好燒式串燒專門店 (大南街)

營業中

休息中

串燒我唸好多人都食過，但係好食嘅又有幾多間呢？今日友人就帶我黎到太子既好燒式串燒專門店到，話呢一間唔錯喎！咁我當然好高期待啦有分幾種辣度 適合返自己口味仲可以加蜜糖，孜然粉等等 咁係我地唸緊加咩之際，店員好好咁話唔夠可以直接問佢拎 佢另外加俾我哋！非常貼心芝士丸 雞肉腸 串燒豆腐芝士丸一咬就爆芝士出嚟！唔係雪到實一實 有預早解凍！雞肉腸，串燒好多地方都食到腸 但呢一度既唔太咸 燒到小小焦 幾好！串燒豆腐 口感似炸豆腐，一咬落去入面仲有汁出嚟 香脆！牛油金茹包牛油好足！每一條金茹都有牛油味份量又夠！爽口，唔會咬唔開蒜蓉燒茄子 原條佢有切件/原條簡，個人覺得原條食梗係最好啦蒜蓉多到不得了，一夾成條絲上 讚！芝士墨西哥薄餅估唔到串燒店都有薄餅食，仲要整得幾好皮薄 雞肉紅椒芝士！配搭幾有層次炭燒牛舌串 牛肋串 雞軟骨串牛舌必點，咬落去中間勁軟淋牛肋串厚肉有牛味雞軟骨正常！韭菜好難燒，因為薄易燒黑！呢個燒得幾靚 加埋小辣粉 正總結，當日平日去到full哂 如果想食記得bk咗先去

去花園街逛花店買d靚靚牡丹花回家插，經過大南街, 真的被「好燒式」個易拉架吸引左!趁時間尚早, 去食吓串燒, 啤啤佢, 順便抖暑。哈哈, 人客不太多, 服務也特別好, 好慷慨地俾張4人枱, 可以放包包之餘又可以放靚靚花~先叫技藍妹降降溫先, 立即叫個日本雞泡魚干來送,真係必選之列。牆壁看見黑松露蝦多士相片，好吸睛, 叫一份來試, 冇呃人喎, 同張相一樣, 黑松露雖然放在多士面, 但被多士嘅熱力迫出松露嘅香味, 蝦膠也是頗多, 爽口彈牙, 脆而不膩, 好功夫💪🏻冇骨雞就食過, 去骨燒乳鴿都係第一次見, 叫隻黎見識下先, 乳鴿入味之餘燒嘅火喉剛好, 仍有粉紅嫩肉,可以大啖大啖肉食, 暢快~ 值得一試👍🏻其他串燒:雞中翼、豬頸肉串、多春魚, 燒到時間、味道剛好又不太乾。雞肉串呢...朋友一個人食哂, 佢以為係有兩串, 食下食下就食哂, 到我問佢係咪好好食, 佢話係呀, 傻笑了😂😂😂牛油金菇包, 牛油香滑, 要趁熱食, 不然牛油會凝固, 影響質素。煙肉露筍, 這個我最鍾意, 煙肉嘅咸香加埋露筍嘅清甜, 一流😋😋翠玉瓜, 朋友至愛, 這店應該係先蒸熟, 再燒燒瓜面, 完成鎖住瓜嘅水份，真係好ju

今晚跟老公心血來潮突然很想去吃燒烤及串燒，於是到了好燒式。店員很細心，先為我們調節室內溫度，又逐一為我們推介好吃食物。肉和海鮮之中，以牛肋肉、黑毛豬肋肉、羊肉、白鱔和牛油燒開邊大蝦較令人印象深刻。師傅的火候和調味都恰到好處，不會有普遍串燒店很乾身和太濃味的問題，而且他們自家製的泰式酸甜醬跟肉食串燒的味道很夾，非常特別！這裡比一般串燒店有較多蔬菜類的選擇，其中串燒豆腐和黑松露什菇墨西哥薄餅更是不得不試的招牌。燒豆腐很香口而且伴著十分匹配的醬汁，黑松露什菇墨西哥薄餅外脆內軟，芝士再加上什菇及黑松露這配塔，相當美味！最特色的可算是蒜蓉包，除了一貫的蒜蓉牛油外，廚師會另將預先焗熟的全個蒜頭放在碟上，供客人按自己喜好再添加蒜香味道，很是特別！總的來說，這裡服務貼心，功力很有保證，食物的口感比一般串燒店更豐富和juicy。頗有驚喜的一間串燒！

