好時沙嗲

營業中

休息中

之前男友同朋友黎食，話麻麻地～不過，我見到ｏｐｅｎｒｉｃｅ好多人都話好好味，所以我要佢帶我去食～炒蘿蔔糕：食開頭果幾啖，好味呀！！好特別，好香～不過，食多幾啖之後，就覺得好滯．．唔想再食．．．但係，真係好香～油飯：我覺得幾好味，不過男友覺得麻麻．．．喇沙：好好好淡．．一ｄ都唔濃～男友話之前唔係咁ｇａ，之前係好好味～今次好似加左好多水咁～一ｄ都唔好味～巴東牛肉：好味呀～好香，好濃～真多椰汁：怪怪地．．．唔知個底ｄ啡色係咩．．好似有少少”拿”喉．．唔知係咩味．．．而且，，好甜～

今日一行8 人黎左好時食LUNCH...原本好開心.但俾哩間野個阿姐搞到好無奈...先講食物啦..海南雞---冇味,好失望..但D 調味料都OK GE..星洲米,炒貴刁 ,楊洲炒飯,炒通菜--冇咩特別..但份量好細..咖哩牛腩--哩個OK..D 汁好多,撈飯好食炒蘿蔔糕--D蘿蔔糕好淋...但冇蘿蔔味油飯--不錯..總結: 十分失望..絕對係普通野..唔值!講服務..一個字形容,差!我地一開頭坐低都冇野..唔夠5分鐘就個阿姐問我地叫野未,我地8個人點會咁快諗得好..就同佢講一陣先..點知個阿姐話:" 等陣? 等好耐架喎!"我地即刻啞左..好啦, 叫得野食喇.我地叫左半隻海南雞..阿姐又講喇:" 半隻雞點夠8個人食丫?"大佬..咁我地唔係淨食雞..唔夠我地會再叫架啦..洗唔洗咁??跟住就好似一路歧視我地咁..又唔加水..我唔明佢憑咩收我加一服務費!最差GE係個阿姐對其他枱GE 人好鬼熱情,咁即係擺明睇少我地D 學生啫!第一次黎就俾人串到咁..唔會再有下一次.不過,我要話俾O個位阿姐知..學生唔係食唔起架!!你咁做生意,遲早無人黎!!

老婆介紹話有間好出名既食沙爹就去試一試平日八點幾去到有人等位 不過我地兩個就唔洗等馬拉盞通菜: 咸魚好香, 通菜都唔錯, 不過細碟左d海南雞飯: 好淡口無雞味, 不過肉嫩, 連埋個雞湯好甜好好飲沙爹: 食完哂全部野等左10分鐘都未到, 催佢, 佢話:" 賣哂喇喎, 乜你地唔知咩!!"紅咖哩雞: 個兜好大, 勁多薯仔, 但得一舊雞槌問佢:你地係咪d咖哩不嬲都得一舊雞架?佢答: 唔好意思.....我地今日唔係好夠雞.... 洗唔洗我拎份去"不"多兩舊雞比你地?....我地見佢好驚..流哂冷汗咁......咁既餐廳第一次見真係唔驚黎下次.......

一直好期待去試呢一間餐廳, 今日lunch終於有機會去試, 點知真係好失望..我地3人行, 去到叫左海南雞飯, 有個串燒雞+蝦+飯, 同叻沙我個fd話美心d 海南雞飯都好食過呢度o個個d沙嗲味怪怪地...叻沙得個香字, 冇咩味...服務唔好... 問個阿姐野, 唔多願答不值一試..

3,4點黎得計埋自己都係得2枱客..叫左個海南雞飯同喇沙....海南雞上枱已經唔係好熱,加上佢d冷氣好勁..又坐係風口位,唔駛1陣已經凍哂!! 已經唔好食......d飯我又食唔出有幾香,整體上唔好食~!!!!!!!!而個喇沙就好味啦.............個湯好正 但係差不多大半碗都係牙菜? 食黎食去都好似食牙菜多過米粉..咁就唔抵喇~~~三四十蚊食碗牙菜.......! 如果佢將2個既比例調轉真係值得再黎既.....

