好時沙嗲

營業中

休息中

光顧了好時數次,差不多每之都必點辣椒蟹。蟹絕對要選大的,才貴 20 元,但份量卻是大得多。蟹方面都是肉蟹,肉夠多夠厚,肉質也鮮甜結實。辣椒蟹, 我一般都會要求「小辣」,一大堆的辣椒汁,不算很辣,反而有點甜甜的,相當惹味,覺得比咖哩蟹粉絲蟹都好。個人覺得配合簿餅同吃是最好的,惹味的汁跟又熱又香的簿餅是絕配,比配白飯或法包都好得多,試過吃剩的汁拿回家,配牛油多士或撈公仔麵都是一絕。蟹很搶手,試過不到八點便賣光了,要吃便要早點去

近排親愛的找工辛苦, 所以今晚拍拖吃飯舒緩一下因為親愛的想吃濃味一點, 所以就想起尖咀的萬豚屋和好時沙嗲因為自己不太識路, 在尖咀地鐵站看地圖胡亂地走行下行去, 一出個出口就見到冠華中心, 所以決定去後者上到去原來好時沙嗲就係馥苑的商場入面不過即使係商場入面都要轉了幾圈先找到這角落見到這裡有幾個鋪位都係好時的, 而且都幾多人, 應該都ok掛叫了海南雞飯, 和串燒親愛的係鋪面牆上看到星洲炒蘿蔔糕好食不過我驚年糕會溜得滯, 所以叫了喇沙食物好快來到, 喇沙一來到就聞到濃濃棷香材料幸好無之前網友話不新鮮的問題, 湯底做得幾香濃, 米粉伴著湯吃下去很不錯海南雞就和大部份網友說的一樣, 無咩雞味, 幸好都幾滑和起骨, 油飯就幾好三個醬汁, 個濃醬油唔錯, 不過個蔥油就好核突,wasabi咁樣?!最失望反而係個串燒, 好似食醃味粉咁, 咬落去無肉味甚至無肉感個醬唔係沙嗲醬, 偏紅的, 莫非加了南乳? 親愛的和我也不太喜歡這個這裡的價錢還算適宜, 不過真係無” 環境” 可言我地兩個人坐係隔離的鋪位, 鋪位細, 容納著唔同款的檯凳牆紙應該係上手留下的, 發黃加剝落, 出面一個個醃串燒的” 膠櫃桶”最攪

一年係朋友既推薦下去左呢間野食,到而家間唔中都黎呢到食呢到最好食既唔係d餸,我覺得反而係佢地d飯囉,我覺得椰汁飯好食d,不過多數fd都鍾意食油飯...好多時我剩食佢地d飯都OK至於D餸,我覺得串燒最正...XD汁又好味平時都會叫咖哩牛腩,不過最近好似D味淡左...巴東牛肉,我覺得同咖哩牛腩好似冇咩分別@@"但呢個好似好食D海南雞,冇骨幾方便,加埋汁幾好食食黎食去都係呢幾樣尋日5個人食,食左350

i am hungry同愛將要設計最新形象，等緊佢地嘅時候不知不覺遊晒成個尖咀...。一開波喺金馬倫道食飯，之後到新港打機，再去海傍送人搭車，去到LCX再返去Citisuper嗰面食haagen dazs。之後諗住set個幾層樓高嘅頭都應該搞掂啦掛，就同家燕同海獅去返金馬倫道等佢地，點知發覺...佢地個新頭可能唔只幾層樓高...。見仲要等，我地三個索性慢慢行去尖東，去定好時（海獅不斷喺度問︰「係咪時新呀?」...）等兩位小姐，都幾難搵下，唔係有人介紹一定唔會識唻。等左唔係好耐就有位，因為行晒成個尖咀嘅關係超級肚餓，先叫左幾樣野，等到佢地終於唻到後再加多幾樣。沙爹串燒叫左豬同雞，兩款肉都嫩滑，肥肥地燒得好香，以雞較佳。沙爹汁亦都好惹味，但旁邊嘅青瓜唔特別新鮮。其實之後有去多次再食，但第二次的串燒好乾，比第一次差好多，所以應該都係一輪輪...星洲炒蘿蔔糕蘿蔔糕係同D蝦同蛋一齊炒，少少辣非常惹味，好有鍋氣! 蘿蔔糕冇餡亦都冇咩蘿蔔味，但唔係中國餐廳，炒得好味就冇咩所謂啦。蝦有少少霉，但蛋好香。好正，而家諗返起都想食...海南雞意外地係起左骨的，睇落好靚，食落口好滑啖啖肉，唔錯的海南雞。但我一

