好時沙嗲

營業中

休息中

中秋前一晚心血來潮好想食個靚海南雞飯﹐見openrice好多人都推介﹐就約左兩個朋友去好時五點幾六點鐘打電話去訂位﹐八點鐘都合理去到果然好多人等位﹐好多大檯坐到出去走廊﹐好大排檔feel我地等左5分鐘就有位﹐好彩比左個入便鋪位坐今日勁肚餓!!! 3個人叫左好多野食!!!1. 海南雞半隻2. 串燒沙嗲半打3. 大頭蝦湯粉絲煲4. 肉骨茶5. 咖哩牛腩配Roti薄餅6. 辣牛筋通菜煲7. 雞油飯一碗海南雞好靚好滑﹐本身無咩醃料﹐要點醬先好味...但係我朋友話上次仲靚woh﹐碗油飯都非常好香﹐唔太油膩沙嗲就一般﹐無咩驚喜大頭蝦湯粉絲煲個湯底係蝦湯底好鮮味﹐大頭蝦就係一D普通的海蝦﹐但係好新鮮好甜﹐不過就油左一D同埋落左好多黑胡椒粒肉骨茶屬於一般貨色﹐唔太重味﹐好的係比較少油咖哩腩配薄餅唔錯﹐可惜個Roti好快就凍左﹐可能我地叫得太多野食啦辣牛筋通菜煲個牛筋好靚﹐但係太辣﹐好麻辣feel...太多黑胡椒粒同好多油係面﹐所以淨係食左D牛筋同少量的通菜就算...太飽啦﹐叫得太多野食的下場就係咁...幾好食﹐係環境麻麻...服務OK...出餐好快﹐唔使點等﹐最主要係價錢唔貴﹐下次一定再食過

因為見食評好多人讚好味，所以就去試下....叫左海南雞飯&蘿蔔糕&串燒半打.....賣相一般....點之D野食超難食，雞得幾舊，蘿蔔糕一PATPAT，好似食麵粉咁...唉!!!一句講晒"唔掂"

早前睇openrice知道好時沙嗲入選十大好味食肆,上星期六同Ah四專登走去試食,招牌菜海南雞飯必試,雞肉鮮嫩白滑,去了骨有雞味,配上雞油飯一绝；最愛是那碟鮮綠色葱油,,D葱磨得很幼細,望落以為是青芥末,一D都不油淋,相當惹味!以$36一set的價有這樣的質素絕對超值!喇沙也是必吃的--->雖然用料祗是普通魚疍豆卜雞肉蝦仁(二小隻)伴米粉,但靈魂是這個喇沙湯底,很濃椰香味,D湯唔稀,黏住D米粉一齊吃,嘩,正到唔識形容!早前睇某blog友勁sell這個辣牛根通菜煲($45),一於點來試下,真係唔錯,D牛根炆到好似啫喱糖,入口即溶,唔係講少,比很多酒家做得更出色,果然好介紹!再來杯椰汁涼粉冰,$12杯咋,一樣是足料好味!今餐連加一only$150,超值!下次會再去食多次海南雞飯,試沙爹串燒及其它....

想食左好耐.....終於有機會同老公去一試.......一入到去唔洗諗就點左: 海南雞飯+蘿蔔糕+串燒半打+椰青海南雞飯真係令我太失望!!!!兩個字: 無味點解可以咁差???直程蒸雪雞,調味料都無落咁!!!!不過個飯都算ok啦 (都唔係話正lor!!)蘿蔔糕叫左唔夠兩分鐘就到.....都唔知係咪有人唔要比我地!!!不過味道唔錯....幾好味......串燒半打,有雞+牛+豬, 下次再揀我唔會揀雞, 好鞋個醬就唔錯其實整體都係唔多ok....應該唔會再有下次!!!! 因為最主要o既海南雞令我太失望喇~~~

第一次去好時,一入到去見到好多人食海南雞,我又叫埋一份.一個海南雞飯36蚊,有碗湯,一碟雞,一碗油飯.個雞湯好夠味好好飲.碟海南雞真係食左一件已經唔想再食,一d味都冇,連雞皮都食埋都唔夠有任何味道.(我係街市買隻雞烚左佢都仲好味過佢)個油飯ok,唔太油,但都唔太香.係好時真係千其唔好收海南雞飯,真係好難食

