影片
更多
2008-08-09
18 瀏覽
i am hungry同愛將要設計最新形象，等緊佢地嘅時候不知不覺遊晒成個尖咀...。一開波喺金馬倫道食飯，之後到新港打機，再去海傍送人搭車，去到LCX再返去Citisuper嗰面食haagen dazs。之後諗住set個幾層樓高嘅頭都應該搞掂啦掛，就同家燕同海獅去返金馬倫道等佢地，點知發覺...佢地個新頭可能唔只幾層樓高...。見仲要等，我地三個索性慢慢行去尖東，去定好時（海獅不斷喺度問︰「係咪時新呀?」...）等兩位小姐，都幾難搵下，唔係有人介紹一定唔會識唻。等左唔係好耐就有位，因為行晒成個尖咀嘅關係超級肚餓，先叫左幾樣野，等到佢地終於唻到後再加多幾樣。沙爹串燒叫左豬同雞，兩款肉都嫩滑，肥肥地燒得好香，以雞較佳。沙爹汁亦都好惹味，但旁邊嘅青瓜唔特別新鮮。其實之後有去多次再食，但第二次的串燒好乾，比第一次差好多，所以應該都係一輪輪...星洲炒蘿蔔糕蘿蔔糕係同D蝦同蛋一齊炒，少少辣非常惹味，好有鍋氣! 蘿蔔糕冇餡亦都冇咩蘿蔔味，但唔係中國餐廳，炒得好味就冇咩所謂啦。蝦有少少霉，但蛋好香。好正，而家諗返起都想食...海南雞意外地係起左骨的，睇落好靚，食落口好滑啖啖肉，唔錯的海南雞。但我一
沙爹串燒
叫左豬同雞，兩款肉都嫩滑，肥肥地燒得好香，以雞較佳。沙爹汁亦都好惹味，但旁邊嘅青瓜唔特別新鮮。其實之後有去多次再食，但第二次的串燒好乾，比第一次差好多，所以應該都係一輪輪...
星洲炒蘿蔔糕
蘿蔔糕係同D蝦同蛋一齊炒，少少辣非常惹味，好有鍋氣! 蘿蔔糕冇餡亦都冇咩蘿蔔味，但唔係中國餐廳，炒得好味就冇咩所謂啦。蝦有少少霉，但蛋好香。好正，而家諗返起都想食...
海南雞
意外地係起左骨的，睇落好靚，食落口好滑啖啖肉，唔錯的海南雞。但我一向食海南雞都係想食個醬，而佢只係得甜豉油、辣椒醬同薑蓉（綠色嗰pat），冇D咩秘製辣醬，有D失望。
咖哩海鮮 + 烤餅
咖哩唔錯，幾香的，但好後悔叫左海鮮，只係一"jar"野喺到，有D令人無從入手嘅感覺。有魚、蝦同魷魚，但全部都不太新鮮，而且魚係好多骨。不過$40又唔可以要求太多嘅。烤餅係諗住係naan，點知係脆脆的，好乾，食到口都乾埋，好差...用唻點咖哩都叫做好D...
之後我又唻多一次，除左以上嘅野，仲叫左...
香葉包雞
本來覺得冇特別唔想叫，不過侍應哥哥推介就聽下佢講啦。一共六舊，塊葉係炸到超級脆（不過當然係唔食得...），喺到打開佢時好容易斷，每打開一舊都會開六七節，好麻煩。諗住咁脆，入面應該會好乾，點知唔係 -- 雞肉係好嫩滑，味道極佳，有微微的黑椒味道，一嗚驚人! 係我最喜愛的菜式。
蒜蓉炒芥蘭
麻麻地。蘿蔔糕炒得咁香，唔明點解芥蘭就炒到咁。勝在大碟啦。
服務方面，態度OK，但侍應們都好似呆呆滯滯咁，成日一jar咁企晒喺到。問佢地野又好似要幾秒先會回魂畀到反應你。地方唔算太差，起碼唔係坐得太逼。價錢就超值啦，每碟平均$40真係抵到爛。
飯後，i am hungry不斷大放笑彈...（「愛將呀，愛~~~」，「可能佢係...可能佢係郵差呢!」）...愉快的一餐，等左咁耐都係值得的。
張貼
