好時沙嗲

營業中

休息中

見好評多就來嘗嘗了馳名的海南雞飯$36果然名不虛傳呀.哈哈.喜歡油飯的香味..價位相宜！還有抄蘿蔔糕$39都不賴!香香軟軟的，很可口不過什麼:叻沙: $40 (椰汁咖哩米粉)就平平了..所以吃剩..椰青*$18不甜呢.還未當造吧？不過和朋友在這裡飯聚感覺不錯.環境尚可，有點星馬風味，會再來.

出色的海南雞飯外，這裡的叻沙也很精彩。店東欣姐是個大好人，幫襯了幾次，知自己喜歡喝解辣的椰汁，每次來都會送上椰青，主理廚部的弟弟也很有心而認真地作菜，雞湯與蒜頭爆過的雞油煲的雞油飯，夠香，雖然時而過濕，然而每次來都會吃，每次也很滿意，是本地高水準的雞油飯。二人來，吃了半碗雞油飯，順道試埋叻沙，將一煲蝦湯同另一煲咖喱汁撈埋，下些蝦、魚蛋、油麵，湯底濃稠，辛香的叻沙不搶蝦鮮，喝過叫人感動。走前與欣姐閒談一會，笑言若魚蛋換上生魚片，應該更貼近老師傅家鄉味道吧。真的欣賞與喜歡的餐廳不多，這裡是其中之一。

先幾日去食好時沙嗲，唔算勁多人，去到都有位! 如果係尖東站出差唔多一出就係! 唔係想像中咁難搵~試左個海南雞飯同串燒，海南雞飯好有雞味唔點醬都好有味~我反而覺得d醬麻麻地岩食~d油飯都好好味!串燒同醬又幾好味~略嫌串燒份量太少~唔多抵食總括黎講幾抵食同會再有下次~

平心而論, 以$36蚊一客海南雞飯嚟講, 佢已經做得好好味, 我食過$50幾$60蚊嗰d仲差過佢好鬼多…..海南雞飯係必叫之食物, d雞好滑 (不過當然無乜雞味啦, $36一客無可能仲用新鮮雞啦, right?) & 油飯都好入味, d豉油醬汁已經有所改善, 因為上次去d豉油好”稀”, 咁我都有反映吓自己既意見, 唔知係咪佢地都有檢討過呢! 一個月後再去已經改善咗啦, 唔錯唔錯…… 另外巴東牛肉, 星洲炒蘿蔔糕都好好食, 我反而欣賞蘿蔔糕入面d蛋, 好正, 沙爹有時就唔係好夠熱囉, 但醬汁係ok既.

2008.05.25晚上6:30左右去到 ‘好時沙嗲’,人客好少.可能係因為早左少少啦.環境方面:一般啦.唔係好大.門口仲有好多位.都算乾淨2個人點左3樣野:1.海南雞飯,好失望,仲以為會好好食,結果同出面冇分別.只可以話$36就不過不失啦.2.串燒飯,有4串串燒,分別係一條腸,一件蝦,兩串雞, 腸仔都係串燒又真係有d奇怪.蝦都好大隻,不過好似好唔新鮮咁.好奇怪,雞就一般啦.3.黑糯米 $12: 又幾好食.總結而言. 2個人食左$95, 唔會有下次.

之前聽朋友話好時啲海南雞飯唔錯,所以同老豆媽子嚟食,間餐廳位置幾吊腳,所以好久先嗢到,一入嚟,二話不說就叫咗,海南雞飯兩份(每份$36)同埋豬/牛/雞串半打($35),個海南雞飯嚟到,個油飯未食到聞到陣陣香味,食落去味道唔錯,但個海南雞味道幾淡,要點醬汁先有味,個湯味道唔錯,味道同媽子煲啲味道叉唔多,啲串燒味道幾甜,但啲肉唔實,賣單$123(巳加一)(平均每人$41)

海南雞飯真係OK好食!!而且價錢相當平!! ($36)不過串燒就令人好失望凍冰冰的

近來忽然好喜歡吃海南雞飯。因為聽演唱會, 之前跟朋友到這家店吃飯。因為人多, 我們三人被迫坐在店外的行人走廊。朋友說這裡的沙嗲配麵包不錯, 於是我們點了沙嗲配麵包、XO醬炒蘿蔔糕和海南雞飯。這裡的沙嗲確實不錯, 如果麵包可以再烤多一點會更好。至於海南雞飯, 雞算滑溜嫩口, 油飯也算香 (只是份量較少), 加上三款醬汁，$35 算是十分平易。

前幾日食，都幾唔就腳海南雞 - 都幾好味，armarm熟又夠嫩，都有d雞味嘅炒菜 - 夠味，不過太咸咖哩牛腩 - 個咖哩有椰香，都係好味嘅蘿蔔糕 - 無蘿蔔嘅!?又無味，最好食係d碎...串燒 - 牛豬都ok，雞反而唔得，同埋牛同豬出奇地一樣味咁油飯當然好食laoverall野都好食地下好油好滑，又極多人食完就走無問題同女仔食or想傾計就唔當然多好

