好時沙嗲

營業中

休息中

我成日落去食, 雞滑, 醬料正, 價錢平, $35左右, 真係好好食, 我係長期食客!!!係就係地方差D, 但係就好易有位坐, 哥哥仔又熟, 所以好好禮貌, 坐落就知我地想食咩...RECOMMANDATION又準, 真係冇死錯人,唔驚叫錯野食

見咁多人話好食，於是去試下！我十月九日同亞妹去食LUNCH...跟住行SOGO！<br /><br />D環境麻麻地...好舊！但D野食都幾好味！由其係海南雞飯！D飯一粒粒！唔會一PET PET！D雞好夠味！醬汁好正...值得一讚！<br /><br />我仲叫雞牛豬串燒，味道都OK！<br /><br />最好笑既係我個妹叫左個\"蝦片\"，以為會有D肉碎係塊蝦片上面，點知原來真係得塊蝦片咁老土！！仲係好難食！！千其唔好試！

一行五人,食0左幾樣野,好飽,不過每人只係..hk$41!!!又平又好味. 不過提醒大家,最好book定位,咁就唔洗等.講番食0左d咩先...1.海南雞飯2.炒通菜3.沙嗲半打4.咖哩雞5.炒貴"diu"6.薄餅7.椰香飯最中意佢既炒貴diu,因為佢好似用0左瑞士雞亦汁去炒,用料都幾足,貴diu唔"淋"個海南雞飯係幾好,有雞味,唔洗點醬油都好夠味,最impress我係個彊蓉,唔油,清香,磨到好細緻,完全係我食過最掂既彊蓉.個薄餅熱辣辣,加d咖哩,又係一絕.之前睇到又食評話依間唔好味,我又唔太認同..不過口味依家野,好主觀..仲有呀,d人好好禮貌,好招呼.

20051010 8pm同男朋友行完尖東Sogo, 過o黎食飯, 上到o黎好多人. 九成full 左右啦下.行入去, 無人招呼, 算, 自己搵位. 見到有張四人檯吉o左, 諗住坐埋去. 但係張檯又未執, 我地唯有企埋一二邊等人執檯, 一等, 又5分鐘.個阿姐拎條烏糟巾出o黎抹檯, 掃晒o的垃圾殘羹走時, 順手又掃o左o的落去張木凳度. 諗住再叫人抹啦, 一等, 又5分鐘. 咁橋我地兩個個身又無紙巾, 男友硬住頭皮係咁意撥走o的其他人食剩o既垃圾坐低先算啦.然後我地兩個坐低, 張檯因為只係係咁意抹過, 又無舖墊檯紙又無menu又無水乜都無, 想搵人再抹張檯同埋要menu, 又等, 如是者10分鐘, 終於!!!! 有個阿姐應我地, 極唔禮貌, 喝話:"未得閑呀, o的o野又係咁出....."呢下真係頂唔順! 即刻同男友拎袋閃!!!我o地唔係客人呀? 唔洗招呼我地唔通? 你o的o野係咁出你都要有人招呼我地o架wor! 仲有真係好邋撻! 同我幾個月前o黎係兩回事, 紅o左就咁驕傲咁樣serve 人客?!!!! 我睇佢幾時又摺多次!

睇咗呢到咁多好既食評，所以星期六晚就特登走過去，發覺呢到都幾難搵。地方幾迫吓同埋都係預咗食完要走既格局。得兩個人唔叫得好多野，所以叫咗半隻海南雞，rojak同串燒蝦雞飯。海南雞-近日不斷試海南雞，所以一食就知呢到唔錯，好"林"同有雞味，醬汁亦唔錯，唯一係chilli醬唔夠辣同俾得好少吓。rojak-之前係singapore食過幾次，鐘意佢甜酸辣既味道，不過呢到都係做到甜味，無咗酸辣既味道，而且太多汁，做唔到啱啱好既份量。串燒蝦雞飯-唔知點解有條腸仔，除此之外都唔錯，satay醬幾香。埋單就160蚊，都唔貴，係服務差啲咁啦。

1/10 2 個人去叫左蘿白糕同海南雞飯蘿白糕好多粉, 味道就一般喇最失望係個海南雞飯又話幾正, 幾正宗點知1 d 味都冇, 零雞味d 醬係幾特別, 雞都好滑但係一d 味都冇一家唔會返去食好差, 茶記廿幾蚊都好食過佢

同爸媽行sogo行到2點過左黎好時食晏. 過左午飯peak hour, 但呢度仍然全場滿座, 等左10分鐘先有位. 除左雞飯, 今次叫左叻沙同串燒, 仲加多個白飯撈叻沙咖喱湯食. 叻沙比上次杰身, 味道濃左dd; 串燒有雞牛羊, 份量比想像細, 而且同傳統印尼餐廳唔同, 無飯團送. 不過醬汁幾冶味, 爸媽都幾鍾意.呢度經濟實惠, 所以爸媽都幾滿意.

