好到底麵家

營業中

休息中

go here for lunch today, ordered1)蝦子撈麵+蠔油-麵冇鹼水味,但唔能講彈牙,湯底有魚味,not bad. since haven't tried other shops'蝦子撈麵, therefore can't really position this one2)水餃蝦子撈麵+蠔油-水餃皮is a bit rough,different from the normal thin and smooth type.味道not bad but the shrimp and pork inside looked over cooked3)雲吞撈麵-雲吞細粒,味道ok but not impressive4)淨水餃-comment as above5)油菜-cabbage : ok

星期日參加了OR的活動，因太早到達元朗(未夠鐘食晚飯)，便自已一個入四處行行，行到這食店，想起這裡的雲吞麵都幾好，便入來食返碗。一入去便看到很多人在等位，好在一個人都比較容易找位。坐下後，因之前未食過這裡的水餃，所以叫了一碗雲吞水餃麵。雲吞細細粒，是喜愛的大小，餡內的豬肉、鮮蝦仁,混合的比例剛好，加上湯底的大地魚味，真係非常出色。水餃和平時食開的形狀有點不同，是比較偏平，但味道和雲吞相比，就沒有這樣討好了。麵的質地很煙韌彈牙，鹼水味也唔算太濃。真係幾出色，如不是之後還要晚飯，一定食多一碗。相併價錢比較貴，下次還是淨食雲吞麵吧了！

各位........可能雲吞係好到底既出名野...但係果道既水餃先係最好食!!!!!!!!!【唔明點解d人會食牛腩= =】lei樣都係我阿媽教我食的*果道既水餃唔同平時...皮唔同...料唔同..真係好好味!!大家真係要試下!!!!放棄雲吞吧=０=*麵加埋辣醬真係好好味...

星期日同老婆去元朗行，本身想食米線大王，好多人等，我地又唔想等，就再行下，見到元朗好到底，聽聞口碑唔錯，就試下。好多人，店裡好黑，我地叫左:1. 雲吞麵- 雲吞好細粒，味道都唔錯，好細碗，麵好味，但湯底就冇味。2. 牛腩麵- 牛腩好味，都係好細碗，湯底一樣冇咩味。總體都唔平，沾仔記好味又平得多，講緊元朗同中環既分別喎。

唔知大家有無發覺佢地d 雲吞係用大粒蝦米做的, 食個時硬硬的, 以前其實都唔係成日食, 最近食過兩次都發覺點解雲吞用蝦米用既呢, 唔知大家有無發覺的?

今日同家人去了元朗,才知道這家出面只賣麵餅有一家老字號迄立數十年,本著好奇試一試.很舊式傳統的裝潢,地方很旺,但保持整潔,還是玻璃底下一張餐牌,感覺很是古老,太多人要跟別人搭木台點了雲吞麵($15)和牛腩麵($17),份量較細碗,味道很一般,不見得特別出色,但麵底較出面爽口一點.服務方服,我見阿姐可能忙,態度不很好

雖然我嚮元朗附近返工,但係食晏都唔會特登去"好到底"試吓佢啲馳名嘅蝦子撈麵.不過因緣際會,我同阿K有一日入到嚟元朗食免費盆菜,於是有機會一試蝦子撈麵.環境:保留咗昔日嘅風貌,都幾得意.舒適度就梗係冇宜家啲餐廳咁有梳化坐啦咁好啦.味道:蝦子撈麵原本要撈埋蠔油先至可以將整碗麵發揮得淋漓盡致.啲麵十分彈牙,咬落隱約聽到麵條折斷嘅聲音.但唔同韌嘅感覺.蠔油將蝦子嘅香味恰到好處咁帶咗出嚟.食完後牙齒中仲依希有蝦子嘅香味.抵讚.其他麵就普通咗啲.唔需要長途跋涉去元朗食.服務:一般啦,傳統中國店舖經營方式.抵食:蝦子撈麵差唔多成三十蚊一碗,抵唔抵就見仁見智喇.我就覺得okay.衛生:雖然話係舊舖頭,但係都好企理.

專程去元朗吃麵,只因多次都是幫襯韜韜,肚皮沒有吃麵的空位.當然要叫招牌的雲吞麵了,三點幾,坐滿了人,都是街坊裝束的,有在座客說己吃了幾十年.店內烏燈黑火,木卡位陳舊,可見已歷盡滄桑,當中幾張圓枱,人人都要搭枱.五分鐘左右麵來了,份量很少,麵在上,雲吞在下,找遍沒有辣椒油,只有辣椒醬,一試無妨,也不錯,麵沒有梘水味,不算爽,也不滑,再試湯,很鯹,一定有魚煲的,有少許味精,可接受,雲吞是很小的一口哂士,虾很小型,沒鮮味,也不爽,有少許肉味和大地魚味,感覺很普通,兩口便把麵吃完,幾口也把雲吞吃完.感覺嗎?絶對不值得專程去試,太平凡了,目下的店子,如永華,麥奀記,麥文記,劉森記等,每一間都比他好得多.

