好時沙嗲

營業中

休息中

上openrice 見到0里間咁多好評的好時沙嗲, 今晚同好朋友忍唔住黎一試. 海南雞飯咁出名, 必試啦! d 雞好滑, 但係無乜味囉. 好彩有三種汁點下. 0里個我覺得ok.但係叫左個咖喱牛腩, 好多油, 咖喱味唔夠, 好普通.唔可以話好味. 同埋叫左個薄餅, 個餅好乾好似酥皮咁, 無咩口感.第三味菜係串燒, 0里個ok, 因為個沙嗲醬好味.總括黎講, 幾失望, 因為期望太大了.去到又覺得好普通.

上星期日同新男朋友黎食晚飯,之前已經黎食過,覺得吾錯所以帶佢黎試下,個晚我地叫左必食既海南雞半隻, 串燒半打(牛同豬), 星洲辣椒炒蟹, 炒蘿蔔糕, 二個椰青,(1)隻海南雞真係滑過琦琦塊面, 又吾肥,皮同肉之間沒有厚厚的肥羔, 就算係雞胸都吾會鞋, 好味(2)串燒都吾錯, 雖然無咩特別, 但係都幾好味(3)炒蟹呢!你咪以為個名有辣椒兩個字就係噴火個隻, 其實佢係有濃濃既蕃茄味加少少辣椒架咋, 本人平時好鬼鍾意食泰式加里炒蟹, 但試過呢個星洲蟹後, 簡直愛上左佢(3) 蘿蔔糕好惹味總括黎講, 我每一次去,都會好滿足及好滿意, 除左迫d同要等位之外, 其他都很好, 確實係可以一而再,再而三黎食

同朋友慶祝生日，佢指定要去呢間，咪即管睇下有幾巴閉。我地叫「食送」食飯咁，嗌得多得滯食唔哂，但請埋朋友都係每人夾70, 真係幾抵；海南雞確係好味，見個個都食剩我仲自己啃左兩碗飯；但可能實在叫得太多，好多肉都真係囫圇吞棗咁食食食，又唔係話特別覺有咩咁好食。不過那沙律(唔記得個名係咪咩「加多加多」)幾特別，都易入口，愛試新野的可嚐嚐。可能我地自顧自係咁傾計大笑，侍應冇乜點招呼我地... 攪到有友人唔係好滿意。但overall 我都覺得ok, 又幾抵，有機會都會再指教下。

昨天,同一個朋友好常食飯我個朋友唔知係唔係受yummy yummy 影響想食海南雞飯.....上黎睇下....這一間好多人話幾好食。....於是去試下.....我地叫左海南雞飯,沙爹,同巴東牛肉....海南雞飯....有雞湯...幾好飲雞同油飯幾好食...d醬幾特別。牛肉沙爹....幾好食..最後,巴東牛肉.....幾好食我仲食左兩碗飯

星期六晚因為要去睇徐小鳳演唱會,所以家姐建議去好時沙嗲~真係估唔到,佢個地方咁隔涉...好彩有家姐帶路,如果唔係真係唔識去~o~行到去已經見到入面full左冇檯,然後個侍應問我地介唔介意坐出面...商場既走廊....果時已經有幾檯人係咁坐,咁我地都冇咩所謂啦, 最緊要有位!三個人叫左以下既食物:1. 招牌海南雞飯- $35 有湯有雞有飯,好抵! d飯係雞油飯,d飯一粒粒咁,幾香幾好味, d雞好正,幫你起左大部份既骨,d肉同皮之間冇肥膏,好滑~我媽都讚好~(d薑茸佢用攪拌器打過,好似一pat 芥辣醬咁,好好點~)2. 半打串燒: 3雞3牛, 個沙嗲醬都唔錯, 而且d肉好淋,好易撕佢出黎~ ^v^ (唔係好知幾錢)3. 辣通菜: 黎到時發現俾錯左好似馬拉盞炒通菜咁上下野....嗯...呢個真係麻麻...又唔抵..好似要$40左右..冇睇餐牌叫...下次唔會食4. 咖哩雞: $35 叫佢既目的唔係為左d雞...係因為d油酥餅冇醬點,但又想食...所以叫佢用黎點餅餅...呢個醬都唔錯,唔係好辣,但夠香, 不過呢...佢個盤放左三大舊薯仔後已經佔晒成個盤咁滯....我地統計過...大約有4小舊