很耐沒有吃串燒了，今日來到旺角，又唔係太餓，又想食串燒，就再揀返好燒式！孜然粉可選擇分開上，另亦有泰式辣醬和麻辣醬牛舌$28 雞腎$17 菠蘿$ 18日本芝士年糕牛舌燒得剛剛好，軟腍juicy, 牛味濃，必點之選雞腎好爽口，加上泰式辣醬，很惹味。食得多肉最啱就係吃一口菠蘿，清新一下口腔，又可以消滯去膩。羊肉 $19 雞翼 $ 19 雞軟骨$18羊肉嫩滑，羊羶味不是太勁，啱我。雞翼燒至外脆，入面仲好juicy。雞軟骨真係食串燒必點，口感脆卜卜，又可補下鈣😆芝士年糕軟糯 $12@芝士未至於爆多，但味道幾好蒜蓉燒茄子 $34每次必點，蒜蓉控必點🤭茄子燒至軟腍，茄子肉吸收了惹味嘅蒜蓉汁，令人食指大動。芝士大啡菇 $35即叫即焗，原個大啡菇，內裡有大量洋蔥，再鋪上芝士入焗爐，等大概二十分鐘就岀爐端上，熱辣辣，切開洋蔥汁緩緩流岀，鮮香撲鼻，令人垂涎三尺🤤朝日啤 大枝裝 $33食串燒又點少得了冰凍嘅啤酒呢

呢間已經來過不下5次了，由佐敦舊鋪到而家太子新店，都有一直幫襯，本人喜歡太子分店，一來裝修新淨，二來空間感大，三來感覺乾淨啲😂唔知係咪轉左廚師，串燒最緊要就係個師傅，燒烤功力差啲同埋調味都有絕對影響，今次來好驚喜，以前我記得來食個時係無咩味，主要都係食食物本身個味道，就算你叫左多蜜糖，多辣都係咁，但係今次串燒幾入味，特別係翠玉瓜同埋冬菇，烤蔬菜最驚裡面乾身，無曬水分，但呢2樣嘢勁juicy，所以我地都返兜左，其他肉食都係正正常常，但份量多，CP高。我地另外叫左店員比孜然粉同大辣粉我地，方便我地自己調味同控制，燒烤點可以無孜然粉呢，簡直係絕配😂😂😂唔講咁多，有圖有真相，無filter。

今天和朋友提早吃晚飯，不到5點，去了太子的好燒式，店鋪座位舒適。 餐牌有很多選擇，非一般的串燒店。我們先點了2杯咸檸七，大大粒咸檸，其後再添一罐七喜，仍然有咸檸的味道，是食串燒的最佳搭配。我們點了泰式鳳爪沙律，很大碟啊，雖然偏辣，但味道很清新；再來一個七成熟的牛小排，生熟程度正是我所喜歡的，不但牛味重而且份量足，值得推介；蒜蓉燒茄子，原條燒，原汁原味，茄子上鋪滿蒜蓉，醬汁很惹味；燒豆腐，給我帶來驚喜，外脆內嫩，加上秘製酸辣醬汁，不愧為店舖的推介之選；黑松露蝦多士，口感一流，蝦滑飽滿又脆口，非一般串燒店的菜式；蒜蓉蠔，蠔身飽滿，蠔味濃，除了蒜蓉味外，還有幾個煮法，下次要再試啊！最後加了一碟原粒蒜頭蒜蓉包，很特別的食法，大大個蒜頭，烤熟後很甜很香，蒜蓉控絕不能錯過！我見鄰桌還有燒魚，但今次太飽了，下次一定要試試！不過每晚數量不多，訂位時可問問可否預訂。

