好燒式串燒專門店 (大南街)

營業中

休息中

難得放假, 要食餐好的獎勵自己, 於是選擇食串燒, 1樣貌似簡單但絕對考心思, 廚藝的美食餐廳非常乾淨, 零油煙, 唔會食完成身油煙味, 亦無油笠笠既感覺蒜蓉扇貝蒜蓉配上新鮮扇貝, 鮮甜彈牙, 絕配廚師亦非常細心地除去內臟, 預先起肉, 上枱後可以一口食掉什菇露筍燒扇貝加上什菇露筍令味道更多層次, 廚師把金針菇墊在扇貝下, 令什菇都充滿鮮甜味, 令人回味海蝦x3蝦肉彈牙帶甜, 鹽與孜然粉令蝦肉十分惹味茄子(切片)後悔選擇了切片, 選擇原條就可以避免外皮, 調味恰到好處.大京蔥一啖咬開, 京蔥內的香汁在口中爆發, 看似簡單但展現了廚藝牛柳串牛味重, 多汁, 剛剛熟, 唔會鞋口雞脾菇唔會乾, 保留juicy, 唔錯炭燒牛舌串保留牛舌的彈牙, 不錯, 只是份量略少燒大雞脾雞皮香帶有蜜糖的甜, 份量十足, 肉質嫩滑泰式燒豚肉豚肉部位應該接近豬頸肉, 爽口彈牙, 調味獨特總結不止是美味, 更食得出廚師的細心及誠意, 用料新鮮並且調味得宜, 令人食指大動

串燒最忌使用大量孜然粉或太搶口的醃料 因為往往會蓋過串燒的真正味道🍢這兒的串燒調味恰到好處 選擇亦頗多元化 除了多款肉類串燒外 更供應不少時令海鮮和特色小食如慢煮乳鴿 墨西哥薄餅等.除了白鱔香脆爽口 牛肋肉牛味濃郁外 雞胸軟骨和燒雞脾也相當入味🍗蒜蓉燒茄子是其中一道人氣菜式 蒜蓉塗滿整條茄子 灑上蔥花和辣椒粉等調味料相當惹味🥩.整體來說這裡的食物性價比高 加上店內完全沒有油煙味道 上菜速度也很快 每道食物都是熱呼呼的 不失為下班的小酌好去處🍻

前排放工見有少少肚餓又唔想食咁多澱粉，朋友就帶左我黎好燒式食串燒～～串燒選擇都好多，仲有提供一d熟食～今次就黎試試😋😋🌮黑松露雜菇墨西哥薄餅 $48✨薄餅個餡好好食，有好多菇喺裡面！！裡面仲有半溶既cheese ，聞落好重黑松露味，味道豐富～～如果唔係太飽都會想再encore🤤🤤🥘白酒忌廉煮青口 $118✨呢碟海鮮絕對有💯分～～青口洗得好乾淨，仲好新鮮！食落一d都唔腥😋😋老闆仲同我地介紹左兩句，原來白酒忌廉汁係用返青口既海水一齊煮架～～所以食落有少少海水味，感覺好正👍🏻👍🏻另外再點左泰式燒豚肉($39)同菠蘿($19)，呢兩樣係我每次食串燒必點既👍🏻👍🏻餐廳亦都做得幾好，燒豚肉好嫩！而且調味啱啱好，仲有酸辣醬可以蘸黎食～～菠蘿就好香同好juicy，好味😋😋呢間串燒店真係唔錯，價錢唔貴食物又好味，會想再黎❤️❤️不過店面比較細，想去既朋友最好bk定枱先🙆🏻‍♀️🙆🏻‍♀️

放工想減壓，對我來講最好約朋友食飯飲下野傾下計，我今日就約左朋友去食串燒，雖然地點有點唔算太就腳，但食物味道及質素係好高的，就係 {好燒式串燒專門店}，溫馨提示大家如想去食飯的話一定要去BOOK 位先，好彩當日我食飯時有BOOK位，7點已經坐爆人啦，眼見好多客人Walk In 想食都冇位。我地就叫左安格斯牛肋串，鹽燒牛舌串、司華力腸，多春魚，雞翼尖，鹽燒秋刀魚，白鱔、豬頸肉串等，魷魚串。牛肋串牛味重外最鐘意佢自家製類似泰式辣汁令到肉類味道更加豐富。白鱔燒得外皮香脆外，魚肉新鮮爽口。雞翼尖朋友極讚，少少辣好香脆口感有啲似炸口感。牛舌又係一定必食串燒呀。豬頸肉油香好味，正正正。呢間串燒店我必定會再來食。

