬埋👏😆😂煙肉露筍 和 虎皮尖椒🥓🥒都要均衡下，燒點蔬菜吧! 微燒了的煙肉油脂渗入露筍內，相互夾雜了清香與優雅😋😋😋喜愛辣的虎皮尖椒🙆 有種爽爆的感覺，配搭凍凍啤酒🍺，真想再衝去再吃一次 😂🐙🐙🐙魷魚鬚比我想像中大梳，非常厚肉 😁一邊品嚐既香口又彈牙的魷魚鬚，一邊喝著冰凍啤酒，2個小女人竟

之前上網成日都見人介紹呢間串燒店，睇相已經覺得相當唔錯，所以一早打電話book定位，同男朋友兩個Happy Friday下😋一入到已經感覺好好，光猛企理，好乾淨，抽風應該做得好好，完全唔覺有好勁既煙燻味。員工態度好好，坐亦坐得好舒服。真係未食都已經係咁加分。坐低一陣，仲睇緊食咩好，侍應就已經好細心問我地洗唔洗叫野飲先。食串燒梗係要飲啤酒啦！價錢都算合理。到戲肉喇！我地叫左無骨乳鴿，牛肋串，黑毛豬肋串，牛舌，牛油金菇包，豆腐 etc ...(都係睇相最實際，串燒不能盡錄🤭🤭)我想講，雖然真係好誇張，但佢全部都好好味！無論燒既火喉，醃得夠唔夠味，d肉質本身夠唔夠juicy新鮮，佢全部都做到差唔多滿分！即係你寄望想食港式串燒，有呢個crave, 佢係會完全satisfied到你個crave, 食完係完全滿足既感覺☺☺☺☺ 好耐無試過食得咁開心，各樣野都好滿意！如果唯一要講唔好/可改善既野 ...就係佢個朱古力香蕉喇😅因為真係唔太好食 ...我以為會係似而家brunch, all day breakfast果種焦糖香蕉？但黎到係同燒茄子一樣，連皮燒既香蕉😅水汪汪咁再加埋d sprinkles

鑱咀萬萬歲!🙌🏻ChamZeoiLongLongLife🙌🏻🐭 “好燒式”萬歲萬歲萬萬歲！🙌🏻...近幾年串燒店開到成行成市，唔難搵到一啲味道唔錯價錢又合理嘅串燒。但今日介紹嘅可以話係驚喜中嘅驚喜、優秀中嘅優秀！無論賣相、種類、款式、價錢都係有史以來我食過以來最好嘅😋...裝潢簡潔明亮，港式風格配少許歐陸色彩。好大個舖，大部份都係卡位，坐得舒服！...最令我驚喜嘅係食物款式種類！大量串燒款式：港式丶泰式丶日式丶川式。仲有西式Pizza丶墨西哥餅、意粉/飯，大量惹味小食。最特別係有港式燒乳鴿食！真係要乜有乜。而且價錢仲要相當便宜...🐭燒茄子 $34係生燒的，所以淋得泥仍然能保持茄子本身該有的口感。唔會太油，蒜頭嘅份量適中，好惹味...🐭牛肋串 $26🐭牛舌串$28🐭豬頸肉串 $19🐭鱔 $43牛肋牛舌口感幼嫩，充滿牛香！豬頸肉唔會過肥，肉質鬆化。 鱔鮮甜多汁！...🐭日本年糕 $12🐭翠玉瓜 $28🐭泰國蘆筍 $22越簡單嘅食材越需要用心機去燒！瓜同蘆筍好Juicy ，食到蔬菜本身嘅鮮甜味！非常爽脆。芝士年糕好煙韌！...🐭黑松露雜菌墨西哥薄餅 $48外皮非常薄脆！裏面嘅食材份量非常足

近排心思思成日都想食串燒，食來食去都係同一單，今日朋友就帶咗我去另一間試吓啦餐廳食物選擇都幾多～朋友仔最鍾意食呢度嘅豆腐，一坐底就叫左炸到個皮好硬但個心係軟嘅，不過個人覺得硬左少少麻麻哋啦～叫咗幾轉肉串，牛舌厚左少少，但好滑 雞腎同埋雞軟骨都幾唔錯～ 芝士年糕就唔係好抵啦，$12一粒，質素正常～叫咗個牛油焗金菇～ 唔會太肥膩最下面果個係雞胸軟骨串，係我嘅最愛！佢係雞肉同埋雞軟骨間隔串起，所以一齊食嗰陣個口感好得意～ 不過舊雞肉就真係好細，要大多好多先夠食菠蘿超級甜，好解膩～ 魷魚都夠香口，唔錯～ 整體覺得食物質素OK，可能我比較重口味，如果再多啲調味粉就更加香口不過價錢都可以接受，可以再來

