好時沙嗲

營業中

休息中

這間餐廳好隱蔽 , 到了一樓都未望到間餐廳唔係有心去 ,都唔會唔覺意經過二人叫了叻沙$35+串燒$35好抵食 碗叻沙好大碗初時本著減肥食少d的心態才叫兩味菜 ,誰知份量剛剛好d料好多,成個碗都好滿 ,但當然你唔會要求d料都好新鮮啦!有蝦但唔爽口 ,魚蛋都唔彈牙我覺得都係靠d叻沙湯充撐場面碟沙爹串燒一碟有6串, 仲可以要求三種唔同味d醬都好多好入味,可惜其中的牛串燒極度勒....其餘的又太淋總結: 咁嘅價錢咁嘅質素 , 我已經收貸了

見這裏說這麼好味，不禁令我要去一次。寧靜的商場角落竟這麼多人，實在令人難以置信。晚上八時多許，不用等位，可直接進去吃飯。招牌上有寫沙嗲，一定要試一試。沙嗲汁十分好吃，再配沙嗲，味道還是不錯的。不過我覺得這餐廳最好吃的還是海南雞飯，雞的皮十分嫩滑，再配那些特別的飯，真是十分好吃，比大家樂廣告上的海南雞飯還要好。最後點了個甜品，甜品也是很有特色。

如果唔係朋友介紹，我都唔會諗過，原來呢個商場會有間食店囉。我個星係星期六去，因為我朋友同我講左會有好多人，所以我預先訂左位啦。去到，比我想像中少人。上菜上得好快．．．只係Ｄ姐姐可能太多野做，我同佢地講野，至少要３次以上先ＧＥＴ到啦。同埋本身我想食粉絲蟹，點知．．．我到埋單先話比我知．．．原來我去到既時候已經沽清．．．呢樣就真係唔係幾好啦．．．因為我好祈待架嘛。不過我會再ＥＮＣＯＲＥ既，下次一定要食到今次我同我男朋友，點左烤餅（有點油），咖哩雞（好味，唔搶喉，只係煮得太夠火分唔出雞同薯仔），串燒（好好味，肉唔會太乾。個汁ＶＹ　ＧＤ），叻沙　（好香榔子味，份量好足夠），炒通菜（好香好惹味呢！！），雞油飯（因為食唔到海南雞，所以要識下個飯，好好味呀）．．．兩個人點左甘多野，好似好ＣＲＡＺＹ（大部份都係我叫好肚餓既男朋友食曬．．．不過埋單都係２００多。我覺得好抵食呀．．

星期一放假出左去尖東食野。係openrice介紹得一間餐廳"好時沙嗲"。最出名就係呢樣海南雞飯，成完飯都用雞油攪暈又滑又香。海南雞又唔老又新鮮同好滑。同叫左耶汁咖喱雞，佢的秘製咖喱好香好重味到。D汁拿埋黎捞飯真係一流。食得太飽啦諗住試 "秘製沙爹串燒" 同 "薄餅"都冇叫到食唔落啦，唯有下次有機會再食。

間唔中都會黎好時食飯呢度確係一個不錯的聚腳點，價錢又 ok~效率都幾快，不過快係無用的，食物gei 質素先係先決條件。同埋已經唔係第一次發現呢度成日拎d 凍左gei 串燒比人食喇，仲燒得幾"鞋"，唔知係因為本身燒到過左火，定係本身d 食材唔新鮮....好彩佢個秘製醬令d 串燒起死回生。

來到門口, 見到其貌不揚的好時沙嗲... 滿心期待坐低睇左2睇就叫野食1) 海南雞飯好快黎! 飯好香 夠油味不過雞無乜味... 湯就一般啦2) 沙嗲叫得好時沙嗲... 沙嗲應該最出名掛豬牛雞都試晒, 都幾好~3) 叻沙最遲上但最好味!!!!!香香的椰汁味, 食半碗岩岩好!!配料又足~ CONCLUSION:TST來講的平民餐廳不過食唔慣味精的朋友就預左會好口渴

前幾日上open rice睇食評,見到呢間係尖沙咀口啤最好,所以特登同女朋友放假出黎試下,個位置超難搵,基本上普通人搵唔到,入到去見到個環境好似茶餐聽咁.....心諗.....唔通俾人昆?1.海南雞飯----------主打招牌菜,食落又唔係話想像中咁正,不過都值得一試,原因可能係價錢問題,$36,所以抵食!2.馬拉盞炒芥難------幾好,好大碟3.粉絲蟹-----呢個好好呢,隻蟹係新鮮蟹,仲有加左d白胡椒粒,好青好好味總結----兩個人食左210蚊,向尖東來講算抵,d野又平又大碟,但坐得唔係幾舒服,因為個場好細