忽然心血來潮想食燒烤嘢🔥無理由大費周張走去bbq㗎😅😅喺太子站附近搵咗間專食燒烤嘅店！襯未夠鐘晚餐食住止止口痕癮先啦！.燒茄子(原條) $34成條咁上好大條！灑上咗孜然粉＋葱花好鬼惹味！燒得熟透嘅矮瓜肉又軟又腍呢🍆. 牛肋串 (x2) $52😜無骨食落啖啖肉！雖然比想像中細串！但肉味夠又唔會難咬！好彩叫咗每人一串唔使爭食！. 雞軟骨串 $18普普通通嘅烤雞軟骨串！無乜特別又冇乜失手咁啦！正正常常👌. 日式燒大魷魚 $78食得出好新鮮彈牙🤤燒得剛好唔過火位🤤魷魚筒切成咗一圈圈＆魷魚腳就用竹簽串起咗！食起上嚟方便唔狼狽！. 芝士墨西哥薄餅 $45上枱熱辣辣😋餡料入面有滿滿雞肉粒+拉絲芝士！一客有四小件！都值得一試！

喺太子地鐵站近大南街方向行 有好多地道嘅餐廳小食，今次就嚟咗呢間叫做好消燒式串燒店🍢🍢🍢七點鐘已經坐滿人好受歡迎 😊睇睇餐牌價錢非常合理抵食，酒水都好抵！大吃大喝都唔會肉痛 😆安格斯牛肋串🐂🐂牛肉非常軟林高質 絕對對得住個價錢 一啲都 唔韌 亦都冇筋 食得出係貴價牛 鹽燒白鱔🐋🐋白鱔肉質彈牙、 外皮煎香 😍 油香喺牙lar度滲出嚟 😋非常美味 大推鹽燒牛舌🐮🐮非常厚切大粒 點埋個泰式辣醬原來有幾襯喎😝😝雞中翼兩隻 🐔🐔燒到外皮勁香脆 生熟程度剛剛好一啲都唔係 本身醃得夠入味 👍非常不錯 蒜蓉燒茄子原條🍆🍆 燒茄子簡直係冇得輸 必點之選 ! 夠曬大隻燒得剛好 仲有墨西哥薄餅 芝士雞肉  煙肉露筍串 最後食埋呢個燒日本芝士年糕做甜品😍

在網上找到了這間多like的串燒店，其實都有點半信半疑，心想有冇咁多人讚呀？既然有朋友肯陪我試，一於測試下中伏度。▶️牛肋串▶️炭燒牛舌串 ▶️黑毛豬肋串 呢三款當中最喜歡牛舌串 ，因為 牛舌很厚 ，咬下去好有 滿足感。 最重要的是， 一點也不靭， 非常的淋滑 ，是我意想不到的。 朋友就比較喜歡牛肋串，因為 朋友 喜歡它的牛肉香，肉的質素不錯。 ▶️燒茄子原條滿滿的蒜蓉鋪在茄子，上面充滿 蒜蓉香氣 ，一口接一口，欲罷不能。▶️豆腐豆腐 沾上醬汁，應該是燒汁 之類， 香而不膩 ，而且醬汁不會令到豆腐乾身， 值得推介。 ▶️鱔雖然要45元一串，但份量好足沒欺場。 肉質滑嫩夠新鮮 ，沒泥味。 ▶️羊肉串 朋友的另一愛好，有一點 孜然味。我就比較喜歡燒雞脾。 ▶️燒大雞髀這是老闆推介我們吃的 。 先慢煮過雞髀 再拿去燒 所以做到皮香肉嫩。 老闆沒推介錯 這個又是我 推介之一，因為直正做到juicy的感覺！ ▶️日本年糕沒特別。 ▶️泰國蘆筍嫩嫩的，沒渣。可能 蘸過調味汁才燒 ，所以不會乾，讚。整體來說這間串燒店好抵食 ，每一串的食材份量 比以往 吃過的串燒店都要足夠。味道也很不錯，主要都用鹽燒方式，將食物鮮味帶出

串燒店座位多，坐得舒服。有串燒，仲有小食和意粉可點。餐廳提供點菜紙，寫上想要的數量便可以。 店員送上泰式醬，用來點串燒風味即刻唔同晒。 先點了原條蒜蓉燒茄子。非常軟滑。今次重點食串燒，選擇多，辣度亦可以選擇。 鹽燒牛舌，表皮燒到脆身，有焦香，肉質軟腍。鴨胸，煙燻味烤過後很突出，更帶點油脂香。 日本甜心蕃薯，一口一粒，烤完更甜。 燒雞胸軟骨串。有兩串的。雞軟骨與雞肉粒間住串，一口食起來有不同口感。雞軟骨脆身爽口，雞肉粒軟身，口感分明。羊肉。羊騷味唔重。韮菜。大大串，鮮甜。雞翼。燒得均勻，外脆香口。 食串燒配啤酒是不可少的。

