好時沙嗲

營業中

休息中

一行四人點了海南雞飯, 辣星州炒米, 咖哩雜菜, 串燒雞肉, 咖哩雞同薄餅其實唔係第一次食, 都係覺得海南雞飯最好味~雞又夠哂滑, 油飯又夠香~辣星州米就比上次差囉, 無咁野味了, 得個辣字~串燒個沙嗲好正呀, 好夠味道~咖哩雜菜其實得好少菜, 粉絲好多都好食~要彈既係咖哩雞, 好難食, 鞋到咩咁, 仲要係凍既!! 就好似一舊凍o既白烚雞肉放入去熱咖哩入面, 但係薄餅點咖哩戚好味道, 個雞就有好大o既進步空間~服務好過預期, 可能係唔太多人啦~

我已經來食過幾次. 每次來都會食海南雞飯或Garlic Rice.因為很喜歡它的味飯,不算太油但很夠味.海南雞會起晒骨,晒我呢D懶人.個薑蔥茸亦係我的至愛,唔會好似燒味店咁成層油,d薑茸味十足.個雞湯就麻麻啦.另外, 我都喜歡叫佢d沙爹, 肉串就普通啦,但沙爹醬個味就幾好.

上個星期同一班朋友去左食lunch, 本來不太喜歡呢間餐廳，因爲個鋪頭唔靚，位置又好入，好難搵同埋外表唔吸引。不過d野食又真係唔錯wor. 印象比較深的係一個炒蘿蔔糕，好香口，食到我停唔到呀。個薄餅都唔錯，唔鍾意可以要法國包代替。再有就係個串燒，d醬好好味呀^^ 炒通菜都幾好，有加埋蝦醬落去炒。雖然個鋪頭裝修差少少，不過d野的味道不錯。

幾個星期前某星期六放左工同老婆去試，佢地係環境差D，D o野都ok o既，但係!!! 唯一一樣超失敗o既係"咖喱牛腩" !!事原果日order 完上到檯，一食!!!個"咖喱牛腩" 居然係凍o既!!!!! >_<完全接受唔倒!! 跟住同個侍應講，點知佢話: 我幫你叮番熱佢丫!(o下!!!! "叮" !!!!????唔係化!!!! 點解唔煮番熱比我呢?)跟住佢比左廚房，隔左陣我聽倒 "叮" !!一聲！見住佢晌個微波爐度拎番出黎! 要客人食微波爐野?!你估去seven 咩！可能你話: 車!!微波爐之嘛!!好多餐廳都用緊架la ! 有乜咁出奇喎!!!個問題就係有乜理由廚房點解唔可以keep 倒個食物o既溫度?喱個係做飲食好基本o既o野，連咁都做唔倒!! 你d 野好食到識飛都假!! 而且用微波爐叮完o既食物會點係人都知道！ "叮" !! Sorry !! 今次係我叮走你!! 超級失敗!!! 冇下次!! bye bye

搵左一陣先搵到間鋪,環境一般, 都幾多人,2個人叫半打沙爹，海南雞飯, 印度炒麵。沙爹，海南雞飯都好正,油飯都好好,好香,我就唔係覺得太油,正。印度炒麵就一般啦，唔太特別。價錢大眾化，位置就唔係咁就腳。

我見佢d comment都幾好, 所以走咗去試吓~ 我哋叫咗海南雞飯、炒蘿蔔糕、串燒同炒通菜；個海南雞d油飯真係好油，d雞勝在無骨同夠滑，不過相比勝利道果間，呢間我都係覺得一般啦~炒蘿蔔糕就勁大碟不過超"漏"~ 我諗多d人一齊食會好好多嘅...而串燒就好好味^^，至於個通菜都可以啦~因為"漏"住咗個胃，搞到好似好飽咁...結果碟蘿蔔糕都係剩咗d d...但整體嚟講我覺得都係一般啦...淨係覺得佢d嘢好油同好"漏"...

果然係名不虛傳; 海南雞飯勁正,加埋o的油飯簡直天衣無縫~ 另外簿餅都係推介!

估唔到個咁up dup既商場, 咁up dup 既位置,都咁多人識, 犀利犀利話明up dup, 環境梗係舊, 但又未見污漕既食左海南雞飯咖喱牛腩半打沙爹(豬牛雞)薄餅海南雞飯個"油飯"好好食, 但雞唔夠滑(可能近排無靚雞,但以雞胸黎講算滑)同埋無雞味, d"綠色姜茸"好搞笑, 估唔到佢係平時果d姜茸! 另外果個醬都好味咖喱牛腩好香咖哩味, 但少左d 牛腩味(但有d 羊既味), 好冧, 但無乜牛味, d 咖喱好識, 濕薄餅或撈白飯一流, 少辣咋沙爹即燒, 最好食係豬, 有汁有口感肉彈牙! 個沙爹醬最好味薄餅, 面果層就薄, 但中間厚左d, 都算ok總之呢餐係好開心好滿足既一餐p.s. 早知加多碗"油飯"!