餐廳環境非常乾淨唔會有好大陣油煙味牛油金菇包好足料，啲金菇吸晒啲牛油味，但總體來講又唔算好肥。黑松露蝦多士炸得非常好，外脆內軟，蝦亦都非常爽口！原隻燒茄子夠晒重口味-多蒜又有孜然粉非常香口！我哋嗌左九款串燒最值得一提嘅係雞胸軟骨，口感好爽口，食落去卡卡聲！而煙肉蘆筍呢個配搭好特別，蘆筍會平衡返煙肉嘅油膩！牛舌串亦都非常肥美，切得好厚，有種入口即溶嘅感覺！當然其他串燒都非常高水準！要讚一讚嘅係佢餐單上可以揀走辣小辣中辣大辣，亦都有唔同配料可以揀，例如蜜糖孜然粉辣粉等等，總會有一款啱你口味！

同得朋友出街 如果想搵個地方吹水 通常都會食串燒 因為portion每樣小小地 可以同朋友傾計慢慢食 當日就叫左好多野 食到超飽飽 尤以下下幾款比較深刻Asahi大枝裝 $33/1配埋串燒 清熱氣一流煙肉露筍卷$22貪佢有D蔬菜係中間中和下食串燒既油膩感牛肋串 $26唔會Un得黎有咬口 油脂分佈平均 有牛味 唔似街邊有D串燒會燒到唔知自己食緊D咩肉咁 推介! 雞全翼 $19原隻燒包保佢原汁原味 外皮燒到脆 肉汁又keep到黑毛豬肋串 $28爽口juicy 值得一試煙肉金菇卷 $19煙肉咸咸焦脆 金菇juicy夠清新呢到所有串燒其實都可以再揀配咩汁咩粉 有甜有辣有開胃有重口味龍蝦汁大蝦意粉 $98龍蝦汁好好味 大蝦係新鮮鮮甜彈牙 意粉係扁意粉 且有咬口 都幾好味燒汁烤魚交 $88隱藏Menu魚交燒完唔會乾仲帶點crispy仲保留到好juicy好鮮味既感覺 加埋有小小燒汁係面頭 甜甜地都幾開胃 不知不覺就會食哂Overall都幾滿意, 而且座位都幾闊落舒服, 唔會覺得食飽就要埋單走既感覺!

位置非常方便，出了地鐵站，行5分鐘左右就到。今天好在有提早訂座，如果walk in未必有位，今天坐在近門口的枱，未夠7點，已有walk in客沒法安排座位。今天點了平時串燒的常點款式和試了一些新款式，味道都相當不錯。常點款式 – 茄子、雞軟骨、豬頸肉、牛舌、牛肋串、雞翼全部都在水準之上，茄子燒得恰到好處；雞軟骨是雞胸的軟骨部分，非常特別；新款式 – 這裡有每天的新鮮海鮮推薦，價格因來貨價來定，非常公道，而且款式會因為每天的供應而有所不同，很有新鮮感。而且老闆非常貼心，因為來貨有限，會提醒各類海鮮可能不多，想吃就要盡早下單。最後，我們選擇了扇貝。扇貝非常大顆和新鮮，調味剛好，不錯不錯。另外，我們也試了燒鵝肝，鵝肝超級大，配上紅酒汁，非常出色。

好久沒出去吃飯了，今天約了兄弟到太子站附近的串燒店吃飯，到達的時候大概7點，店裏座位也有6 7成滿。 坐下之後先叫一支啤酒然後開始下單。 我們叫了燒黃立滄魚，牛油金針菇，孜然茄子，西冷牛排。當然還有不同類型的串燒。金針菇牛油味很濃郁，孜然茄子蒜蓉味很足，有一點蓋過孜然味不過還是很好吃。燒魚非常出色，肉很滑也新鮮。串燒豬頸肉最好吃味道帶有一點甜甜的。牛舌，雞肉串，豬肉串也不錯。可惜牛排有一點靭。總的來說這家我是會再來的～

好唔容易終於等到疫情有減退嘅跡象，餐廳都可以恢復正常入座率，係時候出動去食返好野呢間好燒式係我之前都去過嘅，回味無窮，只係今次去太子嘅分店食得串燒，我一定配啤酒，點咗支青島，透心涼食物方面，牛豬羊都要曬佢，茄子、金針菇更加係必點嘅，在朋友嘅推薦下，我地點埋黃立倉同埋泰國露筍我地全部食物都點咗小辣，加孜然係必須嘅。好鍾意佢呢款醬料，酸辣酸辣，係泰國冬陰功嘅味道，超級開胃，點乜肉都好夾牛舌厚切，但完全唔韌，口感好嫩好軟身，味道唔騷。羊肉味道反而淡咗d，我個人好鍾意羊嗰種騷味，但唔太食得出，有d可惜豬頸肉必點，推薦啦，好爽脆，油香味十足！肥而不膩。牛扒嗰度就相對有d可惜了，點咗5成熟，肉味就夠嘅，不過稍微老身，有d韌了。記得上次我都係點咗牛扒，上次係超級嫩，絕對唔比出面鋸扒嘅餐廳差，希望下次再點嘅時候可以食返呢種水準啦。蒜蓉茄子我嘅最愛，必須點全條，先夠曬風味，用筷子拉出一絲絲嘅茄子，濃郁嘅蒜香味入曬每一絲嘅茄子。如果孜然味再濃郁d咁就100分啦金針菇嘅賣相閃lingling，望落已經知道牛油味好香，食落都係好嫩，水分鎖住，冇乾，而分量依然係幾夠黃立倉都燒得幾靚，冇過熟，肉質結實，冇起渣，燒