尋晚七點幾到唔係好多人, 都仲有好多大枱淨... 食物嚟得好快, 好大碟適合三五知己食1) 星州炒蘿白糕 ~ 好味, 尤其係配料配合得好好2) 串燒半打 (牛,雞,豬) ~ 牛就麻麻, 最好味就係雞3) 海南雞半隻 ~ 覺得無乜雞味, 好彩有薑蓉搭夠, 同埋無骨啱晒我心水4) 排骨茶 ~ 男友話好好味, 但我唔鍾意d色似苦茶二人共消費: $205

再被朋友拉到呢間餐廳吃飯﹐這次係就朋友話想吃沙爹。可是﹐事與願違的﹐食物和3個月前一樣﹐雞已經失去海南雞的水準﹐味道吃而無味﹐沙爹串也都係﹐肉很韌﹐肉的香味就沒有了﹐剩底落來的都係沙爹味﹐令人覺得肉根本唔新鮮﹐用沙爹的味道蓋住D肉本身的無味。

上次食過這裡的海南雞飯好掂,今次再來encore及試其它食物...串燒(半打$35)--要了鷄、牛、豬各二串,當中以牛最正,吃得出是新鮮牛肉,沾惹味的沙嗲醬,正正!鷄也燒得出奇滑嫩,唔錯!再來一碟炒蘿蔔糕($40),嘩!端上枱己聞到好香,蘿蔔糕加上蝦仁及鷄疍炒,食落勁滋味,這個是繼海南雞飯後我的另一推介!青檸梳打($12)---OK!但我認為椰汁涼粉冰good D!

中秋節日看完跌打，在金華冰廳吃過早餐後（詳情可參考食評---菠蘿油王子）女朋友覺得天氣太熱，不想在街閒逛了，於是便回家先稍事休息，晚上再到愉景灣。（這是一早計劃好了，女朋友說想到愉景灣行沙灘，賞月呢！）怎料女朋友晚上說天氣太焗太熱了，因此改變計劃出尖沙咀行海旁賞月算了。原本預計到愉景灣用饍的，結果突然變了尖沙咀（女孩子真善變呢？）女朋友指定要吃一些濃味的食物，我即時想起沙嗲，咖哩一類的東西（女朋友也喜歡吃東南亞菜的）說起沙嗲，就想起好時沙嗲來了。（中秋佳節，為免等位，還是致電訂位了）我和女朋友準時七點十五分到了好時商場（一個懷舊的商場呢！）找了好一陣子才找到好時沙嗲的所在，格局令我想起觀塘的「上海一品香菜館」（詳情可參考食評---隱於商場的上海菜館）（閒話少說，還是看看「好時沙嗲」有什麼好吃的吧！）我訂了枱，進去就安排到坐位了。女朋友坐下後看著餐牌，因為看過很多食評都推介星洲炒蘿蔔糕，而炒蘿蔔糕正是本人所愛，因此先點一個星洲炒蘿蔔糕。女朋友說想吃咖哩，我怕一般的咖哩太辣，因此我們叫了椰汁咖哩雞。光顧好時沙嗲，不吃沙嗲似乎有點說不過去，因此我們點了一個沙嗲串燒（雞、牛及豬）另外叫了兩個白

兩年沒去, 質素變得極差. 油飯沒味道, 雞沒雞味. 唯一能解釋的, 就是在下要求高了. 沒下次了, 不用再去.

今日一行5 人係好時食飯~~叫左半隻海南雞、加多加多、咖喱牛腩、炒貴勺、炒蘿蔔糕、炒芥蘭~串燒~仲有幾會油飯~d 雞真係好好味~來度好時真係要試一試~~d 咖喱牛腩都好正~牛腩就痴牙d~但係d 汁好味~特登叫碗白飯來撈~~貴勺有d 油~~覺得無咩特別~寧願齋叫炒蘿蔔糕仲好~~串燒就一定要叫kala~ d 芥蘭我覺得麻麻地~我諗通菜會好食d~~油飯來度好時都係必選來架!有d waitress 幾好笑容~幾nice~又平又好食~絕對值得再來la~~