三個為食+養了共三隻為食貓的designer午餐聚會，選址聞名已久的尖東好時沙嗲。三個人一點三個字點了半邊海南雞($65)+三碗油飯($9)+炒蘿蔔糕($?)+牛丸粉絲湯($2x)。海南雞普入口，驚為天人的滑(最滑的被我夾中)，三款醬汁亦美味，不禁脫口而出說...'比勝利小廚更好，'可是細嚼之下我就想收回此言.....因為雞肉毫無味道，沒有雞味，沒有其他味道，只有雪味......油飯是不錯的，既香而油恰到好處。炒蘿蔔糕獲得一致好評，以蛋花蝦仁為佐料，香口而不太乾身，保留蘿蔔糕入口即溶的口感。有的食友可能比較喜歡乾身的炒蘿蔔糕，所以各有意見。牛丸粉絲湯，前兩道菜味道較濃，正好清清味蕾。牛丸如我所料是一般貨色，這裡不是德發，就別要求甚麼。談話內容比雞肉有味道。用完午餐，大家都捧著腹子，除了吃得飽飽，亦滿腹大計。大家加油!

今日同女友特登黎食lunch..叫左兩個海南雞飯...半打串燒,,仲有魔魔渣渣...海南雞飯35$,,雞不錯^^ 最欣賞就係個醬,,好正,,,不過d飯就覺得一般..唔夠香..." 沙打串燒,,,差*! 雖然平,,,不過,,真係唔係好得,,好似肉乾咁..魔魔渣渣...比較甜..xd"總括而言: 有d失望...不過兩個人賣單150$,,叫做經濟實惠啦..xd*

其實都唔係好難搵o者...我地2個人一去就搵到啦~!!我地7:45到左...點知原來好多人訂左7:30...我之前睇openrice都冇話可以訂位既...咁...所以冇啦啦就要等左半個鐘...好彩都俾個window位我地...^^等都係值得既!!我地叫左... 海南雞飯唔唔...d雞皮真係好滑好軟身喔!!!<---因為本人超愛食雞皮...呵呵但係d雞肉就唔係太特別...整睇黎講...本人覺得d雞真係冇咩雞味...又唔咸...但係佢可以"點"果3隻醬汁就幾好味~!!紅色果隻都幾辣下...濃醬油就幾甜不過一d都唔咸..蔥油就好似wasabi咁既樣,但係其實個味就一d都唔似wasabi味, d薑絲好幼..唔會影響隻雞的滑度...而且唔係太油的感覺!! 叻沙好濃既椰汁味...一d都唔辣...好香...好有咬好同d味都幾好食...係我今次覺得最好食的菜式...不過唔知點解d蝦好似感覺到有d殼咁...不過見又見唔到...如果d蝦可以爽d就好正啦~ 炒蘿蔔糕好有鑊氣..香口..超濃味..唔係太乾身...有少少黏口的感覺...因為可能已經食晒之前果兩樣主菜..冇野送住黎食...所以咸左d...

7點到,見到仲有好多空位,但呀姐話俾人訂左喎~ 我地兩個人,等左10分鐘左右就有位~叫左海南雞飯:雞無骨,好滑,但雞皮好厚,肉好似變得好少咁囉~油飯,食第一啖覺得有怪味,我初時意為係咁嘅味,但朋友亦提出d飯有"縮"味, 話俾個呀姐聽,佢亦願意換過碗,不過我地怕換過碗都係一樣,所以我地轉左碗白飯~~ 串燒半打:雞牛羊,唔"un",不過最好味係個醬汁呀~辣通菜:都唔辣嘅,幾好食,但略咸呀~炒蘿蔔糕: 係我地叫嘅野食中係最好味嘅,甜甜地,雖然係有d油膩,但好有鑊氣,又惹味,有d蛋絲,蝦,咁,點埋叫呀姐俾嘅辣油,好正呀~~環境好一般,座位比較迫,有時搵唔到d呀姐咁,但態度都ok架~~下次黎一定要試下咖喱牛腩同埋炒蟹,見鄰枱好似幾好食咁喎~p.s.我想問下,究竟個油飯嘅"縮"味,係真係呢間鋪獨有嘅特色,定係.....因我見到鄰枱食哂d油飯都好似唔覺有問題咁......而我o係第二d食店食過嘅油飯係唔會有"呢隻"味架......