地鐵站一出行1分鐘就到，入門口量完體溫老闆就為我地介紹今日有咩特別推介，每日有既海鮮都唔同好彩我地早六點幾到，餐廳去到七點已經滿座，等野食的時候留意到餐廳很多都是熟客，老闆亦非常親力親為，與客人關係很好打響頭炮先來人頭一人一條燒茄子🍆燒的程度剛好仍然保持茄子水潤，免頭再加調好味道的大量蒜茸跟住就黎試下今日有的蒜蓉扇貝，一上碟我地都嚇親，每隻扇貝好大隻，$48好抵食！食到好新鮮沒冇overcooked餐廳好專業，我地叫唔同串燒會分兩批上，用唔同既醬汁唔會混埋一齊俾個夾我地夾d串燒出嚟，唔會弄髒臉同手雞翼好脹卜卜，加左dd甜甜地既汁好惹味雞軟骨有兩隻，我地試左特別d既雞胸軟骨，對於我呢d中意軟骨多口感既好適合😋我既飛佛：香煎鵝肝！塊鵝肝大過哂塊多士，少少牛油加香醋汁，配搭得剛好唔會油膩亦好香口

大家乖乖番家抗疫多時，為食鬼蠢蠢欲動，第一樣想食既係串燒。上網搜尋就腳的串燒店，位於太子地鐵站c2出口，步行數分鐘就到既好燒式值得推介！7點去到，得番最後一張2人枱，坐低後陸續有食客wall in 黎，因無訂位，所以要等位去食的話記得提早訂位而為食鬼見到係呢個抗疫時世都要訂位先有得食，對呢間店舖亦充滿信心！round 1 叫咗串燒必食三寶牛舌，雞軟骨，雞臣為食鬼今日唔想食辣，所以點蜜糖燒，幸好店員細心提醒需要落孜然粉嗎？否則唔知變咗咩味道round 2 豬頸肉，司華力腸，豬仔髀，雞髀食肉獸食飽後，黎一份又係必食既燒茄子整體來講，肉類唔會燒到無哂肉汁，唔會乾到硬，咬落有趙口。環境方面，食串燒至怕烏煙瘴氣，食完變咗舊炭出番黎，呢度完全冇呢個問題，因為廚房安排在店舖後方，抽氣又做得好，完全係空氣清新咁食串燒呢餐完全滿足哂為食鬼食串燒慾望

好耐未食過好味嘅串燒餐廳啦，所以帶朋友嚟呢一間好出名嘅好燒式串燒專門店環境好好，好衛生，好乾淨最緊要係坐得舒服我哋叫咗蒜蓉燒茄子切片同燒雞胸肉軟骨串第一次食切片嘅燒茄子，開頭擔心會比起原條冇咁好味，冇咁多蒜蓉味。點知食落比起原條更加好味，因為切片所以更加有咬感，又爽口。雞軟骨串好有口感食落去好爽口，而且味道都唔錯。值得一提嘅就係雞胸軟骨串因為呢個平時好少有機會食到。佢係又有軟骨，又有雞胸肉喺度，食落去嘅層次感好豐富 ，而且加埋佢啲燒汁，味道非常夾。雞胸非常嫩滑，食落去完全唔知食緊雞胸，好似食緊雞髀咁。另外我哋都叫咗牛舌，上面加咗啲鹽同辣粉調味，都唔錯㗎，而且好軟身，食落去一啲都唔硬。仲有食咗個鹽燒白鱔好大條，肉質彈牙，燒得好香口非常可口牛油大蝦非常大隻！好彈牙爽口，上面加咗牛油落去同個蝦嘅鮮味好夾，一隻蝦啱曬兩個人食，因為份量真係好多

之前已同朋友去過旺角分店食串燒 貪佢串燒款多 亦有其他偏西式熟食我地叫左燒海鮮,肉類,丸類同蔬菜類蒜蓉扇貝 時價 當日就$48 1隻大隻厚肉 新鮮鮮甜夠蒜 好正好好味 一定要食燒甘油魚交 $88呢個係menu上無 係店員推介 甘油魚交油脂分佈平均 外皮燒脆 內裡juicy嫩滑燒茄子食燒野必食之選 惹味芝心丸一咬落去D cheese就拉芝咁流出黎 好正翠玉瓜爽脆多汁 惹味得黎亦夠fresh 食串燒要有D蔬菜中和下先係最完滿唔膩豆腐係Openrice見都幾有幾多人食呢個 所以就嗌左黎試 果然亦無令我失望 豆腐燒到好脆 但脆得黎裡面唔會乾 好香口整體來說旺角同太子2間分店食物質素相約亦唔錯 但太子分店比旺角店面大好多坐得舒服!