一個月前光顧這裏一次，回味無窮，所以舊地重遊。今次我和女友Order了：、馬拉盞炒芥蘭、架喱蝦。先講串燒蝦雞飯。首先抵食！三十多元有兩個雞串以及一串燒大蝦。燒大蝦好好味，上面個不知名的醬汁跟蝦配得很好，沙嗲雞都好好吃。一個笑面！馬拉盞炒芥蘭。雖然都不錯但沒有上次好吃，菜炒得不夠熱，少了鑊氣，份量也好像少了點。一個ＯＫ！架喱蝦。首先六十元才得兩隻大蝦，唔扺！（串燒蝦雞飯三十多元已經有一隻！）架喱汁沒有架喱香卻有一陣蕃茄酸味，好怪……。一個喊！所以整體而言，一個ＯＫ啦！

上一次來己經係差不多半年前既事...那時既味道仍然非常懷念來之前看看近期的食評, 有點擔心, 是否已經今時唔同往日?即管再試, 今次叫左:凍奶茶, 不得不提, 呢度既凍奶茶甚有水準, 僅次於勝香園!海南雞飯, 雞油飯仍能保持水準, 不過d雞唔知係咪受到禽流感影響, 無以前甘有雞味, 不過如果加埋d醬一齊食都仍是可以入得口既...辣通菜, 係我地指定要試既菜, d通菜炒得啱啱好, 食落好爽口, 而且有蝦米, 好好既配搭喇沙米粉, 係今次來的最大發現, 個湯底夠濃夠味, 真係好"喇沙", 用料亦都好足, 如果用米線或都玻璃粉就會perfect!難得的是, 呢度咁偏僻, 個商場又咁靜, 仍然有咁多人捧場, 可見這裡毫不簡單...而且價錢相當低, 係難"尋"的一間好食肆!

尋日又去食好時, 差唔多一個月食一次, 今次同我男朋友啲屋企人去食, 不過佢屋企人好麻煩, 同佢地食乜都有野講, 佢地只係鍾意食美心大酒樓同沙角村大排檔...今次同佢地去食, 佢地又話有野咬, 又偏僻, 廁所又污穢...今次我地食左1/ 海南雞半隻 + 2碗油反 (啲雞ok, 但啲反有啲硬, 同埋唔叫set係冇湯跟...)2/ 胡椒蟹 (香港點都唔及singapore食咁好食)3/ 炒貴刁 (幾好味, 我地最後仲叫多碟tim)4/ 串燒半打 (普通啦)5/ 炒蘿蔔糕 (我覺得幾好味, 差唔多每次都叫, 但佢屋企人話都唔知係乜, 只係食左少少, 係咁叫個工人食)6/ 炒通菜 (好味)7/ 咖喱雞 +白反同薄餅（個雞同薄餅都唔好食）Total ６個大人同２個小朋友，食左５００蚊

晚黑決定食好時沙爹，想來很久了~ 畢竟是TST最多好評的餐廳，是時候1試~餐廳在好時中心2樓，所以以好時起名？商場人流很少，餐廳也很隱蔽~ 要靠指示牌才能找到搵到餐廳後的景象突然1變，寧靜的商場就這個角落頭人頭湧湧~ 大雨夜6點幾便爆滿要坐去另外的房間~ 環境不是很好，希望食物素質真的能扳回1城~ 掃下餐牌，其實心已有屬書上介紹的馳名的海南雞飯以及叻沙各來1份，另加個炒蘿蔔糕，全部都幾抵食的海南雞沒有塗上油，所以賣相只屬1般~ 也不夠雞味~ 姜蓉很特別，與出面食到的不同雞油飯倒是不錯~ 很香很夠味非常開胃~ 而跟的湯則屬普通的味精湯，無muc特別~叻沙其實就係椰汁咖哩米粉~ 椰子味道夠曬濃郁又傑~ 味道很特別，也是調味調得與眾不同料更是落到足，鮮蝦、魚蛋、豆卜也很入味，很不錯~ 但不是人人都頂得順陣味過於濃郁變到越食越膩~ 好快便執飽個肚~ 炒蘿蔔糕熱辣辣炒出離感覺很不錯，有落鮮蝦調料非常豐富，很香~ 可惜蘿蔔糕炒得太軟熟，如果糕身表面能香脆1些便非常好了可能是迎合大衆的需求吧~ 買單12x，算好抵食的，以價錢來說水準算不錯了~

上星期同朋友去呢間食lunch，我見個個講呢間海南雞飯正，咁我梗係要去識下啦!!去到唔係好多人，坐底後就點個海南雞飯，我見枱枱都係點呢個。來到後，先食舊雞，一食，估計是雪雞，冰鮮雞都不是。所以無難味一d都唔出其。同之前大家講的一樣。再來一口飯，呢個真係good，好香雞油味，色水亦較其他海南雞飯的飯深色，這個有驚喜。只可惜雞太失色!!!!但真係好平，三十幾蚊一個海南雞飯!!