細個家人就帶我來吃喇~因為最怕麵有鹼水味..次次都係食河.. 但係度叫左一次麵之後就次次都叫雲吞麵喇~d麵冇鹼水味好好口感tim!湯底未至於好淡,對我黎講o岩o岩好有鮮味,仲有最愛就係呢度的辣椒醬,感覺同辣椒油完全唔同好正,試過好多隻都搵唔返呢隻味道,最衰冇得買走。雲吞細細粒好好味,加埋呢度辣椒醬好正。呢度的環境保留以往的樣子,一貫老元朗,老木檯、老木椅、舊鍾擺\設、樓上雅座,裝修唔會話有d咩時代感,別人可能覺得好老土,但我就好喜歡呢度的雲吞麵,仲有呢度的環境,係o個d咩潮式粉麵完全搵唔到呢種感覺同味道!!不過呢度的麵分量唔太大,細食的就ok,通常兩碗先夠飽~食開有鋪癮,一個月總要去一兩次先安落

伙計~唔該一碟蝦子撈~好~即到耐心地等......................約六分鐘一碟蝦子撈就放係我面前啦~麵:唔會有鹼水味一大堆既蝦子好有咸香,加多加幾粒蔥做個陪襯,廿幾蚊,抵到爛啦~cc麵不到十分鐘已經入晒我個肚啦..唔係好夠飽,黎多碗剩雲吞啊靚女不過雲吞都唔係弱野.細粒得黎又幾有咬口..但係d湯好淡..哇有出動我的絕招!落幾匙辣椒油落去爆一爆佢..話咁快幾粒雲吞盡數入埋我個肚嚕埋單50蚊有找,老到底,下次再黎搵你啊!出發,買埋老婆餅番去孝敬阿媽先

前前後食過兩三次，兩年半前食第一次，冇甚驚喜，麵不爽口彈牙（只是街頭的二、三流水準），湯不鮮甜（可以用惡劣形容），雲吞也未到水準（雖然一口一粒，但包得鬆散，未係專業），總括來說，要和麥奀、正斗之流比，還有很遠距離，老實講只屬街頭爛貨貨色，其特出之處只是蝦子出名，但其實只要「六」麵時不要「六」到淋爛，求其撒一大堆蝦子上去都會好食，沒有甚麼技術。整體唔得。第三次去食，叫了碟油菜，撒上去的菜好惡劣，係已壞了的油，好強油「益」味，湯麵上的油都一大陣油「益」味，好難食，油一旦壞了，會有致癌物質。我雖然住元朗，都算近呢間嘢，自從食完最後一次，我已黑名單了這間店子，從未再光顧。在我眼中佢只屬街頭爛貨，求其一間粉麵店都係咁上下水準。黃枝記我都認為唔掂，但同呢間嘢比，我寧顣去黃枝記好過。要我再幫襯好到底，可能只有一個原因，就是買蝦子（但我未買過）。

住左元朗年幾，先o黎食好到底；係遲，總好過無...^^"　同男友叫左一碗雲吞麵、一碗牛腩麵~ 一直聽講依度o既蝦子麵係神髓所在，試一啖，係唔錯，不過又唔會令我留下好深印象喎~ 細時食過o既男友話係水準下降左，唔知lu~ 我反而鍾意佢d雲吞，size細細粒，味道卻唔比街上大大粒o既輸蝕，幾好~ 牛腩就普通冇乜特別~ 　價錢平，不過份量都細；舊式茶餐廳環境o既好到底，食過，卻沒有愛上~

今日一早要到元朗開工, 天寒地凍, 一落車馬上食番碗雲吞麵做早餐.麵看下去沒有透明感, 正有點失望, 但吃起來其實很彈牙, very good! 一碗麵有五六粒雲吞, 蝦新鮮但不是最爽那種, 有點家庭式風味, 雲吞皮也沒有鹼水味, 難能可貴. 湯較淡, 但總比味精水好, 吃完起碼舒舒服服. $15, 值得再試!

上星期於秋高氣爽日子入元朗郊遊後，不忘好食，醫肚第一站去「好到底麵家」食蝦子撈麵、淨雲吞、油菜......等，久遺了的蝦子撈麵並無失準，仍然係頂呱呱，這裹的蝦子唔會有過期油"憶"味(聽聞係自家製)，買相就好似意式蛋糕Tiramisu面上之朱古力粉粖洽到好處舖滿於爽身之蛋麵上；蝦子同麵撈埋一齊，一啖入口零舍不同！至於第二位置雲吞也有蝦子在內，外邊麵店好難到食。仲有我幾鐿意坐樓上，由其當你步行上去時，留意一牆身之磁磚及在牆身之「樓上雅坐」時；係咪好有王家偉拍部花樣年華feel。

同媽咪落親元朗大多數都會去好到底食野,我指定食雲吞麵,媽咪就食雲吞粗麵,另外會叫多個淨雲吞...我最喜歡佢地d雲吞一口一粒,麵都好爽"正"呀!!但佢湯底好重味精,食完成碗麵好口渴