好時沙嗲

營業中

休息中

海南雞飯,串燒半打,架喱牛腩煲,薄餅。海南雞飯：雞滑飯香，超正！串燒半打：選了豬串燒, 好食！ 架喱牛腩煲and 薄餅: 掂呀！ 環境一般, 服務仍有改善空間

同朋友兩個人叫左︰架喱牛腩煲、薄餅、海南雞飯....講下大家勁推介的海南雞飯先啦！我本人覺得個海南雞飯....都係麻麻地....D雞無雞味...油飯都唔覺得有咩特別！至於個架喱牛腩煲....好惹味....幾正呀....D汁用來撈飯同點薄餅食真係一流！最後....個薄餅好香口,好脆...一定要熱食...凍左少少就唔係咁好味啦！至於服務方面﹐我覺得都OK啦！

辛苦左一個星期昨日完成了工作，同好朋友去這間聽左好耐好多好評的餐廳食。位置都真係有小小難搵，但係都搵到去到都八點左右，都巳經係好多人，但係我同個friend 都等左一陣就有位了。 講完小小開埸白，就到真係講食物，我第一次去食，一睇MENU，我覺得多款式、價錢合埋(即係唔貴la)，叫左傳聞中的海南雞飯、叻沙、薄餅同一個唔記得咩名了，但係都算好食，又好飽，價錢重好低。 海南雞飯- 雞軟滑，飯一粒粒煮得好，重有個雞湯。 叻沙- 唔會話好辣，都幾好食。 其他就都好食。 下次再試其他。

今次係第三次同女友黎好時食飯,次次都係行海傍去,都幾遠,尋晚重要返風,攪到女友又累又凍,冬天都係唔好”懶”浪漫......訂左位,要求坐走廊,因為經驗所得店內好大陣油煙味,我倆最怕.....發覺店內輕輕裝修過,企理左,還租了對面個單位擴充店舖面積,睇落都幾乾淨,下次試下坐先.女友同我都極愛食雞,為免爭食,一人叫左一set海南雞套餐,要求係脾位,雞肉好滑好肥美,亦有雞味,連皮食就最正,但女友唔想我膽固醇超標,所以有一半係走皮食.油飯亦保持到水準,飯煮得一粒粒,不太肥膩,比起有d煮到d飯”一pat pat”或如”麵檔”果d所謂油飯(有興趣的朋友可以去試下,簡直係非一般.....),可說是天壤之別.與女友食過幾間以海南雞出名的食店,始終都係好時的最對板,最好味.見到有openricer 投訴d伙計態度差,我黎過3次都唔覺ar,都算nice同helpful, 可能因為我黎親都唔太多人去.

同友人去試排第4名既餐廳- 好時.可能我地唔識路, 都覺得幾難找.上到去叫左過酸辣湯, 好似什錦拼盤跟飯, 一個炒菜, 同埋叫左杯野飲(因見抵)什錦拼盤同個菜就好好味...但個湯好唔得...杯野飲呀..都係覺得飲水比較好...

一早已聽聞"好時沙嗲"有幾好，終於和朋友二人試試，果然無令人失望！兩個人都叫左幾多嘢,有海南雞飯,串燒半打,xx魚炒介蘭,架喱牛腩煲&薄餅。海南雞飯：果然雞滑飯香，油飯唔會過軟or硬，超正！串燒半打：選了雞牛豬串燒，其實就普普通通啦，不過至正係個沙嗲醬，配合得非常好食！xx魚炒介蘭：唔記得係咩魚仔炒介蘭，一樣掂！架喱牛腩煲&薄餅：嘩，啲架喱勁香又唔會過辣，再配埋薄餅點沖，又掂呀！至於環境，就真係好一般啦，食飽飽想坐多一陣傾吓計都難；而服務方面，可能人少又太忙啦，仍有很多改善空間！

地鐵站出,搵左一陣先搵到.位置幾偏.8點幾鐘入到去,唔洗等.但的阿姐既態度唔係幾好,唔識自動自覺俾memu 同茶..落單又唔出埋黎.要大聲喊.叫左海南雞飯,炒通菜,串燒半打同薄餅.海南雞飯無失望,個油飯好香.串燒無乜驚喜反而...薄餅幾香脆.有咬口..唔錯但所有菜色也略嫌不夠熱..不過,咁既價錢.都算物有所值.