7/1去睇Twins演唱會，之前做定research去邊到食，腦海中浮現ｄ食既資料，記起朋友講過有哩間餐廳，好，去馬．．．4個人叫左4樣野：－１．炒籮白糕－我地推介一定要食，後來見都有叫，果然無揀錯；有蝦，豬肉加埋XO醬一齊炒，好入味．２．酸辣湯－好辣，唔好飲，有ｄ似冬陰公湯，但又唔似．３．Laksa－有米粉，豆卜，魚丸，椰汁，少少辣；我地第一次食，都okey啊！４炒通菜－加左紅辣椒，蝦醬一齊炒，ｄ通菜好幼，好滑．爭ｄ唔記得講，上到去商場，搵唔到既；本想放棄，後來都係搵清楚ｄ先，皇天不負有心人．

男友熱愛食海南雞飯﹐問我邊度有好既雞飯食﹐我即刻上黎Openrice搵啦﹐於是就知道好時沙爹既存在。有一日去到尖沙嘴﹐就特登走去尖東試下﹐果然無失望。叫左﹕1. 海南雞飯的確係我食過最好食既海南雞飯﹐D雞滑到簡直係'跣'落喉嚨﹐飯亦好夠味﹐連D辣椒醬都極度惹味!好食到我男友由開始食到食完為止﹐連話都費時講。2. 蝦湯米粉(唔記得menu點叫﹐差唔多啦)呢個無咁出色﹐可能因為我本人唔係咁鐘意食蝦湯麵(其實我睇錯左﹐我以為係新加坡式既炒蝦麵﹐即係油麵同白麵一齊炒個隻)﹐但D湯都好夠味﹐D雞絲既口感好得意﹐唔'un'但有o趙頭又入味﹐好正! 不過最後我都無食晒D米粉。3. 沙o爹一樣好食﹐尤其是D醬﹐用黎點青瓜食﹐好甜!而且幾平!4. o麼o麼o查o查同我平時食既唔同﹐比較杰﹐但好香﹐好多椰奶(我最鐘意)﹐亦唔會太甜。食完我感動到打電話話比我個朋友知﹐我仲應承遲D帶佢黎呢間野食添。後話﹕後黎又帶我parents去食﹐呢次試埋﹕1. 喇沙呢個叫做不過不失啦﹐唔特別辣﹐唔係特別入味﹐可以再好食D。2. 炒河粉呢個又係另一個驚喜﹐好似我響新加坡食個D﹐D黑'si'油甜甜地﹐加埋少少蛋碎﹐獅'hum

都唔知好時憑乜野話自己海南雞飯好，唔好以為有任賢齊張poster做招牌就好巴閉先得架！雞一D雞味都冇，係個油飯都係麻麻，實在唔值得排隊去食囉！串燒就更差，豬、牛、雞三種的質地都一樣，梳打粉落得太多，連肉味，肉質都冇晒！係得咖喱牛同薄餅叫OK~最大問題都係地方差，仲要擺埋檯出商場走廊，好似大排檔咁！

十二月三十一日晚去左試這間食肆，雖然我知道好時中心係邊，但都幾難搵這間食肆，要問人見知係邊。當晚滿座，我要坐係走廊，但坐走廊仲好，清靜D！我和女友點了串燒蝦飯、喇沙、咖喱海鮮同薄餅。串燒肉同串燒蝦都很好味，飯則係海南雞飯，好香好有味，喇沙更是好大碗又野味，咖喱海鮮就幾辣，薄餅就一般，雖然好熱同有香味，但比印度的nan差。食左好多，太飽啦，但只係一百七十元，抵！

今日成9點幾先去到...諗住平日唔會咁早賣曬d野掛..點知一坐底個阿姐就話無雞同通菜...激死..人地特突慕名黎試海南雞嫁ma..打亂左個plan...攪到叫左d野食全部都好濃味..食左:咖哩雞--咖哩好味,我覺得同清真牛肉館同一個lv~不過哩度平d,同冇咁辣薄餅--熱辣辣,好香,不過俾我沾滿曬咖哩汁都食唔到佢d味lu沙嗲串燒--d肉外面香香地,入面又夠稔又多肉汁,d味lu沙嗲醫又好味炒貴刁--我覺得好好食,因為佢係用端士汁整,我至愛~都幾甜,岩岩好中和番d咖哩同沙嗲o既辣味今日食到我bf死投曬降,因為全部野d味都好勁,而我呢個咸精就食到津津有味啦^^"

呢間餐廳都幾難搵o架, 係一個好唔顯眼o既商場裡面一入到去, 環境麻麻.. 地方好細..不過心諗咁多好評, 不妨試下..2個人order 左:1. 海南雞飯: 雞得好少(7-8 件).. 但係以$35 蚊o既價錢, 有一碟雞, 一碗油飯, 一碗湯都ok o既!先講雞, 好滑, 冇骨方便, 但係冇咩雞味.. 但係我好欣賞3款source.. 最好當然係磨碎左o既薑容(外形真係幾似wasabi), 而鼓油都好好味呀!油飯, 對我o黎講真係好油呀.. 扣住個喉嚨咁.. 碗湯好味精, 唔太喜歡2. 沙爹牛肉(半打): 肉好稔, 好易咬, d 沙爹都幾香, 但係咸左少少.. 3. 馬拉盞炒通菜: 好野味, 但係都係油左少少同咸左少少..overall 都算唔錯, 但係味精重左d.. 同埋都係去開尖東先食啦, 唔駛特登走o黎食...

叫咗海南雞半隻($60)、牛豬串燒半打、咖哩牛腩煲加薄餅& 咸魚炒芥蘭，油飯白飯各一。海南雞: 好嫩，而且無骨，食得好方便，唔洗食食吓有D 雞血在骨中滲出；但係就無乜雞味。油飯：好味過隻雞，好香雞油味，正！咖哩牛腩煲加薄餅：牛腩一般，好實又好散，唔係好特別。薄餅太油膩，吃了一半就無食啦！咸魚炒芥蘭：好好味，咸魚仔同咸魚唔同，有咬口又咸，令原本無味嘅芥蘭好好味！牛豬串燒：其實兩種肉燒咗之後係無唔同ge，味道肉質都係差唔多。燒得唔錯，個沙爹醬好惹味！