哩間位於太子嘅燒烤店由於用料新鮮所以我哋久不久都會嚟開餐我最鍾意係佢哋嘅醬汁豆腐、海鮮、雞翼😋😋😋.🔸白酒煮青口（$98）👍🏻青口係新鮮嘅，所以又鮮又彈牙，白酒忌廉汁好creamy、有洋蔥嘅甜味。.🔸蒜蓉蠔（$68）燒蠔好飽滿，燒完之後外層有陣蠔豉香，而咬落去有蠔嘅鮮味。.🔸牛肋串（$26）厚身啖啖肉，燒得剛剛好，鬆軟唔乾。.🔸雞中翼（$19）👍🏻我食咗2串😂，燒得好香、醬汁好入味，雞翼又肥美juicy，正！.🔸燒茄子（$34）👍🏻勁多蒜蓉、香粉，超夠味！茄子好軟綿綿。.🔸韭菜（$17）爽口唔韌、韭菜味好濃，加咗香料同辣粉，超惹味。我哋點左2串。.🔸豆腐（$18）👍🏻我每次都一定會叫2串，豆腐面頭搽咗燒烤醬，所以好香口，外皮脆脆地，好好味😋。.🔸燒魷魚乾（$48）👍🏻原條燒魷魚乾，好大份，魷魚厚身，外皮香脆，又香又有口感，送酒一流。.🔸羊肉串（$19）肉質幾彈牙，味道唔算太濃。.🔸虎皮尖椒（$17）尖椒味超香濃，食落又辣又香口。.🔸菠蘿（$18）👍🏻超好食！燒完熱辣辣、有炭香，但又好香好甜，同埋勁多汁！

見咁耐冇食過串燒，一時興起就即刻衝左去食，好彩6:00到仲有位唔駛等。叫咗個蒜蓉燒扇貝，扇貝都幾新鮮幾大隻，但係上面鋪咗蒜泥，覺得冇咁香。蒜蓉燒蟶子，有啲沙，但都幾爽口，食得出係新鮮嘅。燒雞泡魚乾，美香，點埋沙律醬食冇咁漏黑松露雜菌忌廉意大利粉，每次來都必定會嗌嘅一樣嘢食，好香好重黑松露味，蒜蓉燒茄子，唔夠龍未，蒜蓉唔夠多都唔夠香，下次可以唔使食。墨西哥雞肉卷，幾足料，但係醬汁唔夠多有少少乾身，個皮都夠脆！

差唔多兩個月冇晚市,一解封嘅第一餐就係食串燒！基本上星期一已經book定星期星期四晚市（平時weekdays夜晚都唔使點book位）°一坐低老闆就畀張紙我哋登記代替安心出行,七點鐘到都已經Full House°叫咗平時必食嘅雞胸軟骨、牛肉金菇卷、牛舌、雞翼、雞肉腸、芝士年糕同埋普通雞軟骨, 鹽燒馬友仍然係最最最好食（啲皮好脆鹹鹹地）°（鹽燒馬友真係必叫！）今次第一次嗌泰式蝦餅,我覺得同出面啲泰國餐廳差唔多,唔算驚喜°另外都嗌咗個燒魷魚片配wasabi,我個人覺得平時食嘅燒雞泡魚乾正啲,燒魷魚偏硬咬得好辛苦先吞得落°大家可以叫番燒雞泡魚乾正啲！食物一流都唔使特別講,老闆同員工都非常有禮貌同埋親切°見到有人買咗幾盒串燒外賣做開年飯,亦都見到好多人想walk-in但係冇得食°大家都不妨先book位先去啦！