突然好想食串燒，係Openrice搜尋下發現左呢間價錢唔貴，但評價好高嘅串燒專門店😮，二話不說就BOOK左星期五晚去試😏。當日6點半到達，場內食客唔多，但半個鐘後，餐廳已經有8成滿座，人氣都幾強😯。我同朋友兩個人，點左10款食物，當中包括一個意粉主食。食物上枱速度好快，15分鐘內上哂，不過放心，全部都夠熱!! 😏打響頭炮嘅串燒係大熱推介之一嘅豆腐串燒 $18由於豆腐好易散，所以從來無諗過豆腐都可以整到串燒!!😮 呢度既豆腐先炸後燒，炸過嘅外皮增加左吸汁既能力，燒汁偏甜，配埋清淡嘅豆腐，效果相當唔錯!!😋原條燒茄子$36，亦係人氣之一茄子唔算大條，兩個都算夠分。茄子上面舖滿海量熟蒜蓉，食落啖啖蒜香，岩哂蒜怪。由左下開始，雞胸軟骨$30兩串、雞腎$17、牛肋串$28、炭燒牛舌$28、魷魚鬚$25第一次食雞胸軟骨，原來係由軟骨同雞肉梅花間竹串成，軟骨口感偏硬，食一串夠。雞腎係我最愛，非常爽脆、彈牙，而且夠厚身，真係好食到想encore!!安格斯牛肋串就有D令人失望😦，無乜牛味，一般。炭燒牛舌份量唔少，而且好厚身，可惜口感太淋，我唔中意。魷魚鬚有驚喜，估唔到唔韌之餘，仲好有魷魚香，高汁!!泰式

🌟燒茄子(原條) $36🌟(有原條同件燒)原條燒既茄子真係不得了，比想像中大條，蒜蓉味好香濃，係闊佬既份量，同埋燒到好淋，連平時唔太好茄子既我都覺得好食😋🌟海鮮荷葉飯 $88🌟太肚餓既關係，要加個飯食先得，又幾好食喎，除咗燒物，飯都唔差，裡面有啲蜆肉，完全無沙😋仲有蛋絲、翠玉瓜、菠蘿等等😍🌟雞中翼 $20🌟🌟雞腎串 $17🌟🌟豬頸肉串 $19🌟好貼心既餐廳，預備埋一個小夾，可以好容易就扯到啲肉串出嚟，抵讚💯食串燒燒雞翼係靈魂之一，係必點之一，煎到皮脆內滑🥰雞腎都係😅加咗調味料一齊食，好惹味，而且唔會過韌同過硬👍🏻豬頸肉串就同燒豚肉有啲似，不過仔細咀嚼係食得出豬頸肉嚟，加埋泰式汁醬一齊食，又可以變咗另一個菜式-泰式燒豬頸肉😂🤣🌟秋刀魚 $38🌟秋刀魚鮮嫩多汁，肉質實淨唔腥，係新鮮先會有咁既口感，加埋檸檬汁味道更清香👍🏻🌟泰式燒豚肉 $39🌟加埋秘製既泰式汁醬一齊食，仲正🤩，肉質唔會燒到好乾身，而且係一份咁上枱，方便進食😋

一個人喺太子覓食，行吓行吓，見到呢間餐廳，望吓餐牌，專門食串燒，亦都有其他嘢食，似乎幾啱我呢日嘅胃口；再望吓餐廳裏邊，光猛企理，咁就決定入去試吓😆第一 Round 叫咗呢幾樣食物😋- $28嘅「鹽燒牛舌串」：牛舌外邊燒到脆脆哋，裏邊極 juicy，超軟熟😋，牛舌有咁 juicy 真係好少有😋- $28嘅「安格斯牛肋串🐂」：有啲咬頭，非常濃郁牛味，仲燒得好香口😋- $28嘅「西班牙🇪🇸黑毛豬肋串🐷」：肥瘦適中，肉質甘香又軟熟，好有豬味😋- $36嘅「原條蒜蓉燒茄子🍆」：落咗大量蒜蓉同香蔥，茄子軟腍腍又多汁😋- $18嘅「津路烏龍茶」第二 Round 加咗呢樣😆- $85嘅「低溫去骨燒乳鴿」：乳鴿皮燒到脆脆哋😋；不同部位嘅肉有不同口感，胸肉較軟又燒到剛剛熟，呈少少粉紅色，多汁；乳鴿翼同髀較有咬頭，要來送酒一流（不過呢日一個人所以冇叫酒）；乳鴿底下仲有啲新鮮嫩綠嘅韭菜花，亦都好好味😋我叫嘅幾樣食物全部都好味，真係有小驚喜😋