同朋友仔來個油尖旺的約會，第一站先來尖咀。海南雞飯 : 飯很好，有咬口，每粒飯都沾滿香油；雞件雖然多數是胸位，但都幾滑，而且去埋骨，方便食客。不過皮肉分離，而且無雞味，雖然明知咁既價錢唔會有靚雞，但無諗過會咁差。雞湯就鮮甜味美，飲完一D都唔口乾。福建蝦湯麵 : 某食評講呢款蝦湯麵中午開售，只有三十多碗。見佢係limited，心諗一定好好食架啦，點知勁普通。一隻蝦同四粒肉丸，蝦肉勁鞋，幸而肉丸夠彈牙，似係自家製。初時見佢大大碗，以為一定好多麵，點知原來碗底鋪左好多芽菜通菜，夠曬健康。

十多二十年前，同一位置，也曾有過一間東南亞餐廳，當年的炒蘿白糕，是一絕。聞說現時老闆正是當日廚師。闊別多年，重臨故地，商場模樣依舊，深啡色的主調，矮禿禿的樓層，黃澄澄的燈光，垂垂老已，卻自成一國過活，如同被封存於玻璃球内，跳過時間洗禮，間絕外界騷擾。選了當年常點的菜式：炒蘿白糕、沙爹、馬拉盞炒通菜和海南雞飯。不消三兩分鐘，沙爹居然已能上桌。心知不妙，必定是預先做好再返熱，果然如此，豬肉還熱，雞肉僅是微暖。沙爹醬亦屬一般，獨花生味濃，欠缺應有的辛香層次，味道單調。回想當年，尖沙咀有一上樓餐廳名曰爪哇，串燒是用小炭爐烤焙上枱，那種風味，更甚的，是做食物那份心意，已難重現。跟着海南雞飯亦到，這是前後不到五分鐘的事。雞肉涼凍，味寡，皮肉分離，雞皮厚滯，毫不爽脆，肉不至韌，但絕不能稱作嫩滑。醬油味淡，只具顔色，鹹香甘甜欠奉。有味飯香氣撲鼻，但飯身欠缺光澤，想是下雞湯或雞粉弄成，雞油香料恐缺。炒蘿白糕份量可觀，除蘿白糕外，還有蛋絲蝦仁等等，可惜蘿白糕下粉過多，質地軟腍，口感欠佳。尤可嘆者，是味道分離，蘿白糕還蘿白糕，配料還配料，互不入味。炒通菜最後才到，應是唯一認真落鑊炒一炒的菜式。馬拉盞惹味，通

日期：二零零八年五月三十一日時間：下午一時地點：好時沙嗲人物：我食物：海南雞飯蔡欄說：「食物美味與否，在於比較。」從比較累積的經驗便成為個人的主觀標準，一大票的主觀標準經時間的驗證，便成為了相對客觀的準則，即味道的普世價值了。隨著年月的累積，這些普世價值便成了所謂的「正宗」。而正宗之所以重要和為人所堅執，是因為正宗意味著味道獲得大多數人認同和稱道。然而，正宗從不是我所嚮往的，因為文化和口味往往隨著時間的消逝，而變得不合時宜，所以，正宗很多時未必是「現代人」杯茶。我的足跡未及星洲及海南省，沒有機會品嚐正宗的海南雞飯，嘴饞的我只是閒來沒事做，找點好吃的以搔嘴癢。好時沙嗲是間東南亞食店，售賣串燒、喇吵等，還有個著名的海南雞飯。雖然沒有到過海南島和新加坡等地，也沒有吃過正宗的海南雞飯，但在冰鮮雞和速食的年代，顯然不太可能找到以正宗手法烹煮海南雞的店子。這這個年頭，我們只能吃上相對較好的海南雞飯。好時沙嗲如普遍食店一樣以冰鮮雞侍客，雞淡而無味，這也難怪，才三十多元的套餐，有飯及湯，雞還能要求是新鮮的嗎？雞不鮮是香港吃雞的普遍問題，可是黃亮的油飯才是最致命，油飯煮得過軟過爛，吃時「黏」得叫人難受，