這邊廂剛與饗客好友在銅鑼灣吃完鐵板燒,另一邊廂又有好友剛在深水埗附近放工來約我食宵夜,很快在我腦中閃出一個名字--好燒式的太子店;走在在通往地鐵站的路上回覆好友,好友聽了後再經Openrice大神查看,覺得相當不錯,於是就選擇此食店;從太子地站出來,大概走了6分鐘的路程,就來到餐廳門前,而好友很早已到了,見我來到就一齊入座;周圍佈置著聖誕節的貼飾,配合高樓底及明亮的燈光,當可營造出簡潔的節日氣氛!依舊是熟悉的點菜紙,我就談及,這裡尤以燒物類及意粉類有穩定的質素,好友索性交由我來點選食物,於是很快就落單了;有西餐廳質素的意粉類之中,個人認為黑松露野菌雞肉意粉的香氣最濃,如喜好黑松露的獨特味道,基本上這是必點之選;特別選用的扁意粉,其質感煮到爽滑得來帶點煙韌,可堪細嚼一番!而黑松露的濃郁氣息,滲進了白汁之中,而白汁添加了扁意粉的味道及帶來軟化的作用;啖味起來,細嫩的雞肉,柔滑的菌類,小麥味加上忌廉汁味及黑松露香氣,揉合得甚有層次!鴨胸串的油脂滋潤了鴨胸肉,咬起來肉汁豐富,質地非常嫩滑,加上適中的煙燻香氣,燒物類的一個典範!初次在此店嚐味的秋刀魚,反而頗有驚喜,肉質細嫩中鮮味也非常突出,魚肚

嚟到太子食個串燒 嘆番 罐裝 王老吉首先就整個蒜蓉茄子燒 燒蒜蓉茄子燒到好入味蒜蓉細細粒 茄子好嫩口之後整兩隻生蠔 一隻就係芝士焗生蠔 另一隻就係煙肉 芝士嗰隻好入味可以拉 芝士 絲之後留完牌要牛肉串羊肉串 仲有豬仔髀個羊肉串 口感嫩滑 肉質彈牙好味 羊的羊肉味濃牛肉串燒得非常之好 唔會太乾濕 咬落牛肉味 豐富最後不得不讚呢一個墨西哥雞肉芝士餅蕭當外皮脆脆地 內裏雞肉嫩口彈牙呢個燒豆腐亦都要不得一讚 豆腐質感嫩滑 外脆內軟賠償老闆秘製的泰式辣醬一流

串燒雖然係即叫即燒但好快就送到，唔會等好耐 係一大優勢，服務態度亦都好好每串平均二十，性價比高比香港好多串燒堂食店都算平平時食韮菜好易會有過油嘅感覺，食少少已經覺得好難消化，但係呢度就燒得恰到好處韮菜有調味粉輕輕灑上，整體感覺不油膩也很惹味🥳🥳🥳豬頸肉就麻麻，肉還沒熟，要再處理，肉質也鬆散😣白鱔很彈牙，油脂均勻唔會膩，不錯的選擇👍👍牛舌比市價便宜，都算幾抵食，但味道及口感欠奉，不過整體嚟講性價比都高，值得一試燒魷魚鬚也不俗，醬汁令風味更佳，下次會再叫🦀🦀🦀🦀燒茄子原條上，上面有大量蒜蓉和辣椒碎，保持到水份之餘唔會太淋一patpat，賣相也相當不錯，之前食過比較多茄子太淋燒太耐，影響咗個口感

友人好喜歡吃串燒， 燒烤， 尤其係人多氣氛好熱鬧。 今天特意前來太子嘅《好燒式》， 雖然限聚很快放寬到四人， 此刻也很享受二人同行不太擠迫的環境。相信每間 串燒燒烤店都有佢獨特嘅調味方式或秘製醬汁。這裏的串燒以原味或走辣後仍覺得美味， 吃到食物原本嘅味道， 唔會亂咁添上大量蒜蓉,，孜然，掩蓋食物本身嘅味道。煙肉蘆筍📍 蘆筍好嫩， 簡單既鹽已帶出鮮味，煙肉烤得香！炭燒牛舌串📍 充滿碳烤嘅香味，牛舌爽彈， 配合椒鹽相當惹味！燒菠蘿🍍 又香甜又多汁！ 還細心切開一件件～豆腐📍 皮厚厚的 粗鞋得來又夠脆， 沾上秘製醬汁超美味，裏面夠軟熟！鴨舌串📍 有點迷你， 不過熱辣辣燒起竟也有点juicy,😋多春魚📍 細細條烤 燒得啱啱好， 魚骨也卜卜脆～ 而且魚春夠飽滿非常好吃 ～再encore 😋😊虎皮尖椒📍 全晚最噴火辣就係這隻尖椒， 過癮在唔係每件都辣～ 相當有驚喜日本年糕📍 呢款可以當甜品或者澱粉質 填充下 飢餓 ～ 香軟綿糯 的年糕包住融化嘅芝士， 雖然都係現成來貨， 但人家就是有心機烤做得好吃～羊肉串📍 味道比較溫和， 完全冇羶味， 朋友又嫌唔夠羶😂  也可蘸店家特製嘅醬汁， 也很有東南亞風味