朋友選了太子站附近的一家串燒，下班小酌放鬆下，餐廳生意非常好，大約七點幾乎滿座菜單上可以選擇的食物超級多，價位相對平價，我們就先隨手點了些串燒跟啤酒。青島啤酒🍺燒豆腐吃起來外皮好酥脆，裡面豆腐吸收了醬汁，滑順的口感搭配醬燒的香氣，好美味雞翼來串燒店必點的雞翼，外皮酥脆肉質軟嫩多汁，非常適合搭配啤酒羊肉串真的是超大一串的，味道好香一點也沒有羊肉的腥味。後來又多點了一份！牛舌食起來肉質彈牙，香味十足煙肉蘆筍吃了那麼多肉也要配點蔬菜蘆筍很清甜配上培根的油脂，甜中帶鹹的口感最棒菠蘿最後點了烤菠蘿🍍酸酸甜甜為今晚做結整體而言，餐廳環境舒適，食物味道跟品質都很不錯，侍應服務態度佳，價位非常合理，是飲啤酒🍻食燒烤的好去處

Overall: 🌟 🌟 🌟 🌟 Environment: One of the best environments I have been in for skewer places. Most of the skewer places are not as clean. This place - the floor, table and plates are clean (when I used the alcohol wipes to clean the table, still white).Service: The service was amazing. They provide mask envelopes. They clean the dishes and skewer sticks as soon as we finished. Taste: They have a lot of skewers options and also snack food options (you can also pick between spicy level, or have dif

同事係咁催我放工快啲走，因為訂咗枱六點半食晚飯，我心諗做乜鬼Book咁早😑，點知我去到就明了。呢間咁巴閉嘅餐廳就係位於太子大南街嘅「好燒式串燒專門店」，聞名不如見面！留意返，餐廳已經係租咗相連舖位，座位數量唔少，但仍能全場爆滿，人氣真係高到不得了👏。呢度作為串燒店，不過通風幾好，食完都無冇好大浸味，非常難得。呢度除咗各式各樣嘅串燒外，仲有賣海鮮料理、意粉、墨西哥薄餅同小食等。定價方面，串燒部份比較抵食👍，其他食物就屬中等價位，但唔稱得上貴，難怪咁多人幫襯啦。串燒嘅上菜速度遠比想像中快，而且亦燒得夠火喉🔥。基本上如果你冇特別要求，串燒喺燒嘅時候會塗上蜜糖同灑上少量孜然粉，而辣度就有得揀。值得一提嘅係每位客人會獲發一碟泰式酸辣汁，味道酸酸哋幾開胃，我另外仲嗌咗個麻辣汁🌶，但食到第二啖，我已經辣得滯頂唔順投降。安格斯牛肋串($26)，🐮牛肋肉肉味幾濃，而且唔會燒到好乾，值得一試。鹽燒牛舌串($28)，👅牛舌四四方方好整齊，肉質超細嫩，又夠厚。煙肉露筍卷($19)，🥓煙肉其實包乜都咁好食，煙肉香口，露筍爽脆。燒雞胸軟骨串($27/2串)，🦴雞胸軟骨扁扁長長，非常脆口，但略嫌中間位置附有太多肉。

炎炎夏日, 口痕想燒烤又怕熱, 最好選擇就係涼住冷氣等人燒俾我食啦！上次星期五walk-in都無位, 今次醒目咗, whatsapp訂咗位先嚟！燒日本雞泡魚乾($45) & 串燒豆腐($18)燒雞泡魚乾係我既至愛, 又香甜又煙韌! 串燒豆腐都好好味！外脆內嫰, 表面加咗啲燒汁, 甜甜哋, 正！~蒜蓉燒扇貝($68)香濃既蒜蓉配大大隻扇貝, 熟度剛好, 仲有啲酒香！燒雞全翼($19) & 燒魷魚鬚($23) & 煙肉露筍卷($19)燒雞全翼, 肉嫰多汁！燒魷魚鬚, ok!煙肉露筍卷, 清新爽口, 但只有兩件。香煎鵝肝配紅酒汁($106)呢個煎鵝肝真係好好味呀！外脆內嫰, 紅酒汁令食慾大增！~辣酒煮花甲($98)花甲肥嘟嘟無沙, 辣酒惹味, 不過八角味略重。鹽燒馬友($100-$140)馬友肉嫰多汁, 魚皮脆卜卜好香, 沾上泰式醬料酸酸的很美味！黑松露蝦多士($62)蝦味濃郁, 但多士炸後油味重, 有點膩。仲有好多嘢想食, 但已好飽飽, 好滿足！食得出用心燒烤既美味, 對得起價格！下次會再來！