唔覺特別好味呀............所有野都好普通!

great satay and fried noodles, fantastic chicken too.

跟朋友仔去尖沙咀海港城逛街，５點時，已經諗定晚餐了，看到有一部可以上網的電腦，立即去ｏｐｅｎｒｉｃｅ網站找找啦！一ｓｅａｒｃｈ，就找到．．．我們算是第一次這樣找“食”。我們點了：１海南雞飯：雞肉很滑，雖然雞皮很厚，但不算太油；飯有“雞油”的香味；有３種調味醬，有薑蓉、鼓油、辣醬，我覺得最好味的是蘸薑蓉，香而不辣。（我見每圍的客人都是點了海南雞飯的！）２沙嗲串燒半打（雞、豬）：串燒不錯，沙嗲醬不辣，反而覺咸。有點奇怪!３香辣蝦：我見到個菜名，以為會以煎的方式處理，會較”乾身”，沒想過這碟蝦會有那麼多汁，很香，很有椰香味，但蝦的份量太少了，只是兩隻大頭蝦，開邊的，有幾條茄子，價錢大約是８０元，（侍應姐姐話今日的蝦蟹會貴＄１０！）如果這份量來算，就貴啦！不過，下次再來時，要試試香辣蟹！ｐｓ：這店的位置真是有少少偏！有點難找！

今次係我第二次黎,特登帶屋企人黎試下1.雜錦串燒($30/半打):雞,牛,豬~d沙嗲好野味,d串燒都好淋,唔係太乾身,不過如果熱d會好d2.咖哩牛腩:咖哩好香,好好味,牛腩好淋3.薄餅($15/2件):好香好脆,有d似蕉葉咖哩個d油酥薄餅4.海南雞飯:油飯香,雞滑,d醬汁正....

海南雞飯，正！我本身唔鍾意食雞o既，但都覺得好食！而沙爹醬o既都ok，但D肉就麻麻(牛、雞)！喇沙就好香，但D湯太杰，好"漏"！

見0甘大人讚, 上個月同老公一齊去試0左好時沙爹.0的沙爹真係一流, 完全無'JAR', 好軟熟.另外海南雞飯亦好好食.0的雞好滑.值得ENCORE!!喇沙湯底好香,我直頭湯都飲埋.另外咖哩雞外觀麻麻, 但係0的雞炆到好琳.唯一要彈0既係個薄餅, 係百佳都有得買0既油蘇餅.但係實在煎得太耐變0左過脆, 好似食薯片0甘.而衛生環境亦要大大改善!!

電視剛播完Yammy Yammy不久, 好想到星馬擦餐勁的...但無奈, 總是不能成行=.=廢話少講, 好時中心地方都幾偏, 真係唔講唔知果隻; 本來諗住行過望下的, 但去到又好想食, 時間是星期日晚7點鐘, 2位, 要等兩張枱..只收現金!因為唔係有備而來, 只憑記憶落order:- 海南雞飯$34- 巴東牛肉$55- 串燒半打$??- 薄餅$1X海南雞飯- 雞件唔多, 但己拆骨, 雞皮幾爽口, 油飯硬度適中, 唔膩, 配上黄芽白湯...好甜...是已經接近星加坡水準了嗎? 令人吃了好幸福!串燒- 要了雞牛豬各兩串, 肉質一般, 但唔會un同鞋口, 個汁一流!巴東牛肉-女朋友好鐘意食, 我覺得一般, 個汁有d杰...牛味被汁料蓋過左. 薄餅- 麻麻地, 重慶果d好食d~本來唔多夠飽, 食埋巴牛配薄餅就好夠了!!服務無乜好唔好, 座味有d逼, 隔離枱出出入入都要拉開張枱俾人過, 左邊出完到右邊=.=絕對期待下次~

9點幾去到,有6,7張枱食緊,諗住叫海南雞飯,點知啱啱賣哂....咁就叫左炒蘿白糕,肉骨茶,串燒同巴東牛肉.炒蘿白糕就好食,少少辣,幾多料,我就未飲過正宗肉骨茶,不過呢到果D就有少少香料味,但我唔多欣賞.串燒就普通,D醬就幾好味,巴東牛肉其實都唔錯,但椰汁味重左D,D汁都幾杰.呢到做野D呀姐真係唔多掂,叫野時又唔落單,自己又冇記性,結果要再叫多次,得一個稍為後生少少gei呀姐比較醒同手腳快,都唔知人多時點做呀!