好時沙嗲

營業中

休息中

睇過好多食評同介紹，諗住好食冇走雞啦，點知係鐵定唔會再黎。星期五七點幾到達，有o的人等緊，舖位幾細，不過由於附近舖位租唔出，所以有數張桌子放左出行人通道，相信食環署可以做o的野。等左十分鐘，安排左坐行人通道既位，其實我就唔介意既。叫野食，我地兩個人叫左雞牛沙爹、喇沙、炒蘿蔔糕及加多加多。後補椰菁一個。首先黎左個椰菁，唔凍既。加多加多，只係將o的花生味沙爹醬加o係o的生菜椰菜同豆角上面。喇沙，個湯好杰，冇味冇"食送"，食左幾箸頂唔順放棄左(本人已經係唔鐘意浪費食物既人黎架勒)。炒蘿蔔糕個味係完全ok既，不過炒o個o的唔係蘿蔔糕，而係蘿蔔糕質地既粉團。沙爹，牛肉硬，雞肉"梅"，沙爹醬唔好味，點可以話呢度係食沙爹呀?唯一優點就係平，但如果唔好食都係冇用。

今次是小弟的首個食評,本來應該先來一次開心回憶,但是因為看到大家的笑面意見,特地帶著期待心情到好時一試,卻是失望而回,地方頗難找到,到達時8時左右,已很爆滿.環境算是不錯,比起很多東南亞餐\廳光猛及闊落.跟了大家的叫法,喇沙,咖哩牛腩,沙爹及肉丸湯.先來喇沙,料頗足,但味道不夠地道.比北角的\"廚師\"差得太遠!然後的咖哩牛腩卻更叫我吃驚的差,辣味不足,咖哩太稀且稍欠咖哩應有的濃香味.這是我最接受不了的一味,因為這是東南亞餐\的基本菜式卻未做得好.肉丸湯,肉丸很好吃,肉味鮮甜,配合的青湯卻太普通.沙爹肉質很粗,燒得太乾,汁料救回不少分數.整體而言頗失望,尤其是咖哩牛腩,單是此菜已令我對好時沒好感.我也覺得它的成功\有點羊群效應!或許\附近沒有同類店子吧,但如果是特地找這店子就可以免了.沙巴又或是蕉葉咖哩屋比這裡好吃多了.

見咁多笑哈哈..所以今日約d friends 去試下..一去到原來係幾年前有朋友已經帶過我黎ka la..我地叫左d drinks先..有椰青,珍多冰,青檸疏打(餐牌無寫)..朋友話個珍多冰好得意同出面唔同有一層係深啡色既味道好似咖啡..都常ok..我地order左:炒蘿蔔糕咖哩牛腩海南雞飯串燒半打薄餅大蝦片味道:炒蘿蔔糕-好味咖哩牛腩-有少少辣都ok 啦海南雞飯-油飯ok/雞無咩味串燒半打-沙嗲醬好味薄餅-唔係印馬個隻薄餅係騷皮黎既我個人好like<推介>大蝦片-大兼脆/我就ma ma地朋友就like但lee到d野無疑係幾抵死既!

睇完依度既post,我懷疑緊大家做乜咁吹捧依間野.我認為「名不乎實」先係最忠肯既評語!至少佢唔配有咁多笑面!不嬲試新野,我冇帶任何expectation,只會試下去比較.試左所謂好食既海南雞.好滑,但雪味出晒黎根本毫無雞味. 唔明依度既朋友點解仲可以咁吹捧???!!!純追求口感而唔理味覺?!我覺得佢依味招牌菜係本末倒置囉.再試炒通菜,更加唔合格.炒到一d都唔入味!連大牌檔或普通小菜館都叻過佢!之後係講到好好食既串燒,係唔係大家都少去地道既印馬菜館?依度只係行貨水準.叫仲可以食下又完全冇可能去到笑面既水準!!!炒蘿白糕算ok.幾香口但炒得唔平均.侍應不算有禮貌好服務,有個中年哥仔放野落台大大力,叫佢添水就話"一陣先,執完野先到你!",建議佢學講"等一等,轉頭俾你"依類已經唔算好但叫做可接受既茶餐廳對白.好時係名不符幾百個笑面之實.