有個朋友仔生日,我地一行6個女仔食左$259, 好抵食重食唔哂tim!1)炒蘿蔔糕$40,雖然d口感似粉團,唔係好蘿蔔糕咁,但都幾好食,有好少少既辣,細細粒容易食!2)海南雞飯$35,飯有雞油的香味,一粒粒唔會成pat咁,d雞又得喎,唔錯!3)加多加多$35or40,好普通,o係d生菜,椰菜,烚旦,青瓜,芽菜,豆角薯仔,馬蹄等材料等上面淋上d唔辣既花生味沙爹醬,d醬好好味,最後放左一大片虲片,但食時已經唔脆。4)咖哩牛腩$35or40,d咖哩好香又唔辣,牛腩好淋,薯仔好粉唔會硬,都算夠料!但d汁太稀...5)法包*2碟$20,一碟得4塊,唔夠點curry,雖然唔係蒜蓉法包,只係普通法包,但d包烘得好脆好正,所以order左2碟!6)酸辣湯$35or40,以為好似上海菜0個d咁杰杰0地,點知係好稀囉,d味好似蕃茄加左辣醬,唔係好合我地口味,d料又小,有3-4粒豆卜,魚旦,重有幾條仔魚片,一定唔會再食...7)汽水$5/枝(玻璃裝果隻舊式汽水)*5枝+凍好立克$10

海南雞飯好食, d 雞好滑馬拉盞炒菜都好, 不過太多油炒蘿蔔糕好食不好飽椰汗飯香, 但凍左就無咁好食不過最唔好就係好肥同太多味精, 好唔健康下

多謝各位食家推薦，终於去了一試，我和朋友點了海南雞、咖喱牛腩、雜錦沙爹串燒、炒通菜及油飯。海南雞真的很滑且頗有雞味，油飯很香，簡直絕配，咖喱牛腩的咖喱香而帶點辣牛腩都幾稔，若再配以薄餅就更加正，值得一試，而串燒本人較喜歡雞及牛，因豬肉串燒有點實，整體上，食物及服務都好好!!

家母一向鍾意海南雞飯，睇到報紙見到話某一間好似幾好，但我又未聽過間野，就決定同佢黎呢間好多網友都讚既好時...海南雞飯梗要試，最特別就係D 雞冇骨，雖然少左D；個飯都幾好，但家母見到個綠色既薑蓉差D 以為係wasabi... 哈哈。串燒都好新鮮，此外仲叫左個咖哩蝦，正就正但呢個就貴D 咯...

海南雞飯的薑蓉是綠色的，怪怪的，不過幾好味~雞好味~ 油飯一般~串燒一般~加多加多not good~

It is not easy to find this restaurant in the shopping mall but I could find it this time.海南雞飯–tastes good and chicken is soft. The green source is very special沙嗲串燒–the meat is not over burn and you still feel the meat juice inside叻沙–not spicy and you can smelt coconut inside the soup加多加多–nothing special but a good tryIt is a good choice for dinner in TST east.

去完銅鑼灣又去尖沙咀,行到好累就同家姐提早食個晚餐,五點十五分,只得我地一檯客.海南雞飯---依舊好味串燒牛肉---熱辣辣,點些辣串燒醬,正叻沙---很香的椰汁味,有雞肉絲,豆卜,肉丸的材料,正珍多冰---冇試total:$110,食飽仲有得打包走,很抵的一餐.

我成日落去食, 雞滑, 醬料正, 價錢平, $35左右, 真係好好食, 我係長期食客!!!係就係地方差D, 但係就好易有位坐, 哥哥仔又熟, 所以好好禮貌, 坐落就知我地想食咩...RECOMMANDATION又準, 真係冇死錯人,唔驚叫錯野食