呢日行尖沙嘴,早聽聞呢間野好食,於是轉了9條街才找到.入到好時中心以為行錯左,這麼冷清的商場會有好野食? 在大廳看過地圖知道在一樓,上左一樓找半天才知道原來在角落里.下午4點半,大把座位.找個沙發位坐下(舒服) 來這裡好像必吃喇沙,我也不示弱,首先點個來嘗嘗,而我朋友就點了個串燒飯.喇沙味道果然不錯,尤其是湯底特別夠味,配上粉絲和豆芽一起吃別有一番風味.串燒味道麻麻,不過那個燒蝦味道不錯,地醬汁入味. 本來還想吃炒蘿蔔糕的,問過老細知道是一碟,怕吃不完,所以沒再要.

Went to have dinner at this restaurant ytd night with my gf, i thought there wont be so many ppl but when we arrived theres so so so many ppl and we had to wait for an hour to have a seat. We ordered fried "lor bak gou", Rojak and a beef tendon vegetable pot. The fried lor bak gou is really really good, it has very strong curry powder taste very tasty, its been fried with some spices and fried eggs which makes it very good, The surface is a bit burnt which makes it crispy and its very soft in th

知道呢度多人, 但始終係第一次來.一行入好時中心, 咦, 冇人既, 係空城黎?當時已7:30 來到, 上了一樓, 看看地圖, 才知道原來要行到去角落頭.行到一半, 開始聽到人聲, 到轉角, 嘩, 係勁爆多人, 坐到出走廊咁勁!!!但只需要等3張飛, 都偷笑了.五分鐘便到我們了.由於門外已貼了大量報紙雜誌介紹此餐, 再加上之前已 study 了 openrice, 一坐下馬上叫了海南雞飯, 炒蘿蔔膏, 咖哩牛腩, 及薄餅!o下, 30秒已上咖哩牛腩及薄餅, 30秒後再上埋海南雞 ?!?!?!快過麥記, 唔係講笑!咖哩牛腩+薄餅真的好味, 係好食到, 好食到.... 女友竟然偷食了我1/3 塊薄餅!但是, 咖哩看似辣, 但其實係完全唔辣.如果有少許辣便好了. 會好配合呢. 海南雞飯凍了少許, 但仍好正, 新鮮 (鬼咩, turnover 咁高, 估日賣千碟都唔奇.....), 飯好食, 一句講晒, 必叫菜色.炒蘿蔔膏最後才上, 係好熱的剛炒起. 勁香.但只得兩隻虾. 看似係辣的但竟是甜的. 略濃味, 幾咸. 我用左黎送飯. 下次試巴東牛肉先, 好像好好味.$150有找, 超值.8點已食完!

夜晚去食..仍然甘多人...好彩好快就有位..又叫左海南雞飯..一個字: 正 !雞依舊甘滑,滑到會冼走..x ]飯香香雞油味..硬硬地甘..仲之十年如一日...係開飯之選~

睇左食評咁耐, 終於有機會親身黎試下6點約埋爸爸媽媽同男朋友約係好時中心樓下等,之後搭一層電梯轉下彎就搵到好時沙嗲,未算難搵.6點既時候鋪面只有幾枱客人,環境尚算可以,幾有星馬風味.坐低之後望望餐牌,其實早已打算叫這裡的招牌菜式,不用多想. 海南雞飯海南雞飯賣相不錯,一份份很整齊有條理.三種醬汁未見特別,無骨雞很滑,但雞味不夠.反而個人最欣賞雞油飯,飯粒硬硬的最討我歡喜,而且飯香叫我開胃. 叻沙叻沙賣相不錯,橙紅色湯底望落有點辣,但食落發覺沒有半點辣,反而很香椰汁味道,魚蛋豆卜蝦亦不錯.每人夾一碗已很足夠,吃得多反而會覺得有點漏,因為湯底稍結 香葉包雞一般香葉包雞會把入面的雞肉先炸,但是這裡是先包著雞後炸外穀.男朋友幫我拆開香葉,看著他把香葉拆下也相當容易,沒有裂開一折折的現象.一啖吃下雞肉,很軟很滑很淋,沒有鞋的感覺.陣陣黑椒香味不算太辣反而很香,點少少沙嗲汁吃感覺不錯. 串燒 (6串: 雞牛羊)雞牛羊各兩串,可以接受.沙嗲汁幾好味,但不算十分特別. 辣通菜一點都不辣,通菜很幼身,反而我個人覺得大通菜會比較爽口.通菜配以一粒粒蝦米,幾好味,但係食到底既時候有d咸. 咖喱牛腩第一碟上菜

我地叫左海南雞 - 好滑...但無雞味串墝 - d醬真的好美味肉骨茶 - 好似去新加坡食果隻味喇沙 - 不會再試total $198-總結 : 以這價錢吃到這一餐,真的是不錯