食過3次好時,問我呀媽先知原來好多年前係叫沙嗲屋,佢話當年炒蘿蔔糕好好食頭兩次都係同同學食,上個星期五就一家三口食啦~平心而論,我覺得海南雞水準算ok啦,只係唔太夠雞肉味,但都夠滑同埋個油飯味道唔錯,3款醬料都幾正宗好笑係之前睇到有人話佢d海南雞唔夠熱喎,但正宗海南雞係凍ga喎-___-"之前睇呢度d食評話d串燒好乾,所以專登叫一客半打,唔知係我好彩定點,d串燒夠熱同埋味道調得幾好喎,唔會話分唔到邊d係雞邊d係牛我呀媽就話炒蘿蔔糕係比起當年退步,依家蘿蔔糕太軟身,但味道都尚可咖哩蟹反而有d驚喜,因為100蚊(好似係100蚊掛)左右,但隻蟹除肉質結實之餘,味道都好鮮甜,咖哩味唔會奪去蟹本身味道但不得不提就係我地碗肉骨茶同埋炒菜入面竟然有鋼絲刷碎片=口="樓面有個好似話得下事呀叔即刻過同我地say sorry,話會入去鬧下洗碗d人要小心d同埋換過碗俾我地不過其實呢度d service都唔係太差,發現碎片之前個呀叔都有同我地搭訕同埋介紹下邊d好食,我地問waitress有無濕紙巾,佢話無,但係之後都幾張濕水餐巾俾我地抹手3個人埋單大約430大元,食以下食物肉骨茶x2海南雞半隻油飯x1咖哩蟹x

前兩晚同男友去食好時, 叫左以下dishes:1) 海南雞飯- 飯無香味, 雞唔滑. 完全唔係傳說中咁好味. 快餐店好味過佢. 我地一碗飯都食唔晒. 好失望!2) 福建湯蝦麵- 只有一隻蝦, 湯無蝦味, 解味都無, 只係味精湯一碗, 超難食! 唔係有蝦就叫蝦麵架! 完全係一碗普通車仔麵! 3) 蝦糕什菜沙律(rojak) - 蝦糕太少, 用黎襯托既花生粒太多. 而且rojak既靈魂- 菠蘿都無一塊, 真係叫唔上係一碟rojak!!!咁樣既野食左$131! 好唔值! 唔好味之餘仲要比服務費...有咩服務可言呢?!!

是晚偕伊人去聽場音樂會，開場前來了這裡吃晚餐，順理成章讓筆者終有機會一試這間在開飯云云食評裡得到最多好評的食店之一了。先說海南雞飯，湯幾清甜和油飯亦算甘香，至於雞也夠滑溜嫩口，不用其跟餐的三款醬汁已很好吃了，$35 一客來論簡直是物超所值。次說半打有齊牛、豬和雞的串燒($35)，吃不出三者有什麼大分別，跟配的醬汁也是一般。三說咖哩牛腩($40)，也是一般貨色，九記的咖哩好味很多。四說一客四塊的baguette，雖則$10 一客，但它的出現可以說是給這餐來了個畫蛇添足。最後談甜品，一客黑糯米($12)，一客椰汁糯米($12)，各有所長，尚算不錯。其實，還想試一些炒粉麵，下次有機會再試吧。值得一提的是，在這個百物騰貴的時代，這間沙嗲食店仍是以大眾化價錢及有素質的食物作招萊，的確是值得一讚。

終於有機會和朋友試這間餐廳，不過都只係浪得虛名﹗海南雞都做得唔錯，不過就敗筆於他的三款醬汁，毫無味道，齌吃雞不點醬汁都還好味﹗油飯都幾好味，不過色澤暗瓦。沙嗲串燒真係不知所謂，串燒走油走到乾晒，沙嗲醬又唔好食。炒蘿白糕，當你食過酒樓的炒蘿白糕，你就會覺得唔好食，得個甜字，配菜的蛋又炒到黑媽媽。啲侍應喺到趕客，食完就拿拿淋收晒你啲野。真係可以話無下次。

一行4人食左兩個海南雞飯~~d雞好滑~不過跟飯既湯就麻麻地一打串燒~~幾好味魚丸，豬肉丸粉絲湯~普通炒芥蘭~我覺得幾好味~~好爽~不過有朋友話生生地~~炸豆腐~上台熱辣辣~嘩~~d豆腐好滑~跟豆腐個醬都ok不過好難搵呀...哈...因為好唔顯眼有機會會再去既~

特登出到尖沙咀買野比老婆，去一去吃海南雞先，order半打串燒，一客雞飯，仲有一隻辣椒蟹。海南雞好滑，油飯保持一向上佳水準，$30半打串燒，$5一串又好食，平到笑。不得不提個只係賣$100大元星洲辣椒蟹，蟹肉鮮甜，個汁好味到暈，我仲特登叫多個白飯撈汁食，一路食一路點頭，回味無窮。下次試塭個胡椒蟹先。