見d人幾讚依間野食la...今日就同男朋友去試下la... 搵左好耐都搵唔到>,<最後都好彩搵到...^^叫左辣椒蟹,喇沙同海南雞飯個飯同喇沙好快上到...個飯幾香幾好味個喇沙好少料...d人又話好多料不過味道都唔錯個蟹就好好味la我男朋友好鍾意食蟹gad汁好好味不過唔夠辣d肉好爽甜wor...個人就覺得幾好

友人話未去過好時, 橫豎好耐無去啦, 不如一齊去食鋪勁啦!! 2個女仔weekday去食, 8點幾都重好多人, 坐到去走廊, 好在有人埋單, 唔使等就有位啦!!! 例叫一客海南雞飯, 再加個炒蘿蔔糕, 另半打沙爹, 海南雞雖然肉地唔厚, 但係次次都係咁香滑, 又唔油, 不過醬汁我就麻麻, 我反而鐘意唔點, 食下原味雞的香滑, 正!! 炒蘿蔔糕就好大碟, $40真係好抵, 蘿蔔糕落粉太多, 蘿蔔唔夠, 但係碟邊的肉碎同蘿蔔絲/碎就係勁正, 好入味好香口, 雖然望落好似碎濕濕, 亂遭遭咁, 但食落真係好正!!!串燒就一般, 好似燒過籠, 因為有d硬, 同埋個sauce一般, 唔夠小曼谷咁正雖然只係叫左3樣, 但係碟頭大都食唔晒, 埋單每人都係$60, 好抵!!!

上兩個月跟友人光顧過一次，昨晚又跟男朋友和一位同事到這裡用膳。是晚點選菜式︰雜錦沙嗲串燒半打、加多加多、辣椒炒蟹、馬拉盞炒通菜、海南雞半隻、法國麵包、薄餅、椰青和可樂。可能我們都吃不慣東南亞菜，所以不太懂得欣賞。海南雞夠滑，可惜沒有鮮味。法國麵包很香脆。辣椒炒蟹沒有蟹味。大部份菜式都是偏甜或偏辣。

尋日又再去好時沙嗲食飯, 呢個兩個星期之內第二次嘞.今次有6個朋友,可以share更多各式美食.我哋叫咗呢D菜:新加坡辣椒炒蟹- 超級, 強力推界. 辣蟹其實並不辣. 少少香辣既汁料內有雞旦'埋獻', 兼有點沙嗲混合茄汁的味道. 辣蟹既size特大. 蟹蓋足足有一隻手掌長, 而且蟹膏充足. 我哋將D蟹膏混埋醬汁與薄餅一齊食(要熱食), 滴汁不留. 好味到不能形容. 完全冇預計80蚊可以食到咁好既炒辣蟹. 簡直出乎意料之外既美味.加多加多- 新加坡沙律. 生菜, 芽菜, 薯仔, 馬蹄等材料, 伴上花生溶既沙律醬. 同行既朋友十分欣賞沙律醬既味道.炒粿條- 必食. 保持水準, 可能先前食過, 所以味覺感觀上冇咁興奮.雞肉沙嗲一打- 必食. 今次有D烤燶, 不過仍然美味.咖哩牛腩- 如果冇Quota可以唔食.海南雞飯兩客- 必食. 雞油飯始終比雞美味. 但油飯一定要熱食, 放得太耐會冇咁香滑.薄餅兩客- 炒辣蟹既汁料太美味. 一客根本唔夠喉.肉骨茶- 味道好濃, 與一般肉骨茶不同. 朋友指新加坡肉骨茶與馬來西亞肉骨茶唔同. 自己就比較prefer馬來西亞個種.

估不到平日的晚上去都要等位(不過我見過平日的下午茶時間就是沒有人的), 好彩都不算太耐點的都是這裏的人的介紹:海南雞飯: 其他人己寫得多, 不形容了, 總之好食, 特別是個飯!串燒: 燒得很好, 爽口而香, 個汁就更正. 只是, 我叫的是豬同牛, 如果唔食落去真係唔知邊串打邊串, 分開俾我地睇清會好一點!叻沙: 我就覺得好好味, 又多料, 不過我朋友就覺得d麵浸得太淋考慮埋價錢, 我就覺得好好的選擇了!