之前睇過咁多人俾呢間咁好既食評, 所以星期六特登同男友走去試試...去到因為我地唔坐走廊位,所以要等左差唔多15分鐘先有位..我地叫左..1. 海南雞飯2. 雞串燒3. 炒蘿蔔糕4. 珍多冰海南雞飯d飯幾好味, 我個人覺得冇乜野. 但男友就嫌油左d...但d雞就真係唔係好得...真係一d味都冇..所以建議可以只叫$7油飯..唔使叫雞雞串燒就一如有d網友所講味道ok,但d肉就真係腍左d..可能豬同牛會好d卦...炒蘿蔔糕都幾好味, 但就稍嫌唔夠辣...珍多冰真係可以唔使叫...一d都唔好飲...總括0黎講,唔算非食不可囉...

地方真係唔大，食完就要走，不過都ok等人o地可以做多幾轉枱o麻。2個人去食試唔到好多o野，淨係叫咗海南鷄飯﹑串燒﹑蘿蔔糕﹑薄餅。唔知係咪因為早(閒日約7時多)人客唔係好多，即到即有位，仲有就係do野食超快，亦都係即叫即上枱。先講海南鷄飯，d鷄真係幾滑醬料亦唔錯，不過個湯就差d喇。牛串燒好過鷄，因為d鷄肉好散。蘿蔔糕就很"野"味。最後o既薄餅唔駛點汁都好好味。至於服務我覺得都幾好，因為食食o下我丟咗支义落地，旁邊o既侍應係我都未得切開聲o既時候已經嗱嗱聲攞咗支新义o黎，都算係咁啦。

OpenRice 百幾個笑哈哈, 真係要試下~因為預先book 左位, 唔洗等都有~服務真係唔錯, 問佢有乜好食佢都好友善咁答我地~~ 7個人叫左海南雞飯, 炒貴刁, 炒蘿蔔糕, 炒通菜, 沙嗲串燒, 巴東牛肉, 椰汁咖喱雞, 薄餅海南雞d 雞好滑, 靚野~~ 炒貴刁多料, d 馬拉盞味入晒d 河粉度~ 炒蘿蔔糕, 通菜都好香馬拉盞味~沙嗲串就熟左少少囉, 但都ok~其他都幾ok~~真係抵俾百幾個笑哈哈埋單每位$53, 抵~~ 最麻煩係唔收Credit card....

尋晚兩條友仔係老尖遊蕩搵食,行下行下去到"大富豪"喎...嘩~~發達啦~~咁大個仔當然一定要去....附近o既"好時"試下啦!!!上到去差唔多9點,居然門口都重有人等緊,好彩我地兩丁人好快有位,跟手點菜,因先前已經睇過其他食家o既食評就諗都唔使諗叫左沙嗲串燒(牛,雞)--燒得都唔錯唔會太乾身,o個沙嗲醬都幾好,特別用黎點青瓜粒(配角一),但係d串肉只係暖暖地唔係好夠熱!海南雞飯--幾滑另都有d雞味,但個醬油同薑容真係唔錯(配角二),另外個油飯幾香同唔係太油!喇沙--上(木台)果時真係幾香,聞落去唔會只得椰汁味,食果時d米粉都唔錯幾好咬口,但個湯底飲左都幾口渴!!!辣豆角--一d都唔辣,應該好似用類似蝦醬o既材料炒,雖然唔辣但都幾好食,最好用黎送飯!!總括黎講食物大致上都唔錯,但環境比較迫d!