順應餐廳可以營業到九點😍加班累了也有個好地方和好友小聚一會，大家吃個便飯真有點小感動，我們有大半年沒有見面了呢！餐牌總類很多很多，看了我倆一遍又一遍，終於有定案。上菜速度亦快，每枱提供的免費泰式酸辣汁好醒胃，還有大量蒜香，寧舍消暑。燒日本雞泡魚乾脆卜卜的質地，暖暖的，即叫即燒，有咀嚼感，甜甜的，有魚干香，如果佐料是蛋黃醬更出眾。燒日本芝士年糕烤得外脆內軟恰到好處，軟綿綿的年糕入面裹著香濃有致的芝士，美味無窮。特別喜歡這裏有燒的，不像炸年糕般油膩討厭，燒的做法更加健康。燒司華力腸記得點了要大辣，就忘記了要叫原條上，沒有預期的氣勢，但辣椒粉很刺激，腸皮脆而不老，火候啱啱好，還有少許孜然粉和七味粉的香粉味道。辣椒蒜片雜菜意粉扁意粉彈牙幾乎都不辣，蒜片下得不少，翠玉瓜紅蘿蔔西蘭花小蘆筍等蔬菜🥬炒得香噴噴，調味不多，能吃到食物的原味道。黑松露什菌墨西哥薄餅薄餅十分薄脆，一咬下去，輕易吃到入面豐富的菇菌，加了大方份量的黑松露醬，那獨有的香氣令菌類彩椒等格外滋味，食味口感進一步提升。食後感：平實的裝修，貼地的價錢，不止有串燒烤物吃，還有各種各樣的西日食材配搭，令人眼前一亮，怪不得我的男性朋友們夜了都

食串燒一向都係好爽嘅，一班食串燒一向都係好爽嘅，一班人坐埋一齊食下野，飲下酒，傾下計甘。————————————————————但要搵到岩口味，而且又抵食嘅，真係吾係甘容易，而好燒式就正正做到呢點。👍🏿唔同食材，會用唔同嘅調味，包括鹽燒同不同嘅汁燒重會有味粉去燒。多元化而且可以突出唔同食材嘅鮮味。👍🏿真心有燒過嘅感覺，而吾係炸完用火槍辣一辣果種👍🏿價錢公道，而家好少串燒店嘅肉類串燒做到1x一串，而且份量吾少👍🏿選擇多元化，而且有非串燒類嘅小食同澱粉質類主食，對於大食人士好似我黎講，可以話係好消息🤪————————————————————吾知有冇人同我樣，吾係甘鍾意孜然粉嘅味？吾係完全吾食，而係吾明白市面上點解可以有甘多串燒店係將食材燒熟左之後吾理三七廿一就加好多好多嘅孜然粉就上碟。————————————————————我個人係第二次食好燒式，一次係旺角分店，而今次就係太子分店。今次一係四人，三女一男，book左18:30。一坐低，兩間分店慣常嘅做法係會先擺低佢地嘅自家製泰式沾醬。之後我地不停食食食同飲飲飲，老闆注場，不時過黎問我地d野食點丫，而d侍應都好好，不停幫我地收碟收垃圾甘。—