真是好多人，連走廊加枱都坐滿，幸好剛好有人結賬才不用等便有位。友人極力推薦海南雞飯又怎會不吃？我們點了一客海南雞飯、一客炒蘿蔔糕及半打串燒。想不到海南雞會是雞脾，好香滑，喜歡它那近附瑩光綠色薑蓉，好特別，又不像傳統薑蓉般油淋淋。炒蘿蔔糕味道不錯、好香但又不太辣，不過蘿蔔糕用太多米漿，沒甚口感。串燒便好抵食，三十元半打，外集豬、牛、雞拼盤，不會單調。此外，沙爹醬非常出色。

星期六晚同男友去完紅磡睇完超"精彩"0既人體奧妙展後就過嚟食飯,因為已經好耐冇嚟食過,嚟到八點到la,要等一陣位,雖然佢已經開埋另外一邊舖位,但仍然full晒,入到去同bf商量左一陣,叫左海南雞飯,炒蘿蔔糕,咖喱海鮮同埋青檸冰,我最鍾意食佢d薑葱,用嚟點雞同撈飯都係咁好味,雞仍然係咁好味又滑,同埋個湯都好鬼good,不過我覺得炒蘿蔔糕反而有d"粒"口,唔夠硬身,不過味道都ok,希望下次再叫會好d la,而咖喱海鮮入面有好大舊魚,唔係魚柳,而係炸過0既鮮魚,d肉都好滑,仲有蝦同魷魚,再配埋咖喱汁,非常惹味,佢d咖喱真係唔錯,食完後加左10元食超細杯裝haggan-dazs0既士多啤梨味雪糕,正呀!!!今餐真係又飽又滿足

我琴日去左好時沙嗲食呀,原來好細咋間野,但有兩邊舖位.d 野的確唔錯.個咖喱牛腩好味,都辣,點薄餅好正(d 薄餅本身都好正).個串燒的沙嗲汁亦好味.叫個海南雞飯... 我地六個人,佢話不如我地叫半隻雞再叫飯, 但我地叫完隻雞唔記得叫埋飯,只係叫左白飯, 所以冇試到佢d油飯.d雞係就係好滑,但冇味的,一定要點野來食.佢d薑容"dird"到好細,好似wasabi.仲有叫左個星洲炒米,但竟然係帶橙色的,而且濕濕地,冇乜特別味道,只係食完條有少少'慶'既感覺.仲有個叻沙,即係椰汁咖喱米粉,都幾好食,令我諗起沙嗲王...另外個馬拉盞通菜,第一碟好好味,再叫多碟,大碟左,但就淡左...總括d野都唔係貴,大約35蚊碟.當然d 炒蟹就唔同價錢啦,不過我地冇食.食完行去紅館睇演唱會幾好,當散步.

勝利小廚($43) 勝–我講緊海南雞飯。1. 湯: 好時似例湯, 勝利是沒有味精的住家湯, 勝利先嬴一局。2. 雞油飯: 好時的雞味比勝利濃厚, 好時扳回一局。3. 份量: 好時有一碗飯, 勝利是一碟兩碗飯量, 雞亦是勝利較多, 勝利再領前一局。4. 雞: 好時夠滑但唔夠雞味, 勝利的肉質沒有好時滑, 但勝利的雞肉較好時好味, 勝利再嬴一局, 總數3:1勝利勝!話得說回來, 好時的叻沙是我食過最好食的, 有米線、魚旦及蝦, 最正係個湯, 濃濃的椰汁帶微辣, 要不是怕肥, 差d想成碗湯全部飲晒。個串燒不好吃, 雞牛豬全部一樣得個甜字, 唔望住真係唔知自己食緊邊樣, 雖然個沙嗲醬幾好味, 但係我覺得肉味應該是主, 醬汁是副。 飲品呢, 朋友個凍好立克比水還淡, 各位千祈唔好叫。我個真多冰就係我飲過最杰的、放最多椰奶的, 第一啖入口有d酥, 飲落還可以。留意7:15pm 後開始多人。

覺得冇想像中咁好食........ 只係好普通咁x 2 !!!service is good, politeno afternoon tea setprice so-so

覺得冇想像中咁好食........ 只係好普通咁!!!