大前日，有個同事要走，在公司搞了個 farewell treat，有好多嘢食，當中包括主人家特意在旺角買來的穌皮蛋撻和尖東好時中心的沙嗲串燒，熱辣辣，正到痺！今日，同事就帶我去好時沙嗲食lunch喇！同事推介海南雞飯和喇沙，於是我們就叫晒黎食，仲加半打串燒添！嘩！我的海南雞飯用的竟然是無骨的大雞脾，啖啖肉又滑，正到無得頂呀！試了一小碗同事的喇沙，與我在上環吃的完全兩樣！這兒的喇沙一d都唔辣，仲好香椰奶味添，好好味呀！至於沙嗲，實在太好食喇，掛住食都唔記得影相添！平均每碟三十幾蚊，加埋一$117，食到咁好食的泰國菜，超抵食啦！

睇左上一位食家既標題係"難找既食肆",所以我都要做足功課,落足眼力睇地圖~~~ 收工坐隧巴去,係紅磡落車,去到好時中心跟本睇唔出裡面係有野食既地方,入到去靜到不得了,我只知道係1樓,唯有上一層睇下啦,附近跟本無店鋪係"開",全部都係"關門"大吉~~~ 突然見到一班年青人行出嚟,仲聽到d碗碟碰撞既聲音,咀角一笑,我地就沿住條路行入,哈哈哈.........我搵到喇~~~ 我地都係叫海南雞+沙嗲串燒+粉絲胡椒蝦煲+汽水 海南雞個雞飯,真係好香,好夠味,個湯仲好味,d雞都好夠滑,唔錯唔錯 沙爹串燒(牛,豬,雞)好香一種香料味,lee種味都幾吸引 粉絲胡椒蝦煲 粉絲好好味,D湯又飲好,蝦係新鮮架汽水仲係支裝,夠哂氣

昨晚相約友好去尖東好時飯聚，兩位好友是沒有去過的。故放工後即到尖東鐵路站P2出口等他們，否則他們會英雄落難，被困好時中心一段時間才能找到好時沙嗲，因為我曾有此經驗，好友也認同。他們很準時到達，所以到了餐廳才下午六時十五分，我們只是第二枱客人。坐下後隨即叫了：1.海南雞(半隻$65)-----無骨及雞肉很滑，沾了三種汁醬很好味。2.沙嗲雞及牛(半打$35)-----牛肉好實，雞肉就好。3.星洲辣椒蝦($60起)-----汁醬好味，好友也當湯喝了兩匙羹。4.星洲炒蘿蔔糕($40)------料多好味，蘿蔔糕好滑。當吃完後約七時多，服務員很禮貌地問我們走嗎？我們隨即結帳離去讓座給已訂了位而正在等候的客人，我們就轉移地方到別處繼續吹水。

見到openrice咁多食評, 就嚟試下.2個人去,想食既野都叫齊海南雞半隻, 雞全走骨,3個汁都好好食, 甜醬油,辣醬 & 薑葱醬. 我哋2個都覺得好味過勝利道個間. 正!!!!! 串燒 - 一般, 牛無牛味無口感, 豬太肥, 雞可以啦辣蝦, ok. 2大隻蝦.汁好味.馬拉盞通菜, 我個人唔like馬拉盞d味,好似嗅嗅哋.星洲炒米,好味!!!!! 不過唔似一般茶餐廳的,佢無加咖哩粉,唔係好乾的,不過就有好多海鮮,好鮮味下.overall, 真係好ok.