我唔知點解咁多人話好食.....我唔係攪破壞呀~~但我真係覺得一d唔好食.........d 野勁普通咋嘛~~等我仲由地鐵站一路搵餐死先搵到呢間野.......野食冇乜特別所以唔講喇~~我印象中淨係得一個"油"字~~食得多我諗遲早肥到變大豬頭........d服務勁差~~冇人斟茶~~要叫先有~~仲要係一次完左就唔會再斟........又要再叫先有........仲要俾凍水我~~食完d咁油o既野飲凍水係咪想我個胃唔舒服呢???跟住我地點完菜~~擺低左個menu在檯面~~跟住薄餅黎喇~~個waiter將佢擺o係份menu上面(點解佢唔收menu呢??好奇怪!!)~~點知之後過左一陣~~有個阿叔(應該係老闆掛)竟然問都唔問就一手抽起份menu~~攪到壓住o係上面裝薄餅o個隻碟同d刀叉ping ling pung lung~~刀叉跌晒落檯~~佢抽個menu時仲要個menu拖行左隻碟一陣喎......勁嘈勁冇禮貌~~我地3個人都當堂呆晒~~點解今時今日仲有d咁o既態度????食完之後即刻收晒我地d野~~好似趕客咁......都算數啦~~想飲埋杯茶先走~~但又勁熱要慢慢飲......點知佢即刻問我

海南雞飯真係幾OK.. 去骨..滑..但係冇雞味..但果三種醬料及雞油飯絕對可以保雞味不足.$35蚊.讚!!沙嗲串燒都ok...但無咩特別炒羅白糕同炒貴x好食...前者唔會太粉,又夠鑊氣,後者我覺得除左雞飯,佢都算係好時既代表作^^!服務都好好...抵讚!!

其實聽左好時個名好耐，尋晚重於有機會去試，7:30去到，2個人，唔駛等位，叫左海南雞飯，半打沙嗲，蟹汁炒蛋，薄餅，海南雞飯真係無得頂，好耐無食過咁好名既海南雞飯，沙嗲都係水準之作，唯一失望既就係個蟹汁炒蛋，一d蟹味都無，同Mcdonald 個炒蛋差唔多! 上菜好快，由坐低都食完唔駛9個字! 呢個我幾鍾意，之討厭上菜要等好耐!

呢個係我第一個食評：昨晚同朋友睇完食評之後，就決定去呢間試o下，我同朋友都認為招牌"去骨海南雞飯"一般，最好味就係個湯同埋d薑蓉，我o地都認為紅磡個間好味d，我o地又叫o左個"串燒，串燒真係唔錯，因為唔會太乾身，價錢都ok，三十蚊有半打，最好味亦都係d醬，沙嗲醬真係幾好，所以我o地仲叫o左個簿餅，都值得再去，仲有呀...d服務都唔錯

見食評賺多唱少.同女友從太子坐車去尖東拉食.以前食過沙巴,香辣屋,蕉葉屋既馬來亞野食.當然仲有自家mother出品既馬拉野.點左4樣野. 肉丸豆"pok"湯, 馬拉盞炒通菜, 沙爹(雜)半打加海南雞飯.先講通菜,唔名鑊氣同火喉,上菜時香係勁香,但食落時d菜同馬拉盞既味好似分開咁.d菜少唔到入味,根本唔合格.或許期望太大.沙巴同蕉葉好過佢好多.會唔會係我唔好彩食唔中大家都食到既好野跟上海南雞飯.駛唔駛讚到天上有地下無!!會唔會又係我中招食唔中.雞係極滑.但都係冇雞味.好多地方都好食過佢.新加坡餐廳同太子粥皇湯后泰雞飯.(今日check番有朋友complain粥皇冇雞味但都依舊滑,我依幾日冇食所以唔知係唔係都衰左)但真係唔覺要特登黎食law!!!!或者tst東冇馬拉野選.咁佢又真係叫入得口既.最激讚反而係佢跟埋既鼓油同自製薑容(似wasabi),好靚又好味.跟餐既湯同另外叫既肉丸湯根本一樣!肯定係一樣味.即係同一bowl湯另外加d料就成一款菜.普通茶餐廳好正常.咁多人讚我又期望過高啦!不過肉太係幾好食,豬肉新鮮得黎弔出甜味,可能"yip"料做得好(但我覺得同家常便飯既肉丸差唔多,喜住家飯者

由海港城山長水又遠行到過黎........終於食到喇~~~好味..... 海南雞飯確係好味~~~~沙爹都好正........連杯青檸梳打都特別正........服務又好好....好親切~~~價錢又唔貴~~唔怪得大受好評啦~~~