很久以前已經想試吓好時ga la, 但係佢又唔係好就腳wor, 咁橋今次去考IELT去試場的時候竟然比我見到好時中心wor, 哈哈, 真係諗都唔洗諗ar, 一定要試吓先.個個都話好時的海南雞飯係最正ge, 當然要試吓la~~~~ Wow 雖然我唔係好肯定正宗的海南雞飯係點, 但係依個真係好好食. 先講佢個雞, 係我最愛的雞胸部份, 而且佢係雞胸得o黎, 一dd都唔鞋ar, 超嫩滑的雞肉, yummy~~~~重配以三種醬汁, 一係薑蔥, 二係辣的, 三當然係黑豉油la, 每一隻都好好味, 我就鍾意薑蔥mix黑豉油. 唯一唔好的可能係雞皮真係好肥lor.... 個飯又係好好味, 唔油得o黎又好香~~~~正!!!!!佢咁大個set, 我地兩個女仔一人一個都ko ar~~~雖然話海南雞飯係招牌, 但係話明係好時沙嗲ar ma, 所以叫了沙嗲串燒試吓la. Wa,原來絶不比海南雞飯弱的, 我試了牛肉串, 好香口, 沙嗲醬係超美味, 牛肉又係好嫩, 上面重有少少花生碎, 好正ar.下次去好時千祈唔好只係食海南雞飯, 沙嗲串燒都唔可以錯過ar, 重要$30/6串, 好抵呢!!!!

上星期三生日去完海洋公園玩過返尖咀女朋友鍾意食雞,所以帶佢黎食海南雞兩個人點左兩個海南雞飯,半打沙嗲,一碟炒芥蘭,一個椰青d雞雖然係比以前無咁好食,不過都keep到一定水準難得食到有雞味的食肆...但個油飯就唔香...沙嗲...無咩特別..因為凍既.....都係食個醬炒芥蘭...比較正常d..不過切得太細...剛剛食完個飯放低隻碗..個阿姐已經話:"幫你埋埋張單...出面好多人"個時我呆住左,但個阿姐無問我好唔好就走左...轉頭有個後生仔真係拎住張單入黎...個下我就著火!!剛剛放低個碗,個椰青都未飲過就拎張單過黎...由入去坐低到食完野都唔夠半個鐘..咁就趕人走..真係好過份!!!之後我就掟晒野唔理佢,佢就拎住張單企我後面一直等...如果佢阿敢再出聲我就反佢桌!最後我女朋友費事煩就拎錢埋左張單...之後慢慢飲埋個椰青先走..呢次之後我真係唔會再去食!!!d野好食...出名並唔係大晒!如果有本事的,將成層商場租晒...咁就唔駛要趕客走!

22/9/2008今日去左搵A食lunch~~佢在尖東返工....自己唔係好熟個頭...就靠佢/佢既colleague既推介啦.....最後就去左呢間啦....個location 都幾難搵....(在個corner 位~~)比A早到.....個陣仲係無乜人.....所以坐住邊等A邊睇食咩.....環顧周圍好多人都叫一人一客海南雞飯....又聽到隔離個位lady 話唔好食呢度既炒野(個陣都有同感...因為見到另一枱叫左個炒貴刁賣相麻麻)A 終於到啦....我地睇左一陣menu就決定叫左個海南雞飯食住先.....(our rare practice~~)點知阿姐串串地咁話"嘩...淨係一樣ja....(指住我)你坐左咁耐都係叫一樣ja??"不理到佢再繼續睇menu.....之後再叫多半打satay & 2個椰青.....好快就上菜啦~~個海南雞飯個飯好大碗好足料....而且個油飯仲好有色...(個人最鍾意食d有色d 既有味飯)個飯食落口仲好香tim 呀~~可以話係我食過最好食既油飯....個雞真係好滑....(不過塊皮好厚.....嗜肥既人一定好鍾意)可惜雞味欠奉....而provided

是次與同事來午飯﹐發覺D環境比之前差窩。不過又好難怪噶﹐呢個係舊區。點了南雞飯﹐好吃﹐有雞味﹐不過沙爹就覺得太濃味。因為太受歡迎﹐太多宣傳的關係﹐如果夜晚來吃要同其他人搭臺。其他野﹐其實無咩特別啦﹐除了海南雞比較清清地。我已經吾係第一次來呢度吃啦﹐如果叫我吾係lunch 來呢度﹐晚飯真係接受吾到。因為環境真係......奇差﹗得一個選擇﹐而且發覺越來越保持吾到水準啦﹐D雞味呢兩次來吃都差左好多﹐同半年前真係好大分別。尖東甘多選擇﹐呢度晚飯我一定吾會再選擇羅。