I have been a regular user of this website and it is quite sad that my first post is a negative one.Good Satay has been one of my favorites recently, with delicious food at a reasonable price. Just last Sunday I brought my family members to there since most of them haven't tried it before, and it was a bad mistake.The food taste quite good, but after almost finishing the bowl of 'chicken oil rice', someone pointed out the rice is actually foul, and I didn’t notice it beforehand since I was havin

見到openrice既食評講到呢到咁好, 所以終於去一試3個人, 叫既野唔算多..海南雞飯 - 飯好食, 雞就無乜特別.. 有1個汁好好食.. 之不過無乜特別咁..咖哩蟹 - 分120或100既蟹, 食100蚊既蟹巳經好大隻.. 個咖哩汁好好食!叻沙 - 最好食.. 夠濃味.. 串燒 - 一般拉.. 都唔係話好好食o者.. 又唔係好熱.. 好似一早整定咁..overall, 覺得真係好一般.................但都抵食既.. 3個人先食左$266.. 抵食既~

星期二同BB睇完08年暫時最好睇o既戲Batman後去左食呢間openrice好出名的餐廳商場靜英英餐廳就依然熱鬧先睇餐牌, 樣樣都好抵, 唔算貴然後點左串燒, 叻沙, 海南雞飯嘩, 神速的上菜串燒同叻沙都係有水準我就覺得海南雞飯超好食呢三種醬, 雞無骨, 加個碗好好味o既飯~必試呀加上BB的好消息真係食得開心!!!

Jul 22, 2008 Dinner 就媽咪方便在尖沙咀食飯. 見好時沙嗲贏盡口碑,一於拉隊一試.地方有點偏僻,但眼見店內仍坐滿人,心想也不會差的了. 我們四人點了以下幾道菜1) 半只海南鷄 - 冇鷄味, 不過就好滑(2) 咸魚炒芥蘭 - 大件夾抵食, 味道也很好(3) 加喱蝦 - 好一般(4) 辣通菜牛根 - 好夠味,有點燶反而有風味.(5) 炒蘿蔔糕 - 唔...好普通(6) 加喱角- sorry,俾屋企人食晒, 冇得試我諗自己有D病加上未試沙嗲, 會去多一次...

叫左海南雞、咖喱牛腩、炒貴刁、辣星洲炒飯、半打串燒海南雞雖然係滑，但完全冇雞味．．．虛有其表咖喱牛腩好嚡、煮到容容爛爛，味道亦唔係特別好味炒貴刁算係ｏｋ．．．不過亦係一般貨色炒飯就唔係好得，飯唔夠粒粒分明，水分過多串燒都唔會太嚡太老，都ｏｋ啦冇想像中咁好，比較失望唔會再黎連加一２２８　３個人

這間餐廳好隱蔽 , 到了一樓都未望到間餐廳唔係有心去 ,都唔會唔覺意經過二人叫了叻沙$35+串燒$35好抵食 碗叻沙好大碗初時本著減肥食少d的心態才叫兩味菜 ,誰知份量剛剛好d料好多,成個碗都好滿 ,但當然你唔會要求d料都好新鮮啦!有蝦但唔爽口 ,魚蛋都唔彈牙我覺得都係靠d叻沙湯充撐場面碟沙爹串燒一碟有6串, 仲可以要求三種唔同味d醬都好多好入味,可惜其中的牛串燒極度勒....其餘的又太淋總結: 咁嘅價錢咁嘅質素 , 我已經收貸了

見這裏說這麼好味，不禁令我要去一次。寧靜的商場角落竟這麼多人，實在令人難以置信。晚上八時多許，不用等位，可直接進去吃飯。招牌上有寫沙嗲，一定要試一試。沙嗲汁十分好吃，再配沙嗲，味道還是不錯的。不過我覺得這餐廳最好吃的還是海南雞飯，雞的皮十分嫩滑，再配那些特別的飯，真是十分好吃，比大家樂廣告上的海南雞飯還要好。最後點了個甜品，甜品也是很有特色。